كل ما يخص شغل الميدكال ريب أو ميديكال ريب (medical rep)

بِسْــــــــــــــــمِ اﷲِالرَّحْمَنِ الرَّحِيم

 

هذا المقال مهم جدا للحاصليين على بكالريوس علوم ومش لاقيين شغل ده ابسط شغلانه (شغل الميدكال ريب "medical rep") واكثر عمل متاح للجمييع المهم تكون زى ما بيقولوا بتعرف تتكلم وتقنع اللى قدامك ومش كلام نظرى .. ده من قلب سوق العمل ومعلومه للى مش عارف ((التقدير والقسم وﻻ ليهم اى ﻻزمه !)) .

مبدئيا الميكال ريب هي وظيفه مندوب دعايا ادوية بيشتغل فيها خريجي كليات العلوم والصيدله بتبقي الشركه بتاعتك عندها ادوية وانتي بتبقي عارفه كل حاجه عن الدواء سواء تركيبه او اثاره الجانبية او بيتاخد كل اد ايه وسعره وده كله الشركه هى اللى بتعرفه ليك.

وبتروح لطبيب المختص وتشرحله كل حاجه عن الدواء عشان يكتبه للمريض وبتابع مع الطبيب كل اسبوع عشان يكتب الداء بتاعك للمرضي.

الميدكال ريب ممكن يترقي ويبقي سوبر فايزر او اريا مانجير.

مقالات هامة

لو حابب تعرف اسئلة الانترفيو للميديكال ريب "شركات الادوية" وهل مناسب للبنات وله ؟؟

رابط المقال

لو حابب تعرف شركات الادوية ٢٠١٧ موضحة المرتب ونظام العربية

رابط المقال

لو حابب تتعلم بعض الفنيات الخاصة بالميديكال ريب

رابط المقال

نظام الشغل

فى اﻻول بس فكك من الناس المحبطه اللى كارهه حياتها وتقولك شغلانه وحشه ومقرفه.

بس أنا رأى الشخصى الشغلانه دى بترجع لطبيعه دماغك وتفكيرك أنت يعنى فيه ناس تتماشى معاهم وفيه ناس ﻻ تتماشى معاهم.

يبقى الحل ؟

انك تنزل وتجرب بنفسك ولو مستريحتش متكملش بزيادانا احباط وانت كـ Fresh Graduated دى انسب شغلانه ليك

طاب ليه ؟

خبرتك لسه ضعيفه فى السوق ، أثناء شغلك فى المجال ده هتعمل علاقات وتنتقل لحاجات تانيه احسن انت بتحبها ، يعنى مينفعش تقعد ف البيت وتستنى اللى بتحبه .. صح ؟ وسكه بتفتح لسكه والدنيا بتمشى.

المهم .. الشغل بقى يا سيدى :-

1- Full Time 

يعنى ( شيفت الصبح AM بيكون مستشفيات بس ، وشيفت PM بالليل عيادات بس) .. ودا ليه مرتبه (مرتبات كويسه جدا .... وبلاش احدد لان انت وشطرتك).

2- Part Time 

يعنى بتشتغل عيادات بالليل PM بسو الشيفت الليلى ده مطلوب منك تزور حوالى 10 دكاتره فى اليوم يعنى لو انت سيلزاوى شاطر ممكن تخلص ده فى ساعتين .. ودا ليه مرتبه طبعا كويس برضو !

-أنت بتمسك منطقه لوحدك فرضا هيا (مدينه نصر)

- شركتك بتكون شغاله على 5 برودكت مثلا مطلوب منك تسيلز وتماركت (تبيع وتسوق .... دى لغه السوق)  المنتجات دى عند الدكاتره فى مدينه نصر.

- الـ segmentation اللى شغال عليها هيا الدكاتره والصيدليات.

- مطلوب منك تارجت شهرى فرضا 50 الف جنيه ( يعنى انت فى المنطقه اللى انت ماسكها المفروض معدل البيع يصل ل 50 الف جنيه ..دا مثال) ولو محققتهوش مش بيتخصم منك حاجه متقلقش ولو حققته ليك كوميشن او نسبه ودا بيرجع لنظام الشركه .

