كل ما يخص قسم جيولوجيا البترول والتعدين (PMGP) فى كلية العلوم

بِسْــــــــــــــــمِ اﷲِالرَّحْمَنِ الرَّحِيم

 كتير من طلبة الثانويه بيسألونا عن قسم جيولوجيا البترول والتعدين "جيوفيزياء البترول"  لذلك فريق موقع « علومنجى دوت كوم »
 وفرلك كل ما يخص قسم من حيث ايه هو اصلا والتخصص من سنة كام وشروطه وتكلفته فى الجامعات المختلفة وشغلة "الخريج بيشتغل ايه ومسماه ايه" وكتير من المعلومات هتعرفها بنفسك.

يعني إيه جيولوجيا البترول والتعدين

- ببساطه هو أحد العلوم التطبيقيه الجديده اللي بتهدف إلى إعداد خريجين لديهم القدرة على التنقيب والإستكشاف عن البترول و/أو الغاز و/أو المعادن والثروات الموجوده فى باطن الارض.

    

نبذه عن التخصص

يوجد القسم فى كليات العلوم 

1- يوجد فى كلية علوم القاهرة "واسمة فيها علوم البترول الجيولوجيه"

2- يوجد فى كلية علوم عين شمس "واسمة فيها جيوفيزياء البترول"

3- يوجد فى كلية علوم الإسكندرية 

4- يوجد فى كلية علوم المنيا 

5- يوجد فى كلية علوم الإسماعيلية 

6- يوجد فى كلية علوم بورسعيد 

7- يوجد فى كلية علوم المنوفية 

8- يوجد فى كلية علوم المنصورة 

9- يوجد فى كلية علوم إسيوط 

10- يوجد فى كلية علوم السويس 

11- يوجد فى كلية علوم الزقازيق 

12- يوجد فى كلية علوم وطنطا وغيرهم 

13- حاليا فى كلية اسمها كلية علوم البترول والتعدين بمطروح وتابعة لجامعة الاسكندرية ولو عاوز تعرف تفاصيل عنها من هنا 

14- فى كلية تانية اسمها كلية علوم الارض جامعة بنى سويف ولو عاوز تعرف تفاصيل عنها من هنا  

15- فى حاليا برنامج ماجستير لمدة سنتين يجمع بين كلية العلوم وكلية اداب قسم مساحة اسمة برنامج الماجستير المهنى فى علوم المساحة والتعدين بكلية العلوم جامعة طنطا ولو عاوز تعرف تفاصيل عنها من هنا .

التخصص من سنه كام ؟

من سنه أولى إن شاء الله وبتكون 4 سنوات.

شروط التخصص

لا توجد أى شروط للقسم سوى انك تكون جايب مجموع كلية العلوم اللى فيها البرنامج "القسم" ده ومسموح دخول طلبة من علمى علوم وعلمى رياضه ومش بيقبل عدد كبير حوالى من 50-100 طالب فقط فى مختلف جامعات مصر.

فى بعض الجامعات القسم فيها بدون مصروفات خاصة:

زى كلية العلوم جامعة السويس والزقازيق وبورسعيد والمنيا.

وفى البعض الأخر بمصاريف:

زي علوم إسيوط كانت فى 2016 بـ 9 الاف ، وعلوم القاهرة كانت فى 2016 بـ 12 الف  جنية + 10% زيادة كل سنة (كان فى 2014 بـ 8 الاف ولكن زادت المصاريف بدون إضافة أى خدمة للطالب) ، وعلوم طنطا كانت فى 2017 بـ 10 الف جنية (وبيتم اعفاء الطالب الاول من 75% من المصاريف والثانى من 50% والثالث من 25%).

