بمناسبة ان اليومين دول موسم دخول الجيش دول 40 نصيحة مهمة و حاجات تجيبوها وانتوا رايحين مركز التدريب وربنا معاكم ، انتوا داخليين على ايام صعبه 

قواعد دخول الجيش الاربعون

1. فلوس مش اقل من 600 جنيه .
2. ادوية للبرد - الكحة - الامساك - الاسهال - استحلاب للزور -الصداع - مرهم للكدمات - مسكن
3. 3 اقفال كومبيوتر يكونوا نضاف عشان ميتكسروش و يكونوا حجم متوسط بلاش الكبير عشان مش هينفع
4. غيارات داخلية وبودرة رجلين ومزيل عرق
5. ممكن تاخد معاك موبايل صغير من غير كاميرا تخليه معاك بحيث لما تترحل تطمن اهلك بس اول ما تترحل مركز التدريب و يقولوا اللي معاه موبايل يسلمه في الامانات سلمه عشان لو اتقفش منك في التفتيش هيتكسر قدامك ,, الميزة هنا ان لما تيجي تمشي من مركز التدريب و رايح القوة الاساسية بتاعتك هيبقي معاك الموبايل و تقدر تسلكه بقي بس بالطريقة
6. لما تيجي تحلق احلق علي 1 او نص مش اقل عشان متبقاش زي المساجين ولا اكتر عشان متضطرش تحلق في الجيش بالمكنة بتاعتهم
7. فرش جزمة طبي هتلاقيه ب 10 جنيه تقريبا من عند اي ورشة جزم هيفيدك عشان البيادة ناشفة
8. مكن حلاقة علي قد ما ربنا يديك و بلاش جيليت بلو 3 مش هتنفع معاكوا خليكوا في جيليت بلو 2 و هاتوا الكيس الكبير تقريبا هتحلقوا مرة كل يومين لو دقنك خفيفة و لو تقيلة كل يوم
9. يستحسن لو فووم حلاقة او جيل عشان تنجز بدل كريم الحلاقة و الفرشة و هات افتر شيف عشان التهابات بعد الحلاقة
10. فرشة سنان و لو مش بتغسل سنانك هتغسل في الجيش ومعجون بقي عشان فرشة السنان
11. معلقة و دي حاجة مهمة جدا عشان الاكل و دايما حافظ عليها و سيبها في جيب الافارول عشان متنسهاش لو دخلت الميس (المكان اللي بتاكلوا فيه) من غيرها هتضطر يا تقوم يا تاكل بالكارنيه
12. خرطوم متر عشان الحمام بس لو عايز الاحسن لان احيانا بيمنعو دخول الخراطيم في شطافة بتتباع عشان الناس اللي بتسافر اسمها فريش باز سعرها 110 جنيه موجودة في الصيدليات الكبيرة هتنفعك خصوصا لما تكون المية مقطوعة و دا العادي يعني بس خليها دايما مليانة و خلي معاك ازازة مية شايلها للاستخدام في الحمام في دولابك و متقلقش محدش هيقول عليك فرفوور لان في الاغلب هيفكروها زمزمية
13. ليفة عشان تستحمي وصابون و صبانة بغطا و شامبو اكياس عشان تستخدم مرة و ترميه وقصافة واكياس اريال الصغيرة عشان هتغسل بأديك هناك
14. 
    
