نقدم لكم فى هذا المقال من موقع « علومنجى دوت كوم » كل ما يخص تخصص التغذية العلاجية حيث يوجد هذا التخصص كبكالوريوس ودبلومه وماجستير ودكتوراه فقط في كليه علوم بنات بعين شمس .
من ضمن التخصصات العلمية الطبية اللى تم سرقتها من مهن العلوم فى سكوت أو بمعنى أدق تواطئ النقابة اللى عمرها ما دافعت عننا ولا عن حقوقنا.
القسم موجود فى كل دول العالم وكذلك فى دول الخليج حيث ان أخصائي التغذية العلاجية بيكون خريج كلية العلوم سواء كان قسم كيمياء حيوية أوقسم كيمياء حيوية وتغذية أو قسم تغذية أو قسم كيمياء التغذية ، لكن فى مصر أصبح الاطباء والأقتصاد المنزلى والزراعه والعلاج الطبيعى ,الصيادلة بل وحتي التربية الرياضية وغيرهم يعمل فى نفس المجال بل ويطالبون بالاحقية ايضا .... وكمان تيجى كلية زى طب بشرى تستغل قانون قصر فتح عيادة أو مركز طبى لغير الأطباء اللى بيمنع فتح عيادة لغير طبيب بشر ضد اخصائى التغذية ، يعنى يفتح العيادة أو مركز طبى ويشغلك معاه بنسبة.
مين أخصائي التغذية
أخصائي التغذية هو الشخص الذى يعنى بمساعدة المريض عن طريق تقليل بعض الامراض التى يمكن التحكم بها عن طريق الأغذية او الأثار الجانبية المصاحبة لتلك الأمراض .
بكالوريوس التغذيه والكيماءالحيوي
المواد التى يتم دراستها لطلاب بكالوريوس التغذيه والكيماءالحيوي بكليه علوم بنات عين شمس :
مقررات المستوى الأول ترم اول بكالوريوس التغذيه والكيماءالحيوي
مقررات المستوى الأول ترم ثانى بكالوريوس التغذيه والكيماءالحيوي
مقررات المستوى الثانى ترم اول بكالوريوس التغذيه والكيماءالحيوي
مقررات المستوى الثانى ترم ثانى بكالوريوس التغذيه والكيماءالحيوي
 |
| مواد اختيارية |
مقررات المستوى الثالث ترم اول بكالوريوس التغذيه والكيماءالحيوي
مقررات المستوى الثالث ترم تانى بكالوريوس التغذيه والكيماءالحيوي
مقررات المستوى الرابع ترم اول بكالوريوس التغذيه والكيماءالحيوي
مقررات المستوى الرابع ترم ثانى بكالوريوس التغذيه والكيماءالحيوي
 |
| مواد اختيارية |
 |
| المستوى الثالث ترم ثانى |
 |
| المستوى الرابع ترم اول |
 |
| المستوى الرابع ترم ثانى |
كيفية التخصص فى مجال التغذية العلاجية
الحل الأول:
تكون خريج قسم كيمياءحيويه وتغذيه الموجود في كليه علوم بنات عين شمس فقط .
تفاصيل دخول قسم كيمياء حيويه وتغذيه كليه علوم بنات عين شمس
الحل الثانى:
خريج قسم كيمياء حيوى أو كيمياء/كيمياء حيوى أو كيمياءحيويه وتغذيه + حصوله على دبلومة التغذية بكلية البنات جامعة عين شمس.
الحل الثالث:
خريج علوم أقسام البيولوجى او الكيمياء + حصوله على دبلومة التغذية العلاجية المعهد العالي للصحه العامه بالاسكندريه
الحل الرابع:
خريج علوم أقسام البيولوجى او الكيمياء + حصوله على دبلومة التغذية بالمعهد القومي للتغذية بالقصر العيني
الحل الخامس:
خريج علوم أقسام البيولوجى او الكيمياء + حصوله على دبلومة تغذية المسنين من المعهد القومى لعلوم المسنين بني سويف
الحل السادس:
خريج علوم أقسام البيولوجى او الكيمياء + حصوله على ماجستير تغذية وعلوم الأطعمة بكلية الإقتصاد المنزلي
الحل السابع:
خريج كلية علوم أقسام البيولوجى او الكيمياء + حصوله على الدبلوم المهني فى التغذية التطبيقية كلية الزراعة جامعة القاهرة - التعليم المفتوح.