ازاى بتعمل اى تحديدا ؟

كل يوم ليك عدد زيارات معينه بتنزل تكلم الدكاتره عن منتجات الشركه وتقنعه بيها لو اقتنع بتخلى الشركه تنزل المنتجات دى فى الصيدليه وبتفضل بشكل اسبوعى او زى متحب متابعه مع الدكتور والصيدليه .. الدكتور لو بيكتب منتجاتك كتير هتوصل للتارجت بتاعك بسرعه وانت وشطرتك يا عم السيلزاوى.

المرتب salary :-

الشركات بتتقسم ل 3 اقسام

1. مالتى ناشونال (زى استرا و جلاكسو "دول اكبر شركتان فى مصر بالنسبه للراتب ") ودى مرتبتها من 9000 ل 14000 وتابلت وعربيه ودنيا ودى فى الغالب بتاخد صيدله بس.
2. انترناشونال ودى مرتبتها من 8000 ل 12000 بتاخد علوم وصيدله بس.
3. لوكال ودى من 4500 ل 7500 ولو اشتغلت بارت تايم ممكن تاخد 3500 متستغربش من المرتبات !!

المهارات المطلوبه:

بكل بساطه بتعرف تتكلم ، مظهرك كويس ، بتعرف تكون علاقات ، برنس فى نفسك كدا ، بتعرف تتفاوض وتقنع كويس ، ومتقلقش مع الوقت هتعرف تعمل ده ، تكون بتقرا وتتكلم بمصطلحات طبيه بس ، فى المالتى بيفضلوا اللغه طبعا

المقابلة الشخصية:

الـ interview بيبقى personal مش technical خالص(يعنى على شخصيتك مش علمك):

#ازاى_استفيد_منها ؟ ممكن تفتح شركه بعد سنين خبره ، وقت صغير فلوس كتير يعنى ممكن تتعلم حاجات بتحبها لو انت خريج وعايز تاسس نفسك صح من اﻻول ، وممكن تصرف على نفسك لو انت طالب ، وفى شركات بتسلمك عربيه بعد 4 او 5 شهور.

#ازاى_أقدم ( طلاب وخريجبن ) ؟؟

عندنا تلت طرق للتقديم 

1. اﻻولى عن طريق علاقاتك 
2. الثانيه تروح للشركه بنفسك 
3. الثالثه عن طريق السوشيال ميديا (لينكد ان وطبعا الفيس بوك وهو اشهر )

طاب على السوشيال ميديا جمعتلكم أهم الجروبات اللى بتعلن عن فيكنت او مكان فاضى للعمل :-

1. MEDICAL REPRESENTATIVES FOR ALL EGYPT
2. upper Egypt medical rep
3. egymedical rep
4. medical reps in upper Egypt
5. egymedical jobs
6. medical rep in qena & luxor & aswan
7. egyption medical representatives" Association
8. medical representative in upper Egypt
9. Ba7Rawy MeDiCal ReP حبايبنا اهل البحيره
10. Medical reps all over egypt and Gulf

هتدخل الجروبات دى وتفحكش تفحكيشه محترمه كدا وتجمع داتا كويسه هتلاقى اعلانات كويسه جدا وكتيييير وفى اﻻخر بيقولك ( if u interested please send your cv to) ويديك الميل ابعت ال cv بتاعك (في مقال عن ازاى تعمل cv  محترم ) على الميل ده بقى وتبعت لكل اللى يقبلك وانتظر تليفون ، اللى يكلمك اسئل على الشركه ولو لقيتها كويسه اتكل على الله وروح اﻻنترفيو

#اﻻسئله المشهوره

1) تنفع للبنات ؟ 

اه والله العظيم تنفع ونص.. الفكره فيكى انتى.

2) ممكن اﻻسيستنت او الدكتور يعاملنى وحش ؟ 

معاش وﻻ كان اللى يعاملك وحش .. انا مش بقول انشا انا أعرف ناس بقالها شهور وعمرها متعرضت لحاجه زى كدا !

