الفرق بين كلية العلوم وكلية تكنولوجيا العلوم الصحية (العلوم الطبية سابقاً)

بِسْــــــــــــــــمِ اﷲِالرَّحْمَنِ الرَّحِيم

انا كطالب مخلص ثانويه السنادى وهقدم انشاء الله كليه علوم ببقى عاوز أعرف ايه الفرق بين كليه العلوم وكليه تكنولوجيا العلوم الصحية (كلية العلوم الطبية سابقاً) ولا اصلا مفيش فرق؟  اظن ده سؤال اغلب طلبه الثانويه العامه سواء على علوم او علمى رياضه لذلك جمعنا لكم فى موقع « علومنجى دوت كوم » كل ما يخص الفرق بينهم ... اللى حابب يستفسر عن شئ يكتبه تحت بالتعليقات وان شاء الله هنرد عليه.

تطورات كلية العلوم الصحية

قبل ما تبدأ فى القراءة شاهد أحدث تطورات كلية العلوم الصحية

رابط المقال

ملخص للقرار

1. تغير مسمى الكلية من كلية العلوم الطبية إلى كلية تكنولوجيا العلوم الصحية التطبيقية.
2. تغير الدرجة الوظيفية للخريجين من أخصائى إلى تقنى.
3. الدراسة 4 سنوات فقط مع إلغاء سنة الأمتياز الأختيارية.
4. عدم تنفيذ التكليف لخريجى الكلية.

المسار التكنولوجي والأكاديمي

أولا نظراً لان كلية تكنولوجيا العلوم الصحية (العلوم الطبية سابقاً) كلية حديثة ، فقد لا يعلم البعض الفرق بينها كمسار تكنولوجى وبين كلية العلوم كمسار أكاديمى تخصصى.

الفرق بين كلية تكنولوجيا العلوم الصحية بالنسبة لكلية العلوم ، مشابة للفرق بين كلية التعليم الصناعى (كلية التكنولوجيا والتعليم) بالنسبة لكلية الهندسة.

ثانيا الفرق فى المحتوي الدراسى في المسار التكنولوجي (التقنى) في الكليات والمعاهد التكنولوجية (كلية تكنولوجيا العلوم الصحيه او ما يعادلها) والمسار الاكاديمي (التخصصى) في كليات العلوم ؟

لا يتساوي المحتوي الدراسى في المسار التكنولوجي والمسار الاكاديمي فاذا ضربنا بعض الامثله:

• لو مثلا نتحدث علي مواد الميكروبيولوجي فالمسار التكنولوجى قد يدرس كيفية صباغه البكتريا بالصباغات المختلفه مثل صبغة gram stain او acid fast stain وغيرها من الصبغات قد يدرس البكتريا شكل البكتريا العصوية والكوكاي قد يدرس خطوات عمل المزارع البكتيريه والفطريه قد يدرس انواع اطباق بتري او المستنبتات التي تنمو عليها البكتريا قد يدرس بعض الاختبارات الكيميائيه وخطوات عملها للتعرف علي البكتريا لكن وحط مليون خط تحت دي فهو لا يدرس النظريات العلمية الخاصه بالميكروبيولوجي او الاساس العلمي المبني عليها طرق التعرف علي المكيروبات ولا يدرس الامراض التي تسببها كل بكتريا او فطريات او فيروسات او طيفيليات ولا اعراضها ولا طرق انتقال وانتشار المرض او كيفية حدوث المرض داخل الخلايا والانسجه حتي ظهور الاعراض ولا يدرس ال virulence factors او الاسلحه التي تستخدمها كل بكتريا لاحدث المرض او كيفية حدوث المرض او فيميا يعرف بعمليه ال pathogenesisاو الاعراض التي تسببها كل بكتريا او تفسير نتائج التحاليل الخاصه بالتعرف علي الميكروبات بشكل عام ولا يدس دورات الحياه life cycle مثلا في الطفيليات.
• وهكذا في مواد الكيمياء الحيوية فقد يدرس فى المسار التكنولوجى اسماء وانواع المواد الكيميائيه التي يقوم بتحليلها في سوائل الجسم المختلفه وقد يدرس خطوات عمل كل تحليل كيميائي من تحاليل وظائف الكبد او الكلي او القلب او تحليل الدهون او السكر او الهرمونات لكنة وحط مليون خط تحت دي لكنه لا يدرس النظريات العلمية الخاصه بالكيميا ءالحيوية وتفسير نتائجها او الاساس العلمي المنبي عليه التحاليل الكيميائيه الحيوية ولا يدرس كيمياء الامراض فمثلا لا يدرس ماهو مدلول ارتفاع او انخفاض كل ماده كيميائيه في سوائل الجسم المختلفه فمثلا لا يدرس ماذا يعني ارتفاع انزيم GOT بمفرده او ارتفاعه مع انزم GPT ولا يدرس مثلا امراض الغدد الصماء مثل الاختلالات الامراض التي تحدث في الغدد الدرقيه والنخاعيه والجار درقيه والكظرية سواء تلك الاختلالات والامراض مصاحبة بفرط نشاط او انخافض نشاط الغده فمثلا لا يدرس امراض غد مثل Addison و Cushing و Graves وHashimoto وكيفية حدوث تلك الامراض والتغيرات الكيميائيه التي تحدث في الهرمونات نتيجه تلك الامراض واعراض تلك الامراض ايضا لا يدرس الامراض التي ينتج عنها اختلالات كيميائيه مثل مرض السكر وانواعه واسباب حدوثه او غيرها من الامراض التي ينتج عنها اختلالات كيميائيه وتفسير نتائج تلك التحاليل وربطها بتلك الامراض والختلالات
• مثلا في مواد الباثولوجي فقد يدرس المسار التكنولوجي التقني خطوات صباغه الانسجه والخلايا وانواع الصباغات مثل صبغات Hematoxylin and eosin stain وطرق تحضير الشرائح وخطوات العملية لتحاليل الانسجه المختلفه ايضا قد يدرس كيفية تقطيع العينات النسيجيه علي الميكروتوم وهكذا لكن وحط مليون خط لكن لا يدرس بتاتا الجانب العلمي فلا يدرس مثلا الاورام او السرطان الحميده او الخبيثه بانواعها المختلفه وتصنيفها في الانسجه المختلفه مثل carcinoma و sarcoma الخ ولا يدرس اليه وكيفية حدوث السرطانات وكيفية تحول الخلايا الطبيعيه الي خلايا سرطانية ولا يدرس الاسباب المؤديه لحدوث السرطانات ومثلا لا يدرس كيفية حدوث الالتهابات وميكانزم حدوثها وانواع الالتهابات والعلامات الخاصه بالالتهابات ومدي دلاله نتائجها وغيرها من الامور العلمية الخاصه بتخصص الباثولوجي وتفسير نتائجه
• كذالك في باقي تخصصات العلوم من الوراثه والمناعه والفيسولوجي وغيرها.

كل كلية بالتفصيل

أولا: خلينا نتفق ان فى فرق كبير جدا بين الاثنين.

لكن للوهلة الاولى قد يظن البعض من خلال الاسم ان كلية تكنولوجيا العلوم الصحية بتدرس مواد طبية ومواد العلوم الطبية مثل الفيزياء الطبية والكيمياء الطبية "الكيمياءحيوى" والميكروبيولوجى الطبى والبيولوجى الطبى ...إلخ ، الى هو اى حاجه وحط بعدها كلمة طبى بينما كلية العلوم لا .... أحب اقولك انك غلطان 100% !؟

لو عاوز تعرف كل معلومات عن كليه تكنولوجيا العلوم الصحية

رابط المقال

لو عاوز تعرف كل معلومات عن كلية العلوم

رابط المقال

انما اللى جاى ده مجرد شرح بيوضح الفرق بين الكليتان.

فكرة عامة

تقسم العلوم إلى 4 أقسام:   

1. علوم أساسية  (زى كليه العلوم) 
2. علوم تطبيقية  (زى كليه العلوم) 
3. علوم إنسانية (زى كليه آداب)
4. علوم تكنولوجيه (زى كليه تكنولوجيا العلوم الصحية) وهذا النوع ظهر نتيجة لحاجة سوق العمل لحلقة وصل بين الفنى والأخصائى. 