15. لو بتعرف كومبيوتر اول ما تروح دور علي العساكر بتوع الكومبيوتر و اتصاحب عليهم عشان ياخدوك معاك المكتب لان المكاتب اريح مكان في الجيش
16. 3 اربطة جزمة بيج عشان لو رباط البيادة اتقطع وفوطة و سيبك من الفوطة اللي هيسلموهالك
17. ممكن تاخد معلبات بس مش كتير و ممنوع تماما الاكل العادي طالما مفيش عليه صلاحية مش هيدخل وكمان هتحتاج يبقي معاك سندوتشات كتير عشان يوم الترحيل طويل تقريبا اطول يوم ف جيشك
18. البس حاجة مريحة و انت رايح يوم الترحيل عشان هتقعد كتير و حافظ عليها عشان لو نزلت اجازة في مركز التدريب
19. شريحة خط موبايل و تكون مشحونة عشان لو عرفت تسلك نفسك و تقفش موبايل من عسكري قديم تتكلم منه لو معرفتش بيبقي في كباين يتليفونات و بيتباع كروت شحن بتاعت مرحبا بس احتياطي تقدر تشتريه من اي سنترال المصرية للاتصالات بيبقي ب 10 جنيه
20. ممكن تاخد معاك موبايل صغير من غير كاميرا تخليه معاك بحيث لما تترحل تطمن اهلك بس اول ما تترحل مركز التدريب و يقولوا اللي معاه موبايل يسلمه في الامانات سلمه عشان لو اتقفش منك في التفتيش هيتكسر قدامك ,, الميزة هنا ان لما تيجي تمشي من مركز التدريب و رايح القوة الاساسية بتاعتك هيبقي معاك الموبايل و تقدر تسلكه بقي بس بالطريقة
21. لما تيجي تحلق احلق علي 1 او نص مش اقل عشان متبقاش زي المساجين ولا اكتر عشان متضطرش تحلق في الجيش بالمكنة بتاعتهم
22. لو كباين التليفون علي طول عليها ناس و مش عارف تتكلم استني لما كلو ينام و اصحي الساعة 1 او 2 و اتصل براحتك
23. اما تروح وحدتك الاساسية اول حاجة تعملها تسأل العساكر القديمة عن كل حاجة ماشية ازاي في المكان بتاعك عشان تبقي عارف تعمل ايه
24. كشاف صغير عشان الدنيا بتبقي ضلمة بليل في العنبر بيتباع ب 2.5 في المكتبات وساعة يد تكون بتنور بردو عشان كل حاجة هناك بمواعيد
25. شرابات و نصيحة بلاش تلبس الشراب الميري ولا يووم و الاحسن لو شراب كوتينيل تقيل و طويل عشان رجلك متتعورش في البيادة
26. شبشب و يفضل يكون كروكس مقفول من الجناب عشان لو الحمامات فيها مية ع الارضية ولا حاجة
27. نصيحة بقي للي لسة هيقدم و لسة مراحش كشف طبي لو طلعت بعد الكشف الطبي مكان اسمه الانتقاء و التوجيه هيسألوك انت فيك حاجة قولهم اي حاجة عشان مياخدوكش عشان دول بيودوا علي حرس حدود و صاعقة و قوات خاصة علي طول
28. لو عندك شكوي طبية حقيقية متفقدش الامل و متتكسفش عشان في ناس بتطلع ف افضل اعمل تظلم و متكسلش
29. متخليش اي حد يضايقك ف مركز تدريب لان دوسيهك بيكون مقفول .. و بتتحاسب اول ما تروح القوة الاساسية بس
30. لو انت بتدخن خد معاك 3 ولاعات و كمرهم عشان الولاعه هناك حاجة نادرة و غير كدا لو اتشافت بتتكسر و مش اكتر من 4 علب سجاير عشان الباقي هيتاخد
31. دوبارة تعلق فيها المفاتيح عشان هيدوك سلسلة بتجيب تنيا مع العرق
32. محفظة بسوستة تشيل فيها حاجتك و خليها دايما معاك في جيبك و متعرفش حد انت واخد معاك فلوس قد ايه
33. مراية صغيرة عشان لو الحمامات زحمة تعرف تحلق دقنك ..بس خلي بالك ساعات مبيدخلوهاش عالبوابة فحاول تسلكها وابقي ادخل الحمام بليل عشان مفيش وقت الصبح و هتلاقيه زحمة
34. لما هتدخل هتعرف مصطلحات جديدة زي ميس و كحوول و جيشك حلبة و مستجد و رديف و جراية و زريير و سيكا و اخر واحدة دي الاسم اللي بيطلع علي اي حد اجازاته مستريحة فمتخدش ف بالك
35. قبل ما تروح هتبقي واخد فكرة ان كل الناس اللي هتقابلهم حرامية و كله بياكل في بعضه دي مش حقيقة بس بردو تاخد احتياطك و اوعي تسيب حاجتك برة دولابك
36. هتقابل ناس جدعة جدا و من كل حتة و هتبقوا صحاب بدون مصلحة و انتوا ف مركز التدريب فبلاش تاخد جنب و متعرفش حد بس بردو اختار اللي تقعد معاهم و خلي المقياس الوحيد الرجولة مش دا منين و دا مؤهل ايه
37. بلاش تشيل كذا شنطة و انت رايح مركز التدريب عشان هتبقي مش عارف تشيلهم ولا تشيل المخلة ولا تشيل البطاطين
38. لو داخل الجيش في الشتا ابقي هات معاك دفاية تحطها تحت البطاطين بتاعة الجيش عشان البطاطين مبتدفيش لوحدها
39. هتلاقي دايما في حكاية ان في جن و عفاريت ف العنبر و الحمامات كبر دماغك دي حكايات
40. علاقتك بالتونة و الجبنة هتبقي علاقة مش هتتكرر بعد متخرج من الجيش فحاول تحبهم لو مبتحبهمش
41. وانت ف مركز التدريب بييجي مناديب من الاسلحة ياخدوا ناس ابعد تماما عن بتوع الصاعقة والمظلات والقوات الخاصة قولهم انك مكسح.