3) شغلانه تليق بيا ؟ 

اه وانت ممكن تعمل بريستيج لنفسك كويس جدااا

4) امضى على وصل امانه او على شرط جزئى فى اﻻول ؟

أوعى ثم أوعى

5) هو انا لو مضيت عقد عمل ولوحبيت امشى غلط قانونيا ؟

كل الناس الخبره فى السوق بتقولك عادى اشطه وﻻ يهمك .. بس الصح بتعرف الشركه قبلها بفتره

6) هل الـ Pharmaceutical وﻻ الـ Cosmetic احسن ؟

خليك فى ال Pharmaceutical افضل

7) ﻻزم خبره

ﻻ يا سيدى اطمن وﻻ الهوى ، هوا بياخدك زيرو وبيدربك كويس جدا.

8) ممكن اشتغل وانا طالب ؟ 

اه والله ينفع واعرف ناس كتير بس محتاجه حد معرفه يظبطلك الدنيا

9) ممكن اشتغل الفتره اللى قبل الجيش ؟ 

اه ينفع طبعا ، كتير من الشركات بتوافق ، لكن المرتب مش بيكون كبير (بيستغلوا الموقف).

10) ايه أهم المواصفات المتوفره في الميديكال ريب ( يعني امتي اقدر اقول انا كده اقدر اقدم في شركه وانا مش خايف ؟

المندوب دوره يعمل دعاية لمنتج ما... فيعنى مطلوب منه انه يعبر كويس عنه بالكلام وملطوب منه انه يكون لبق ومتحدث وجرئ بحيث ميخفش وهو بيتكلم...مطلوب منه يفهم منتجه عشان يعرف يعبر عنه.

11) طبعا عارفين ان الميديكال ريب ده راجل بيقنع الدكتور بإنه يكتب نوع العلاج ده .... طيب دلوقتي بقا يعني ايه تارجت ؟؟وازاي بيتحدد؟؟؟ وازاي نربط بين الزيارات للدكاتره ببيع العلاج ده ؟؟؟ وازاي اعرف كميديكال ريب ان الدواء بتاعي دا بيتباع او لأ ؟؟؟؟

المنتج الل بيشتغل عليه المندوب بيعه هو علامة شغله للشركة لذلك كل شركة بتحط تارجت للمندوب بحيث يوصل لبيع كمية معينة بحد ادنى عشان يتحاسب بيه على شغله ...العدد ده بيختلف من شركة لشركة ومن منتج لمنتج..العدد ده بتحدده الشركة على حسب طاقة المنطقة فى البيع....العدد ده بيسمى التارجت

بالنسبة للزيارات فهى اكيد بتتناسب طرديا مع كتابة الصنف اللى بتشتغل عليه يعنى كل متابع مع الدكتور اكتر كل مهيتذكر منتجك ويكتبه فى الروشتات المتابعة بالنسبالك من خلال سؤالك فى الصيدليات المجاورة للدكاترة الل بتزورهم....شركات التوزيع زى المتحدة و ابن سينا بتجيبلك بيع المنطقة...

12) ايه هي الشركات اللي بتطلب وظيفه الميديكال ريب دي ؟؟؟؟ ومقراتها بتكون فين ؟؟؟؟؟

كتير جدا ممكن تبحث عنها ف المنتدى وعامة الفرص كلها بتبق ف الاهرام الاسبوعى يوم الجمعة وبتتحط هنا يوميا واسبوعيا

13) ازاي اوصل للشركه دي ؟؟ يعني هل من اعلانات ... طيب ألاقي الاعلانات دي فين ؟؟؟ ولا في طريقه وصول تانيه ؟؟؟؟

هنا وف الاهرام وابحث ع جوجل وغالبا عبر الموبيل او الاميل بارسالك لسى فى بتاعك

14) انا وصلت للشركه دلوقتي هل بيكون في وقت تقديم معين ولا هما طول الوقت بيبقوا طالبين ناس

طول الوقت