نقدم لكم فى هذا المقال من موقع « علومنجى دوت كوم » كل ما يخص المعهد العالي للصحة العامة جامعة الاسكندرية والذى انشأ عام 1956 ليكون وحدة دراسة وبحث ويمنح درجة الماجستير والدكتوراة في فروع الصحة العامة المختلفة ، والذى يعتبر من أشهر الأماكن اللي بتقدم مجال التغذية فى مصر، والمكان الوحيد اللي بيقدم دبلوم وماجيستير و دكتوراة فى التغذية .
مواعيد التقديم
بتكون خلال شهر يوليو ولمدة شهر تقريباً .
لكن التقديم للمعهد السنة 2020/2021 هيبدأ من أول سبتمبر و حتى 15 سبتمبر .
اخبار عن ان الدراسة هتكون بنسبة 40% اونلاين لكن غير مؤكدة ، ولو كانت صحيحة يبقى هيختلف عن السنوات الماضية من حيث نسبة الحضور ، منتظرين قرار وزير التعليم العالي، غالبا خلال الشهر الجاي.
التخصصات المتاحة
مجال التغذية هناك متقسم ل 3 اقسام:
- التغذية - Nutrition
- صحة وسلامة الغذاء - Food Hygiene
- تحليل الأغذية - Food Analysis
التاني والتالت بيقبلوا أى بكالوريوس او ليسانس مالهمش شروط غير كده كلامنا هنا هيبقى عن القسم الأول - "التغذية".
الكليات المقبولة
مجال التغذية - الفئات المستهدفة:العلوم باستثناء الجيولوجيا والرياضيات/ الاقتصاد المنزلي/ الزراعة/الطب البشري/ الصيدلة/العلاج الطبيعي.
الاختيار بيتم على اساس الأعلى تقديراً فى كل الفئات.
نظام الدراسة
بنظام الساعات المعتمدة، الحضور إلزامي، نسبة الغياب لا يجب أن تتعدّى 25%.
~ الدبلوم بيكون عبارة عن 26 ساعة معتمدة.
~ الماجيستير بيكون عبارة عن 38 ساعة معتمدة (30 دراسة + 8 رسالة).
المواد بتكون شقّين؛ شقّ صحة عامة و شقّ تغذية و اللي بتتضمن تغذية علاجية و كيمياء حيوية و تخطيط وجبات و غيره.
تقدر تقسم المحتوى زى ما تحب على مدار سنة ولحد 3 سنين، حسب عدد الايام اللى هتحضرها فى الاسبوع من اتنين ل 5 ايام اسبوعياً.
اخبار عن ان الدراسة هتكون بنسبة 40% اونلاين لكن غير مؤكدة ، ولو كانت صحيحة يبقى هيختلف عن السنوات الماضية من حيث نسبة الحضور ، منتظرين قرار وزير التعليم العالي، غالبا خلال الشهر الجاي.
الاوراق المطلوبة
- شهادة التخرج
- شهادة الميلاد
- موافقة جهة العمل
- 4 صور شخصية
- جواب تأمين "للموظفين"
- صورة البطاقة
ملحوظة: عند القبول للماجيستير بيتطلب تقديم شهادة تحديد مستوى اللغة الانجليزية AUEPT ولازم تكون بنسبة اكتر من 50%، ودي بتتاخد من مركز "تنمية المجتمع" فى سموحة ، ودا لينك الصفحة الخاصة بالمركز
الأوراق بيتم تقديمها يدوياً بقسم الدراسات العليا ودفع الرسوم وبعدها بيتم رفع صور المرفقات على موقع.
المصاريف
- الساعة 300 جنيه بالاضافة الي مصاريف ادارية كاستمارات التقديم او الحجز والتأمين .
- تكلفة الدبلوم: 11000 جنيه.
- تكلفة الماجيستير: مصاريف ادارية فقط حوالي 11500 جنيه تقريباً للسنة الأولي و 3000 جنيه بيتم اضافتها على كل سنة اضافية بحد اقصى 5 سنوات غير التكاليف الأخري والرسالة.