طب وده معناه ايه!؟ هقلك 

معناه ان كلية العلوم 

بتدرس فى مختلف المجالات سواء كيمياء او فيزياء او جيولوجيا او بيولوجى كعلوم اساسيه وتطبيقيه سواء أثناء فترة البكالريوس أو أثناء الدراسات العليا (مثال على الدبلومات: دبلومات التحاليل « الكيمياء الحيوى ، الميكروبيولوجى ، الباثولوجى ، علم الدم ، الطفيليات ، التحاليل الوراثية ... إلخ» ، دبلومه الفيزياء الطبية الأشعاعيه ، دبلومه البتروكيماويات ، دبلومه الكيمياء التحليليه ، دبلومه الكيمياء الشرعية ، دبلومه التغذيه العلاجية ، دبلومه جيولوجيا البترول ، وهكذا.

بينما كلية تكنولوجيا العلوم الصحية 

بتدرس مقررات علوم بصورة تكنولوجية تطبيقية غير مكثفة بحيث تساعدة فى انك تبقى أقوى فى المجال من الفنى وكمان تساعدك تكون حلقة وصل بين الأخصائى والفنى وأيضا لتقليل العبأ عن الأخصائيين ، والدراسة دى بتكون فى مجال بعينه اى على سبيل المثال قسم تكنولوجيا المختبرات ملوش شغل غير فى مجال التحاليل فقط بحيث يساند الأخصائى فى عمله خاصه فى المعامل الكبيرة متعددة التخصصات حيث يعمل تحت أشراف أخصائى التحاليل الطبية ، وهكذا بالنسبة لباقى أقسام الكلية.

لتبسيط الفكرة: كلية تكنولوجيا العلوم الصحية بالنسبة لكلية العلوم مشابة لكلية التعليم الصناعى (كلية التكنولوجيا والتعليم) بالنسبة لكلية الهندسة.

طب أية اصلا سبب انشأء كلية تكنولوجيا العلوم الصحية؟

• السبب الرئيسى هو غضب خريجى المعاهد الفوق متوسطة مثل المعهد الفنية الصحي و‫المعهد الفنى الصناعى للبصريات نتيجة لعدم قدرتهم على التطور العلمى.
• لذلك تم انشاء كلية تكنولوجيا العلوم الصحية بغرض استكمال الدراسة لخريجى هذة المعاهد وتطوير قدرتهم التعليمية.

كلية العلوم

بالنسبة للتنسيق ... هنتكلم عن 4 نقاط مهمة عشان تبقى فاهم

أ) اولا لو خدنا مقارنة بين كلية العلوم وكلية تكنولوجيا العلوم الصحية منذ نشأتها عام 2014 حتى توقفها عن التنسيق فى عام 2018 (يعنى من 2014 - 2017) هنجد الاتى

تنسيق علمى علوم 2014

• كلية العلوم "اعلى كلية علوم دمنهور 388.5 (94.7%) -- واقل كلية علوم الوادى الجديد (إقليمي) 340 (82.9%)
• كلية تكنولوجيا العلوم الصحية "اعلى كلية علوم صحية بنى سويف (سنة 2014 كانت هى الوحيد اللى موجوده) 94.9% -- واقل كلية علوم صحية فاروس تقريبا كانت 80%)".

تنسيق علمى رياضة 2014

• كلية العلوم "اعلى كلية علوم رياضة القاهرة 366.5 (89.3) -- واقل كلية علوم رياضة العريش (إقليمي) 239.5 (58.4)  
• كلية تكنولوجيا العلوم الصحية "اعلى كلية علوم صحية بنى سويف (سنة 2014 كانت هى الوحيد اللى موجوده) 85% -- واقل كلية علوم صحية فاروس تقريبا كانت 80%)".

تنسيق علمى علوم 2015

• كلية العلوم "اعلى كلية علوم دمنهور 392.5 (95.8%) -- واقل كلية علوم الوادى الجديد (إقليمي) 363 (88.6%).
• كلية تكنولوجيا العلوم الصحية "اعلى كلية علوم صحية المنوفية 96.5% -- واقل كلية علوم صحية فاروس كانت 85%".

تنسيق علمى رياضة 2015

• كلية العلوم "اعلى كلية علوم رياضة اسكندرية 375 (91.5%) -- واقل كلية علوم رياضة جنوب الوادى(إقليمي) 345.5 (84.3%)  
• كلية تكنولوجيا العلوم الصحية "المنوفية  91.7% -- واقل كلية علوم صحية فاروس تقريبا كانت 86%".

