المعلومات الكامله عن كليه العلوم جامعه الأزهر (علوم الازهر)

بِسْــــــــــــــــمِ اﷲِالرَّحْمَنِ الرَّحِيم

هذا المقال من موقع « علومنجى دوت كوم » بيتكلم عن المعلومات الكامله عن كليه العلوم جامعه الأزهر (علوم الازهر) واللى اهم ما يميزها ان كلية البنات لوحدها والولاد لوحدهم وبتحتوي على 4 شعب رئيسية وبتترتب على المجموع في الثانوية العامة .

الأوراق المطلوبة للالتحاق بالكلية

يلتحق الطالب عن طريق مكتب تنسيق الجامعة بالثانوية الأزهرية

يتم التعامل مع الطلاب بمجرد وصول قوائم التنسيق الى الكلية

على الطلاب المستجدين متابعة ميعاد تقديم الملفات على موقع الكلية

يتم التعامل مع الطالب شخصياً المرسل أسمه من مكتب تنسيق القبول بجامعة الأزهر.

المطلوب من الطلاب المستجدين عن تقديم الملف:

• شهادة الثانوية الأزهرية الأصلية وثلاث صور منها.
• شهادة الميلاد الأصلية (رقم قومى) وثلاث صور منها.
• ثلاث صور للبطاقة الشخصية من الأمام والخلف
• ستة صور شخصية 4X6

تنسيق كليات العلوم جامعه الازهر

تنسيق كليات العلوم بنين 2022/2021

فى انتظارها عند انتهاء التنسيق

  

تنسيق كليات العلوم بنات 2022/2021

فى انتظارها عند انتهاء التنسيق

تنسيق كليات العلوم بنين 2021/2020 

العلوم للبنين بالقاهرة (تخصص عام  انتظــام)     595 (91.85%) 

العلوم بنين اسيوط  (تخصص عام انتظــام)        570 (87.69%)

  

تنسيق كليات العلوم بنات 2021/2020

 العلوم بنات القاهرة  (تخصص عام انتظــام)     613 (94.31%)

تنسيق كليات العلوم بنين 2020/2019 

العلوم للبنين بالقاهرة (تخصص عام  انتظــام)     558 (85.85%) 

العلوم بنين اسيوط  (تخصص عام انتظــام)        553 (82%)

  

تنسيق كليات العلوم بنات 2020/2019

 العلوم بنات القاهرة  (تخصص عام انتظــام)     585 (90%)

تنسيق كليات العلوم بنين 2019/2018 

العلوم للبنين بالقاهرة (تخصص عام  انتظــام)     562 (86.46%) 

العلوم بنين اسيوط  (تخصص عام انتظــام)        540 (83.08%)

  

تنسيق كليات العلوم بنات 2019/2018

 العلوم بنات القاهرة  (تخصص عام انتظــام)     579 (89.08%)

تنسيق كليات العلوم بنين 2018/2017 

العلوم للبنين بالقاهرة (تخصص عام  انتظــام)     548.5 (84.38%) 

العلوم بنين اسيوط  (تخصص عام انتظــام)        523 (80.46%)

تنسيق كليات العلوم بنات 2018/2017

 العلوم بنات القاهرة  (تخصص عام انتظــام)     571 (87.85%)

تنسيق كليات العلوم بنين 2017/2016

العلوم للبنين بالقاهرة (تخصص عام  انتظــام)     556 (85.54%) 

العلوم بنين اسيوط  (تخصص عام انتظــام)        532.5 (81.92%)

  

تنسيق كليات العلوم بنات 2017/2016

  العلوم بنات القاهرة  (تخصص عام انتظــام)     580 (89.23%)

تنسيق كليات العلوم بنين 2015/2014

العلوم للبنين بالقاهرة (تخصص عام  انتظــام)     569 

العلوم بنين اسيوط  (تخصص عام انتظــام)        548

  

تنسيق كليات العلوم بنات 2015/2014

  العلوم بنات القاهرة  (تخصص عام انتظــام)     598.5

تنسيق كليات العلوم بنين 2013/2012 

علوم بنين القاهره 600.5 درجة بنسبة 92.38%. 

تنسيق كليات العلوم بنات 2013/2012

علوم بنات القاهرة 616 درجة بنسبة 94.77%.

  

 ملحوظه: يقال ان فى كلية علوم بنات جديده هتفتح فى أسيوط عام 2019-2020

قرار التحويل بين الكليات

قرار سنة 2018-2019 من جامعة الازهر (كويس جدا):

شروط التحويل بين الكليات للطلبة المستجدين "يعنى هتحولوا فى نفس السنة"

شروط التحويل بين الكليات للطلبة المستجدين "يعنى هتحولوا فى نفس السنة"

 

التشعيب والتخصص ببساطه

ترتيب الشعب الرئيسية من الاعلي للاقل في التنسيق كالاتي:

1. العلوم الكيميائية 
2. العلوم البيولوجية 
3. الجيولوجيا 
4. فيزياء ورياضة

اولا شعبة الكيمياء : 

بندرس في اولي وتانية كيمياء بكل حاجة حاجة فيها وفي تخصص تاني بيبدأ من بعد سنة تانية بيبقي شعبتين كيمياء خاصة وكيمياء تطبيقية.

الفرق مابين الكيمياء الخاصة والكيمياء التطبيقية : 

في اي جامعه تانيه عندهم نظام ساعات معتمده وعندهم الاقسام الخاصه اعلي من التطبيقيه لانه اشمل واعم ومهتم بكله نظري وعملي وتطبيقي عندهم كله بيدخله لان مش بيجيب مجموع الخاص.. بينما فى الازهر العكس بقا ليه علشان تطبيقيه موادها غاليه فهما بيكتفو بـ 20 طالب بس وطبعا احنا اول حاجة بنفكر فيها المستقبل وهنشتغل ايه وكدة ((مجالات العمل يعنى)) .