الحل الثامن:
خريج كلية الإقتصاد المنزلى شعبة التغذية وعلوم الأطعمه + حصوله على ماجستير تغذية وعلوم الأطعمة بكلية الإقتصاد المنزلي.
الحل الغير واضح الملامح حتى الأن :
دخول كلية علوم التغذية جامعة حلوان
تفاصيل الكلية
يقال ان علوم الاسماعيلية موجوده بها دبلومة وماستر ودكتوراه فى التغذية وبتقبل تخصص كيمياء حيوية أو كيمياءحيوى وتغذية)
توضيح بشأن كلية العلاج الطبيعى
أقسام وتخصصات العلاج الطبيعى ليس من ضمنها قسم التغذية ، فاقسامها كالتالى
قسم العلوم الأساسية للعلاج الطبيعي ، قسم الميكانيكا الحيوية ، قسم العلاج الطبيعي للجراحة ، قسم العلاج الطبيعي لأمراض الجهاز الدوري التنفسي والمسنين ، قسم العلاج الطبيعي لأمراض النساء والتوليد ، قسم العلاج الطبيعي لإضطرابات الجهاز العضلي الحركي وجراحتها ، قسم العلاج الطبيعي لاضطرابات الجهاز العصبي العضلي وجراحتها ، قسم العلاج الطبيعي لاضطرابات مراحل النمو والتطور وجراحتها عند الأطفال.
لمعلومات أكتر
لو حابين تعرفوا أكتر عن القسم والدبلومة تقدروا تتواصلوا مع بعض أخصائى التغذية زى:
شغل مجال التغذية العلاجية
بيشتغل كـ كلينيكال نيوترشن (أخصائى تغذية) في المستشفيات أو النوادي او الجيم أو المراكز الصحية.
مجالات العمل :
- أخصائى تغذية ( بالمستشفيات والمؤسسات مثل دور المسنين - دور الحضانة - المدن الجامعية - السجون - الملاجئ ).
- مصانع الأغذية كمراقب جودة وسلامة الأغذية.
- الإعلام و التثقيف الغذائي والتسويق الغذائي
- المراكز البحثية
- التدريس بمراحل التعليم المختلفة ( إبتدائى , أعدادى , ثانوى , جامعة).
- إستشاري التغذية بالعيادات الخاصة.
- مراقبوا ومفتشوا الأغذية بالمواني والمطارات لفحص الطرود والشحنات الغذائية والتفتيش علي مصانع الإنتاج الغذائي (وزارة الصحة).
مجالات العمل الطبية
- المستشفيات والمراكز الصحية المدنية والعسكرية.
- مراكز الرعاية الصحية الأولية.
- عيادات ومراكز ونوادي الحمية الغذائية وضبط الوزن.
- شركات الأدوية ومستلزمات التغذية الطبية.
- دور رعاية المعاقين والأيتام والمسنين وغيرها من الفئات.
- السجون وشركات الطيران
مجالات العمل كأخصائي تغذية في دول الخليج
- التعليم
- مراكز البحوث
- الطب الرياضي أو تغذية الرياضيين
- القطاع الخاص أو العيادات الخاصة
- وسائل الإعلام
- تقديم وإدارة خدمات التغذية
- المنظمات الغير حكومية مثل برامج اليونسكو وبرامج الأمم المتحدة
فرص العمل الدولية
- منظمة الصحة العالمية (WHO)
- منظمة الأغذية والزراعة (FAO)
- صندوق الطفولة التابع للأمم المتحدة (اليونيسيف)
- الخطوط الجوية الدولية
- وسائل الإعلام الدولية (مثل القنوات الفضائية)
طيب انا كخريج علوم لو عاوز اشتغل فى المجال ده هيبقى قدامى سكة من اتنين
- تشتغل مع أخصائى علاج طبيعى مرخص أو بمعنى أصح ترخص باسمه بمقابل معين.
- تشتغل مع طبيب بشرى فى عيادته أو مركزة الطبى أو بمعنى أصح ترخص باسمه وطبعا هو هيسيبك و انت تشتغل وتجيبله الايراد.
- تفتح مركز أو نادى صحى زى الجيم وتكتب من خلاله أنظمة غذائية فقط وده فى مصر فقط ام الدنيا.
