إدخل كلية تكنولوجيا العلوم الصحية (العلوم الطبية سابقاً) بأقل من 90%

بِسْــــــــــــــــمِ اﷲِالرَّحْمَنِ الرَّحِيم

زى ما انت شايف فى العنوان بالضبط لو مجموعك مش هيجب علوم طبيه او مجموعك 84-88% علمى علوم أو 78-87% علمى رياضه (حسب محافظتك) وعاوز تدخل علوم طبيه ليك فرصه أنك تدخلى علوم طبيه وبمجموعك ده لكن بطريق ملتوى شويه وضحناها فى المقال دا من موقع « علومنجى دوت كوم ».

أولا علوم طبيه 5 سنوات .... أنت هتدخل معهد فنى صحى سنتين ولو جبت جيد جدا فما فوق (ودى بسهوله جدا) هتكمل علوم طبيه لمده 3 سنوات وسنه امتياز (تدريب فى مستشفيات يعنى) وبكده هتبقى دخلت كلية علوم طبيه واحنا فى الموضوع ده وضحنا كل شئ عن طريقه ومتطلبات التقديم .

تنوية هام

للاسف

التكملة متوقفه نهائيا حالياً

مقدمة

تكمله خريجى المعهد الفنى الصحى فى كلية العلوم الطبيه بدأ كالتالى:

ان خريجى فني صحي لجؤا للقضاء للالتحاق بـ"علوم صحية" ببني سويف وده فى شهر اكتوبر عام 2015 وكانت ردود أفعال الطلبه كالاتى :

1. استاء عدد من طلاب المعهد الفني الصحي بجامعة بني سويف ، بسبب ما أسموه مماطلة إدارة الكلية لهم في استكمال دراساتهم ، وبالرغم من حصولهم على ترتيب امتياز وجيد جدًا في سنتي المعهد ، إلا أنه تم رفض ملفاتهم من جانب إدارة كلية العلوم الصحية ، وأوضحت إذا أراد الطلاب استكمال دراساتهم بالكلية يشتركون كبرنامج خاص تزيد رسومه عن 5000 آلاف جنيه.     
2. كما اعترض الطلاب على الالتحاق في البرنامج الخاص لأحقيتهم كبقية زملائهم في الشُعب والمعاهد التابعة بالكليات حيث بعد تخرج الطلاب من المعاهد مباشرة كالمعهد الفني الصناعي مثلًا يلتحق المتفوقون به إلى كلية الهندسة فأولئك الطلاب من قسم الأشعة والتحاليل لهم الحق في دخول كلية العلوم الصحية.     
3. قد بدأت معاناة الطلاب من قبل إجازة عيد الأضحى حيث أخذت إدارة الكلية منهم رسومًا للمقابلة الشخصية كما أخذت منهم إيصالات الدفع في خطوة غريبة و بعدما اجتازوا المقابلة الشخصية ، حيث أخبرتهم إدارة الكلية أنهم سيلتحقوا بها كبرنامج خاص وليسوا كمنتظمين (عيبه مصاريف غاليه) ، وهو ما رفضه الطلاب وأعتبروه تناسيًا لتفوقهم على مدار سنتين خصوصًا أن كلية العلوم الصحية بجامعة بني سويف كانت أملًا  لطلاب فني أشعة.     
4. قد دعى الطلاب رئيس الجامعة بحل سريع لمشكلتهم وتساءلوا إذا كانت الجامعة أحالتهم للمجلس الأعلى للجامعات الآن فلماذا وضعت إعلانًا للتقديم للكلية ، وأخذت منهم رسوم المقابلة وقد لجأ عدد من الطلاب إلى إدارتي الجامعة والكلية قبل لجوئهم للقضاء للتحكيم بينهم وبين الجامعة وقد بدأت الدراسة منذ شهر ومصيرهم مجهول في يد الجامعة.

هل خريج معهد فنى صحى يقدر يكمل كليه تكنولوجيا العلوم الصحية؟

طبعا تقدر تكمل ... طب ازاى ؟؟

أنا هقلك على ملخص الموضوع ده وبعد كده هتكلم تحت بالتفصيل 

1- ممكن تكمل انتظام يعنى مش بفلوس (يعنى مصاريف الكليه زيك زى طالب اللى داخل من ثانويه عامه لكن طبعا انت بتبداء من سنه تانيه كليه ) وده موجود فى علوم طبيه جامعه المنوفيه وليه شروط أولها تجيب تقدير جيد جدا فما فوق + تكون خريج السنه اللى هتقدم فيها بمعنى أنك تكون مثلا متخرج 2021 فتقدم تكمله لسنه 2021-2022 يعنى ميعديش على تخرجك سنه او بمعنى آخر تقدم او ما تتخرج ، أو انك تقدم برنامج خاص يعنى بفلوس وده بيقبل عدد كبير ومعظم الأقسام.

2- بالنسبه لعلوم طبيه جامعه بنى سويف أما تقدم برنامج خاص يعنى بفلوس وده بيقبل عدد كبير او تقدم انتظام وده بيقبل أوائل المعهد فقط ... طب وايه الشروط ؟؟! هقلك مبدئيا بالنسبه للبرنامج الخاص لازم تقدير جيد جدا فما فوق + مصروفات تصل إلى 7 الآلاف فى السنه  ثانيا بالنسبه للانتظام لازم تكون من أوائل المعهد .... وفى بنى سويف ميزه ان مش شرط طبعا تكون لسه متخرج لا ممكن تكون دفعه قديمه وبتقدم عادى.