الكميائى يعمل فى ثلاث اماكن اساسيه:  

فى اي مؤسسه انتاجيه وهو كميائى الانتاج فكميائى الانتاج هو المسئول عن متابعه المنتجات واصلاح العيوب الموجودة واكيد

المنتج ده خاص بالميميا زي مثلا الادوية والاغذية او البلاستيك 'الكيمياويات عموما.

وبيستمر التخصص ده لسنة تالتة ورابعة..

الاوائل وفيه اوائل بتدخل خاصه لشمولها انما تطبيقيه فدي معمليه اكتر:

(المعمل او الجوده او البحث والتطوير والبتروكيماويات...)

كميائى المعمل : هو المسئول عن فحص المنتج باستخدام اجهزه معينه

كميائى الجوده : المجال الذى يرغب فيه الكثرين لانه يعتمد على نوعين النوع الاول

التحكم فى الجوده ويكون عباره عن جوده المصنع والتاكد من كل عمليه فى المصنع

بدايه من دخول المواد الخام حتى خروج المنتج بشكل سليم،، اما النوع الثانى توكيد

الجوده وهذا هو اعلى مراتب الجوده حيث يعمل على تطبيق المصنع لشهادات معينه

مثل الايزو وغير ذلك وتهيئه المصنع لمزيد من الشهادات وبذلك يكون عمله الاشراف على جميع اجزاء المصنع بما فيها الاداره العامه

كميائى البحث والتطوير: وهو قسم يتواجد فى الشركات العالميه او الكبيره ومهمته الاساسيه هو البحث فى تطوير انتاج الشركه.

فرص العمل بقي : المصانع تشمل جميع انواعها يعني مصنع شبسي. بيبسي . جلود.اسمنت. ادويه. كهربا. ميه. حديد وصلب. عفريت ازرق (ف كله حته الكيميائي راشق ) معامل التحاليل_مراكز البحوث والجودة والخ..

ثانيا شعبة وهي العلوم البيولوجية : 

اصلا كلمة بيولوجي معناها دراسة كل ما يتعلق بالكائن الحي سواء انسان او حيوان او نبات او كائنات دقيقة والخ.. اي كائن حي على وجه الارض انت هتدرس عنه في بيولوجي .. انت بتتخصص بيولوجي من سنة اولي وسنة تانية في تشعيب تاني

1. بيولوجي كيمياء .
2. بيولوجي خاص .

الاعلي في التنسيق بيولوجي كيمياء بمعني انك لو جبت تقدير عالي في سنة اولي متاح وفي تشعيب ثالث في سنة تالتة لو انت بيولوجي كيميا متاح ليك 5 اقسام وده ترتيبهم (لاحظ بيبقى مزدوج) ع حسب الاعلي في التقدير : (( ميكروبيولوجي كيمياء ، حيوان كيمياء ، نبات كيمياء ، حشرات كيمياء ، علوم بحار واسماك كيمياء))

اما لو انت بيولوجي خاص متاح ليك 5 برده وبرده بناء ع التنسيق علي حسب تقديرك يعني وهما (( ميكروبيولوجي خاص ، حيوان خاص ، نبات خاص ، حشرات خاص ، علوم بحار واسماك خاص ( وده مش موجود الا في 3 جامعات ع مستوي مصر كلها ))

ملحوظة : للاسف جامعة الازهر مفيهاش قسم كيمياء حيوي

هنمسك كل قسم لوحده

قسم ميكروبيولوجي 

وده بيهتم بدراسة الكائنات الدقيقة زي:

اولا الميكروبيولوجي اكلينيكية وده فرع من التحاليل الطبية خاص بدراسة الامراض

ثانيا الميكروبيولوجي التطبيقية و ده نقدر نشتغل منه في انتاج الادوية وخاصة

المضادات الحيوية وفي شركات المياه في تنقية الماء من البكتريا والفطريات وفي

البكتيريا والفطريات والفيروسات وفي منه تخصصين (البكتيرية والفيروسات) وهكذا تقدر تشتغل منه في معامل التحاليل شركات الاغذية في انتاج المواد الحافظة.

قسم حيوان 

بندرس س فيه كل حاجة متعلقة بالحيوان فسيولوجيا و تشريحيا وكل

حاجة وطبعا خلوا بالكو ان الانسان ارقي الحيوانات ع وجه الارض وبنشتغل منه

((في صل واللقاح ، والمراكز البحثية ومعامل التحا الخاصة بعلم الاجنة.. والخ))

قسم حشرات 

وده نشتغل في وزارة الزراعة_شركات مكافحة الافات وانتاج

المبيدات طبعا كل ده لو بيولوجي خاص انما لو انت بيولوجي كيميا كدة انت زودت فرصتك في الشغل اكتر لانك معاك حاجتين تشتغل بيهم وهما تخصص البيولوجي اللي معاك والكيميا.. يعني كل اللي احنا قولناه ده ومعاه شغل الكبميا اللي قولناه فوق .

( تحت شعار يابن المحظوظة يا فوزي)

للعلم! قسم حشرات موجود فى القاهرة فقط بينما قسم علوم بحار موجود فى اسيوط فقط.

ثالثا شعبة العلوم الجيولوجية :

التشعيب في من سنة تانية ((جيولوجيا كيميا او جيولوجيا خاص)) 

جيولوجيا كيميا بتكمل فيه لحد 4 وجيولوجيا خاص في تشعيب تاني من سنة 3 بينقسم ل3 اقسام وهما (جيولوجيا خاص_ جيو كيميا_جيو فيزيا)

رابعا شعبة وهي فيزياء ورياضة : 

بتنقسم لشعبتين من اول سنة تانية

اولا شعبة فلك وارصاد جوية 

ودي شعبة متميزة بيها جامعة الازهر لانها مش موجدة الا في 3 جامعات ع مستوى مصر + ليها تشعيب تاني في سنة تالتة ياما فلك ياما ارصاد جوية .. شعبه الفلك والارصاد الجويه ممكن تاهللك انك تشتغل ف ( هيئه الاستشعار عن بعد ) وده مركز بحثي ... يعني اللي بيشتغل فيه بيسمي مساعد باحث ( زي اللي شغالين فالمركز القومي للبحوث )

ثانيا شعبة الفيزياء والرياضة

هما باختصار اربعه اقسام وهم :

# فيزياء_حيوي : 

وده طبعا مجال العمل الخاص بيه هواخصائين أشعه وتشتغلوا

في مراكز الاشعه وممكن تشتغل في مجال الحمايه من الاشعاع وفي المستشفيات .