التخصص موجود في كليه علوم بنات عين شمس وهو تخصص نادر جدا بيجمع بين الكيمياء الحيويه والتغذية حيث يجمع ما بين التغذيه وكل مايتعلق بالغذاء من لحظه تناوله وكل التفاعلات التى تحدث له فى خلايا الجسم البشرى واخصائي التغذيه بيحدد الاكل للي بياكله المريض وايه الاكل المناسب ليهم.
فتح مركز تغذية
التغذية قسم في كلية العلوم والاقتصاد المنزلي ، وبداية من فبراير عام 2019 انضم الصيادلة الى تخصص التغذية مع دبلومة التغذية العلاجية بكلية صيدلة جامعة المنصورة ، وللعلم العلاج الطبيعى مافيهاش تخصص تغذية.
أولا معضلة فتح مركز تغذية
بعد ما بتتخص فى مجال التغذية العلاجية بتاخدوا مزاوله من النقابه وبتغيروا البطاقه لاخصائي تغذية علاجية لكن حتي الان غير مسموح بفتح مركز تغذيه ودا لاكثر من سبب:
- مفيش قانون منظم لتخصص التغذية حتى هذه اللحظة لذا مفيش حاجة قانونا اسمها مركز تغذية او مركز سمنة ونحافة.
- ترخيص فتح مكان للممارسة والعمل بيخرج من ادارة التراخيص بوزارة الصحة المصرية
- لان مفيش حاجة قانونية كترخيص باسم مركز تغذية او مركز سمنة ونحافة فلو فتحت مكان هيبقى اسمة عيادة او مركز طبى والقانون الحالى للاطباء بيمنع فتح عيادة أو مركز طبى لغير المقيدين بنقابة الاطباء (الطبيب بشرى و طبيب اسنان) وطبعا لو عملت ايه نقابة الاطباء مش هتقيدك فيها تحت اى مسمى .... فلو فتحت هيحصلك مشاكل كتير من مفتشين وزارة الصحه.
المركز الطبى هو ما كان لتخصص واحد فقط من تخصصات طب زى الرمد والعيون ، مثلا : مركز طبى للعيون , اى يكون لتخصص طبى واحد وليس تخصصات متعددة زى العيادات التخصصية المتعددة الاختصاصات ، وبيكون له اشتراطات خاصة من حيث التصميم.
ثانيا الحل ؟!
فى أكتر من سيناريوا للحل والمفروض اننا نمشى فيهم كلهم
- ان نقابة العلميين بم انها الممثل الرئيسى لتخصص التغذية لانها بتضم اخصائى التغذية من خريجى كليات العلوم وكذلك من خريجى كليات الاقتصاد المنزلى قسم التغذية وعلوم الأطعمة ، انها تضيف فصل كامل كقانون لتخصص التغذية فى قانون المهن العلمية المقدم من النقابة لمجلس الشعب.
- تعتمد على شهادة المزاولة من النقابة فقط للممارسة والعمل ، وتفتح نادي صحي أو بيت رياضي من وزارة الشباب والرياضه وتمارس تخصصك كتغذيه علاجية.
- تعتمد على شهادة النقابة فقط للممارسة والعمل ، وتعمل سواء فى عيادة او مركز طبى مرخص باسم طبيب بشرى او مركز علاج طبيعى مرخص بأسم أخصائى علاج طبيعى .... بمعنى تعمل بالتغذية العلاجية فى مركز طبى به تخصص علاجى يناسب طبيعة عملك مثل العمل مع طبيب باطنة أو العمل مع طبيب نساء وتوليد .
- تعتمد على شهادة النقابة فقط للممارسة والعمل ، وتاخد ترخيص من طبيب بشرى او أخصائى علاج طبيعى وتفتح بيه انت.
- تعتمد على شهادة النقابة فقط للممارسة والعمل ، تشتغل فى المستشفيات الخاصة ومراكز التغذية والسمنة والنحافة أو المستوصفات أو النوادى الصحية كاخصائى تغذية علاجية.
للعلم! لا يوجد ترخيص لمسمى مركز سمنة ونحافة ، لكن يكون ترخيص مركز لتخصص عام زى الباطنة مثلا , ويكون فيه تخصص ممارسة للسمنة والنحافة داخل المركز كوحدة من وحدات المركز الطبى.