أكمل المقال

إزاى تشتغل من غير واسطة

 

هذا المقال هو وجهة نظر فريق الموقع عن موضوع هام وهو العمل من غير واسطة ومهم لكل طالب يضعه فى اعتباراته ، كل اللى مطلوب منك تفهم اللعبة بتتلعب إزاى وإزاى توصل من غير واسطه صح مش كلام على الهوا زى ما بيقولوا وبدون تطويل ندخل فى الموضوع.

أول حاجة لازم تبقى عارف إنه فيه 4 طرق للتعيين لأى شركة أو مؤسسة مش من ضمنها الواسطة:

1. التعيين من داخل الشركة – Internal Hiring:

حوالي 5% من التعيينات بتتم بالطريقة دي واللي بيحصل فيها إن الشركة بتعمل إعلان للموظفين بتوعها لو حد فيكم عنده المؤهلات الفلانية للوظيفة كذا يقدم عشان تديهم فرصة يطوّروا من نفسهم ويكبروا.

2. البحث المباشر:

دي بقى بتمثل حوالي 10- 15% بيبدأ شارلوك هولمز الشركه المعروف بـ “الـHR “ يبحث بنفسه عن أشخاص عندهم مؤهلات للوظيفة المطلوبة سواء على مواقع التوظيف الكتيرة أو موقع LinkedIn الشهير أو في اللى كانوا باعتين الـCV بتاعهم قبل كده.

3. الإعلانات:

اللي إحنا بشوفها بقى كل يوم دي في الجرايد ومواقع التوظيف وغيرها ودي كلها بتمثل من 20-30% بس.

4. نيجى بقى لمرحلة الوحش :

شبكة العلاقات أو بنقول عليها الـNetworking ودي بتمثل حوالي من 60-65% من إجمالي التعيينات اللي بتم في معظم الشركات.