تفاصيل الدراسة التخصصية (تكمله المعهد) 

1/ المؤهل اية؟ 

بكالوريوس تكنولوجيا فرع التخصص

ــــــــــــــــــــــــــــــــــــــــــــــــــــــــــ 

2/ المسمي الوظيفي؟ 

اخصائي تكنولوجي 

ـــــــــــــــــــــــــــــــــــــــــــــــــــــــــ

3/ الدراسة امتي؟  

تم الاعلان عن الدراسة ولكن تم تاجيل التقديم بسبب ظروف كورونا ولسة مافيش اعلان عن الميعاد الجيد 

ــــــــــــــــــــــــــــــــــــــــــــــــــــــــــ

4/ لازم توفيل وشهادة ICDL؟ 

حسب الاعلان الرسمي مش نازلين من شروط التقديم 

ـــــــــــــــــــــــــــــــــــــــــــــــــــــــــــ

5/ الشروط اية؟  

بعد 3 سنين من التخرج وموافقة جهة العمل وشهادة حسن سير وسداد المصروفات

ــــــــــــــــــــــــــــــــــــــــــــــــــــــــ

6/ المصاريف كام؟  

لسة مافيش  اعلان عنها 

ـــــــــــــــــــــــــــــــــــــــــــــــــــــــــ

7/ الشعب اللى ليها تكملة؟ 

معامل واشعة ومعاونين وتسجيل طبي واسنان

ـــــــــــــــــــــــــــــــــــــــــــــــــــــــــــ 

8/ الشعب المجمدة ليها؟ 

اكيد هيكون ليها بس مش دلوقتي لما يكمل 3 سنين بعد التخرج وينزل اعلان شعبتك فى التكملة من قبل الوزارة  

ــــــــــــــــــــــــــــــــــــــــــــــــــــــــــــ

9/ بالنسبة لكلية علوم صحية؟ 

دى ماتخصنيش انى اتكلم عنها ولكن حسب قرار التنظيم والادارة الموهل والمسمي نفس خريج الدراسة التخصصية وبالنسبة للبرنامج الخاص بالكلية مافيش اى اعلان نزل يخصة

ـــــــــــــــــــــــــــــــــــــــــــــــــــــــــــــ 

10/ هتفتح معمل او مركز اشعة بعد التكملة وتبقي اخصائي باسمك؟

لا مش هتفتح المعامل بترخيص الطبيب البشرى فقط

ـــــــــــــــــــــــــــــــــــــــــــــــــــــــــــــ 

اسم البرنامج الخاص

هو برنامج تاهيل خريجي المعاهد الفنية الصحية 

على ان يتم تخرج متخصصين فى تكنولوجيا العلوم الصحيةالتطبيقية وعدد سنوات الدراسة 5 سنوات بنظام الساعات المعتمدة وعددها (192) ساعة ⌚

الاقسام 

1/ الرعاية الحرجة 

2/ تقنية المختبرات

3/ البصريات وعلوم الرؤية

4/ صحة المجتمع والبيئة والسلوكيات الصحية (معاونون) 

5/ الادارة الصحية وتقنيات المعلومات الادارية(تسجيل) 

6/ تركيبات الاسنان

7/ تكنولوجيا الاجهزه الطبية (اشعه)

الدراسة التكميلية بكلية علوم صحية المنوفيه

تنويه هام:

الأقسام المتاح لها التكميلى هم:

1. علوم الاشعة
2. المختبرات الطبية 
3. تركيبات الأسنان 
4. تكنولوجيا الأجهزة الطبية الحيوية 

وخريجي هؤلاء أقسام الاربعة دون غيرهم و هم من يحق لهم استلام المذكرة و التقديم  ويتم تأجيل التكليف من وزارة الصحة والتكليفات لحين الإنتهاء من الدراسة بالكلية .

شروط التقديم :

كلية علوم طبيه جامعه المنوفيه

قواعد القبول بالكلية :

1. أن يكون من خريحي دفعة حديث التخرج ( عام التقدم ) .
2. أن يكون التقدير العام جيد جدا فأكثر لسنتي المعاهد الفنية الصحية طبقا لقرار المجلس الأعلي للجامعات.
3. أن يجتاز الإختبارات الموازية لمقررات الفرقة الأولي (العام التمهيدي) طبقا للائحة الداخلية الخصة بكلية العلوم الطبية التطبيقية بالمنوفية واختبارات الكشف الطبي. 

الأوراق والمستندات المطلوبة للتقدم لكلية العلوم التطبيقية:

1. شهادة التخرج من المعهد "شهادة مؤقتة من المعهد من المعهد عشان التقدير العام"
2. بيان درجات المعهد سنتين
3. عدد 6 صور شخصية
4. الموقف من التجنيد
5. شهادة الميلاد
6. صورة البطاقة الشخصية
7. نموذج 2 جند للطلاب الذكور فقط
8. نموذج 6 جند للطلاب الذكور فقط

تكلفه التكمله قد ايه؟!

 نفس رسوم طالب الانتظام وليس 8000 ج زى البرنامج الخاص (التكمله فى جامعه المنوفيه).

تكليف المعهد بيتاجل ولا بيتلغي؟

يتم تاجيل التكليف لحين التخرج وتغير المسمي من فني الي تقنى

بالنسبه للتكليف .. الكليه ليها تكليف ولا لا .. وبعد التخرج ايه المسمي الوظيفي ... وهل الكليه بتلغي تكليف المعهد ولا بيتاجل؟؟

الكلية حتى هذه اللحظة (2021) لم يطبق لها تكليف ولو حدث مستقبلاً هيكون بمسمى بمسمي تقنى وليس فني وليس اخصائي 

صحيح الطالب هو من يقوم بتاجيل تكليفه من قبل وزارة الصحة.

ملزمة اختبار القدرات هنحاول أنزلها pdf :

الملزمة ورقية وله يوجد نسخة سوفت .... لازم الطالب يجي علشان يستلم طلب التحاق كمان.     

رابط الملزمه

 فترة تسيلم المذكرات هتستمر لحد امتي:

الفترة مفتوح حتي شهر 8 لكن علشان تذكري منها لازم تجبها بدرى.

ملحوظه يوم السبت اجازه فلازم تروح يوم مش اجازه علشان طلب الالتحاق وبيبقى من 10 ص الي 2 ظهرا.

المسئول : الاستاذ تامر محمد علي   - بمقر مبني كلية العلوم الطبية التطبيقية محافظة المنوفية / شبين الكوم / شارع جمال عبد الناصر / بجوار كلية الهندسة / اعلي البنك الاهلي فرع الجامعة / بجوار شارع مكسيم.