مجالات العمل

نفس مجالات عمل أقسام جيولوجيا وجيوفيزياء سواء منفردة أو مزدوجة فى شركات البترول وهى كالأتى:

مجالات عمل الجيوفيزياء:

• Petrophysicist
• Well log interpreter
• Seismic interpreter
• interpreter of any type of waves "such as Gravity and magnetic"

مجالات عمل الجيولوجيا:

• Mud logger
• Mud engineer
• Well site geologist

شغلة بيكون فى الاماكن دى:

1. الشركات البترولية
2. شركات التعديـن ومجال تعدين الخامات الأقتصاديه الرسوبية.
3. مراكز بحوث الفلك والجيوفيزياء
4. شركات الحفر
5. مصانع الإسمنت و الآجر و مواد البناء وأعمال المحاجر.
6. مكاتب الدراسات للأشغال العمومية
7. المناجم
8. الإستكشافات و الأثار
9. مصلحة الأرصاد وحماية البيئة.

للعلم! العمل فى أغلب شركات البترول بيتطلب واسطة قوية ، قليل جدا العمل بدون واسطة لذلك من أجل أن تعمل يجب أن تكون مميز جدا حتى يكون من الصعب أن ترفضك الشركة ، وهذا يحدث عندما تقوى اللغة ، المهارت ، تتدرب كويس ، تأخد كورسات كثيرة فى المجال ، تعمل سى فى كويس وانت فى الجامعة ، تتخرج بتقدير على الأقل جيد جدا.

أولا مجال البترول :

يُعتبر هذا المجال أكثرهم شهرة فهو بمثابة حلم لعدد كبير من الطلاب والدارسين في مجال الجيولوجيا والبترول ؛ إذا قررت العمل به فعليك دراس وتعلم بعض الكورسات وهي كالتالي: (ليست مُرتبة حسب الأهمية) :

• تسجيلات أبار البترول Well Logging

• البتروفيزياء Petrophysics

• مبادئ الجيوفيزياء Fundamentals of Geophysics

• التنقيب السيزمي Seismic Exploration

• الجيولوجيا الحقلية Field Geology

• الجيولوجيا تحت السطحية Subsurface Geology

• تسجيلات الطفلة Mud Logging

• هندسة الطفلة ( هندسة سوائل الحفر) Mud Engineering

• جيولوجيا البترول Petroleum Geology

• علم الطبقات Stratigraphy

• علم الطبقات الحفرية Biostratigraphy

• الجيوكيمياء Geochemistry

- أنواع شركات قطاع البترول :

1- الشركات المالكة (Owner ) : و هي شركات تمتلك حقوق أمتياز التنقيب في مساحات جغرافية محددة وفقا لعقود مع وزارة البترول و بالنسبة لمعظم الدول العربية تمثل الغالبية منها شركات استثمار أجنبي و تتطلب معظم هذه الشركات عدد معين من سنوات الخبرة .

من أهم الوظائف الخاصة بتخصصات جيولوجيا و جيوفيزياء بتلك الشركات:

Well Site Geologist-Geophysicist-Petrophysicist-Geoscientist- Reservoir Engineer- Petroleum Engineer

2- الشركات المختلطة : و هي شركات تنشأ في مراحل تنمية الآبار بين شركات وطنية تابعة للوزارة و بين شركات استثمار أجنبي .

من أهم الوظائف الخاصة بتخصصات جيولوجيا و جيوفيزياء بتلك الشركات:

Well Site Geologist-Geophysicist-Petrophysicist-Geoscientist-Reservoir Engineer –Petroleum Engineer

3- شركات الخدمات (Service ) : و هي شركات تقوم بتنفيذ خدمات معينة تتطلبها الشركات المالكة أو المختلطة ( خدمات تسجيلات آبار – خدمات مقاولات معدات حفر – خدمات تسجيلات طفلة – خدمات تحضير سوائل الحفر ( الطفلة ) – خدمات معالجة بيانات ....الخ .

من أهم الوظائف الخاصة بتخصصات جيولوجيا و جيوفيزياء وجيولوجيا البترول بتلك الشركات:

Mud Logger- Mud Engineer –Wireline logger-LWD/MWD Engineer-Processing Geophysicist – Bit Engineer.