• مبدئيا لازم نفرّق بينها وبين الواسطة اللى بتبقى مش معتمدة على الكفاءة وبيبقى فيها فساد ... في الـNetworking اللي بيحصل إن شخص في دايرة علاقاتك بيشوفك كفء للوظيفة الفلانية لأنه اشتغل معاك وعارف قدراتك فبيرشحك للمدير ، وبرضه المدير هو اللى هيوافق أو لأ.
• الـ Networking بتكون معتمدة أساسًا على المهارات الاجتماعية ليك والاحترافية في التعامل مع الأخرين.
• الـ Good Connection إنك تبقى عارف أشخاص ومعارف فى المجال بتاعك ومجالات تانية كمان.
• الـ Bad Connection إنك تعرف الناس بس عشان مصلحتك ، وتكون أناني ومستغّل للى قدامك.
• على عكس ال Good one فأنت بتتعرف على ناس وتشوف تقدر تتعاون معاهم إزاى ، وأكيد كل الناس عاوزة تفيد وتستفيد فزىّ ما بتطلب خدمات المفروض تقدّم خدمات فى المقابل.
• الـ Networking مهارة مش هتتعلمها ألا بالممارسة.
• Network everywhere سواء فى أى ايفينت تحضره أو عمل طلابي أو مؤتمر أو على النت أو فى أى عمل تطوّعي.
• مهم تعمل Personal Branding أو تسويق لنفسك ويبقى فيه ناس كتيرة خاصة اللي في مجالك عارفين إنك شاطر ومن أفضل الناس في المجال ده.
• Always ask for information and never ask for a position or a job لأنه لو شايفك أصلًا تستحق الوظيفة هيرشحك ليها من غير ما تطلب.
• متبقاش زنّان فى طلبك.
• خليك واثق فى نفسك إنت مش بتشحت.
• لو مساعدته وصلتك للي أنت عاوزه: لازم تحط فى اعتبارك إنهم مش مجرد مرحلة عابرة فى حياتك وطالما خلّصت مصلحتك منهم تختفى وخلاص ، دى عملية مستمرة طول الـ career بتاعتك ، ويا عالم هتحتاجهم إمتى تانى ، مينفعش تختفى مرة واحدة ، وفجأة تظهر لما تكون محتاج حاجة (متبقاش شبح) .

ها عرفت هتعمل إيه ولا لسه؟ مستنيين ردودكم ، دى مجرد وجه نظر.

أكمل المقال

مهارات عليك تعلمها قبل التخرج من الجامعة

ينشغل الكثير من طلاب الجامعة بالدراسة ، ويتناسوا أهمية تأهيل أنفسهم لسوق العمل ، حتى لا تضيع سنوات بعد التخرج في رحلة البحث عن وظيفة ، وهناك أشياء عليك فعلها أثناء الدراسة حتى تضمن الحصول على وظيفة متميزة في التالى.

اللغة

تعلم لغة إضافية أمر شديد الأهمية ، إذا كانت لغتك الإنجليزية غير جيدة، ابدأ تعلمها لأنها توفر لك فرص عمل أفضل، كما أن تعلم الإنجليزية أثناء دراستك بالجامعة يتيح لك فرصة أكبر لتعلم لغات آخرى بعد التخرج، كالألمانية والفرنسية. 

الخبرة العملية

لا تكتفي بالمحاضرات والكتب التي تدرسها في الجامعة ، فهي ليست كافية لتؤهلك لسوق العمل ، لابد أن تمتلك خبرة عملية في مجال تخصصك ، لذلك استغل وقتك في العطلات أو أثناء الدراسة لتنمية مهاراتك واكتساب خبرة تميزك عن غيرك ، تُضيف لسيرتك الذاتية. 

الدورات التدريبية

أحرص على تلقي دورات تدريبية سواء كانت قريبة من تخصصك أو لا ، وتأتي دورات الكمبيوتر على رأس الدورات التي يجب الاهتمام بها باعتبارها من المتطلبات الأساسية للكثير من الوظائف. 

يمكنك تعلم صيانة أجهزة الكمبيوتر أو أساسيات فى البرمجيات ، الجرافيك وتحريك الصور أو أي مجال تحب أن تتعلمه ، المهم أن تتعلم شئ جديد. 

أحتفظ بكتبك

أول أمر يفعله الطلاب بعد الانتهاء من العام الدراسي هو التخلص من كتب الجامعة وإلقائها في أقرب سلة مهملات ، لكن عليك الاحتفاظ ببعض الكتب المهمة التي يمكن أن تحتاج لها بعد التخرج، هناك مقابلات عمل تتطرق إلى ما درسته بالجامعة ، لذلك ستكون هذه الكتب مصدرا مفيدا لك، إذا راجعتها سريعا، قبل الذهاب إلى مقابلة شخصية. 