طب ينفع خريج اقتصاد منزلى قسم تغذية يبقي اخصائي تغذية؟؟
تم الموافقه على قبول خريجى كلية الإقتصاد المنزلى شعبة التغذية وعلوم الأطعمه للإنتساب لنقابة العلميين عام 2017 ولكن بشرط الحصول على الماجستير فى التغذيه وإليكم الشروط :
- أصل المؤهل الدراسى (البكالوريوس)
- أصل شهادة الماجستير
- صورة بطاقة الرقم القومى
- صوره من موقف التجنيد
- عدد 3 صوره شخصية حديثه
- خطاب موجه من جهة العمل يفيد الوظيفه (فى حالة إستلام العمل )
للعلم! غير مسموح قبول غير حاملى الماجستير حتى لو معاه ما ورق يثبت إنه مسجل لدرجة الماجستير ، حاجة كمان يقال ان القيد لخريجى اقتصاد منزلى متوقف حالياً فى 2020.
طريقة ترخيص نادى صحى
قديماً مع قانون رقم ٤٦٣ لسنة ٢٠١٤
كان لابد من وجود عقد المدير الفني "طبيب بشري" وصورة بطاقته وترخيص مزاولة المهنة
حديثاً بعد الغاء القانون القديم وتعديلة بقانون رقم ١١٢٤ لسنة ٢٠١٧ وقرار وزارة الشباب والرياضة رقم 125 لسنة 2018
- لم يعد مطلوب مدير فنى (طبيب بشرى)
- القانون الجديد ده حدد اسماء ، المنشآت الرياضية ومسمياتها وطرق تأسيسها واجراءاتها وشروطها وتراخيصها ... الخ
- وكمان جزء المدير مذكور نصا تعيين المدير المسؤول فى المجال المرخص له ولم يحدد صفة المدير وعليه فان المدير المسؤول عن الادارة ممكن يكون اى شخص باى صفة باى تخصص
- ويتطلب للمدير برينت تامينات وصورة بطاقة وشهادة بتخصصه
- كما ذكر القانون ان المشرفين القائمين على العمل فى تلك الاماكن لابد ان يكون من المؤهلين للعمل فى هذا المجال كمختصين فيه (بمعنى ان يكونوا خريجى تربية رياضية لانهم المؤهلين للعمل ده).
- بالنسبة للنوادى الصحية بالقرى السياحية والمنتجعات والفنادق تم تحويل تراخيصها الى وزارة السياحة بالتبعية والمسؤولية.
- شهادة تسجيل الأندية الصحية وصالات الألعاب البدنية والرياضية بالإدارة المركزية للطلب الرياضي التابعة لوزارة الشباب بالإضافة إلى صورة من موافقة نقابة المهن الرياضية ، بشارع جامعة الدول العربية.
الإجراءات المُتبعة لإصدار الترخيص
- توجه المدير أو ما ينوب عنه رسميًا لنقابة المهن الرياضية (عمــارة الأسواق الحرة – ش جامعة الدول العربية – عمارة رقم ١٠٦ شقة ١٥ الدور١٢ ) للحصول على موافقة النقابة.
- التوجه بورقة الموافقة من النقابة إلى الإدارة المركزية للطب الرياضي التابعة لوزارة الشباب والرياضة للحصول على شهادة تسجيل الأندية الصحية وصالات الألعاب البدنية والرياضية (الجيم).
- التوجه إلى إدارة العلاج الحر بمدينة الشؤون الصحية التابع لها النادي الصحي أو صالة الألعاب البدنية والرياضية وتقديم كافة الأوراق والمستندات.
- شهادة تسجيل الأندية الصحية وصالات الألعاب البدنية والرياضية (الجيم ) بالإدارة المركزيـة للطــب الرياضــي التابعــة لــوزارة الشــباب
- صــورة مــن موافقــة نقابــة المهــن الرياضــية .
- صورة من عقد ملكية المنشأة أو عقد إيجار موثق في الشهر العقاري أو مثبت التاريخ.
- رسم هندسي موضح به توزيع وتقسيمات وحدات النادى الداخلية بالتفصيل.
- عقـد مـدرب تربيـة رياضـية ( يشـترط فيـه ان يكـون مـن خريجـى كليـة التربيـة الرياضـية وعضـو بنقابة المهن الرياضـية ) + صـورة شـهادة التخـرج + كارنيـه النقابـة + صـورة بطاقـة مـع وجـود شهادات تدريبية ورسمية معتمده من جهات متخصصة .
