أتعلم Customer Service صح (ميديكال ريب)

بِسْــــــــــــــــمِ اﷲِالرَّحْمَنِ الرَّحِيم

النهاردة بتتريق عليهم و بكرة لما تخلص جامعة و تبقي مستني موقفك من الجيش .. او جضرتك لما تبقي لسة مش لاقية وظيفة .. هتكملوا مسيرة اخونا و تشتغلوا ميديكال ريب فى شركه " اللى بتبهرونا فيها بردودكم من نوعية الحبايه دى مليانه مزايا اول انبهار انها بتتاخد بدون ما تشربش مياه " و ممكن تشتغلوا customer service فى شركة تاتا تاتا و غيرها من الشركات "اللى بتبهرونا فيها بردودكم من نوعية اقفل الراوتر و هز السلك" .. مش بمزاجك و ده سيستم الشركة و انت محتاج ال 2000 جنية المرتب .. كل ده حلو .. بس ده ميمنعش انك تتعلم Customer Service صح و تاخد دبلومة فيها .. يا عم بقولك جابر نفسي ع العك دة عشان اقبض مرتب .. تقولي ادفع عشان دبلومة ؟؟!!

مين قال تدفع .. دي دبلومة مجانية و هتاخد شهادة كمان .. و انت قاعد في بيتكم.. يعني من الآخر ملكش حجه وكل المطلوب منك تفضي نفسك ساعة يومياً لمدة اسبوع .. و جنبك كوباية الشاي وورقتين و قلم.

و تدخل على ALison تاخد الكورس :

 http://alison.com/courses/Diploma-in-Customer-Service

الدبلومة دي عبارة اكتر من كورس .. هيبدأوا معاك من الاساسيات لحد ما تبقي فاهم كل كبيرة و صغيرة .. و بعدها هيديك كورسات متخصصة فى خدمة عملاء المستشفيات والمعامل و التسويق العقاري و قطاع الخدمات بشكل عام .. و فى امتحانات فى النص عشان تتأكد انك ماشي صح وده كله هيفتح لك فرص اكتر فى شركات اكبر جوا و بره مصر و بمرتبات و مستوي شغل تانى .

#المجد_لكل_واحد بيطور من نفسه

#شير فى الخير متعرفش مين حياته ممكن تتغير بسببك