دى سلسلة حلقات سميتها " مصنع مصر " بشرح لكم فيها معظم ما يتعلق بالعمل فى المصانع من أول ما ندخل من باب المصنع لحد ما نبقي كيميائيين - أخصائيين زى ما الكتاب بيقول والحلقات هتبقى مركز خصوصا على الخريجين الجدد أو الطلبة اللى لسة بيدرسوا فى الكلية و حابين يستفيدوا.
بسم الله
الرحمن الرحيم
أولا هنبدأ الحاجات العامة اللى تهم كل الناس اللى
شغالين فى كل المجالات فى المصانع المختلفة ثم هنبدأ نتدرج شوية شوية لحد ما نوصل
للكورسات لبعض التخصصية اللى تهم كتير
مننا بردو و هحاول على قد ما اقدر اشرح فى كل حلقة بمثال عملى موجود و الناس
شغالين به علشان نقرب الكلام النظرى أكتر.
الحلقة الأولى
أى صناعة يا شباب بتقوم على 3 أعمدة رئيسية هم أول حاجة المفروض نعرفها بعد ما نمضى العقد و نستلم الشغل :-
1- الأساس العلمي Scientific Principle للصناعة
:- اللى أنا هشتغل فيها مين اللى اخترعها و اخترعها ازاى و اية النظرية
اللى الصناعة دى بتطبقها و أجمع كل المعلومات و المعادلات و القوانين اللى قدامى
عن النظرية دى و اذاكرهم كويس علشان دة ألف باء شغل.
2- العملية التصنيعية Manufacturing Process :- و اللى من
خلالها أعرف ازاى النظرية بتاع الاساس العلمى تم تطبيقها على ارض الواقع و اية
مدخلاتها و مخرجاتها يعنى A + B = C + D ... حيث A & B هما
مدخلات الصناعة أو المواد الخام اللى هتعطيني المنتج
بتاعى C & D فى النهاية بعد المرور بعمليات كيميائية أو
فيزيائية أو الاثنين معا لتحسين خواص المدخلات ( معالجة المياة ) او تحويلها من
شيء الى شيء آخر ( صناعة الكيماويات ) أو تعديلها شكلها و خواصها ( صناعة الحديد و
الصلب ) أو تبسيطها الى أجزاء ( صناعة تكرير البترول ) الخ ... للحصول فى النهاية
على المنتج النهائي المرغوب حسب الصناعة القائمة .
أهم حاجة فى المرحلة دى يا شباب هى التوصيف الجيد و الدقيق جدا ل 3 جاجات :
1. المواد الخام أو المدخلات :- لازم أعرف
المواد الخام دى طبيعتها اية و بتتصنع ازاى و هل فيها مركبات أو أشياء لو اختلطت
بالمنتج بتاعى أو حتى مراحل التصنيع هل هتأثر عليها و لا لأ و هل لها بدائل فى
السوق أقدر اعتمد عليها بردو ولا لأ و هل المورد بتاعها معتمد عندى ولا مواد خام
مجهولة المصدر و هل بتتصنع عند المورد زى ما هو مكتوب على ال Label
الخارجى بتاعها و هل بيجي معاها شهادة Material Safety
Data Sheet MSDS تحدد لى تركيبها و مواصفاتها الفيزيائية و
الكيميائية و احتياطات السلامة اللى لازم اتبعها و انا بتعامل معاها اية و هل ليها
شروط تخزين معينة من درجة حرارة و رطوبة و تهوية و خلافه و تاريخ صلاحيتها واسع و
يخليني أقدر أخزن منها كيمات كبيرة ولا مدة صلاحيتها صغيرة هتخليني أجيب على قدى
فقط علشان مخسرش فيها و أقعد أسأل نفسي أسئلة من النوع دة.
2. العملية التصنيعية و مراحلها :- و المرحلة دى
بتتطلب منى توصيف كل خطوة بقوم بيها من أول دخول المواد الخام الى خط الانتاج
لغاااااية ما تخرج عندى على هيئة منتج و اصنف المراحل دى هل مراحل فيزيائية مثلا
زى الطحن أو الخلط أو الفلترة أو التسخين او الصهر أو الضغط و كل مرحلة من دول
لازم تتصنف و تتوصف بدقة من حيث الزمن و الكميات و الماكينات المستخدمة الخ ... و
لا مراحل كيميائية زى مثلا بضيف A على B
فيدينى C و دة مرحلة فى التصنيع و أقوم أحط عليه D و
معاه Catalyst عامل حفاز علشان يدينى E اللى
فى النهاية بحط عليه F علشان يدينى المنتج النهائي بتاعى و بردو كل
مادة بحطها على مادة تانية لازم اوصفهم توصيف دقيق من حيث مدة التفاعل و ظروفه و
هل المواد دى صلبة ولا سائلة ولا غازية و هل هينتج عنها مركبات ثانوية هقدر أستفاد
منها ولا هتأثر لى على انتاجى و تخسرنى و هكذا ... كل خطوة بعملها لازم أعرف
بعملها ازاى و لية و كل الخطوات دى ببدأ اصفيها و انقحها و ارتبها علشان فى
النهاية يطلع لى حاجة بيسموها Standard Operation Procedures SOP و دى
هى الخطوات القياسية للصناعة اللى انا شغال فيها و اللى لو أنا طبقتها بالظبط
هتديني منتج قياسي على أعلى درجات الجودة و مفيش أى شركة الا و الكلام دة لازم
يبقى موجود فيها.