وهكذا بالنسبة لـ 2016 و 2017 فى نفس الرنج والفروقات ، ومن 2018 حتى 2020 لم تنزل كلية تكنولوجيا العلوم الصحية فى التنسيق ، واللى أدى لأنخفاض تنسيق كلية العلوم ان كان بها كليتان توزيع اقليمى وهم العريش وجنوب الوادى واللى كانت بتاخد من مجموع منخفض نظرا لانها كانت متاحة لابناء محافظة قنا فقط.

 ب) ثانيا يعنى ايه الحد الادنى لكلية العلوم لعلمى علوم فى سنة كذا ولنفرض 2018 هو 90%          

معناه ان الحد الادنى فى اقل كلية علوم (من الـ 28 كلية) من حيث التنسيق كان 90% ودول غالبا كانوا قبل 2018 كليتي الوادى الجديد والعريش وده لسبب هتعرفه كمان شوية.  

ج) ثالثا موجود 28 كلية علوم على مستوى جمهورية مصر العربية 

1. علوم دمنهور وعلوم سوهاج وعلوم القاهره وعلوم الاسكندريه وعلوم كفر الشيخ وعلوم الفيوم وعلوم قنا جامعة جنوب الوادى وعلوم بنى سويف وعلوم عين شمس وعلوم طنطا وعلوم الزقازيق وعلوم المنيا وعلوم المنصوره وعلوم اسيوط وعلوم اسوان وعلوم حلوان وعلوم بنها وعلوم شبين الكوم ج المنوفية وعلوم الاسماعيليه ج قناة السويس وعلوم العريش وعلوم بورسعيد وعلوم جامعة السويس وعلوم جامعة دمياط وعلوم الوادى الجديد وكلية البنات علوم عين شمس و3 كليات علوم ج الأزهر.
2. باعتبار ان الكلية بتاخد متوسط 900 طالب فقط "حيث علوم فى الكليات اللى بتطبق الساعات المعتمده بتتخطى 1100 طالب" يبقى كليات العلوم بتقبل سنويا حوالى 25 الف طالب وده اكيد عدد ضخم وهيقلل التنسيق بتاعها.

 د) رابعا كليات العلوم بتنقسم الى نوعين منها الغير اقليمى والأقليمى (قبل 2018)

• الغير اقليمى ودول متاحيين لكل طلبة الثانوي يقدموا فيهم وعددهم 23 للثانوى العام و3 للثانوى الأزهرى 
• اقليمى ودول متاحين لابناء المحافظه المتواجد بها كلية العلوم فقط يقدموا فيها زى الوادى الجديد والعريش

طب وايه يعنى؟! 

هقولك ده هيقلل تنسيق الكليتان دول عن باقى كليات العلوم وهيعمل فجوه فى تنسيق كليات العلوم يقوم يظهرلك الحد الادنى لكلية العلوم منخفض عن حقيقتة.

هـ) خامسا تنسيق كلية العلوم غالبا ماشى برنج ثابت على مدار السنوات الماضية

لم يتغير بعد نشأت كلية تكنولوجيا العلوم الصحية وهو لعلمى علوم (اعلى كلية علوم فى التنسيق غالبا بتاخد من 95.5% «غالبا دمنهور» واقل كلية علوم 91% «غالبا الوادى الجديد») وهو لعلمى رياضة (اعلى كلية علوم فى التنسيق غالبا بتاخد من 90% «غالبا أسكندرية» واقل كلية علوم 60% «غالبا العريش» ... واخد بالك من الفجوه من 90 الى 60%).  

