المعلومات الكامله عن كليه العلوم جامعه طنطا

بِسْــــــــــــــــمِ اﷲِالرَّحْمَنِ الرَّحِيم

تم إنشاء كلية العلوم بجامعه طنطا عام 1969 والتي كانت فى ذلك الوقت تابعة لجامعة الإسكندرية واستقلت عن جامعة الإسكندرية عام 1972 وحصلت على الاعتماد عام 2015-2016 وتعمل بنظام الساعات المعتمده.

الاوراق المطلوبة للتقديم

1. اصل شهاده الثانويه العامه
2. اصل شهاده الميلاد
3. صوره البطاقه الشخصية
4. نموذج 2 جند (للطلاب الذكور فقط)
5. عدد 6 صور شخصية الطالب
6. مصاريف دراسية  + طوابع
7. صوره لبطاقة الترشيح

ميعاد التقديم

غالبا بيكون من منتصف شهر 9 حتى آخر شهر 10 من كل عام

مصروفات الكلية

رسوم الطلاب المرشحين الجدد لعام 2022/2021 

للطالبات 1299

لطلاب 1311.5

رسوم الطلاب القدامي لعام 2022/2021 

طلاب وطالبات 1177

مصروفات الاقسام الخاصه لعام 2020/2019

الاقـسـام الـخـاصـة بكليه العلوم جامعة طنطا

تنسيق الكلية

فى عام 2022/2021

علمى علوم

337.0

علمى رياضة

283.0

فى عام 2021/2020

علمى علوم

392.0

علمى رياضة

340.5

فى عام 2020/2019

علمى علوم

392.5

علمى رياضة

358.0

فى عام 2019/2018

علمى علوم

385.5

علمى رياضة

357.5

فى عام 2018/2017

علمى علوم

379.0

علمى رياضة

 338.0

لتنسيق باقى السنوات الماضية

رابط التنسيق

فائدة الاعتماد

اولا الكلية تعمل بنظام الساعات المعتمده واخذت الجوده سنة 2016-2017 يعنى كلية معتمده ولو عاوز تعرف ايه فائدة الاعتماد من هذا الرابط.

التخصص والتشعيب

على حسب مجموع الثانوى بتتشعب على الشعب الاتية:

• لو أنت "علمي علوم" بتدخل إما شعبة بيولوجي أو شعبة جيولوجيا في أولى حسب مجموعك في الثانوي + درجه الاحياء .
• لو أنت "علمي رياضه" بتدخل شعبة واحدة وهى علوم طبيعيه. 

التخصص فى سنة تانية

على حسب تقديرك في أولى هتتخصص في سنة تانية ، وفى الاسفل بالتفصيل.

 لو أنت (علمي علوم او علمى رياضة) متاح ليك تدخل من سنة اولى قسم من الاقسام المميزة (بمصروفات حوالى 10 الالاف جنية فى السنة) زى 

1. قسم التقنية الحيوية (بيوتكنولوجى) 
2. قسم جيولوجيا البترول والتعدين 
3. قسم الكيمياء التطبيقية الصناعية 
4. قسم الرياضيات ودعم اتخاذ القرار

لو عاوز تعرف كل المعلومات بخصوص قسم البيوتكنولوجى من هذا الرابط .
لو عاوز تعرف كل المعلومات بخصوص قسم جيولوجيا البترول والتعدين من هذا الرابط .

الاقـسـام الـخـاصـة بكليه العلوم جامعة طنطا

يوجد 3 شعب يتم التشعيب فيها من سنه أولى كالتالى:

وانت لسه داخل سنة اولى

• علمي رياضه بيدخل شعبة عامة اسمها علوم طبيعية
• علمي علوم بيدخل شعبة عامة اسمها بيولوجي أو شعبة عامة اسمها جيولوجيا 

بالنسبة لعلمى علوم بيعتمد دخولك لشعبة من دول على التنسيق الداخلى وانت داخل بيدوك ورقة تختار عاوز تدخل ايه ودائما الاعلى بتكون بيولوجى وبتعتمد علي مجموع الثانويه + مجموع مادة الاحياء.

يعنى من الاخر كده: 

علوم طبيعية "علمى رياضه" ... بيولوجى وجيولوجيا "علمى علوم"
صحيح: تقدر تحول من بيولوجي لـ جيولوجيا او العكس خلال اسبوعين بعد ظهور نتيجة التشعيب ، بحيث تقدر تحول من بيولوجي لـ جيولوجيا من غير اي شروط لكن العكس بيكون صعب الا لو في اماكن متوفرة أو اقل من الحد الأدنى بنص درجة فقط.

الأوراق المطلوبة للتقديم

1/ استمارة نجاح الثانويه الاصل و صورتين
2/ شهادة الميلاد الاصل حديثه فيها الرقم الثلاثي و صورتين
3/ 6 صور شخصية
4/ المصاريف (متغير واللى تحت دى مصاريف 2018)

• 380 علمي علوم + 45 دمغات
• 380 علمي رياضه + 40 دمغات

5/ نموذج 2 جند للذكور فقط (من المكتبه المركزية بجوار الكلية بمجمع الكليات الطبي بطنطا)
6/بطاقه الترشيح المختومة ( دى للدخول من الأمن فقط ) .

التشعيب والتخصص النهائى

بيكون فى سنه تانيه كالتالى:
يجيب ان تجتاز 20 ساعة لتنتقل للمستوي الثاني .
( علوم طبيعيه ) ليك تدخل : كيمياء اسبشيل ، علوم حاسب ، علوم مواد ، فيزياء ، احصاء ، رياضه
( جيولوجيا ) ليك تدخل : كيمياء / جيولوجيا ، جيوفيزياء ، جيولوجيا خاص
( بيولوجى ) ليك تدخل : كيمياء / كيمياء حيوي ، كيمياء حيوي ، كيمياء / ميكرو ، كيمياء / نبات ، كيمياء / حيوان ، كيمياء / حشرات ، كيمياء اسبشيل ، حيوان ، ميكرو ، حشرات ، نبات ، فيزيا حيوي

ملحوظه: الدخول للاقسام على حسب التقديرات بتاعة سنة اولى.

لو عاوز تعرف نتيجة السنوات السابقه لتشعيب طلاب المستوى الثانى جامعه طنطا (الحد الادنى للقبول بالاقسام) 

رابط التنسيق

نظام الدراسة

سنه أولى بتبقى عباره عن أساسيات بتدرس فيها كيمياء وفيزياء ورياضه + مادتين خاصين بالشعبه اللى انت فيها + مواد اسمها متطلب جامعه أو كليه مالهومش علاقه بالدراسه العلميه ف الكليه زي العربي والانجليزي وثقافة الجوده والثقافه البيئيه.

صحيح: متاح لك تسجيل 12 ساعة معتمدة بحد ادنى الى 18 ساعة معتمدة بحد اقصى في الفصل الدراسي. 

الموقع الرسمي لكلية العلوم جامعة طنطا .