ملتقيات التوظيف

يجب أن تحرص على حضور ملتقيات التوظيف سواء التي تُقام بالجامعة أو خارجها أثناء دراستك ، لا تنتظر للتخرج لأنك ستتعرف من خلالها على مصادر وشركات وأشخاص جدد يمكن أن يوفروا لك فرص عمل فيما بعد، ستتعرف من خلالها أيضا على شروط ومتطلبات سوق العمل، سواء للوظائف المرتبطة بنخصصك أو تخصصات آخرى.

اصنع علاقات مع أساتذة الجامعين

احتفظ بعلاقة طيبة مع أساتذة الجامعة لأن ذلك سيعود عليك بالنفع أثناء دراستك وبعد التخرج ، ففي ظل هذه العلاقة، سيهتمون بأمرك، ويخبروك دائما بفرص التدريب التي توفرها الكلية أو الجامعة، من الممكن أن يساعدونك في الحصول على وظيفة مناسبة إذا أتيحت أمامهم الفرصة.

أكمل المقال

تسجيل الطلبه والباحثين بخدمة الباحث العلمى (Google Scholar)

 

ندعوكم لانشاء صفحة خاصة بكم على الباحث العلمى على موقع جوجل (Google Scholar)  ، حيث فى حالة إنشاء الصفحة يقوم Google  بإستدعاء الابحاث التى تم نشرها و الخاصة بصاحب الصفحة كما يمكنكم إضافة باقى أبحاثكم التى لا تظهر على الصفحة يدويا وبذلك تصبح امكانية الحصول على أبحاثكم من خلال شبكة الانترنت سهلة و ميسورة للجميع .

أكمل المقال

كيف تكسب مناقشتك مع الاخرين

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟ أوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟ أوهل شعرت يوما ان الطرف الأخر في النقاش معك خرج صامتا لأنه فقط يريدك ان تسكت وليس لأنه مقتنع بكلامك ؟

أكمل المقال

الأنشطه الطلابية (Student-Activities)

 

الناس التايهه واللى مش عارفه هيا رايحه فين وجايه منين الموضوع ده ممكن يسهلك الأمر شويه وحاول تنجز قبل الدراسه متدخل عليك (الشريحه المستهدفة للموضوع ده : هما الناس الجديده فى العمل التطوعى) "رجاءا : الناس القديمه اللى عنده إضافه ميبخلش علينا".

لو تلاحظ إن أى حد فاهم ﻻزم ينصحك بإنك ﻻزم تدخل أى نشاط طلابى فى جامعتك وأنا رأى الشخصى إن أى حد اتخرج ولم يلتحق بأى نشاط طلابى (فهو فاته كتير بس مش كتير قوى يعنى).

أكمل المقال

كيف تحلل شخصيه من تتحدث معه ؟؟

الفراسة عند العرب هي علم من العلوم الطبيعية، تُعرف من خلالها أخلاق النّاس الباطنة من النّظر إلى أحوالهم الظاهرة كالألوان، والأشكال، والأعضاء، أو هي الاستدلال بالخلق الظاهر على الخلق الباطن. وأمّا الإفرنج فيسمّونه بلسانهم " Physiognomy "، وهو اسم يونانيّ الأصل، ومركّب من لفظين، معناهما معاً قياس الطبيعة أو قاعدتها، والمراد به هنا الاستدلال على قوى الإنسان وأخلاقه من النّظر إلى ظواهر جسمه.

أكمل المقال

كيف تكسب شخصيه جذابه –علومنجى دوت كوم-

يصادفنا فى الكثير من الأحيان في حياتنا أناس يملكون علينا عواطفنا ، يتمتعون بشخصيات جذابة تؤثر فيمن يخاطبون ، وكل منا يتمنى أن يمتلك مثل هذه الشخصيات ، وبالطبع هناك مقومات أساسية لتلك الشخصيات وسنركز الحديث عنها في هذا المقال بشكل صريح وبدون أي تحفظات.

أكمل المقال