# فيزياء_خاصه : 

مجال العمل الخاص بيه في شركات الاسمنت والمراصد الجويه ومصانع الزجاج  - وممكن كمان تعملوا منه دبلومه فيزياء طبيه (طبعا بعد ما تاخدوا دبلومه فيزياء طبيه وتبقوا زي خرجين فيزياء حيوي ممكن تشتغلوا كمان في مجال الطاقه الذريه وفي مجالات كتير غير كده)

# علوم_الحاسب : 

وده مجال شغله بتكونوا مبرمجين.

# رياضة خاصة: 

وده هنا في مصر ملوش غير انكو تكونوا مدربين في شركات وهو ليه مجالات متعدده .. زى ممكن تتعينوا معيدين في الكلية او في مراكز البحوث.

"بالاضافة الي ان اي قسم من دول تقدر تشتغل بيه في مركز البحوث لان ده اصلا شغلنا الاصلي والحقيقي"

ملحوظة : علوم الازهر بنات مفيهاش قسم جيولوجيا وعلوم ازهر اسيوط مفيهاش قسم كيمياء حيوى وعلوم أزهر القاهرة بنين وعلوم أزهر بنات حاصلين على الجودة .

أمور هامه في الكلية

فى هذه الفقره نود ان نوضح لكم بعض الأمور الهامه في الكلية وسوف تكون مقسمه على عناصر كل عنصر بخصوص موضوع وايضا احببت ان لا اطيل عليكم حتى لا تملوا وسوف يكون الكلام بالعامية حتى استطيع كتابة ما يدور بذهننا ونتمنا لكم كل التوفيق

ادخل كلية الفئران وخليك اول فار

ومتدخلش كلية الاسود وتطلع اخر اسد

مش معنى انك مدخلتش كلية من الكليات الثلاثه الاخري تبقى انت فاشل او كل الى دخلوا الكليات العالية يبقى متميزين وناجحين لا طبعا ... دا وقتك ودا الماتش بتاعك الى لازم تثبت فيه نفسك يا هتفوز فى الماتش وتكمل حياتك يا هتخسر وهتعقد طول عمرك فى مكانك لو مغيرتش من نفسك.

الجزئيه دي عن ازاي توصل للجامعة وفين هى الجامعة واين تقع كلية العلوم:

يعتبر الفرع الرئيسي للجامعة وقلب الجامعة هو الفرع الذي يوجد فى محافظة القاهرة وذلك لاحتوائه على 21 كلية 14 بنين و7 بنات في حرم جامعي واحد مع فاصل بين الحرم الجامعي البنين عن البنات وأيضا لاحتوائه على إدارة الجامعة والتي مسئوله عن جميع كليات الازهر ال 65 كلية من أول أسوان لحد إسكندرية .

دلوقتى هاتسال فين الجامعة دي بالظبط هقولك فى مدينة نصر بالتحديد بين محطة مسجد رابعة العدوية ونادي السكة على طريق الاتو استيراد .

طيب اكيد انت عاوز تعرف تركب ايه علشان توصل للجامعة أولا مش عيب انك تسال وانت فى أي مكان (على راي المثل الغريب اعمى ولو كان بصير) ... فى حاجة مهمه خليها فى دماغك هقلك على 3 أماكن يعبر سنتر أي مكان يوصلك للجامعة على طول

1. قريب من رمسيس اركب أي حاجة رمسيس ومن رمسيس اركب عربيات كتير اوي بتعدي على جامعة الازهر والحى السادس والحى السابع .
2. ممكن بردوا لو انت قريب من محطة مترو اركب المترو واسال واقلهم انا عاوز انزل محطة حدائق القبة ومن هناك بردوا فى عربيات كتير بتعدي على جامعة الازهر الى فى مدينة نصر.
3. اما لو كنت فى موقف العاشر اركب بردوا من هناك عربيات رابعة -جامعة الازهر.

حاجة مهم جدااااااا لما تنزل من العربية اوعى تعدي الطريق السريع مهما كنت متاخر اطلع وعدي من فوق السلم المشاه علشان ربنا يسترها خمس دقائق تاخير احسن بكتير ما يكون تمنهم هو حياتك وسلامتك

كدا تقريبا لو الدنيا قفلت معاك هاتعرف توصل للجامعة ان شاء الله

دلوقتى انت واقف امام أي بوابة من بوبات الجامعة لو الامن اللى على البوابة قلك كارنيهك طلع له بطاقة ترشيحك طب لو انت نسيتها بكل زوق وابتسامه بسيط كدا منك وقله بعد اذنك انا مش معايا الكارنية علشان انا سنة اولى وبردا مش معايا بطاقة الترشيح ان شاء الله هتدخل عادي وانت داخل قول له ممكن بعد اذنك اوصل لكلية علوم ازاي هيشرحلك الطريق ولو مفهمتش منه الطريق اسال أي حد تانى وانت ماشي والحمد لله وصلت لكلية العلوم بعد طول موصلات وعناء معلش انت هاتتعود على كدا ان شاء الله بسرعة

انت الان امام كلية العلوم انا عارف انك شايف مبانى كتير وانك محتار وعاوز تعرف كل مبنى ايه نظامه احنا يهمنا مبنين بس مبدائيا