- التجهيـزات الواجـب توافرهـا (عجلـة ثابتـة – جهـاز سـير متحـرك – جهـاز صـعود مرتفعـات –حمـام ســاونا – حمـام بخــار – جـاكوزى – جهــاز جــيم لفـرد واحــد – ترابيـزة تــدليك رياضــى – غرفة كشف مجهزة لطبيب «قديماً قبل قانون رقم ١١٢٤ لسنة ٢٠١٧ وقرار وزارة الشباب والرياضة رقم 125 لسنة 2018») بالنسبة لصـالات الجـيم جميـع الأجههـزة السـابقة عـدا ( السـاونا –البخار – الجاكوزي ).
- يشـترط للعمـل بالانديـة الصـحية ان يكـون العامـل مصـرى الجنسـية ويسـمح بتشـغيل الاجانـب بالنسب المحددة فى قانون العمل بشرط اعتماد مـؤهلاتهم بواسـطة لجنـة متخصصـة فـى مجـالاحدى المهن الطبية اوالمساعدة لها بوزارة الصحة.
- عدد 2 صورة بطاقة لجميع العاملين.
- قديماً: عقد مدير فنى ( طبيب بشرى ) + صورة بطاقتة + صورة ترخيص مزاولة المهنة.
- بعد استيفاء كافة المستندات يتم معاينة النـادي الصـحي أو صـالة الألعـاب البدانيـة والرياضـية مــن قبــل إدارة العــلاج الحــر بالمديريــة وعمــل محضــر معاينــة بــالرآي الفنــي.
- يتم أرسال محضر المعاينة الصادر من مديرية الشئون الصحية + صورة موافقة نقابـة المهن الرياضـية + شـهادة تسـجيل إدارة الطـب الرياضـي مـع منـدوب عـن النـادي الصـحي أو صـالة الجيم بتفـويض مـن المـدير مختـوم بخـتم المنشـأة أو بتوكيـل رسـمي إلـي الإدارة المركزيـة للمؤسسات العلاجية غير الحكومية والترخيص.
- فـي حالـة اسـتيفاء المسـتندات بالبنـد السـابق وسـداد قيمـة مقابـل الخدمـة يـتم مـنح مسـتخرج مـن السـجل الخــاص بالأنديــة الصــحية أو الســجل الخــاص بصــالات الجــيم مــن الإدارة المركزيــة للمؤسسات العلاجية غير الحكومية والترخيص بالتوصية بإصدار الترخيص .
 |
| قانون رقم ١١٢٤ لسنة ٢٠١٧ |
 |
| قانون رقم ١١٢٤ لسنة ٢٠١٧ |
 |
| باقى قانون رقم ١١٢٤ لسنة ٢٠١٧ وقرار وزارة الشباب والرياضة رقم 125 لسنة 2018 |
لائحة قواعد منح تراخيص شركات الخدمات الرياضية
 |
| لائحة قواعد منح تراخيص شركات الخدمات الرياضية |
دور اخصائي التغذيه
• التعاون مع أعضاء الفريق الصحي الخاص برعاية المريض من خلال تقديم الرعاية الغذائية.
• التوعية الغذائية للوقاية من بعض الأمراض للمجتمع وكذلك المرضى على حد سواء.
• وضع البرامج التدريبية والاستشارات وكذلك إعداد الوسائل التعليمية في مجال التغذية للعاملين في مجال الصحة العامة مثل الممرضات والعاملين بالوقاية الصحية.
• وقاية المرضى المنومين من الإصابة بسوء التغذية الناتجة عن نقص الطاقة والبروتين.
• المساعدة على علاج الحالات المرضية واختيار الأغذية المناسبة لها.
• تحديد طبيعة وكمية العناصر الغذائية اللازمة للمريض ومدى احتياج المريض للأغذية التكميلية (التغذية الأنبوبية أو الوريدية).
• التحكم بوزن المريض زيادة أو نقصاً.
• متابعة المرضى المنومين من خلال إرشادهم بطبيعة النظام الغذائي الواجب إتباعه والتحقق من مدى إقبالهم على الوجبات المقدمة لهم.
• المشاركة في البحوث العلمية .
• يقوم بوصف الغذاء المناسب للمريض فمثلا مريض القلب له غذاء معين يتناسب مع مرضه -مريض الضغط له غذاء معين يتناسب مع مرضه كما يقوم اخصائي التغذيه بعمل برنامج لعلاج السمنه والنحافه عن طريق تنظيم الغذاء.