مواقع شركات بترول – مصر :

دليل شركات البترول فى مصر

رابط التحميل

ملف لكل شركات البترول والتعدين

رابط التحميل

موقع يحتوى عدد كبير من أماكن شركات البترول

رابط الموقع

اهم شركات طلبات التوظيف هي :

رابط الشركة

اهم الشركات الي فيها استمارات تقديم جاهزة للخريجين هي :

الشركة الأولى

الشركة الثانية

ثانيا : مجال التعدين ( جيولوجى البترول والتعدين – جيولوجي – جيوفيزيائي – جيوكيميائي بشركات التعدين) :

عملية التعدين في الأساس تشمل استخراج الخامات من باطن الارض وكيفية معالجتها لاستخدامها في العديد من المجالات الصناعية الاخرى؛ هناك العديد من الكورسات التي ستحتاج إليها في هذا المجال؛ عموماً حاول أن تبدأ في تعلّم هذه الكورسات:

• تقنيات التنقيب الجيوفيزيائي Geophysical Prospection Techniques

جيولوجيا الخامات Ore Geology

• المعادن والصخور Minerals & Rocks

• الجيولوجيا الاقتصادية Economic Geology

• جيولوجيا أحصائية Geostatistics

• جيوكيمياء Geochemistry

اهم شركات التعدين بمصر :

🔘 الهيئـــــــة المصــــــرية العـــــــامة للثــــــروة المعـــــــدنية

العنوان : 3 ش صلاح سالم -العباسية - القاهرة - بجوار مسجد الرحمن الرحيم

____________________________

🔘 أســـــــيك (أسكـــوم) للجيـــولوجـــــيا والتعــــــدين

-عنوان: 26 شارع 265 – المعادي الجديده – المعادي - القاهره

-الموقع الالكتروني: www.ascom.com.eg

-تليفون: 0225203371 // فاكس: 0225203373

-بريد الكتروني: ascom@ascom.com.eg

-اتش أر: hr_recruit@ascom.com.eg

____________________________________

🔘 ســـــــــــــــــــــــيـليكـا لأعمـــــــــــال للتعـــــــــــــــــــدين

عنوان: فيلا 61 الياسمين7 - ش التسعين الشمالى - التجمع الخامس

اقرب مكان : نادى بترو سبورت

بريدالكتروني: info@silikamining.com

موقع الكتروني: www.silikamining.com

فيسبوك: https://www.facebook.com/Silika.for.mining

موبيل: 01001775679 // 01220222000

______________________________

🔘 جـامـــــيش مصـــر للتعــــــــدين

عنوان: تقاطع شارعي 206 و 254 – دجله – المعادى (عمارة شل – الدور الاول)

تليفون: 0225198236

بريد الكتروني: camisegypt@hotmail.com

_____________________________

🔘 النيــــــــــــــــــــل للتعــــــــــــــــــــدين

عنوان: 3 ش عبدالله نور – من ش السيد الميرغني – هليوبليس – القاهره

بالقرب من بنك QNB

تليفون: 0222909020

موقع الكتروني: www.nileformining.com

أشخاص للتواصل: م.جيولوجي/ محمد غريب ابوعميرة - 01119965575

geologistmohamedghareeb@gmail.com

hr@nileformining.com

_______________________________________________

🔘 فوســــــــــفات مصـــــــــــر

قطعه 9و/7 - تقسيم اللاسلكي – طريق الأوتوستراد – بعد نزلة المعادي الاولي – أمام بنزينة وطنيه وملاصقه لكنيسه تحت الانشاء

م. أحمد يوسف , مساعد رئيس الشركة للانتاج

ayoussef.202@gmail.com

Ahmed.youssef@phosphatemisr.com

01090085843

_______________________________________________

🔘 الـــوادى الجـديـــــد للثـــــــروه المعـــــــدنيه و الطفلـــــــه الزيتـــــــيه

عنوان: 8 ش عبدالحميد حسن من ش احمد ابوالعلا - الحى الثامن -مدينة نصر (اول عماره علي يسارالشارع) بجوار جامع الشربيني و محل بيتزا وفطائر السلطان