واخيرا خرج ليا المنتج بتاعى أبدأ ادرسه و
أعرف بردو خواصه الفيزيائية و الكيميائية و احط له تاريخ صلاحية بناء على تجارب
بعملها عليه و أشوف بيتأثر بإية من العوامل الخارجية و أشوف هعمله تعبئة فى اية
ولا بيتباع مش معبأ و هل بيستخدم كمادة خام فى صناعة تانية ولا هو آخره من عندى
للجمهور على طول و أبدأ ادور له على طريقة تخزين و أشوف كلفنى قد اية على ما خرج
لى فى صورته النهائية و أشوف هسوقه ازاى و اقعد أسأل نفسي الأسئلة دى ... و طبعا
الشركات اللى بنروحها بتبقى خلاص جهزت الكلام دة كله من أول ما قامت فى السوق بس
أنا بقولكم على اللى بيحصل علشان تبقوا عندكم علم.
3- البحث و التطوير Research and Development :-
ودا أنا شايف أنه أهم عماد من اعمدة اى صناعة لأن الهدف منه هو العمل على تحسين جودة المنتج بإستمرار و ابتكار طرق جديدة و بسيطة و غير مكلفة للحصول على منتج نهائي بأعلى و أفضل المواصفات و مطابق للمعايير الدولية و المحلية و دة معناه انه هيرتبط ارتباط شديد جدا بالاساس العلمى للصناعة لأنه هيقوم على تطوير النظرية أو أضافة أو حذف خطوات منها بحيث لا تؤثر على عملية التصنيع نفسها و توفر لى التكلفة و تزيد فى جودة المنتج.
ودا أنا شايف أنه أهم عماد من اعمدة اى صناعة لأن الهدف منه هو العمل على تحسين جودة المنتج بإستمرار و ابتكار طرق جديدة و بسيطة و غير مكلفة للحصول على منتج نهائي بأعلى و أفضل المواصفات و مطابق للمعايير الدولية و المحلية و دة معناه انه هيرتبط ارتباط شديد جدا بالاساس العلمى للصناعة لأنه هيقوم على تطوير النظرية أو أضافة أو حذف خطوات منها بحيث لا تؤثر على عملية التصنيع نفسها و توفر لى التكلفة و تزيد فى جودة المنتج.
دول أنا ككيميائي أو فيزيائي أو أى تخصص مننا مش
هنمر عليهم كدة مرة واحدة لالالا دول بنمر بيهم على مراحل زمنية و أغلبنا بيفضل فى
تانى مرحلة لأن مرحلة البحث و التطوير هى أعقد مرحلة فيهم و لو أنا شغال فى
شركة International يبقى
حتى محلمش بيها بس سهل قوى أعرف هما بيعملوا اية عن طريق ال SOP Update اللى
ال Mother Company
بتبعته للفروع بتاعتها اشوف دخلوا اية جديد أو اختصروا اية من الاصدارات
القديمة و هكذا.
دة كدة كان نبذة مختصر جدا عن ازاى أقدر أنشيء
صناعة أو اية اللى أنا لازم أعرفه و أنا بحط أول خطوة ليا جوة مصنع.
التمرين العملى هيبقى ان شاء الله فى الحلقة اللى
جاية على صناعة معالجة المياة و ازاى أقدر أوصف كل خطوة فيها و اطبق الكلام اللى
فوق دة عليها و دة بحكم انى شغال في معالجة المياة .
باقى حلقات مصنع مصر
الحلقة الأولى من سلسله حلقات مصنع مصر
رابط الحلقة
الحلقة الثانية من سلسله حلقات مصنع مصر
رابط الحلقة
الحلقة الثالثة من سلسله حلقات مصنع مصر
رابط الحلقة
الحلقة الرابعة من سلسله حلقات مصنع مصر
رابط الحلقة
الحلقة الخامسة من سلسله حلقات مصنع مصر
رابط الحلقة
الحلقة السادسة من سلسله حلقات مصنع مصر
رابط الحلقة
الحلقة السابعة من سلسله حلقات مصنع مصر
رابط الحلقة
الحلقة الثامنة من سلسله حلقات مصنع مصر
رابط الحلقة
الحلقة التاسعة من سلسله حلقات مصنع مصر
رابط الحلقة
الحلقة العاشرة من سلسله حلقات مصنع مصر
رابط الحلقة
الحلقة الحادية عشر من سلسله حلقات مصنع مصر
رابط الحلقة
الحلقة الثانية عشر من سلسله حلقات مصنع مصر
جزاكم الله خيرا
ردحذف