اللقب فى البطاقة
يمكن تغير البطاقه لاخصائي تغذيه علاجيه بعد الحصول علي الدراسات العليا والتقيد في شعبه العلوم الطبيه بنقابه العامه للعلميين.
كما يمكنك الحصول على لقب دكتور فى كرنية النقابة صبقاً للشروط فى هذا المقال.
 |
| سجل أخصائى التغذية العلاجية بنقابة العلميين |
 |
| ترخيص مزاولة مهنة من نقابة العلميين |
 |
| كرنية أخصائى تغذية علاجية |
 |
| كرنية أخصائى تغذية |
مين من حقه يفتح مركز تغذية ؟؟
ردحذفلا أحد لان مفيش قانون منظم
حذفلكن تقدر تعمل حل من الحلول اللى فى المقال فوق
ياشباب ان رحت عين شمس وقالوا لى لانقبل غير خريجى الكلية فقط
ردحذفشكراً على التوضيح يا استاذ على 👍
حذفكلية البنات عين شمس مسموح فقط لعلوم قسم كيمياء حيوى فقط
انا خريجة صيدلة ..ممكن ادرسها؟
ردحذفللاسف فى كلية البنات عين شمس مسموح فقط لعلوم قسم كيمياء حيوى فقط
حذفهل يحق اللالتحاق بالدبلومه لخريجي تجاره انجليزي
ردحذفطبعا لا
حذفقسم بيولوجي خاص ليه الحق يفتح مركز تغذيه او ليه الحق أن يعمل أخصائي اشعه؟؟ ارجو الرد مع الشرح الوافي ولكم جزيل الشكر...
ردحذفله ان يتخصص فى مجال التغذية يعنى يصبح اخصائى لكن مفيش قانون اصلا لفتح مركز تغذية لاى حد
حذفبس بعض الناس بتشتغل فى عيادة طبيب معين (كأنه ماجر ترخيص من الطبيب كدا لان الطبيب نفسة ميقدرش يفتح مركز تغذية برضو ... طب لية؟ّ لان مفيش قانون يمثل تخصص التغذية حتى الان) لكن يقدر طبعا يشتغل فى بتشتغل فى المستشفيات الخاصة ومراكز التغذية والسمنة والنحافة وفى المستوصفات كاخصائى تغذية علاجية عادى جدا .
اما الاشعه فقط لاخصائى الاشعه (الطبيب)
ازاي اسجل ف دبلومة التغذيه لغير الاطباء وشروط التقديم والميعاد للتقديم
ردحذفمجال التغذية اصلا مش بتاع الاطباء .... دا مجال لطلاب كلية العلوم وصيدلة منذ قديم الازل
حذفعشان تقدم لازم تكون خريج علوم قسم كيمياء حيوى
هل ينفع بيطرى يقدموا ؟؟؟
ردحذفهل ينفع بيطرى يقدموا ؟؟؟
ردحذفهل ينفع بيطرى يقدموا
ردحذفللاسف لا
حذفهل ينفع زراعة ماجستير كيمياء حيوية يعمل الدبلومة فى علوم قسم كيمياء وتغذية
ردحذفلو خريج طب بيطرى ومعايا دبلوم كيمياء حيوية ينفع أسجل فى دبلومة التغذية العلاجية؟
ردحذفللاسف فى كلية البنات فى عين شمس لا تقبل غير علوم قسم كيمياء حيوى فقط
حذفممكن قسم كيميا ياخد دبلومة التغذية مع العلم كنت بيولوجي ف سنة اولى
ردحذفينفع تاخدها بس مش من كلية البنات عين شمس
حذفمن
1- معهد العالي للصحه العامه بالاسكندريه
2- كلية الإقتصاد المنزلي جامعة حلوان
3- معهد قومي للتغذية القصر العيني
4- معهد قومي لتغذيه مسنين بني سويف
طب لو حد كلية طب بيطري ينفع يحضر الدبلوم من عين شمس ولا لازم كلية علوم؟
ردحذفعلوم فقط
حذفهيا بنات بس ولا ممكن ولاد . وصيدله وطب ممكن يدرسوا ولو طبيب بعد ماياخدها هل ممكن يفتح مركز
ردحذفلا مش مسموح غير لعلوم قسم كيمياء حيوى فقط
حذفممكن خريجة زراعة قسم علوم الأغذية التقديم فيها؟
ردحذفللاسف لا
حذفانا سمعت انها بتقبل تربية بيولوجي هل الكلام ده صحيح .. ارجو الرد. وشكرا
ردحذفللاسف لا واصلا بتقبل قسم واحد من علوم مش كل الاقسام
حذفهل بتقبل علوم قسم كيمياء فيزياء مزدوج
ردحذفينفع تاخدها بس مش من كلية البنات عين شمس
حذفمن
1- معهد العالي للصحه العامه بالاسكندريه
2- كلية الإقتصاد المنزلي جامعة حلوان
3- معهد قومي للتغذية القصر العيني
4- معهد قومي لتغذيه مسنين بني سويف
انا علوم القاهرة كيمياء اسبيشيال ينفع اخد الدبلومة
ردحذفينفع بس مش من عين شمس
حذفمن
1- معهد العالي للصحه العامه بالاسكندريه
2- كلية الإقتصاد المنزلي جامعة حلوان
3- معهد قومي للتغذية القصر العيني
4- معهد قومي لتغذيه مسنين بني سويف
امال هنشتغل فى مراكز تغذية ازاى طالما مش مصرح بفتحها؟!!!