موقع الكتروني: www.wadico.net

أشخاص للتواصل: م.جيولوجي/ عبدالمجيد محمد عبدالمجيد

مدير عام الاستكشاف g.mgid@yahoo.com

01022453333

______________________________

🔘 المصـــــــريـه للثـــــــــــروات التعــــــدينـــــــيه

أخر شارع المساحه الجيولوجيه – متفرع من ش صلاح سالم – العباسيه – بجوار هيئة الثروه المعدنيه ومسجد الرحمن الرحيم و مكتبة الفيومي – المبني الأيمن الدور الاول

______________________________

🔘 شــلاتيـــــــــن للثــــــــروات المعـــــــدنيــــه

أخر شارع المساحه الجيولوجيه – متفرع من ش صلاح سالم – العباسيه – بجوار هيئة الثروه المعدنيه ومسجد الرحمن الرحيم و مكتبة الفيومي – المبني الأيسر الدور الثالث

جيولوجي/ محمود محمد جابر السيد

مدير عام الاستكشاف Mhmd_gabber@yahoo.com

01009824647

______________________________

🔘 بـارمينــــــــــكو مصـــــر لخدمـــــات التعــــــــدين

17ش بورسعيد ، الدور الثالث، شقه رقم 34 – المعادي – القاهره

______________________________

🔘 فـوجـــــــــــــرو Fugro

17- شارع بورسعيد – المعادي – القاهره

______________________________

🔘 جيـــــــــــو ريســــــــــــيرش

29 عمارات نيريكو – شارع الاندلس – الدور الرابع شقه 42 – دجله - المعادي

______________________________

🔘 اندستـــريمـــــــب انتـــرناشــــــــونال

49 شارع عبدالخالق ثروت – العتبه – امام جراج الاوبرا – الدور السادس

______________________________

🔘 ريـلاينـــــــــس ايـجيبــــــــت للتعـــــــــدين Reliance Egypt

13شارع شريف باشا – وسط البلد – القاهره

قريبه من: ديوان عام وزارة الأوقاف – تقاطع شارعي رشدي باشا و شريف باشا

أقرب مترو: محمد نجيب relianceegypt.com

______________________________

🔘 الفيـــــــــــروز للتعـــــــــــــدين

12 ش حسين فهيم – متفرع من شارع الملك فيصل – الجيزة – الشارع جوار مسجد الزهراء وعلي ناصيته محل فطائر فيصل

______________________________

🔘 النصـــــــــــــــر للتعــــــــــــدين

23 شارع طلعت حرب (الدور الرابع) – وسط البلد – القاهرة

بجوار حلواني العبد

أقرب محطة متـرو ( السادات )

_____________________________

🔘 الأهـــــــــرام للتعـــــــــــــــــدين

-عنوان: 16 عمارات بدر - بجوار كارفور المعادي - المعادي

-الموقع الالكتروني: www.alahranmining.com

-تليفون: 0223103890 - 0223103891

-بريد الكتروني: alahrammining@yahoo.com

mohamedwahsh2003@yahoo.com

________________________

🔘 جيــودريــــــــــل لحفـــر الابـار و الابحــاث الجيـــولوجيـــــه

12أ ش محمود عارف, من ش الشيشينى, فيصل الهرم.الجيزه مصر

______________________________

🔘 الدولـيــــــــــة للتعـــــــــــــدين والإستثمــــــــار ( إكــمـــــــي )

41 ش البطل أحمد عبدالعزيز – المهندسين – الجيزه salah_hamouda@icmi-egypt.com

______________________________

🔘 الشـــــــــــــرق الاوســــــــط للاستثــــــــمارات التعـــــــــدينيه - ميمــــــــــكو