مبنى القديم والمبنى الجديد

المبنى القديم او مبنى ادارة الكلية او مبنى الكيمياء

المبنى القديم او مبنى ادارة الكلية او مبنى الكيمياء

المبنى الجديد او مبنى فيزياء ورياضة

المبنى الجديد او مبنى فيزياء ورياضة

تمام اوي كدا يامان انا عارف بقى دلوقتى انه فى دماغك اسئلة كتير وانك عاوز تعرف الشعب ال موجود وعاوز تعرف يعنى ايه جدول محاضرات ويعنى ايه سكاشن وبردوا اكيد انت عاوز تعرف هتعمل ايه داخل الكلية فى اول يوم من ايام الجامعة كل الاجابات دي ان شاء الله هجوبك عليها

الاوراق المطلوبة لاستكمال التقديم

1. شهادة الثانوية + صوره منها
2. شهادة الميلاد + صوره منها
3. نموذج 2 جند لمن هم اصغر من 18 سنة
4. ونموذج 6 جند لمن هم اكبر من 18 سنة
5. مصاريف لم يتم تحديدها بالظبط ولكن اعمل حسابك فى 100 جنيه
6. 6 صور شخصية
7. صورة البطاقة
8. ورقة التشعيب ودي هاتصورها من الكلية او ممكن تاخدها من الشؤن ان شاء الله التقديم هايشتغل اول لما كشوفات الاسماء توصل للكلية

التشعيب والتخصص بالتفصيل

تنقسم كلية العلوم جامعة الازهر ال عدة اقسام رئيسية ولازم انك تختار احد هذه الاقسام فى اول اسبوع ليك فى الدراسة عن طريق ورقة التشعيب وهذه الاقسام هى :

1. قسم الكيمياء
2. قسم البيولوجى
3. قسم الجيولوجيا
4. قسم الفيزياء والرياضة

• يبقى انت لازم فى اول اسبوعين ليك هتاخد ورقة التشعيب من مكتب الشئون او تعرف ميعاد توزيع هذه الورقة عليكم امتى وفين وتروح تملاها وهى هاتبقى زي كدا تقريبا.

ورقة التشعيب

• وتملى بياناتك فيها هاتكتب اسمك ودرجاتك وبعد كدا
• ترتيب الرغبات بتعتك ترتيب حسب ما انت عاوزه
• وبعد كدا يقوم مواظفين الكلية بفرز هذه الرغبات وعلى اساسها ينزل التنسيق الداخلى لهذه الشعب
• بمعنى انه كل قسم من هذه الاقسام له حد من الدرجات للقبول بيه كمثلا وعلى سبيل المجاز انه الكيمياء هاتقبل من 600 يبقى ال جايب اقل من هذا الحد هايدخل القسم التانى وهاكذا
• لحد الان انت فهمت موضوع التشعيب الى انت مفروض عليك تعمله فى سنة اولى ولو معملتش بتدخل اي قسم زي ما الكلية ترشحك

تشعيب البنين

دلوقتى بقى اكيد انت عاوز تعرف ايه هى الاقسام العلمية اللى موجود فى الكلية ركز معايا اوي فى الحتة دي احنا اتكلمنا عن اربع شعبة واللى انت اخترت منهم واحده فى سنة اولى تمام اوي طب ايه النظام فى السنين الاخري
الاربع شعب دول يحتوا على 22 شعبة فرعية بمعنى انه

1. قسم الكيمياء
2. قسم البيولوجى
3. قسم الجيولوجيا
4. قسم الفيزياء والرياضة

يتفرع من هذه الاقسام 22 شعبة داخلية زي ما احنا قلنا وهم

	الكيمياء الخاصة	12	جيولوجيا و كيمياء
2	الكيمياء التطبيقية	13	علم الحيوان الخاص
3	الفيزياء الخاصة	14	علم الحشرات الخاص
4	الفيزياء الحيوية	15	علوم بحار و أسماك
5	الرياضيات الخاصة	16	علم النبات الخاص
6	الرياضيات البحتة و علوم الحاسب	17	الميكروبيولوجى
7	الفلك	18	نبات و كيمياء
8	الأرصاد الجوية	19	ميكروبيولوجى و كيمياء
9	الجيولوجيا الخاصة	20	حيوان و كيمياء
10	الجيوكيمياء	21	حشرات و كيمياء
11	الجيوفيزياء	22	علوم بحار و أسماك و كيمياء

ايوا انا عاوزك مركز معايا كدا ومتقلش انك تهت منى فوق كدا معايا
انا عارف انك دلوقتى بتقول لنفسك ايه الاقسام دي كلها وازي ببتقسم من الشعب الاربعة الاساسية هقلك حاضر
هنرجع تانى لاول نقطة اتكلمنا فيها وقلنا انك لازم تختار قسم من الاربع الاقسام فى سنة اول تمام طب فى سنة تانية وتالتة ورابعة الاقسام دي بتتفرع إزي هاقلك حاضر تعالى نشوف المخطط الى جاي دا واكيد انت هاتعرف كل حاجة منه

قسم الكيمياء

قسم البيولوجي

قسم الجيولوجيا

قسم الفيزياء والرياضة

كدا احنا قسمنا جميع الاقسام وبردوا نقلهم تانى ولكن كلهم مع بعض

يتم التشعيب فى الأقسام بناء على التقدير.

الفرقة الاولى	الفرقة الثانية	الفرقة الثالثة	الفرقة الرابعة
كيمياء	كيمياء	كيمياء خاصة	كيمياء خاصة
		كيمياء تطبيقية	كيمياء تطبيقية
بيولوجى	بيولوجى / كيمياء	ميكروبيولوجى / كيمياء	ميكروبيولوجى / كيمياء
		نبات / كيمياء	نبات / كيمياء
		حيوان / كيمياء	حيوان / كيمياء
		حشرات / كيمياء	حشرات / كيمياء
		علوم بحار / كيمياء	علوم بحار / كيمياء
	بيولوجى خاص	ميكروبيولوجى خاص	ميكروبيولوجى خاص
		نبات خاص	نبات خاص
		حيوان خاص	حيوان خاص
		حشرات خاص	حشرات خاص
		بحار وأسماك خاص	بحار وأسماك خاص
جيولوجيا	جيولوجيا	جيولوجيا خاصة	جيولوجيا خاصة
		جيوكيمياء	جيوكيمياء
		جيوفيزياء	جيوفيزياء
	جيولوجيا كيمياء	جيولوجيا كيمياء	جيولوجيا كيمياء
فيزياء ورياضيات	فيزياء ورياضة	فيزياء خاص	فيزياء خاص
		فيزياء حيوى	فيزياء حيوى
		رياضة خاصة	رياضة خاصة
		رياضة وعلوم الحاسب	رياضة وعلوم الحاسب
	فلك وارصاد جوية	فلك	فلك
		ارصاد جوية	ارصاد جوية