ردحذفانا كاتب الطريقة فوق فى المقال
حذفلكن اوضح تانى
----------
بتشتغل اما فى مستشفى او مستوصف او مركز طبى ، يعنى من الاخر طبيب بيرخص حاجة من دول وانت بتشتغل معاه ، او كذلك اخصائى علاج طبيعى يرخص مركز علاج طبيعى وبتشتغل معاه برضو
طب بالنسبه للطب البيطري بالاضافه إلى دبلوم كيمياء حيوي ممكن ياخد الدبلوم ويرخص مركز صحي
ردحذفدبلومة كيمياء حيوى تفتح بيها معمل تحاليل مش مركز صحى
حذفواسمة مركز طبى مش مركز صحى ، والمركز الطبى دا يعتبر عيادة بس على اكبر شوية ولتخصص واحد فقط وللاطباء فقط
الحاجة الوحيدة فى مصر اللى بتسمح لبيطرى يتخصص فى التغذية هى الدبلوم المهني فى التغذية التطبيقية - كلية الزراعة جامعة القاهرة - التعليم المفتوح
انا تغذيه علاجيه ف اقتصاد منزلي مش هعرف افتح مركز برضه لازم ابقي تحت دكتور ؟!
ردحذفانت مش تحته .... الفكرة تكمن فى انك لازم تشتغل فى مكان مرخص لان مفيش قانون بينظم المهنة حتى الأن
حذفلذلك بتلجأ للعمل مع طبيب فى مركز طبى او عيادة أو مستوصف بحيث تبقى شغال فى السليم
لو انا عايزة ابقي دكتورة اشعة المفروض ادخل اية
ردحذفلو عاوز تبقى اخصائى اشعه (طبيب اشعه) ادخل كلية طب واتخصص فى الاشعه
حذفاما لو عاوز تشتغل فى مجال الاشعه كفزيائى طبى فادخل علوم قسم فيزياء
لو انا خريج بكالوريوس تمريض واخدت ماجستير في التغذية هل يحق لي ابقي أخصائي تغذية
ردحذفللاسف مش هتبقى اخصائى لان بكالريوس حضرتك علوم تمريض فمش هتقدر تحصل على مزاولة مهنة وعشان كدا مش هتبقى اخصائى
حذفطيب هو خريج كليه زراعه مش ليه الحق ياخد الدبلومه ولا
ردحذفخريج زراعه قسم اغذية فقط بيبقى مسموحله فى بعض المعاهد المذكورة فوق
حذفلكن فى كلية علوم لا
طيب زراعه قسم كيمياء حيوي ينفع يقدم في الدبلومه
ردحذفللاسف لا
حذفانما قسم اغذية بيقبل فى بعض المعاهد اللى مذكورة فوق
انا خريجة علوم بيولوجي قسم علم حيوان خاص دلوقتي لو اخدت الدبلومه من جامعة القاهرة التعليم المفتوح هل النقابه اديني اخصائي تغذيه
ردحذفوشكرا
حاليا لان النقابة فى عز ضعفها هتقبل تديهالك لكن فى المستقبل غالبا ممكن ترفض
حذفسمعت عن دبلومة التغذية العلاجية في كلية البنات عين شمس ممكن تفاصيل عنها؟
ردحذفتفاصيلها من الرابط دا
حذفhttps://3lomangy.blogspot.com/2020/06/Science.ASU.Nutrition.Diploma.html