29 شارع تاج الدين السبكى - مصر الجديده - القاهره - مصر

______________________________

🔘 مالـــــــــتي-مــــــــين Multi-Min

97 ش عمر بن الخطاب – هليوبليس – القاهره

dalia.ali@multi-min.com

______________________________________________

🔘 ريـــــدجــــوود ايـجيبـــــــــــت Ridgewood Egypt

165 ش العروبه – هليوبليس – القاهره

بجوار أخر سور مجمع الجلاء للقوات المسلحه

______________________________

🔘 المصـــــــريه السعـــــــــوديــــــــــه للتعــــــــــدين

ش الجزائر الشطر العاشر – المعادى الجديدة

أول شمال بعد تقاطع ش الجزائر مع ش فلسطين

______________________________

🔘 المصــــــــتـريه للاستشـــــــــــارات الجيولوجيـــــــــه والتعــــــــــدين

274 شارع التسعين –التجمع الخامس - القاهره - مصر

______________________________

🔘 ســــــــــاف مصـرللصناعه – الوطنـــــــيه للمنـــــــاجم والمحــــــــاجر

57 شارع مصطفى النحاس - مدينه نصر - القاهره

تقاطع اخر ش مكرم عبيد مع ش مصطفي النحاس

أمام محجوب للسيراميك و البورسلين وجوار بنك الكويت الوطني

عنوان اخر: ش محمد فهمي المحضر من ش الطيران –مدينة نصر

جوار مدرسة العلا للغات وقريبه من مجمع البحوث الاسلاميه و مسجد نوري خطاب

______________________________

🔘 سينــــــاء للخدمــــــــات التعــــــــــدينيـــــه والبتــــــــــروليـــــه

2/1 ش عمر بن الخطاب - حى السفارات - مدينه نصر

______________________________

🔘 مؤســــــــــسة الحكمــــــــه التجــــــاريه للمـــــــــناجم و المـــــــــحاجر

166 عمارات صقر قريش – المعادي الجديده – المعادي - القاهره

______________________________

🔘 جـــــــيو كويـــــــــري للتعــــــــــــــدين GeoQuarry

8/1 ش النصر – الدور 3 شقه 34 – المعادي الجديده – المعادي – بجوار مؤمن

www.geoquarry.com

______________________________

🔘 الفتـــــــــــــــــــــــح للتعــــــــــــــدين

شارع 18 – قلعة الروضه – المنيل – القاهره

أقرب مترو: الملك الصالح 

www.elfathformining.com

______________________________

🔘 كيـــــــــــــــــما جــروب للمـــــــــناجم و التعـــــــــدين

52 شارع مصدق – الدقي - الجيزه

______________________________

🔘 البحـــــر الاحمـــــــــر للتعــــــــــــدين (شبح)

2 ش ألماظه – هليوبليس - القاهره 

www.redseaminingegypt.com

______________________________

🔘 سينــــــــــــــاء للمنـــــــجنيـــــــــز

1 ش قصر النيل – الدور الثالث – وسط البلد – القاهره

أعلي بنك الاسكندريه

______________________________

🔘 جريــــــــن ايجيبت للتعــــــــــــــدين

17 ش الشهيد كمال الدين الفسخاني – ألماضه – مصر الجديده

بالقرب من تقاطع ش الميرغني و ش النزهه

www.greenegyptgroup.net

ثالثاً المراكز البحثية :

يشمل المجال البحثي العديد من الحقول الوظيفية المختلفة منها على سبيل المثال (دراسة خواص التربة، رصد النشاط الزلزالي، متابعة الهزات الارضية، كيفية التعامل معها وغيرها الكثير من الأنشطة البحثية المُختلفة).

أهم المراكز البحثية في مصر:

هيئة الطاقة النووية

http://www.eaea.org.eg/Default.aspx

الهيئة القومية للاستشعار عن بعد وعلوم الفضاء

http://www.narss.sci.eg

معهد بحوث البترول - وزارة البترول والثروة المعدنية

http://www.epri.sci.eg/

المعهد القومي للبحوث الفلكية والجيوفيزيقية

http://www.nriag.sci.eg

هيئة المساحة الجيولوجية و الخرائط :

http://www.esa.gov.eg

معهد بحوث المياه الجوفية

المركز القومي لبحوث المياه

https://www.mwri.gov.eg/index.php/2017-02-09-11-24-29

مركز بحوث الصحراء مصر

https://www.facebook.com/drc.gov.eg/

رابعاً ) مجال التدريس :

التدريس سواء في الجامعة أو المدرسة كمجال وظيفي لا بأس به ويسلكه فئة كبيرة من خريجي كليات العلوم باختلاف تخصصاتهم.