لحد كدا الدنيا كلها بيس صح كدا

دلوقتى اكيد انت فهمت الشعب ال موجودة فى كلية العلوم جامعة لازهر

ناقص بقى حبة نصائح كدا على السريع خاصة بالتشعيب

اكيد فى ناس فيكم محتارين يدخلوا ايه ومش عارفين نظام الدنيا ايه

• اولا بالنسبة للسهولة كل الاقسام محتاجة منك مجهود ومحتاجة حضور ومذاكره ومتابعة .
• ثانيا الحمد لله معظم الاقسام الخاص بعلوم بيتوفر ليه شغل .
• ثالثا حاول متدخلش قسم انت كارهه او مش هاتعرف تمشي فيه ولكن افهم حاجة مهمة اوي ان القسم اللى انت هاتدخله لازم تأقلم نفسك عليه وتحبه وكد كدا لو مش عارف فيه حاجة هما ها يايظبطوك ويعلموك .
• رابعا ترتيب التشعيب ايه على سنة 2014  :

1. كيمياء 600
2. بيولوجي 595
3. جيولوجي 590
4. فيزياء ورياضة 585

• خامسا لو فى قسم راح منك على درجة او نص درجة فى حاجة اسمها تظلم للعميد وليه صيغة معينة بتكتبه وتقدمه للعميد لو وافق عليه بتدخل للقسم .

كدا تقريبا انتهينا من التشعيب الخاص بالبنين ندخل على التشعيب الخاص بالبنات

تشعيب البنات

وقبل ان ابد احب اتوجه بخالص الشكر الى الاختين الفاضلتين الذي مدونا بهذه المعلومات فشكرا لهم وجزهم الله خيرا
بالنسب للشعب فى فرع البنات فهم 3 شعب ولابد لكي اختى الكريمة ان تختار شعبه منهم فى سنة اولى اثناء التشعيب هذه الشعب هي

1. كيمياء
2. بيولوجي
3. فيزياء ورياضة

اما كيفية انقسام هذه الشعب فى الفرق الاخري زي تانية وتالتة فاهتكون على النمط الاتى

• قسم الكيمياء هو شعبة واحدة وومتده الى الفرقة الرابعة
• قسم الببولوجي فى سنة تانية ينقسم الى قسمين

1. بيولوجي خاص
2. بيولوجي كيمياء

هذين القسمين كل واحد فيهم ينقسم فى سنة تالتة ورابعة الى

1. نبات اما (خاص او كيمياء )
2. ميكرو اما (خاص او كيمياء )
3. حشرات اما (خاص او كيمياء )
4. حيوان اما (خاص او كيمياء )

• قسم الفيزياء والرياضة

ينقسم فى سنة تالتة الى

1. فيزياء حيوي
2. حاسب الى
3. رياضة
4. فيزياء خاص

كدا يكون انتهيت من التشعيب الخاص بالبنات وارجو التاكد من المعلومات ايضا

فكرة عن أقسام كلية البنات والبنين

أقسام كلية العلوم بنات جامعة الازهر القاهرة

تضم كلية العلوم (بنات) – جامعة الأزهر بالقاهرة عدد 14 برنامجا أكاديمياً مفعلة.

( الكيمياء التطبيقية –  الكيمياء الخاصة – الفيزياء الخاصة –  الفيزياء الحيوية  – الرياضيات الخاصة – الرياضيات البحتة وعلوم الحاسب   – علم الحيوان الخاص – علم الحشرات الخاص –  الميكروبيولوجى – نبات و كيمياء – علم النبات الخاص – ميكروبيولوجى و كيمياء –  حشرات و كيمياء – علم الحيوان و الكيمياء )

الفرقه الأولى: تقوم على الشعب الآتيه:

كيمياء خاصة

فيزياء ورياضيات

بيولوجى خاص

الفرقه الثانية:

تتابع الطالبة فى الفرقة الدراسية التخصصية فى المواد التى دراستها فى الفرقة الأولى طبقا للشعب الدراسية الآتية:

كيمياء خاصة

فيزياء ورياضيات

شعبة بيولوجى خاص:

بيولوجى كيمياء (شرط التشعيب امتياز وجيد جداً)

بيولوجى خاص (شرط التشعيب بدون شروط)

الفرقه الثالثة:

تتابع الطالبة فى الفرقة الثالثة الدراسة التخصصية طبقا للشعبة التى سبق لها ان تخصص فيها فى الفرقة الثانية وفقا لما يلى:

(أ) شعبة الكيمياء

• كيمياء خاصة
• كيمياء تطبيقية (يتم قبول عدد محددويتخير الأعلى تقديرا)

يجوز التحويل من الكيمياء التطبيقية إلى كيمياء خاصة وليس العكس

(ب) شعبة العلوم الفيزيائيه والرياضيات

• الفيزياء الخاصة
• الفيزياء الحيوية
• الرياضيات الخاصة
• علوم الحاسب

(د) شعبة العلوم البيولوجية

بيولوجى

• ميكرو بيولوجى خاص
• نبات خاص
• حيوان خاص
• حشرات خاص

بيولوجى كيمياء

• ميكرو كيمياء
• نبات كيمياء
• حيوان كيمياء
• حشرات كيمياء

الفرقه الرابعة:

تتابع الطالبة فى الفرقة الرابعة الدراسة التخصصية طبقا للشعبة التى سبق لهاأن تخصصت فيها فى الفرقة الثالثة وفقا لما يلى:

(أ) شعبة الكيمياء

• كيمياء خاصة
• كيمياء تطبيقية

(ب) شعبة العلوم الفزيائيه والرياضيات

• الفيزياء الخاصة
• الفيزياء الحيوية
• الرياضيات الخاصة
• علوم الحاسب

(د) شعبة العلوم البيولوجية

بيولوجى

• ميكرو بيولوجى خاص
• نبات خاص
• حيوان خاص
• حشرات خاص

بيولوجى كيمياء

• ميكرو كيمياء
• نبات كيمياء
• حيوان كيمياء
• حشرات كيمياء

شعبة العلوم البيولوجية

الفرقة الأولى	الفرقة الثانية	الفرقة الثالثة	الفرقة الرابعة
بيولوجى خاص	بيولوجى الكمياء	بيولوجى كيمياء
		نبات كيمياء	نبات كيمياءِ
		ميكروكيمياء	ميكروكيمياء
		حيوان كيمياء	حيوان كيمياء
		حشرات كيمياء	حشرات كيمياء
	بيولوجى خاص	بيولوجى
		نبات خاص	نبات خاص
		ميكروبيولوجى خاص	ميكروبيولوجى خاص

 

شعبة العلوم الفيزيائية والرياضيات

الفرقة الأولى	الفرقة الثانية	الفرقة الثالثة	الفرقة الرابعة
العلوم الفيزيائية والرياضيات	العلوم الفيزيائية والرياضيات	الفيزياء الخاصة	الفيزياء الخاصة
		الفيزياء الحيوية	الفيزياء الحيوية
		رياضيات خاصة	رياضيات خاصة
		علوم الحاسب	علوم الحاسب

 

شعبة العلوم الكيميائية

الفرقة الأولى	الفرقة الثانية	الفرقة الثالثة	الفرقة الرابعة
كيمياء خاصة	كيمياء خاصة	كيمياء خاصة	كيمياء خاصة
		كيمياء تطبيقية	كيمياء تطبيقية

 

أقسام كلية العلوم بنين جامعة الازهر القاهر

تضم كلية العلوم (بنين) جامعة الأزهر بالقاهرة عدد 26 برنامج أكاديمى مفعل منها عدد 22 برنامج كالتالي:

1. الكيمياء الخاصة 
2. الجيوكيمياء
3. الكيمياء التطبيقية 
4. الجيوفيزياء
5. جيولوجيا و كيمياء
6. الفيزياء الخاصة 
7. علم الحيوان الخاص
8. الفيزياء الحيوية 
9. علم الحشرات الخاص
10. علوم بحار و أسماك
11. الرياضيات الخاصة 
12. علم النبات الخاص
13. برنامج الرياضيات البحته وعلوم الحاسب
14. الميكروبيولوجى
15. نبات و كيمياء
16. الفلك 
17. ميكروبيولوجى و كيمياء
18. الأرصاد الجوية 
19. علم الحيوان و الكيمياء
20. حشرات و كيمياء
21. الجيولوجيا الخاصة 
22. علوم بحار و أسماك و كيمياء

نظام التشعيب داخل الكلية:

كليه العلوم جامعه الأزهر القاهرة

أقسام كلية العلوم بنين جامعة الازهر أسيوط

1. كيمياء خاصة
2. كيمياء تطبيقية
3. فيزياء خاصه
4. رياضيات خاصه
5. علوم بحار خاص
6. بجار / كيمياء
7. جيولوجيا خاص
8. جيو فيزياء
9. ميكروبيولوجي خاص
10. علم حيوان خاص
11. ميكروبيولوجي / كيمياء
12. علم حيوان / كيمياء
13. نبات خاص

نبذة عن أقسام الكلية

قسم الكيمياء

أنشأ قسم الكيمياء ضمن قسم العلوم الأساسية بأقسام كلية الهندسة بجامعة الأزهر منذ عام 1966 وكان الأستاذ الدكتور/أحمد مدحت إسلام أول مؤسس لهذا القسم وكما كان الأستاذ الدكتور/السيد على حسن من الرواد الأوائل بالقسم . ويعد قسم الكيمياء من أكبر أقسام الكلية من حيث عدد أعضاء هيئة التدريس ويقوم بعبء كبير فى التدريس لطلاب كليات العلوم والتربية والهندسة وطب الأسنان وذلك فى مختلف مجالات الكيمياء المختلفة .

قسم الفيزياء

انشاء قسم الفيزياء ضمن قسم العلوم الأساسية بأقسام كلية الهندسة بجامعة الأزهر منذ عام 1966 ويعتبر قسم الفيزياء ثانى أكبر أقسام الكلية ومن أهم أقسام الفيزياء الحديثة بالجامعات المصرية ويعتبر الأستاذ الدكتور/ فتحى سلطان أحمد مؤسس قسم الفيزياء وكما كان الأستاذ الدكتور/ عثمان حسن المفتى من الرواد الوائل بالقسم, ويضم القسم مجموعة من المعامل البحثية والطلابية وبه نخبة طيبة من أعضاء هيئة التدريس ممن لهم بحوث متميزة فى أحدث مجالات الفيزياء وأهمها ظاهرة موسباور- الفيزياء الحيوية – أبحاث الخواص الفيزيائية وفوق التوصيل – الخواص الكهربية والميكانيكية للمواد – الفيزياء النووية والإشعاعية – الخواص المغناطيسية – فيزياء الجوامد النظرية – الفيزياء النووية النظرية . والعديد من المجالات البحثية فى مختلف فروع الفيزياء الحديثة والتطبيقية و الأكاديمية . كما يقوم القسم بالتدريس لطلاب كلية العلوم والتربية وكذلك السنوات اللإعدادية بكلية الهندسة وطب الأسنان والصيدلة وأيضا الدراسات العليا والدبلومات.