سعر الساعه فى عام ٢٠١٢ كانت الساعه بـ ٥٠ جنية.
الاعتماد
معتمد من المجلس الاعلى للجامعات و نقابة الأطباء كأخصائي تاني،
ويحصل الخرّيج على كارنيه بمسمى"دبلوم صحة عامة - تخصص تغذية .. او ماجيستير صحة عامة - تخصص تغذية علاجية"
هل ده له الحق يمارس المهنه؟؟
اه طبعا
التقدير المقبول
غالبا من جيد جداً
للتواصل والأستفسار
كل الأوراق الخاصة بالتقديم:
للاستفسار الرجاء التواصل مع
أ.د. نيفين فهمي محمد عجمي (رئيس القسم) neveenagamy@alexu.edu.eg
ا. د. داليا طايل daliatayel@alexu.edu.eg
لو حابب تعرف اكتر عنه، دا لينك الدليل الموجود على الموقع الرسمي بتاع الدبلومات وفروع الماجيستير المتاحة عندهم و المناهج الدراسية و كل التفاصيل:
رابط الدليل
الموقع الرسمي
رابط الموقع
فتح مركز تغذية
التغذية قسم في كلية العلوم والاقتصاد المنزلي ، وبداية من فبراير عام 2019 انضم الصيادلة الى تخصص التغذية مع دبلومة التغذية العلاجية بكلية صيدلة جامعة المنصورة ، وللعلم العلاج الطبيعى مافيهاش تخصص تغذية.
أولا معضلة فتح مركز تغذية
بعد ما بتتخص فى مجال التغذية العلاجية بتاخدوا مزاوله من النقابه وبتغيروا البطاقه لاخصائي تغذية علاجية لكن حتي الان غير مسموح بفتح مركز تغذيه ودا لاكثر من سبب:
- مفيش قانون منظم لتخصص التغذية حتى هذه اللحظة لذا مفيش حاجة قانونا اسمها مركز تغذية.
- ترخيص فتح مكان للممارسة والعمل بيخرج من ادارة التراخيص بوزارة الصحة المصرية
- لان مفيش حاجة قانونية باسم مركز تغذية فلو فتحت مكان هيبقى اسمة عيادة والقانون الحالى للاطباء بيمنع فتح عيادة لغير المقيدين بنقابة الاطباء (الطبيب بشرى و طبيب اسنان) وطبعا لو عملت ايه نقابة الاطباء مش هتقيدك فيها تحت اى مسمى .... فلو فتحت هيحصلك مشاكل كتير من مفتشين وزارة الصحه.
ثانيا الحل ؟!
فى أكتر من سيناريوا للحل والمفروض اننا نمشى فيهم كلهم
- ان نقابة العلميين بم انها الممثل الرئيسى لتخصص التغذية لانها بتضم اخصائى التغذية من خريجى كليات العلوم وكذلك من خريجى كليات الاقتصاد المنزلى تخصص قسم التغذية وعلوم الأطعمة انها تعمل تضيف فصل كامل كقانون لتخصص التغذية فى قانون المهن العلمية المقدم من النقابة لمجلس الشعب.
- تعتمد على شهادة المزاولة من النقابة فقط للممارسة والعمل ، وتفتح نادي صحي وتمارس تخصصك كتغذيه علاجية.
- تعتمد على شهادة النقابة فقط للممارسة والعمل ، وتعمل سواء فى عيادة او مركز طبى مرخص باسم طبيب بشرى او مركز علاج طبيعى مرخص بأسم أخصائى علاج طبيعى .... بمعنى تعمل بالتغذية العلاجية فى مركز طبى به تخصص علاجى يناسب طبيعة عملك مثل العمل مع طبيب باطنة أو العمل مع طبيب نساء وتوليد .
- تعتمد على شهادة النقابة فقط للممارسة والعمل ، وتاخد ترخيص من طبيب بشرى او أخصائى علاج طبيعى وتفتح بيه انت.