طب اية سبب عدم تنفيذ قرار مجلس الاعلي بفتح البرنامج الخاص مثل جامعه بنى سويف ؟؟

تم فتح البرنامج الخاص حاليا بدايه من 2022/2021 ، برغم ان منذ 2018 حتى عام 2021 لم يتم فتح البرنامج الخاص.

طب القبول هيتم على أساس ايه :

تجميع درجات سنيتي المعهد بالاضافة الي درجة الامتحان التحريري واجتياز المقابلة الشخصية واختيار الاعلي درجات

هما كام طالب بيقبل :

لم نذكر عدد /// سيتم قبول 20% من طلاب المعاهد و الطلاب المحولون من كليات مناظرة ومش معروف كام لان 2017 اول سنه ليها.

طب في تقديم للشعبه التسجيل الطبي والاحصاء أو شعبة الخدمات الطبية أو شعبه مراقبون صحييون أو شعبه اورام أو شعبه صيانه الاجهزه الطبيه :

للاسف لا

للناس اللى بيقولوا وزارة الصحه بتقول مفيش حاجه اسمها تاجيل تكليف :

لقد تم مخاطبة وزارة الصحة بخصوص الموضوع ده.

طب بدخل سنه كام فى الكليه :

تبعا لان الكليه جديده واللوائح بتتغير كان بيقال انك بتدخل الفرقه الثالثه لكن بسبب اعتراض طلبه الكليه انهم كده هيتساوا بالمعهد الفنى الصحى (عام 2017) قررت اداره الكليه انك خريجى المعهد اللى هيكملوا كلية علوم طبيه هيلتحقوا بالفرقة الثانية مباشرة.

انا خريج 2020 شعبه اجهزه وتقديري امتياز  ينفع اقدم ولا ايه الحل:

دفعة 2020 كان تقديمها العام الماضي 2020-2021 ولكن هذا العام 2021 -2022 هيقبل دفعة 2021 فقط لذلك هتنتظر البرنامج الخاص فى جامعه بنى سويف ( والتفاصيل هتلاقيها تحت) أو البرنامج الخاص فى جامعه المنوفية .

هو شعبة معمل ممكن يكمل الكليه :

أيوا ينفع دفعة 2021 فقط اللى تقدم لعام 2022/2021 وهكذا.

البرنامج الخاص بكلية علوم صحية المنوفية

ميعاد التقديم

غالبا فى شهر يوليو حتى انتهاء الأختبارات والمقابلة فى سبتمبر من كل عام

بدأ التقديم في كلية تكنولوجيا العلوم الصحية التطبيقية فرع المنوفيه في 15/7/2021 على أن يستمر التقديم شهرا كاملا... ويبدأ التقديم المبدأي عبر الرابط الإلكتروني وبعدها يتم استكمال باقي الأوراق بعد القبول

شروط تقديم البرنامج الخاص بكلية تكنولوجيا العلوم الصحية بشبين الكوم المنوفيه

استمارة التقديم المبدئي

رابط التقديم

اعلان هام📢📢 طلاب المستوي الاول (انتظام - برنامج خاص) المقيدين بالكلية للعام الحالي مرفق استمارة تنسيق الرغبات لأقسام الكلية للعام الجامعي 2021/2022

تعليمات استيفاء النموذج 

1. عدم تكرار الرغبات ولن ينظر لاستمارة الطالب الذي يقوم بتكرار الرغبة 
2. الالتزام باختيار رغبات الشعبة العلمية للطالب فقط
3. طلاب شعبةالعلوم متاح لهم ( مختبرات - اشعة - اجهزة - بصريات)
4. طلاب شعبة الرياضة متاح لهم ( بصريات - اجهزة)
5. الاستمارة متاحة لمدة 72 ساعة فقط بداية من يوم 15/8/2021

لينك الاستمارة

شروط تقديم البرنامج الخاص بكلية تكنولوجيا العلوم الصحية بشبين الكوم المنوفيه لعام 2022-2021

المصاريف الخاصه بالكليه لخريجى المعهد

حوالى 15 الالاف جنيه للفصلين الدراسيين والمصاريف دي هتدفع بعدين مش هتتدفع لما تيجي تقدم.

تسديد وصل فوري  ( مقابلة شخصية) بقيمة 400 ج.

شروط تقديم البرنامج الخاص بكلية تكنولوجيا العلوم الصحية بشبين الكوم المنوفيه

شروط تقديم البرنامج الخاص بكلية تكنولوجيا العلوم الصحية بشبين الكوم المنوفيه

الاوراق المطلوبة

الاوراق المطلوبة للبرنامج الخاص بكلية علوم صحية المنوفية

1. شهاده التخرج من المعهد
2. بيان درجات بالسنتين
3. شهادة ميلاد وصورة منها
4. 2 صور بطاقة الرقم القومي
5. ٦ صور شخصية
6. الموقف من التجنيد للذكور
7. كما يوجد اختبارات للقبول وامتحان القدرات

الأختبار والمقابلة الشخصية

بعد كده هيتعمل اختبار القدرات بمقر الكلية (بمنبي الكلية بالمجمع الطبي خلف معهد الكبد) أثناء التقديم وبيكون الساعة 10 صباحاً ولمدة ساعة واحدة يعقبه المقابلة الشخصية ثم انترفيو للمقبولين واللى هيحضره هيدخل بنسبه 98% وربنا يوفق الجميع.

تسديد وصل فوري  ( مقابلة شخصية) بقيمة 400 ج.

للأسف: علما بان خريجي المعاهد الازهرية والمعاهد الخاصة لا يحق لهم دخول اختبار القدرات❌

طبيعة أمتحان القدرات

هتذاكر دول وتضيف عليهم مراجعه بسيطه جرامر.. ولو مستواك ضعيف في الترجمه حاولي تعمل مراجعه.