قسم النبات والميكروبيولوجى

إنضم قسم النبات والميكروبيولوجى إلى أقسام الكلية عام 1970م، ويعتبر المرحوم الأستاذ الدكتور/ صبرى حسن علوان مؤسس قسم النبات وكما كان المرحوم الدكتور/ محمد رائد النجار من الرواد الأوائل بالقسم، وانضم إلى القسم مجموعة متميزة من أعضاء هيئة التدريس فى مختلف التخصصات الحديث والهامة فى مجال النبات والميكروبيولوجى . وكما يعتبر قسم النبات والميكروبيولوجى فريدا من نوعة بين الأقسام المناظرة له فى كليات العلوم بمصر. يقوم اقسم بالتدريس لكلية العلوم والتربية وكذلك السنوات الإعدادية بكلية الهندسة وطب الأسنان والصيدلة وأيضا الدراسات العليا والدبلومات.

قسم علم الحيوان والحشرات

إنضم قسم علم الحيوان إلى أقسام الكلية عام 1970م. ويعتبر الأستاذ الدكتور/ يحى محمود عزت أول مؤسس للقسم ويعتبر الأستاذ الدكتور/ إبراهيم شحاتة قوشتى والأستاذ الدكتور/ السيد محمد إبراهيم حمودة من الرواد الأوائل بالقسم . يقوم القسم بالتدريس لطلاب كلية العلوم والتربية وكذلك السنوات الإعدادية بكلية الهندسة وطب الأسنان والصيدلة وأيضا الدراسات العليا والدبلومات.

قسم الجيولوجيا

أنشأ قسم الجيولوجيا عام 1970م، ويعتبر الأستاذ الدكتور/محمد يوسف حسن أول مؤسس للقسم وكما أن المرحوم الدكتور/محمود بسيونى من الرواد الأوائل بالقسم وكان القسم يضم شعبتى الجيولجيا والجيوكيمياء منذ عام 1970م وحتى عام 1992م أصبح يضم شعبا عديدة .

كما يقوم القسم بالتدريس لطلاب كلية العلوم والتربية وكذلك السنوات والإعدادية بكلية الهندسة وطب الأسنان والصيدلة وأيضا الدراسات العليا والدبلومات.

قسم الرياضيات

أنشا قسم الرياضيات ضمن قسم العلوم الأساسية باقسام كلية الهندسة بجامعة الأزهر منذ عام 1966 ويعتبر المرحوم الأستاذ الدكتور/زكى عبدالعزيز عفيفى مؤسس قسم الرياضيات وكما أن الأستاذ الدكتور/ عبدالشافى فهمى عبادة من الرواد الأوائل بالقسم. ولقد نشأ قسم الرياضيات بعلوم الأزهر على أساس متين حيث أرسلت الجامعة العديد من البعثات المتخصصة لمختلف دول العالم فى الغرب والشرق حيث يضم القسم حاليا نخبة متميزة من أعضاء هيئة التدريس فى المجالات البحثية الهامة . كما يقوم القسم بالتدريس لطلاب كلية العلوم وكذلك السنوات الإعدادية بكلية الهندسة وطب الأسنان والصيدلة وأيضا الدراسات العليا والدبلومات.

قسم الفلك

يعتبر قسم الفلك أحدث أقسام الكلية حيث صدر قرار وزارى بإنشائه عام1984م واعتبر قسم الفلك هو ثانى قسم للفلك فى جامعات مصر كلها ، ومن المعلوم أن جامعة الأزهر تولى إهتماما خاصا بالفلك والأرصاد حيث أن ذلك يمثل أهمية خاصة لجموع المسلمين فى بقاع الأرض لتخريج علماء ملمين بعلوم الفلك والدين وذلك لمشاركتهم فى تحديد أوائل الشهور ومواقيت الصلاة والحج وتنبؤات الجو والعديد من المهام الرئيسية الأخرى للقسم .

معلومات ونصائح بسيطة

ضع كلمة داخل عقلك ومبدا ماشين عليه متسمعش أي كلام من أي حد والسلامة وسيبك من اللى يقلك انك دخلت كلية الموت برجليك وانك مش هتعدي من الكلية وانى مستقبلها وحش ورد عليه بكل بساطة وقله انت اصلا تعرف ايه عن كلية العلوم

(ولكن الكلام دا ممكن يبقى صح لو انت معرفتش تفهم الكلية صح)

وحاجة لازم نتفق عليها من دلوقتى كليتنا طبعا مش سهل ومش كلية التنفيض وكل مجتهد ليه نصيب ومع الحضور والتركيز ان شاء الله ربنا هيوفقكم وتجيب تقدير لانى فى الكلية فى ناس بتجيب تقدير وانت مش ناقص حاجة عنهم

الاول شرح الجدول حتى تستطيع فك رمز التشفير

الجدول

ارجو من الجميع ان يركز معى فى هذا الكلام

كل ما هو بين ( ) فهذا يعنى رقم المدرج اوك كدا (والمدرج معناه المكان الذي يعطى فيه المحاضرة)

اما [ ] فهذا رقم المجموعة لانى طبعا زي ما انتوا عارفين انه استحالة الدفعة تشتغل فى المعمل فى وقت واحد علشان كدا يتم تقسمهم الى مجاميع وكل واحد ليه رقم مجموعة معين وهو دا اللى بيبقى مطلوب منه انه يحضر فى المعاد بتاعه.

طب دلوقتى المدرجات فين:

من 1 الى 10 (1-2-3-4-5-6-7-8-9-10) فى مبنى الكيمياء اللى هو المبنى القديم وأى مدرج رقمه زي نظام الفنادق يبقى فى المبنى الفيزياء اللى هو المبنى الجديد بمعنى اي مدرج قبله 0 او رقمه 101 او 201 او 301 او 202 وهكذا.