فكرة عامة عن كلية العلوم

• 1- بتبقى 4 سنوات
• 2- بيبقى فى تدريب لمده 6 اسابيع فى اجازه الصيف بعد الفرقه الثالثه بالاضافه انك تقدر تقدم على تدريب بعيدا عن الكليه فى اى شركة وهى بتقبلك "كل اللى عليك هتاخد جواب تدريب من شئون الطلاب بالكلية.
• 3- بها العديد من الاقسام سواء لعلمى علوم أو علمى رياضه أو مشتركه لعلمى رياضه وعلوم منها كيمياء (منفرد أو مزدوج مع بيولوجى "زى كيمياء/ميكروبيولوجى أو كيمياء/نبات أو كيمياء/حيوان أو كيمياء/كيمياءحيوى الخ" ) او فيزياء منفرد او فيزياء حيوى او كيمياء حيوى او جيولوجيا منفرد او جيوفيزياء او بيوتكنولوجى أو جيولوجيا البترول ...إلخ وكل الاقسام دى تقدر من خلالهم تشتغل فى العديد من الوظائف ولو حابب تعرف كل الوظائف المتاحه من هنا .
• 4- ليها نقابه اسمها نقابه العلميين.
• 5- بالنسبه لفتح معمل التحاليل لازم تكون قسم كيمياء مزدوج (وقسم مزدوج يعنى كأن معاك 2 بكالريوس فى تخصصين مختلفين أحدهما الكيمياء والاخر فيزياء أو بيولوجى «زى ميكروبيولوجى او نبات او حيوان او حيوى» والاقسام المزدوجة زى زى كيمياء/ميكربيولوجى او كيمياء/كيمياءحيوى او كيمياء/نبات او كيمياء/حيوان ...الخ) وتعمل دبلومه زى دبلومه من دبلومات التحاليل الطبية زى الميكروبيولوجى أو دبلومة الكيمياء الحيويه  أو دبلومة الهيماتولوجى أو دبلومة الطفيليات ... الخ.
• 6- هل_دراستها_صعبة ؟؟ ... بصوا اول سنة هي أسهل سنة صعوبتها الوحيده انها مرحلة انتقالية واول مرة تذاكر انجيزى ومش هتعتمد على دروس فممكن تتلغبط اول سنة نصيحتي شوف حد شاطر الدفعة اللى قبلك يقولك تعمل ايه وازاي.
• 7- الدراسه بالانجليزى.
• 8- بالنسبه لقسم الفيزياء الحيوى لا يستطيع فتح مركز اشعه ، لتفاصيل عن هذا الموضوع من خلال هذا الرابط.
• 9- فى تعيين لاوائل الاقسام المنفرده (وقسم منفرد يعنى هتاخد البكالريوس فى تخصص واحد سواء كيمياء او فيزياء او ميكروبيولوجى او حيوان او نبات ... الخ) لكن الاقسام المزدوجه ليس لها تعيين.
• 10- تعد كليه علوم اكبر كليه فى المجال الطبى وده لانها ملزمه بالتدريس لاكثر من كليه زى: 

1. - كليه صيدله
2. - اولى طب اسنان 
3. - تربيه (سواء كيمياء وفيزياء واحياء ورياضة) 
4. - الدراسات العليا للعديد من الكليات (لخريجى طب وصيدله وطب بيطرى وزراعه وتربيه وهندسة واداب مساحة) 
5. - ده كله طبعا غير طلبه علوم نفسهم أى ما يقرب من 30 قسم.              
6. ولذلك محتاجه استف للتدريس كبيير مقارنه بالكليات التانيه.

حاليا معظم كليات الصيدلة بدأت تنتدب دكاترة من علوم للتدريس لطلبة صيدلة فى كليتهم ، لكن برضو فى كليات صيدله ما زالت بتدرس فى كلية العلوم بعضها بيدرس سنه اولى فقط وبعضاها بيدرس معظم سنواته فى كلية العلوم.

• 11- خريج كليه العلوم قسم كيمياء مزدوج مثلا ليه  يحصل على شهادة البورد الامريكى للجمعية الأمريكية للكلينيكال باثولوجي ودى بتخليه معترف بيه عالميا ×بيحصل عليها وهو فى مصر من الجامعه الامريكيه بالقاهره) ولمزيد من التفاصيل من هنا" والشهاده دى غير متاحه لخريج طب عام او صيدله او طب بيطرى.
• 12- ليس لها جامعات خاصه تقدر تدخل من خلالها.
• 13- تبعا لاحصائيات وزاره الصحه يعمل فى مجال التحاليل الطبيه 80% من خريجى كليات العلوم.
•  14- أخر حاجه الوظائف لخريج كليات العلوم كتيير جدا مقارنة باى كلية تانية بل مؤهل انة يشتغل من اول عالم ومهندس وأخصائى تحاليل (دكتور تحاليل ، وفى هذا المقال وضحنا ازاى تبقى دكتور من علوم) وكيميائى وفيزيائى وأستاذ جامعى ومحلل بيانات وميديكال ريب و و و  لحد مدرس  ولو حابب تعرف كل الوظائف المتاحه من هنا .
• 15- الكلية موجودة فى الجامعات الحكومية والجامعات الاهلية فقط وليست موجودة فى الجامعات الخاصه.