خامساً ) التحرير والكتابة العلمية و الصحافة العلمية Science Writing and Editing

مع وجود خلفية علمية جيدة ومستوى احترافي في التعامل مع اللغة الانجليزية يصبح بإمكانك العمل في مجال الكتابة العلمية سواء في ترجمة المقالات العلمية أو مراجعتها وتنقيحها من الأخطاء العلمية أو في اختيار وترشيح بعض الموضوعات للنشر.

سادساً ) ضباط متخصصين في القوات المسلحة.

القسم فى كلية العلوم جامعة القاهرة

بدأت الدراسة فى القسم فى دفعة 2007 وتعد اول كلية ينشأ فيها القسم ده واسمة علوم البترول الجيولوجية ومصروفات القسم كانت فى 2020 بـ 25 الف (كان  بـ 24 الف جنية 2019 وكان بـ 22 ألف فى 2018 وكان فى 2016 بـ 14 الف جنية وكان فى 2015 بـ 12 الف فى السنة) مع 10% زيادة سنوية "متغير فى السنة" ونظام البرنامج هو الساعات المعتمده بواقع 146 ساعة معتمدة للتخرج وعدد الساعات المعتمدة فى الفصل الدراسى الواحد تتراوح من (17ساعة) فى كل فصل دراسى بحيث تكون الساعة الواحدة ب 550 جنيها .

مسموح لعلمى رياضة وعلمى علوم يدخلوه سواء بعد الثانوية العامة او محول من كلية تانية لكلية العلوم جامعة القاهره "ومسموح بدخوله فى السنة التانية للناس المحوله" وبالشرط الاتى ياخذ أعلى 200 طالب من حيث مجموع الثانوية العامة + درجة اللغة الإنجليزية + مقابلة شخصية.

 

القسم فى كلية العلوم جامعة الاسكندرية

بدأت الدراسة فى القسم فى دفعة 2007 وتعد ثانى كلية ينشأ فيها القسم ده ومصروفات القسم كانت فى 2020 بـ 22 الف جنية (كانت فى 2018 بـ 19 الف جنية) "متغير كل السنة زيادة 10%".

نظام البرنامج هو الساعات المعتمده بواقع 132 ساعة معتمدة للتخرج وعدد الساعات المعتمدة فى الفصل الدراسى الواحد تتراوح من (17ساعة) فى كل فصل دراسى بحيث تكون الساعة الواحدة ب 550 جنيها .

قواعد القبول بالبرنامج: القبول بكلية العلوم عن طريق مكتب التنسيق + الا تقل درجة اللغة الانجليزية عن 90% (45 من 50 اذا كانت هى اللغة الاجنبية الاولى 36 من 40 اذا كانت هى اللغة الاجنبية الثانية وهكذا) + ملأ طلب الالتحاق بالبرنامج من مكتب شئون الطلاب بالشاطبى وتقديمه الى نفس المكتب مع المرفقات المطلوبة (شهادة درجات الثانوية العامة – بطاقة الترشيح لكلية العلوم) و يتم قبول الملتحقين بالبرنامج (عدد 60 طالب وطالبة) علي أساس المجموع الإعتبارى وهو المجموع الكلي مضافاً إليه درجة اللغة الأنجليزية وتكون الدراسة منذ السنة الأولي باللغة الأنجليزية.