رابط المراجعة

الاقسام المقبولة

الاقسام المقبولة وهيتقبلوا فى اقسام ايه

الاقسام المقبولة وهيتقبلوا فى اقسام ايه

أستفسارات

1_ يعني ايه مقاصه؟

_سؤال برضوا بيتكرر كتير.. يعني ايه مقاصه؟؟

المقاصه ده أجراء بديل بتاخده الكليه في حاله عدم وجود قسم مناظر في الكليه لقسمك في المعهد...ف بتدخلك على أقرب قسم بيدرس مواد تشبهه موادك 

بمعني انه حضرتك لو مثلا قسم ذي طوارئ او تخدير والأقسام دي مش موجوده في الكليه يبقي ايه الحل ساعتها؟ ساعتها هيتعملك المقاصه وهتدخل قسم تاني من الأقسام الموجوده في الكليه واللي هو القسم اللي بيدرس مواد أقرب لمواد دراستك في المعهد...

2_ازاي التقديم في ٧/١٥ ولسه الثانويه العامه ممتحنتش؟؟

_ميعاد تقديم طلبه المعهد غير طلبة الثانويه كل واحد لوحده

3_هي مش الكلية بتطلب موافقة جهة العمل واحنا لسه مستلمنااش ، ازاي هنقدم؟؟

بتخليك تمضي على إقرار انك تجيب موافقه جهه العمل لما تستلم شغل عادي

4_هو اللى عنده جيش هيقدر يدخل يكمل فى الكليه وهيستلم فى نفس الوقت عادى ... خريج 2020؟؟

اها عادي   جاتلي معلومه من الشئون من شويه انه عنده طلبه في الكليه في الجيش عادي... وانت تقدر تكمل الكليه وتدخل الجيش في نفس الوقت.

وتقدر تقدم انك لسه طالب وبالتالي بيتأجل الجيش. 

5_هل فيه منح للاوائل انهم يدخلوا الكليه مجانا؟

_بالنسبه للمنحه لاوائل الدفعه ف للأسف السنه اللي فاتت كان معايا حد دفعتي  اوائل دفعه وحاولنا كتير جدا مع المنوفيه انه الحد ده يدخل منحه وده حقه الا انهم قالوا انه النظام ده اتلغي...و السنادي من شويه اتأكدت انه ملغي برضو 

6_لو شخص والده متوفي هل ليه تخفيض؟ 

_ اها فيه تخفيض حوالي 30او 50٪ ل اللي والده متوفي في الكليه هتدفع النص تقريبا النسبه مش محدده بالضبط لكن فيه تخفيض. 

7_ هل فيه أقسام جديده اتفتحت او فيه نيه لفتح أقسام جديده ؟؟

_ اها فتحوا قسمين جداد في المنوفيه وهم بصريات ورعايه وان شاء الله متوقع جداااا تفتح أقسام اكتر لاحقا ولسه منتظرين اعلان بني سويف عن أقسامها الجديده.

8_ايه وضع باقي الشعب حاليا ذي تخدير وعظام وغيره.؟

ما زال مقدمهمش حل غير انهم يغيروا قسمهم بالمقاصه 

1-ممكن معلومات عن برامج المعهد الفنى الصحى؟

خريجى المعهد بيتعمل لهم مقاصة، بحيث يتم تحديد اذا كانوا هيدخلو من سنة أولى أو تانية حسب  عدد المواد اللى درسوها،

3. طيب تكلفه السنه كام؟

  الدراسة نظام ساعات معتمدة الساعة 450 جنيه ، السنة تقريبا15000  جنيه مصرى 

4- طيب ازاى بيتم عمل مقاصة لخريجى معهد فنى صحى؟

 لما تجيبو بيان درجاتكم بتتراجع  مع اللى درستوه من مقررات المستوي الاول تعفوا منه واللى مدرستهوش تحملوا بيه،  واذا زاد التحميل عن ٦ مقررات تنزلوا اولي.

 5- عاوز أعرف تفاصيل عن أقسام الكليةبالنسبة لمعهد فنى صحى؟

الأقسام : أشعه وتحاليل وأجهزه وأسنان .

6- طب والمسمى الوظيفي ايه ؟ 

تكنولوجي صحي وليس فني .

7-طيب إيه شروط التقديم للكلية ؟

خريج معهد فني صحي، تقدير جيد جدا على الأقل  ، لازم بعد الامتياز السن لا يتعدي ٣٠ سنة.

8- هل فيه تكمله لقسم تسجيل طبي من معهد فني صحي؟

لا يوجد ،ولكن يحق للبرنامج الخاص دخول قسم من الأقسام الموجودة بالكلية بعد عمل مقاصة وموافقة مجلس القسم والكلية

9- هل ينفع لخريجي المعهد الفني الصحي قسم تخدير التقديم للكليه؟ ولو ينفع هيبقى امتى ؟

الكليه أرسلت في طلب لمجلس الاعلي للجامعات للموافقه علي فتح برنامج الرعايه التنفسيه العام القادم ولوفتح هتدخلوا بعد عمل مقاصه للمقررات اللى درستها واللى هتحدد دخولك علي المستوي الأول ولا التاني ، وإذا تم قبول فتح البرنامج يكون التقديم فى اغسطس.

10- يعني الكلية معترف بيها في الخارج ولا لأ؟

أيوه طبعا لأنها جامعة مصرية حكومية .

11- كنت عاوز أعرف اللى مخلص معهد فنى تمريض ينفع يقدم ؟

لأ للأسف

12- يعنى هقدر احضر الماجستير واعمل دبلومه ولا لأ؟

 من حق خريجى الكلية التقدم لدراسة دبلومة وماجستير ودكتوراة، ولائحة الكلية للدراسات العليا تحت الاعداد ؛ لأن فيه معيدين مكلفين فى الكلية.

13-بالنسبة لخريجى معهد فنى قوات مسلحه ٢٠١٥ تخصص صيانة أجهزه طبيه هل ينفع دخول للكلية واستكمال الدراسه؟

لو هو معتمد من المجلس الأعلى للجامعات يقدر يقدم ، ويتعمل مقاصة علمية .

14- بالنسبه لمعهد فني قواعد البيانات بالازهر؟

 لو المعهد متعادل مع معاهد الصحه وتابع للمجلس الاعلي يقدم ،  ونتحقق منه في الجامعه.