المسمى الوظيفى لخريج كلية العلوم

1. المسمى الأساسى للخريج هو أخصائى علمى فى فرع التخصص (Scientist) .
2. يكتب فى الكرنية النقابى طبيعه التخصص (أخصائى كذا) مثل أخصائى ميكروبيولوجى على سبيل المثال.

المهام الوظيفية

أنتظر المقال القادم الذى سيوضح المهام الوظيفية لكل من خريجى الكليتين

كليه تكنولوجيا العلوم الصحية

بالنسبة للتنسيق ... هنتكلم عن 4 نقاط مهمة عشان تبقى فاهم

أ) اولا لو أخدنا مقارنة بين علوم العادية والعلوم الطبية منذ نشأتها عام 2014 هنجد الاتى: 

من علمى علوم 2014

• كلية العلوم "اعلى كلية علوم دمنهور 388.5 (94.7%) -- واقل كلية علوم الوادى الجديد(إقليمي) 340 (82.9%)
• كلية تكنولوجيا العلوم الصحية "اعلى كلية علوم صحية بنى سويف (سنة 2014 كانت هى الوحيد اللى موجوده) 94.9% -- واقل كلية علوم صحية فاروس تقريبا كانت 80%)"

من علمى رياضة 2014

• كلية العلوم "اعلى كلية علوم رياضة القاهرة 366.5 (89.3) -- واقل كلية علوم رياضة العريش(إقليمي) 239.5 (58.4)  
• كلية تكنولوجيا العلوم الصحية "اعلى كلية علوم صحية بنى سويف (سنة 2014 كانت هى الوحيد اللى موجوده) 85% -- واقل كلية علوم صحية فاروس تقريبا كانت 80%)"

من علمى علوم 2015

• كلية العلوم "اعلى كلية علوم دمنهور 392.5 (95.8%) -- واقل كلية علوم الوادى الجديد(إقليمي) 363 (88.6%)
• كلية تكنولوجيا العلوم الصحية "اعلى كلية علوم صحية المنوفية 96.5% -- واقل كلية علوم صحية فاروس تقريبا كانت 85%"         

من علمى رياضة 2015

• كلية العلوم "اعلى كلية علوم رياضة اسكندرية 375 (91.5%) -- واقل كلية علوم رياضة جنوب الوادى(إقليمي) 345.5 (84.3%)  
• كلية تكنولوجيا العلوم الصحية "المنوفية  91.7% -- واقل كلية علوم صحية فاروس تقريبا كانت 86%"

وهكذا بالنسبة لـ 2016 و 2017 فى نفس الرنج والفروقات ، ومن 2018 حتى 2020 لم تنزل كلية تكنولوجيا العلوم الصحية فى التنسيق. 

 

ب) ثانيا موجود 5 كليات تكنولوجيا العلوم الصحية على مستوى جمهورية مصر العربية

1. علوم صحية بنى سويف وعلوم صحية المنوفية وعلوم صحية 6 اكتوبر وعلوم صحية مصر للعلوم والتكنولوجيا وعلوم صحية فاروس.
2. وباعتبار ان الكلية فى بنى سويف والمنوفية بتاخد حوالى 500-700 فى كل كلية وفى الجامعات الخاصة حوالى 600 - 1000 طالب يعنى عدد المقبولين حوالى 3500-4000 طالب وده اكيد اكيد هيرفع التنسيق بتاعها خصوصاً فى الجامعات الحكوميه اللى عدد المقبولين فيها قليل جداً حوالى 1000 طالب فقط.