يوفر البرنامج عدد من المنح المالية الفصلية فى بداية كل فصل دراسى بشرط الايقل المدل الفصلى للطالب عن 3.67 نقطة على النحو التالى:

- الطالب الاول إعفاء بنسبة 70 % من قيمة المصروفات الدراسية

- الطالب الثانى إعفاء بنسبة 50 % من قيمة المصروفات الدراسية

- الطالب الثالث إعفاء بنسبة 30 % من قيمة المصروفات الدراسية

الموقع دا بيوضح البرنامج اكتر

رابط الموقع

وحاليا تم عمل برنامج ماجستير علمي ومهني لجيولوجيا البترول بعلوم الإسكندرية لتفاصيل اكتر

رابط الماستر

القسم فى كلية العلوم جامعة عين شمس

بدأت الدراسة فى القسم فى دفعة 2013 وتعد ثالث كلية ينشأ فيها القسم تحت مسمى جيوفيزياء البترول ده ومصروفات القسم بتكون 16 ألف جنيه "متغير" فى السنة بواقع 385 جنيها في الساعة المعتمدة.

نظام البرنامج هو الساعات المعتمده بواقع 153 ساعة معتمدة للتخرج وعدد الساعات المعتمدة فى الفصل الدراسى الواحد تتراوح من (17ساعة) إلى (21ساعة) على الأكثر فى كل فصل دراسى ومعدل تراكمى للتخرج لا يقل عن 2.33.

لمعرفة المواد الدراسية يمكنك تحميل ملف pdf

رابط المواد

القسم فى كلية العلوم جامعة المنصوره

بدأت الدراسة فى القسم فى دفعة 2014 وتعد اول كلية ينشأ فيها القسم ده ومصروفات القسم كانت بـ 12 الف جنية "متغير" فى السنة.

مسموح لعلمى رياضة وعلمى علوم يدخلوه سواء بعد الثانوية العامة او محول من كلية تانية لكلية العلوم جامعة وهياخد اعلى طلبة مقدمين من حيث مجموع الثانوية العامة + درجة اللغة الإنجليزية.

نظام البرنامج هو الساعات المعتمده بواقع 136 ساعة للتخرج.

وعلشان الطالب ينتقل من المستوى الاول للمستوى الثانى "الفرقه الثانية – سنه تانيه" لازم ينجح فى 30 ساعة معتمده على الاقل من اصل 36 ساعه.

للتسجيل في البرنامج يتم الدخول على الموقع التالي .

لمعرفة المواد الدراسية يمكنك تحميل ملف pdf

رابط المواد

القسم فى كلية العلوم جامعة طنطا

بدأت الدراسة فى برنامج جيولوجيا البترول والتعدين PMGP فى دفعة 2016 ومصروفات القسم كان بـ 11 الف جنية فى 2020 وكان بـ 10 الالاف جنية فى 2018 "متغير فى السنة" (وبيتم اعفاء الطالب الاول من 75% من المصاريف والثانى من 50% والثالث من 25%).

مسموح لعلمى رياضة وعلمى علوم يدخلوه سواء بعد الثانوية العامة او محول من كلية تانية لكلية العلوم جامعة طنطا "وده الكلية مش موضحه تفاصيله بالضبط ... هل مسموح بدخوله فى السنة التانية للناس المحوله زى القاهره وله هتعيد اولى مش واضح بالضبط" وبالشرط الاتى ياخذ أعلى 75 طالب من حيث مجموع الثانوية العامة + درجة اللغة الإنجليزية.

نظام البرنامج هو الساعات المعتمده بواقع 144 ساعة للتخرج.

وعلشان الطالب ينتقل من المستوى الاول للمستوى الثانى "الفرقه الثانية – سنه تانيه" لازم ينجح فى 30 ساعة معتمده على الاقل من اصل 36 ساعه.

لمعرفة المواد الدراسية للقسم من خلال الرابط ده .

القسم فى كلية العلوم جامعة الزقازيق

القسم متاح لعلمى علوم فقط .

مصروفات القسم كانت بـ 7 الف جنية فى 2020 "متغير فى السنة".