15- يعنى أنا بدرس وأنا موظف ولا إيه؟

  اذا كان هذا العمل بيسمح لك بحضور ٧٥% من الدراسه مش هيكون فيه مشكلة ؟

16-هل يوجد تكليف للكلية ؟

  وزاره الصحه في طريقها للموافقه، ولا يوجد قرار رسمى علي التكليف لخريجي الكليه حتي الأن .

17- طب ممكن ادخل بدون مصاريف؟

دخول أوائل خريجي المعهد من نفس عام التخرج يمكن أن يكون مجاني اذا قبلوا من خلال تنسيق الجامعات.

18- هو البرنامج الخاص بياجل الجيش ولا لا؟

بيأجل الجيش لسن ٢٨ سنه

19-خريجى معهد فني صحي ،شعبه صيانه أجهزه طبيه هل فيه تكمله العام الدراسي الجديد ولا لأ؟ هل هيكون برنامج خاص ؟

أيوه خريجى المعهد يلتحقوا بطريقتين الطريقة الاولى عن طريق التنسيق لطلاب العام الحالى ، او عن طريق البرنامج الخاص لمدة لا تزيد عن 10 سنوات من عام التخرج ، والدراسة بنظام الساعات المعتمدة .

20- بالنسبة لمعهد تمريض عسكري  ينفع أدخل الكليه دي وإيه شروطها؟

معهد تمريض ليس من ضمن المعاهد المسموح الالتحاق بالكلية من خلالها.

21- هل لو قدمت السنه الجاية هيبقي إيه اللقب ؟ ونظام قديم ولا جديد؟

تكنولوجى صحى ، والمقبولين بعد صدور الايحة الجديدة تطبق عليهم الايحة الجديدة .

22- هو في تكملة لقسم تغذية ؟

لا يوجد برنامج باللايحه لقسم التغذية، ولكن البرامج الخاصه تقبل من قسم التغذيه بشروط ابداء الرغبات وعمل مقاصه وتوفر أماكن.

23-ممكن اعرف ايه نظام لو طالب فني صحي بس لسه مأخدتش فتره الامتياز؟

لازم ينتهى من فترة الامتياز عشان يقدر يلتحق بالكلية.

24- لو أنا خريجه معهد فني صحي قسم طوارئ  ينفع أقدم فى الكلية ؟

 سيتم فتح برنامج رعاية تنفسية ، ممكن أن تقبل من قسم طوارئ.

 25- هو ممكن نقدم في البرنامج الخاص للكليه وإحنا مقدمين في برنامج في جامعه تانيه يعني ينفع ننقل؟

 التحويل فى برنامج مماثل مكفول فى اللائحة ويخضع لقواعد النقل فى المجلس الأعلى للجامعات.

26 - هل اقدر اقدم السنه الجايه فى قسم صحه المجتمع ؟ أو قسم ادارة بيانات طبية.

لا يوجد قسم صحة المجتمع بجامعة المنوفية - ولا يوجد قسم ادارة بيانات طبية.

27- هل هيبقي معايا رخصه معمل بعد ما أخلص الدراسه؟ والدراسه كام سنه للحاصلين على معهد؟

 رخصة فتح المعمل ليست من اختصاص الكليات الجامعية ؛ ولكن منوط بها وزارة الصحة- الدراسة بتكون 3 أو 4 سنوات حسب المقاصة العلمية .

28- أنا كنت عاوز أقدم ف الكلية بس لسه ف الجيش ينفع أجيب موقف من التجنيد وأقدم ولا لازم أخلص الخدمه العسكريه؟

 لازم تحضر 75% من المحاضرات والدروس العملية.

29- ممكن لو سمحت اعرف التكمله متاحه لخريجي معهد التحاليل البيولوجية جامعة الأزهر ؟ والتكملة كام سنة ؟

 إذا كان المعهد معترف بيه من المجلس الأعلى للجامعات ومناظر لمعهد الفنى الصحى ، ومطابق للائحة يتم قبوله حسب القواعد السابقة.

30- هل الكليه تلغى تكليف المعهد ؟

  الكلية لا تلغى التكليف

الطلبه الافاضل نود اعلامكم انه تم افتتاح قسمين جدد في تكنولوجيا العلوم الصحيه التطبيقيه المنوفيه وهما بصريات ورعايه 

أقسام وعدد وأسماء المقبولين

قسم المختبرات

كشف 1

كشف 2

كشف 3

كشف 4

كشف 5

كشف 6

كشف 7

كشف 8

كشف 10

كشف 11

كشف 12

قسم الأشعه

كشف 1

كشف 2

كشف 3

كشف 4

كشف 5

كشف 6

كشف 7

كشف 9

كشف 10

كشف 11

كشف 12

قسم الأسنان

كشف 1

كشف 2

قسم الاجهزة الطبية

كشف 1

كشف 2

كشف 3

قسم التسجيل الطبى والأحصاء

قسم التسجيل الطبى والأحصاء

البرنامج الخاص بكلية علوم صحية بنى سويف

ميعاد التقديم : 

التاريخ ده بتحدده اداره الكليه عندك اشعه وتحاليل أخدت السنه اللى فاتت عدد كبير وفيه اقسام العدد أخدت عدد قليل فتحت فى 7 للى عايز يقدم فيها انما التقديم الاساسى بيكون غالبا فى شهر يوليو (7) من كل عام (وأحياناً بيكون في اول اسبوع في شهر مارس زى عام 2018).

ملحوظة الكلية تعاني من بعض المشاكل مثل سؤء التنظيم وقلة الداكترة وعدم وجود لوائح ثابتة حتى الان) وبيبقى اسمه برنامج خاص . 