السكاشن فين:

1. سكاشن الفيزياء فى مبنى الفيزياء والرياضة
2. سكساشن الحيوان فى مبنى الكيمياء الدور الارضى
3. سكاشن الجيولويجا الدور التالت مبنى الكيمياء
4. سكاشن النبات الدور الرابع مبنى الكيمياء
5. سكاشن الكيمياء فى مبنى الكيمياء فى الدور الاول

ندخل بقى على بعض الحاجات البسيطة

1 - المحاضرات بدت والدكاتر دخلوا واشتغلوا طبعا مش كلهم بس الاغلبية يبقى اول حاجة اعملها الانضباط طب فى حاجات كتير فاتت منى يبقى اشوف حد من صحابى وانزل اصورها منه فى اي مكتبة طب انا عاوز المحاضرات دي ومش عارف حد من صحابى يبقى انزل المكاتب اللى قدام المدينة واصور اللى انا عاوزه من هناك.

2- السكاشن ثم السكاشن ثم السكاشن اي حد يقلك نفض لسكشن مع احترامى ليه دا مش بيحبك ولا عاوز ليك الخير لان اهم حاجة السكاشن لانها عليها 40 % من المجموع يعنى انت لو واخد فى العملى 0 لو عملت شبح مش هتعرف تقفل النظري علشان تاخد 60 % اللى هى نسبة النجاح فى المادة وبالتالى نسبة نجاحك معدومة.

3 - الدكاتر كل دكتور وليه نظامه فى التعامل والاجابة بمعنى فى دكتور لو قال انا عاوز الاجابة فى الامتحان تبقى من المحاضرات ومحدش يكتب ويحل اللى بالطريقة بتاعت المحاضر يبقى على طول الكلام يسمع ومحدش يعمل نفس انصح من الدكتور ويحل بطريقة تانية.

فى دكاتر بتمنع دخول حد بعدها يبقى خلاص انت عرفت نظام الدكتور دا ايه متروحش وتستاذن منه او تخبط على الباب

فى دكاتر تانى تقولك ادخل واخرج برحتك بس من غير اي دوشة ولا استاذن يبقى خلاص متروحش وانت داخل تخبط وتبصله فى عينه وتقله السلام عليكم يادكتور ممكن ادخل

الحجات البسيطة دي بتبقى ليها تاثيرات ولو بسيطة على الدكتور

حاجة مهم جداااا لكل طلاب الكلية وكل مدرج ادخل لازم اقلها

4 - الحب ايو الحب ولكن مش المعنى ال دمغكم راحت ليه ههههههه

الحب بين بعضنا كل واحد فيك يحاول يحب اصدقائه ويتمنى ليهم الخير واوعى فى يوم تكره لصحبك الخير او تتمنى ليه الشر علشان مش دي صفات الطالب الازهر المسلم

فيها ايه لو كان معاك حاجة او ورق وعارف انه هايفيد صحابك انك تصوره ليهم وياخدوه انا عاوز اعرف هتفقرق معاك فى ايه

5 - الاحتكاك بمعنى ايه يعم ساينس بمعنى انك لازم تعمل علاقات مع صحابك ولازت تطلع من مود االانغلاق علشان لما تنحط فى موقف يبقى شكلك كويس وتعرف تصرف مش تلف حولين نفسك وخلى فى عقلك انى الاصدقاء هم الذين يبقون بعض التخرج فحاول بقدر الامكان تختار اصحابك ويكونوا اصحاب خير يعنوك على الحياة والكلية.

6 - احترام الاخرين حتى لو كان عامل بسيط لازم تحترم كل من تقابلهم وبالذات الموظفين بتوع الشؤن وعملهم بكل ادب علشان الناس دي بتبقى مضغوط جدا ومحتاجة حد يضحك ويبتسم فى وشهم.

7 - حاجة تانية بردوا متابعة النشاط بمعنى لو الكلية او اتحاد الطلاب عامل نشاط حاول تشترك فيه على الاقل تطلع من المود بتاع المذكرة والكلية مفيش مانع انك تسجل فى دروة الكورة او دورة البلاستيشن او تطلع معهم رحلة والخ.

قبل ان ننطرق فى تفاصيل المواد احب اذكر لكم لائحة التقديرات:

يقدر نجاح كل طالب فى التقدير العام وفى كل مادة من مواد الامتحان بأحد التقديرات الاتية:

1. ممتاز : اذا حصل الطالب على 85% فأكثر.
2. جيد جدا: اذا حصل على 75% إلى اقل من 85% .
3. جيد: إذا حصل على 65% إلى اقل من 75% .
4. مقبول:

• المواد العلمية: إذا حصل على 60% الى اقل من 65% من النهاية العظمى للإمتحان.
• المواد الإسلامية: إذا حصل على 50% إلى أقل من 65% من مجموع الدرجات.

يعتبر الطالب راسبا فى كل مادة إذا حصل على اقل من 60% للمواد العلمية واقل من 50% للمواد الإسلامية من مجموع الدرجات ويقدر بأحد التقديرات الاتية:

1. ضعيف: اذا حصل على 30% الى اقل من 60% من النهاية العظمى للإمتحان المواد العلمية والى اقل من 50% للمواد الإسلامية
2. ضعيف جدا: إذا حصل على أقل من 30% من النهاية العظمى للإمتحان

يعقد امتحان تصفية (شهر سبتمبر) فى كل عام لطلاب الفرقة الرابعة الراسبين فى ما لا يزيد على مقررين فى الموعد الذى يحدده مجلس الجامعة بهذه الخصوص.

لا يزيد تقدير الطالب فى المادة التى سبق ان رسب فيها او تغيب عنها بغير عذر مقبول عن تقدير مقبول.

سوف نتناول تقسيمت درجات الشعب الخاصة بالفرقة الاولى

جميع الشعب لكي يكون كل طالب على علم بيما يدرس من مواد وكيف يتم تقسيم درجات المادة.

نبدا عرض الجداول الخاصة بقسم اولى كيمياء

الجداول الخاصة بشعبة البيولوجي

الجداول الخاصة بشعبة الجيولوجيا

الجداول الخاصة بشعبة الفيزياء والرياضة

فريق الموقع بيشكر الطالب عبده فهمى على هذه المعلومات.