 ج) ثالثا تنسيق كلية تكنولوجيا العلوم الصحية          

قبل عام 2018 أى قبل تغيير الكلية لكلية تكنولوجية وتحويلها لكلية تكنولوجيا العلوم الصحية كان 

• علمى علوم (اعلى كلية علوم صحية فى التنسيق غالبا بتاخد من 96.5% "غالبا المنوفية" واقل كلية علوم علوم صحية 80% "غالبا فاروس").
• علمى رياضة (اعلى كلية علوم صحية فى التنسيق غالبا بتاخد من 92% "غالبا المنوفية" واقل كلية علوم صحية 80% "غالبا فاروس").  

طب هل هيستمر التنسيق على هذا المنوال خلال هذا العام 2021/2020؟!

للأسف لا لان بعد تحويل الكلية لكلية تكنولوجيه ليصبح الخريج تقنى وأيضا بعد عدم تنفيذ التكليف نظرا لتغيير لائحة الكلية فتنسيق الكلية سينخفض جدا نظراً لتدهور وضعها العلمى والوظيفى.

د) رابعا فى فجوه بين اعلى كلية واقل كلية؟! ده لان اقل كلية هى جامعة خاصة بفلوس. 

هـ) خامسا من الاسباب الرئيسية لارتفاع تنسيق كلية العلوم الصحية

ان كان نازل فى مواد لائحة الكلية تكليف للخريجين ودا رفع تنسيق عام 2014 و2015 و2016 و2017 ولكن للأسف لم يتم تنفيذة فى عام 2018 وكذلك تم ايقاف الكلية وعدم ادراجها فى تنسيق الثانوية العامة لعام 2018 حتى عام 2020 مما سيؤدى لانخفاض تنسيق الكلية خلال الاعوام القادمة بدرجة كبيرة. 

فكرة عامة عن كلية تكنولوجيا العلوم الصحية

• 1- بتبقى 4 سنوات (اول ما تم عمل اللائحة كانت 5 سنوات ، 4 سنوات + سنه امتياز أختيارى لكن تم الغاء ذلك).
• 2- بيبقى فيها العديد من التخصصات زى قسم تكنولوجيا المختبرات الطبية - قسم إدارة طبية - قسم تراكيب أسنان - قسم تكنولوجيا أجهزة طبية - قسم تكنولوجيا الأشعه - قسم بصريات ...إلخ .
• 3- كان نازل فى مواد لائحة الكلية تكليف للخريجين (يعنى الحكومه مجبره تشغلك بعد التخرج) لكن للاسف لم ينفذ ويقول البعض انه اتلغى .
• 4- بيدخلها الطلبه من علمى علوم وعلمى رياضه وكذلك بتكمل بعد معهد فنى صحى (وتفاصيل التكمله من هنا) .
• 5- الخريج بيسمى تقنى (كذا) حسب قسمك .
• 6- من حيث الشغل غالبا فى المجال الطبى فقط يعنى مستشفيات (حكوميه أو خاصه) أو مراكز الاشعه أو معامل التحاليل أو مراكز طبيه حيث تعمل تحت أشراف الأخصائى وترأس الفنيين.
• 7- تابعه لنقابة الفنيين الصحيين (نقابة اخصائيين العلوم الصحية).
• 8- بالنسبه لفتح معمل تحاليل او مركز أشعه او غير ، فدا غير مسموح نهائيا تحت أى بند نظراً لعدم ذكرهم فى القوانين المنظمة لهذة التخصصات وايضا لاختلاف المسار الأكاديمى عن المسار التكنولوجى. 
• 9- بالنسبه للكليه الحكوميه فرصتك ف التعيين ف الكليه عاليه جداً ، لأنها كليه جديده.
• 10- دى ليها جامعات خاصه ممكن تقدم فيها وهم 3 فقط :

1. جامعه 6 اكتوبر (المصاريف قسم أجهزة حيوية بـ 35 ألف ، وقسم التمريض 20 ألف).
2. جامعه مصر للعلوم والتكنولوجيا (المصاريف حاليا هتكون 16 ألف لقسم تمريض ، و29 الف لباقى الأقسام).
3. جامعه فاروس (فاروس (المصاريف هتكون 25 الف لكل ترم أى 50 الف جينة للعام كامل).