شروط تقديم البرنامج الخاص بكلية تكنولوجيا العلوم الصحية ببنى سويف لعام 2022-2021

شروط عام 2022/2021

تعلن كلية تكنولوجيا العلوم الصحية التطبيقية جامعة بني سويف عن فتح باب التقدم للالتحاق بالبرنامج الخاص للعام الجامعي 2022/2021 م وعلي من يرغب في التقدم للالتحاق بالبرنامج الخاص استيفاء نموذج التقديم الالكتروني من خلال الرابط التالي الخاص بالتقديم للشُعب والبرامج الجديدة بجامعة بني سويف :

رابط التقديم

تم فتح باب التقدم للالتحاق بالبرنامج الخاص في بني سويف للعام الجامعي 2020/2021 

للاقسام الآتية :

 تكنولوجيا المختبرات الطبية - تكنولوجيا الأشعة والتصوير الطبي - تكنولوجيا البصريات - تكنولوجيا الأجهزة الطبية 

سيتم استقبال اوراق التقدم للالتحاق بالبرنامج الخاص لخريجي المعاهد الفنية الصحية وما يعادلها في الفترة من يوم الاثنين الموافق 5/10/2020 حتي يوم الثلاثاء الموافق 20/10/2020 ولن يلتفت لاي طلبات بعد هذا التاريخ .

الاوراق المطلوبة :

1. _ شهادة التخرج 
2. _ بيان درجات سنتي المعهد
3. _ صورة البطاقة الشخصية 
4. _ شهادة الميلاد 
5. _ موافقة جهة العمل
6. _ ٦ صور شخصية 
7. _ موقف من التجنيد (للذكور)
8. _  إيصال دفع فوري لرسوم ملف التقديم (مبلغ ٣٠٠جنية)
9. _ استمارة التسجيل الالكتروني (برنت التسجيل الالكتروني)

شروط الالتحاق بالبرنامج الخاص :

• - ألا يقل التقدير عن جيد جدا 
• - اجتياز اختبارات القبول والمقابلة الشخصية (القدرات)
• - تقديم شهادة المعاملة العسكرية بالنسبة للذكور
• - يتم عمل مقاصة علمية لتحديد المستوي الذي سيلتحق به الطالب .

ملحوظة :-

1. يتم تصوير كامل اوراق الملف نسختان
2. تقديم الاوراق مبدئي ولا يعتبر المتقدم مقيد بالكلية الا بعد اجتياز الاختبارات و المقابلة و تسجيل المقررات و الساعات المعتمدة و دفع الرسوم الدراسية للفصل الدراسي الأول
3. يجب الا يكون قد مر علي التخرج اكثر من عشرة اعوام
4. الا يزيد عمر المتقدم عن (30) عاماً وقت فتح باب التقدم 
5. 
   

برشور تقديم البرنامج الخاص بكلية تكنولوجيا العلوم الصحية ببنى سويف لعام 2022-2021

مكان التقديم بالنسبه لكلية العلوم الطبيه ببنى سويف: 

فى كليه العلوم الطبيه فى (مجمع تعليم صناعي شرق النيل _ اول الطريق الصحراوي الشرقي ) الكلية موجودة بجوار كلية طب اسنان.

المصاريف الخاصه بالكليه لخريجى المعهد: 

عام 2016-2017 كانت 4280 جنيه للفصل الدراسى الاول و 3100 جنيه للفصل الدراسى الثانى والمصاريف دي هتدفع بعدين مش هتتدفع لما تيجي تقدم.

عام 2015-2016 كانت 4000 جنيه للفصلين الدراسيين والمصاريف دي هتدفع بعدين مش هتتدفع لما تيجي تقدم.

وبعد كده هيتعمل انترفيو للمقبولين واللى هيحضره هيدخل بنسبه 98% وربنا يوفق الجميع.

استفسارات

يمكن الأستفسار من عبد الرحمن سويرى .

اولا :-

استمارة التسجيل الالكتروني او برنت التسجيل هي اخر خطوة بعد ما تدخل بياناتك علي اللينك ده👇

رابط الاستمارة

بعد ما تملي بياناتك بيظهرلك صفحة فيها رقم مرجعي و بياناتك اللي دخلتها اضغط علي طباعة واحتفظ بالبرنت لتقديمه مع الملف

---------------------------

ثانياً :-

طريقة دفع وصل المظروف للتقديم

حضرتك بتدخل علي جوجل وتكتب ف البحث جامعة بني سويف المدفوعات الاخري للطلاب و تمشي علي الخطوات و ف صورة مرفقة بالبوست بتوضح الخطوات

دفع وصل المظروف

خطوات سداد وصل فوري رسوم  المقابلة الشخصية للعام الجامعي 2021 /2022

1- ادخل علي google وابحث عن جامعة بني سويف مدفوعات اخري

2 - ادخل بياناتك و اختار الكلية و في خانة نوع الخدمة اختار مدفوعات كلية العلوم الطبية

3- اختار من القايمة مقابلة شخصية و حدد الكمية 1

4- اضغط حفظ و اختار كلمة فوري

5- ادخل رقم هاتف وايميل

6- اختار طريقة الدفع فوري و انتظر الكود

7- اذهب الي اقرب ماكينة فوري بالكود الذي حصلت علين بعد الخطوات السابقة 

خطوات سداد وصل فوري رسوم  المقابلة الشخصية للعام الجامعي 2021 /2022

---------------------------------

ثالثاً :-

المادة العلمية لاختبارات القدرات هاتكون متاحة مع حضراتكم خلال ساعات قليلة باذن الله وبوقت كافي علشان تقدروا تذاكروها كويس وتستعدوا للامتحان

المادة العلمية هي عبارة عن منهج مصغر في التخصص سواء كان ( تكنولوجيا الاشعة - تكنولوجيا المختبرات - تكنولوجيا البصريات - تكنولوجيا الاجهزة) المطلوب من حضراتكم انكم تذاكروه كويس..... بالاضافة الي منهج مصغر في مادة المصطلحات الطبية medical terminology

--------------------------------

رابعاً :-

شرط السن موجود من ضمن شروط التقديم وهو الا يكون المتقدم اكبر من 30 عام وقت فتح باب التقدم للبرنامج الخاص

-------------------------------

غلق باب التقدم يوم 20 من الشهر الجاري ويتم بعده فحص ملفات التقدم للمتقدمين و تحديد موعد الاختبارات و المقابلة الشخصية

الاقسام الموجوده: 

1. اشعة
2. تحاليل
3. صيانة اجهزة
4. اسنان 
5. بصريات خدمات طبية
6. رعاية صحية
7. تسجيل طبي
8. ادارة طبية.