مع احترامي الكامل لناشر المقال تخصص التغذيه والتغذيه العلاجيه ده كان تخصص في اقتصاد منزلي فقط منذ أكثر من 25عام وكانت هيه الكليه الوحيده اللتي بها هذا التخصص وأسمه تخصص تغذيه وعلوم اطعمه ومع اجتهاد الدكاتره في هذا القسم أصبح ذا أهمية كبيره للدرجه اللي حضرتك بتتكلم عليها دلوقتي وكان بينتدب دكاتره فعلا من علوم لتدريس ماده الميكروبيولجي والكمياء الحيوي ولكن لم يكن منذ 20عام كمان قسم في كليه العلوم خاص بالتغذيه وقسم التغذيه في اقتصاد منزلي مش ليدخل فيه غير خريجي الثانويه العامه علمي علوم وليس رياضه اهميه التخصص ده ظهرت نتيجه دفعه من طلاب علمي علوم دخلت اقتصاد منزلي حبت وفهمت ووصلت اهميه المجال ده وبعد ما الدنيا كلها عرفت الاهميه بتاعته بدأت بقي الكنافه لكن برجاء عدم التجريح كلنا مؤهلات عليا وفيه في اقتصاد منزلي قامات عاليه في هذا المجال وانا واخده من خريجي اقتصاد منزلي قسم تغذيه وعلوم اطعمه ولدي من العلم والمعرفة بفضل الله مايجعلني أتفاخر بتخصصي وداخلها حبا في هذا المجال وليس مجموع انا كنت داخلها من 25سنه بمجموع 83%يعني مش فشل تخلصوا من العقد النفسيه كلنا مهموم وكلنا نكمل بعض وتحياتي لناشر المقال
ردحذفانا خريج معهد فني صحي وكملت سنتين
ردحذفوحصلت علي شهادة بكلوريوس تكنولوجيا العلوم الصحيه في الصحه العامه.
وانا اصلا دارس سلامة غذاء.ومن ضمن شغلي الرقابه علي المحلات الغذائيه والمطاعم...
هل ينفع اخد ماجستر التغذيه العلاجيه
واساوي بيه في شغلي.
انا خريج معهد فني صحي .ثم درست سنتين
ردحذفوحصلت بكولوريوس تكنولوجيا العلوم الصحيه
في الصحه العامه.
ومن ضمن شغلي الرقابه علي اماكن تداول الاغذيه.
هل ينفع اخد ماجستير التغذيه العلاجيه
واساوي بييه في شغلي.
ينفع علوم كيميا حيوان ياخد الدبلومه؟ وكنا بيولوجي اول سنتين..
ردحذفهو ينفع نبقى دكاترة تغذية من كلية تربية نوعية قسم اقتصاد منزلي ولا لازم نكون من كليه اقتصاد منزلي ؟
ردحذفانا عرفت ان جامعة جنوب الوادي بتمنح درجة البكالريوس والماجستير والدكتوراة في هذا المجال يعني لو اتخرجنها منها وعملنا ماجستير نقدر نبقى دكاترة تغذية ؟
لو انا علوم قسم جيولوجيا ممكن اخد الدبلومه مباشرة من معهد القومي للتغذيه القصر العيني ولا لازم اخد دبلومه كيمياء حيوي وبعدين اخد دبلومة التغذيه من معهد التغذية او لو حل اخر ارجوا التوضيح.. شكرا لحضرتك
ردحذفممكن اي قسم في علوم ياخدها
ردحذفميعاد التقديم بيكون امتى ...وشكرا
ردحذفدلوقتي في قسم جديد في كلية اقتصاد منزلي اسمه برنامج التغذية العلاجية خاص و بيطلع اخصائين تغذية علاجية من غير ما يعملوا دبلومات هل لازم احضر ماجستير علشان انتسب لنقابة العلميين؟
ردحذفجمييل
ردحذفاذا درست تخصص الكيمياء الحيوية و التغذية ماذا سيكون المسمى الوظيفي؟
ردحذفهل اخصائية تغذية ؟ او يجب دراسة دبلوم ليكون المسمى الوظيفي اخصائية تغذية؟
التخصص بيبدأ من سنه كام وانا اقتصاد منزلى جامعه بنها سنه اولى وهحول عشان اتخصص تغذيه ممكن اعرف ف سنه كام التخصص
ردحذف