- تعتمد على شهادة النقابة فقط للممارسة والعمل ، تشتغل فى المستشفيات الخاصة ومراكز التغذية والسمنة والنحافة أو المستوصفات أو النوادى الصحية كاخصائى تغذية علاجية.
طب ينفع خريج اقتصاد منزلى قسم تغذية يبقي اخصائي تغذية؟؟
تم الموافقه على قبول خريجى كلية الإقتصاد المنزلى شعبة التغذية وعلوم الأطعمه للإنتساب لنقابة العلميين ولكن بشرط الحصول على الماجستير فى التغذيه وإليكم الشروط :
- أصل المؤهل الدراسى (البكالوريوس)
- أصل شهادة الماجستير
- صورة بطاقة الرقم القومى
- صوره من موقف التجنيد
- عدد 3 صوره شخصية حديثه
- خطاب موجه من جهة العمل يفيد الوظيفه (فى حالة إستلام العمل )
للعلم! غير مسموح قبول غير حاملى الماجستير حتى لو معاه ما ورق يثبت إنه مسجل لدرجة الماجستير .
دور اخصائي التغذيه
• التعاون مع أعضاء الفريق الصحي الخاص برعاية المريض من خلال تقديم الرعاية الغذائية.
• التوعية الغذائية للوقاية من بعض الأمراض للمجتمع وكذلك المرضى على حد سواء.
• وضع البرامج التدريبية والاستشارات وكذلك إعداد الوسائل التعليمية في مجال التغذية للعاملين في مجال الصحة العامة مثل الممرضات والعاملين بالوقاية الصحية.
• وقاية المرضى المنومين من الإصابة بسوء التغذية الناتجة عن نقص الطاقة والبروتين.
• المساعدة على علاج الحالات المرضية واختيار الأغذية المناسبة لها.
• تحديد طبيعة وكمية العناصر الغذائية اللازمة للمريض ومدى احتياج المريض للأغذية التكميلية (التغذية الأنبوبية أو الوريدية).
• التحكم بوزن المريض زيادة أو نقصاً.
• متابعة المرضى المنومين من خلال إرشادهم بطبيعة النظام الغذائي الواجب إتباعه والتحقق من مدى إقبالهم على الوجبات المقدمة لهم.
• المشاركة في البحوث العلمية .
• يقوم بوصف الغذاء المناسب للمريض فمثلا مريض القلب له غذاء معين يتناسب مع مرضه -مريض الضغط له غذاء معين يتناسب مع مرضه كما يقوم اخصائي التغذيه بعمل برنامج لعلاج السمنه والنحافه عن طريق تنظيم الغذاء.
اللقب فى البطاقة
يمكن تغير البطاقه لاخصائي تغذيه علاجيه بعد الحصول علي الدراسات العليا والتقيد في شعبه العلوم الطبيه بنقابه العامه للعلميين.
انا خريجة علوم غذاء و تغذية من (كلية علوم الأسرة في السعودية وتسمى في مصر كلية اقتصاد منزلي)
ردحذفلو درست (دبلوم و ماجستير ودكتوراه تغذية) في المعهد العالي للصحة العامة بالاسكندرية
ماذا يكون المسمى الوظيفي ؟
أخصائى تغذية
حذفالتسجيل في دبلوم التغذية امتي
ردحذفبيكون فى شهر سبتمبر
حذفيعني بعد لمااخدت الدبلومة غير متاح اني افتح مركز؟؟
ردحذففتح المركز ليس له علاقة بالدبلومة
حذفالدبلومة بتأهلك تكون أخصائى تغذية وتقدر تشتغل فى اى مكان
لكن فى مصر حتى هذة اللحظة مفيش قانون ينظم التغذية لذلة مفيش حاجة اسمها مركز تغذية علاجية
ولو فتحت فوزارة الصحة بتعتبرك فاتح عيادة عشان كدا مش مسموح
هل يمكن لخريجي كلية تمريض الحصول على دبلوم التغذية العلاجية وهل يمكن فتح مراكز ؟
ردحذفللاسف لا
حذف