الاقسام الموجوده فى كلية العلوم الطبيه ببنى سويف: 

• الادارة الطبية / التسجيل والاحصاء (39 طالب عام 2016)
• خدمات طبية وطوارىء (97 طالب عام 2016)
• صيانة الاجهزة الطبية (9 طلبه عام 2016)
• بصريــــــــات (18 طالب)
• معاونييـــــــــــــن صحيين (112 طالب عام 2016)
• المعــــــامـــــل (352 طالب عام 2016)
• الاشعــــــــة (268 طالب عام 2016)
• أسنان (أول سنه هيقبل هى 2017) 

للعلم! ممكن لو لسة في الجيش تجيب اثبات من الجيش انك بتقضي خدمة وتقدم عادي وتحضر الاتنين. 

بالنسبة للتكليف: 

ممكن تستلم تكليفك مع شغل عادي وبعد ما تخلص الكلية بتعمل تحسين وظيفي بالمؤهل الجديد (او ما يسمي بتسوية بدل فني تبقي اخصائي) .

هل هيتم قبول عدد كبير ؟ حتى الان غير معلوم .

ملحوظه: بالنسبه للاوائل فى المعهد فالكليه بتعملهم حصر وتاخد اعلى مجموع فيهم ويدخل كانتظام يعنى بدون فلوس.

ملحوظه: الحاصلين على بكالريوس من معهد بصريات يمكنهم التكمله فى كلية العلوم الطبيه.

وفقا للشروط التالية (ممكن تتغير ع حسب اللوائح الموجوده ):

1. الا يتعدى السن وقت فتح باب التقديم ثلاثون عاما
2. الا يكون قد مر على تخرجه من المعهد 10 اعوام
3. ان يكون تقديره جيد جدا على الاقل 
4. يتم ترتيب القبول حسب المجموع التراكمى لسنتى المعهد
5. يلتحق المتقدم بالفرقه الثانيه مباشرة بنفس التخصص الحاصل عليه من المعهد
6. ان يجتاز اخبارات المقابله الشخصية والكشف الطبى وفق شروط يحددها مجلس الكلية ومعتمدة من مجلس الجامعة. 

للعلم! و يفضل ان يكون الخريج من المعهد حاصلا ع دورات ال ICDL او توفيل وذلك حتى يتم المفاضلة بشهادة الدورة ف الالتحاق بالكلية والله الموفق .

 للعلم! رسوم المقابله الشخصيه وهي 100 جنيه "متغير".

الاوراق المطلوبة للتقديم :

1. بيان نجاح "شهادة مؤقتة من المعهد من المعهد عشان التقدير العام"
2. بيان تقديرات السنتين 
3. موافقة جهة العمل ان وجد
4. موقف من التجنيد
5.  8 صور شخصية -صورة بطاقة - شهادة ميلاد
6. دوسية بلاستك 
7. ملف تقديم ب 250 ج بتاخده من مكتب التقديم فى الكليه.
8. بتدفع إيصال بقيمة تمن ملف التقديم عن طريق فوري .
9. بتدخل على موقع الكلية وهتدخل بياناتك وبعد كدا بتطبع الورقة من الموقع ببياناتك.

طريقه التقديم الالكترونى:

بصو بقا علشان ف ناس كتير تايهه ف موضوع التقديم الموضوع هيمشي كالاتى:

اولا كدا : هتخشوا على الموقع ده وهتسجل بياناتك عادى و تدوس ارسال  

تاني حاجة:- هتخشوا على الموقع ده وهتسجل الرقم القومى و رقم تليفونك و تختار(مقابله شخصيه - مظروف تقديم) ب 600 ج "متغير من سنه لاخرى" و هيجيلك كود ع الفون بتاعك و تروح لاى محل فورى و تديله الكود و ال600ج و هو (تاخد الايصال بتاع المصاريف )

تالت حاجة : هتطبع الملف ده و تملى البيانات بتاعتك كلها و اللى مش عارفها ب تسالنا ي تسيبها فاضية - مش عايزين حد يجود من عنده .

اخيرا :  بتاخد ( الورق اللى طبعته + وصل المصاريف + الصور و الورق اللى بتجيبه من المعهد ) و تطلع على الكليه.

ملف التقديم

المذكره العامه لكل الشعب فى المصطلحات الطبيه

رابط التحميل

ملزمة تخصص اشعة تذاكرها مع الملزمة الاول 

رابط التحميل

امتحان البرنامج الخاص شعبة الاشعه بتاع سنه 2018

رابط التحميل

ملزمة تخصص مختبرات تذاكرها مع الملزمة الاول 

رابط التحميل

شوية استفسارات بقى:

هنطبع الملف فاضي ولا فيه البيانات مكتوبه ع الكمبيوتر وتاني حاجه اللي سجل ومجاش له رساله ع الفون اي الوضع: 

الملف فاضي و امليه بخط الايد والرساله بتيجي عن طريق فوري ف دفع المصاريف مش تسجيل بيانات.

الموقع بيفضل مفتوح لامتى :

مش متحدد

هو رقم الخدمة هو رقم الكود:

هو نفسه

انا سجلت ومفيش كود اتبعت علي الموبايل:

جرب تاني

لازم اصل شهادة الميلاد الكمبيوتر ولا ينفع صورة:

لازم الاصل "الاصل بيطلع وانتى واقفه بصورة بطاقه مش صعبه"

يا جدعان ايه رقم جواز سفر الوافد ودوله الوافد:

دا ميخصش المصريين دا لو حد مقدم فالكلية من الخارجً من دولة تانية

أكتب ايه في الكمية "هو مش المفروض 600" :

واحد "1" وهيظهرلك بعد كده كودك والمبلغ اللي هو 600

ورق التقديم

ورق التقديم

معلومات هامه

القبول في الكلية لا يعتمد على التقدير أهم حاجة اختبار القبول :

1. بمعنى ممكن واحد جايب جيد جدا يتقبل واللي جايب امتياز ميتقبلش و ده علشان صاحب الجيد جدا دراجاته أفضل في اختبار القبول.
2. يتم القبول من خريجي المعاهد الفنية الصحية ومن معاهد التحاليل البيولوجية.