• 11- من حيث الصعوبه ... اول سنة هي أسهل سنة صعوبتها الوحيده انها مرحلة انتقالية واول مرة تذاكر انجيزى ومش هتعتمد على دروس فممكن تتلغبط اول سنة نصيحتي شوف حد شاطر الدفعة اللى قبلك يقولك تعمل ايه وازاي.
• 12- الدراسه بالانجليزى.
• 13- أخر حاجه الوظائف لخريج علوم طبية مش كتيير ... بمعنى انة بيشتغل فقط فى مجال قسمة يعنى قسم مختبرات فى التحاليل فقط وقسم اشعة فى الاشعة فقط وهكذا ، وبيعمل تحت اشراف الأخصائى.
• 14- الكلية موجودة فى الجامعات الحكومية والجامعات الأهلية والجامعات الخاصه.

المسمى الوظيفى لخريج الكلية

1. حاليا فى 2020 أصبح تقنى أو تكنولوجى ، ودى درجة بين الفنى والأخصائى 
2. يعنى اعلى من الفنى من حيث انه يقدر يحضر دراسات عليا (دبلومات ، ماجستير ، دكتوراه)
3. وأقل من الاخصائى فى الدرجة الوظيفية والمهام الوظيفية والتأهيل العلمى ، وكذلك من حيث انه لا يستطيع على سبيل المثال انه يفتح معمل تحاليل أو مركز أشعه بأسمه على عكس الأخصائى.
4. الطلبة اللى اتخرجوا قبل قرار شهر يناير 2020 بتغير الكلية ولائحتها إلى كلية تكنولوجيا العلوم الصحية تخرج كأخصائى تكنولوجى ودا درجة اعلى من الفنى وأقل من الاخصائى فى الدرجة الوظيفية والمهام الوظيفية والتأهيل العلمى.

المهام الوظيفية

أنتظر المقال القادم الذى سيوضح المهام الوظيفية لكل من خريجى الكليتين

الكليتان فى المجال الطبى

عمل تخصصات كلية العلوم في المجال الطبي تختلف عن عمل تخصصات كلية تكنولوجيا العلوم الصحية:

كلية العلوم بها تخصصات عديدة لكنى هتكلم علي تخصصات العلوم في المجال الطبي وهي تصب في مجال التحاليل الطبية والاشعه والتغذيه والصحه البيئيه والأجنة وأطفال الانابيب والتصنيع الدوائى والتكنولوجيا الحيوية وعلوم الأعصاب والهندسة الوراثية والكيمياء الشرعية والنباتات الطبية ... الخ.

طب إزاي أتخصص في التخصصات دي هتدخل كلية علوم تخصص بيولوجي ثم التخصص في التخصصات دي؟!

1. تخصص المناعه : تخصص منبثق من البيولوجي ويدرس امراض الجهاز المناعي والتحاليل الطبية المناعيه.
2. تخصص الميكروبيولوجي: تخصص منبثق من البيوولوجي ويدرس الامراض الميكروبية وتحاليلها سواء البكتيريه او الفطريه او الفيروسيه.
3. تخصص الطفيليات : تخصص منبثق من البيولوجي ويدرس الامراض الطفيليه زي الديدان.
4. تخصص الكيمياء الحيوية : تخصص منبثق من الكيمياء ويدرس كيمياء الجسم وعلاقتها بالامراض فيدرس تحاليل كيميا الكبد وكيميا الكلي وكيمياء المخ وكيمياء البول وكل كيمياء الجسم.
5. تخصص علم الدم : تخصص منبثق من البيولوجي ويدرس امراض الدم وتحاليل خلايا الدم وامراضها.
6. تخصص علم السموم والكيمياء الشرعيه: يدرس تحاليل السموم والمخدرات والتحاليل اللازمه لمعرفي الجاني.
7. تخصص الفزياء الطبية : يدرس استخدام الاشعه في تشخيص وعلاج الامراض وينبثق لاربع تخصصات هي الاشعه التشخيصيه والطب النووي والرنين المغناطيسي والاشعه العلاجية.
8. تخصص التغذيه : يدرس التغذيه العلاجية والاكلينكية وكيفيه تظبيط السمنه والنحافه.
9. هناك العديد من التخصصات الاخري بمختلف كليات العلوم بمصر التي تنبثق من البيولوجي مثل علوم الاعصاب والاجنه واطفال الانابيب ومكافحه العدوي وصحه البيئه والمجتمع ...الخ.