الفرق بين قسم جيولوجيا البترول وهندسه البترول

في لبس عند الناس القسم ده حاجه وهندسه البترول حاجه هما مش بياخدوا كورسات جيولوجيا زينا هما بيدرسوا الموضوع من ناحيه هندسيه "ازاى تستخرج البترول وتصنيع المعدات اللى اقدر استخرج بيها" لكن احنا من ناحيه جيولجيه "استكشاف البترول واقول هل المكان ده فعلا ممكن يبقى فيه بترول وله لا وافضل مكان ممكن نشتخرج منه بناءا على داتا بتتقدم لى او بجمعها من خلال معدات معينة بتبينلى طبقات الارض وما الى ذلك".

  

الفرق بين قسم جيولوجيا البترول والتعدين و جيوفيزياء

فى بداية انشاء برنامج البترول فى كليات العلوم زى القاهرة أنشا برعاية شركات البترول وكان يقدم  خدمات مميزة للطلبة عن الأقسام العادية مثل الأتى:

1. شركات الرعاية تدرب الطلبة عندها من سنة اولى وكل سنة حتى التخرج.
2. تطور لهم فى المناهج حسب ما تراه مناسبا لسوق العمل.
3. توفر لهم كورسات لغة انجليزىة من المعهد البريطاني.
4. وجود مبني خاص للقسم ومعامل ومدرجات واجهزة حديثة خاصة للقسم.

وكل هذا من أجل أن تكون الطلبة مميزة عن غيرهم وعند التخرج يكونوا مؤهلين لسوق العمل ويعمل أغلبهم فى شركات البترول الراعية للقسم حسب العقد وعلى هذا الأساس كان القسم خاص ومميز ، وعلى هذا أساس أيضا كانت الطلبة تدفع المصروفات الخاصة للقسم حتى تكون عند التخرج مؤهله للعمل أكثر من أى قسم أخر وتضمن أن تعمل فى  شركات البترول الراعية أما الأن فالوضع مختلف تماما ، كل الشركات الراعية تركت رعاية القسم ، وكل المميزات اللى تحدثنا عنها لم تعد موجودة وتحول القسم من قسم خاص ومميز لقسم خاص فقط ، وأصبح القسم عادى مثل أى قسم أخر وظلت المصروفات التى يدفعها الطالب ، وذلك كلة بدون ميزة واحدة أضافية للطالب فى القسم عن الطالب فى القسم الغير خاص زي جيوفيزياء وجيولوجيا يمكن الفرق الوحيد الغير مؤثر انك بتاخد كورسات مكثفه اكتر من الاقسام التانيه.

الخلاصة:

أن برنامج البترول غير متميز لأنه بمصروفات خاصة بدون أى مميزات ، لأن الطالب يدرس مواد جيولوجيا وجيوفيزياء وبعد التخرج يعمل نفس عمل أقسام جيولوجيا وجيوفيزياء وكيمياء جيولوجيا فى النهاية يمكن الفرق الوحيد الغير مؤثر انك بتاخد كورسات مكثفه اكتر من الاقسام التانيه.

نصيحتي:

أن تدخل قسم جيولوجيا او جيوفيزياء او كيمياء جيولوجيا إذا كنت تحب مجال البترول ، وإذا كنت تخاف ألا تستطيع الألتحاق بهم ممكن أن تحاول فى سنة أولى أن تحصل على التقدير الذى يؤهلك لهذه التخصصات وتتخصص فيهم وإذا لم تستطع يمكن أن تحول لقسم بترول من السنة الثانية إذا كنت أخذت مواد جيوفيزياء وجيولوجيا فى سنة أولى وستكون قمت بتوفير مصروفات سنة أولى.

المسمى الوظيفى لخريجى القسم

الخريج بياخد لقب اية:

لقب مهندس جيولوجي من نقابة العلميين

• بشرط اما انك تاخد دورة مكثفه من نقابة العلميين فى المجال ده او تقدم ما يثبت المزاولة الفعلية للمهنة 
• بتحصل على اللقب من نقابة العلميين وكذلك من الجمعية العربية للجيولوجيين (أتحاد الجيولوجيين العرب). 

كرنية مهندس جيولوجى

كرنية مهندس جيولوجى

القسم تابع لنقابة ايه؟

نقابة العلميين وليس نقابة المهندسين لعدم الخلط.