المصاريف بتاعت الكلية بتختلف من سنة لسنة :

• مصاريف الكلية بس حوالي 10000 في السنة و ممكن تزيد.

ميعاد التقديم:

1. التقديم غالبا بيكون في أول مارس غالباً
2. و بيتم غلق باب التقديم عن انتهاء العدد المطلوب للتقديم
3. بمعنى ممكن يتم الاكتفاء بتقديم 200 طالب لكل شعبة و دول اللي بيتعمل ليهم اختبارات قبول
4. التقديم بيكون لفترة قصيرة ممكن اسبوع او و ممكن اقل أو ممكن تزيد حسب اكتمال العدد المطلوب للتقديم.

الشغل:

• ممكن تكون شغال و بتدرس في نفس الوقت عادي

-- مفيش فرق بينك و بين طالب الانتظام غير الامتحانات بس (لأن كل منا ليه إدارة منفصلة عن التاني )

-- البرنامج الخاص مكتوب في اللايحة أن مدته 5 سنين بس و بعد كده الجامعة بتشوف اذا كانت هتفتحه 5 سنين تاني ولا هترفض فتحه ، و دلوقتي البرنامج فاتح بقاله سنتين، يعني باقي 3 سنين من ال 5

-- و اعتقد ان البرنامج الخاص ممكن ميتجددش تاني 5 سنين إضافية بسبب الحرب اللي علي الكلية من كل جهة .

-- على فكرة جامعة المنوفيه مفيش عندها اي نية نهائياً انها تفتح برنامج خاص عندها و الكلام ده من على لسان دكتورة مشيرة عميدة كلية العلوم الطبية التطبيقية بجامعة المنوفية ، لأن في ناس حاطة امل في أنها تفتح برنامج خاص ... ومع ذلك يقال ان البرنامج الخاص ممكن يفتح في المنوفية السنة الجاية، و ده لو تم نقل الطلاب من مبنى كلية الأسنان لمبني كلية العلوم الطبية اللي كان بيتبني والكلام مش اكيد ان البرنامج الخاص هيفتح السنة الجاية في المنوفية حسب الانتهاء من أعمال المبنى و مراجعة الأمر.

نقطة مهمه جدا 

لحرص موقع علومنجى على مستقبل الطلبة "علمنا بالاتى بخصوص التكملة":

معندناش تفاصيل كتير عنه فنرجوا منكم انكم تسالوا عن الموضوع ده علشان تبقوا ماشيين تمام. 

وهو الاتى لو دخلت معهد فني صحي وكملت كلية هعرف اسوي بالكلية في الحكومة ؟

الحكومه طلعت قانون اسمة قانون الخدمه المدنية ولغت تسوية للي معاهم مؤهلات فنية بالمؤهلات العليا حتي لو كمل وخد بكالوريوس فمسماه هيفضل على طول فني مش هيعرف يغيرة ... وصحة الكلام ده من عدمة معندناش معلومات عنه فنرجوا منكم تسألوا عنه واللى يعرف حاجه يضفها فى التعليقات علشان نعرف زمايلكم.

تعريف للاقسام

1. برنامج التخدير و الرعاية المركزة (جراحية – قلبية – تنفسية):

ويهدف لإعداد تقنى بالتخدير و الرعاية المركزة، ملم بأسس التعامل مع تخدير المرضي و التعامل مع مرضي الرعاية المركزة(جراحية – قلبية – تنفسية) قادر علي تقديم الرعاية الصحية و الملاحظة لهم والتعامل مع كافة الأجهزة الطبية الموجودة بغرف العمليات و الرعاية المركزة واضعا نصب عينية أسس السلامة المهنية له و للمريض.

.

2. برنامج المختبرات الطبية:

ويهدف لإعداد تقنى بالتحاليل الطبية قادر علي سحب و إعداد وتحليل العينات الطبية بمختلف صورها بدقة وسرعة و التعامل مع كافة أجهزة التحليل الطبي و تحضير العينات واضعا نصب عينية أسس السلامة المهنية له و للمريض

.

3. برنامج البصريات و علوم الرؤية:

ويهدف لإعداد تقنى بالبصريات و علوم الرؤية ملم بالقوانين الفيزيائية لانعكاس الضوء و انكساره، قادرا علي تحديد عيوب الإبصار البسيطة و تركيب النظارات و العدسات اللاصقة و القيام باختبارات النظر وتمارينه و معرفة المرضي الذين يحتاجون إلي رعاية طبية اعلي.

.

4. برنامج تقنيات الأشعة (تشخيصية – علاجية):

ويهدف لإعداد تقنى بتقنيات الأشعة (تشخيصية – علاجية) ملم بالقوانين الفيزيائية للإشعاع و مخاطره، قادرا علي التعامل مع جميع أجهزة الأشعة بمختلف أنواعها مستخدما كافة الطرق و الأوضاع المختلفة للتصوير الإشعاعي و العلاجي واضعا نصب عينية أسس السلامة المهنية له و للمريض.

.

5. برنامج طب المجتمع و البيئة ( تغذية – صحة نفسية – صحة بيئية):

ويهدف لإعداد تقنى متخصص بطب المجتمع و البيئة قادر علي التعامل مع مشاكل المجتمع الصحية واضعا في اعتباره العادات و التقاليد المجتمعية المختلفة، ملم بأسس التغذية السليمة في فترات الصحة و المرض بما يمكنه من  إعداد خطة متكاملة للتغذية المتكاملة لكافة الحالات المرضية الشائعة و غير المرضية، ذو دراية بكيفية التعامل مع آثار المرض النفسية و وسائل التحليل النفسي للمريض.

.

6. برنامج الإدارة الصحية و تقنيات المعلومات الإدارية:

ويهدف لإعداد تقنى متخصص بعلوم الإدارة الصحية و تقنيات المعلومات الإدارية للهيئات الصحية و القوانين التي تحكمها، قادرا علي التعامل مع التقنيات التكنولوجية الحديثة و أساليب الإدارة الالكترونية.