المعلومات الكامله عن كليه علوم عين شمس بنات

بِسْــــــــــــــــمِ اﷲِالرَّحْمَنِ الرَّحِيم

 

جمعنا لكم فى موقع « علومنجى دوت كوم » جميع المعلومات عن كليه علوم عين شمس بنات ، سواء الاقسام والتنسيق الداخلى وطريقة التقديم وغيرها كتير من المعلومات.

زي ما انتو شايفين كدا في الصورة .. كلية الأداب و العلوم و التربية  و دا لأنه الكلية دي عبارة عن جامعة مصغرة فيها 3 كليات .. و للبنات بس اكيد 

كلية الجمال الحب كله .. اه هاخدها كلها مدح اصلا الكلية كلها مميزات ؛ لو اتكلمنا عليها من هنا لبكرا مش هنخلص بصراحة 

الاوراق المطلوبه للتقديم

1. اصل شهاده الثانويه العامه
2. اصل شهاده الميلاد
3. صوره البطاقه الشخصية
4. نموذج 2 جند (للطلاب الذكور فقط)
5. عدد 6 صور شخصية الطالب
6. مصاريف دراسية  + طوابع
7. صوره لبطاقة الترشيح

مصروفات الكلية

حوالى 1000 جنية لعام 2022/2021 .

تنسيق الكلية

تنسيق الكلية للعام الجامعي الماضي 2020/ 2021

تنسيق الكلية للعام الجامعي الماضي 2018/ 2019

قبلت في المرحلة الأولى من تنسيق الثانوية العامة من طلاب الشعبة الأدبية بمجموع 361 درجة للالتحاق بكلية بنات تربية عين شمس، أما كلية البنات تربية حلقة ابتدائية بجامعة عين شمس بمجموع 352 درجة، بكلية بنات شعبة طفولة جامعة عين شمس بمجموع 342 درجة، وبكلية البنات آداب جامعة عين شمس بمجموع 328 درجة.

وجاء الحد الأدنى لقبول طلاب الشعبة العلمية بالمرحلة الثانية من تنسيق الثانوية العامة بمجموع 321 درجة للالتحاق بكلية البنات تربية حلقة ابتدائية بجامعة عين شمس، وللالتحاق بكلية البنات تربية عين شمس بمجموع 329.5 درجة، وبكلية بنات علوم رياضة بجامعة عين شمس بمجموع 351.5 درجة، ولطلاب الشعبة الأدبية بالمرحلة الثانية من تنسيق الثانوية العامة بمجموع 319.5 درجة، بكلية البنات آداب انتساب موجه جامعة عين شمس.

أما تنسيق المرحلة الثالثة من تنسيق الثانوية العامة للالتحاق بالشعبة الأدبية، فقبلت الإدارة والسكرتارية والحاسب بكلية البنات القبطية بالعباسية بمجموع 263 درجة، والإدارة والسكرتارية والحاسب بكلية البنات نظم ومعلومات إدارية بمجموع 259 درجة، وبالشعبة العلمية يمكن أن يلتحق الطلاب بكلية البنات آداب عين شمس بمجموع 266.5 درجة، وبكلية البنات آداب انتساب موجه بمجموع 255.5 درجة، وبكلية الإدارة والسكرتارية القبطية بالعباسية بمجموع 221.5 درجة.

تنسيق كلية البنات خلال عام 2017/2016

تختلف المجاميع المؤهلة لدخول الكليات من عام إلى آخر، وكان التنسيق الخاص للعام الدراسي 2017/2016 ، لشعبة العلمي علوم 384، وكلية البنات تربية 351.5، أما شعبة علمي رياضة فاشترطت للالتحاق بشعبة علوم بكلية البنات  344، وبنات تربية 323.5، واشتركا كلا الشعبتين في مجموع درجات الالتحاق بكلية بنات تربية حلقة ابتدائية بمجموع 320، كلية بنات شعبه طفولة 290، كلية البنات آداب  275، كلية البنات آداب انتساب موجه  260، البنات شعبة اقتصاد منزلي 249.5.

أما الشعبة الأدبية فكان تنسيق بنات تربية 363.5، وبنات تربية حلقة ابتدائية 356، وبنات شعبة طفولة 344.5، بنات آداب 323، بنات آداب انتساب موجه 309.

نظام الدراسة

الكلية تعمل بنظام الساعات المعتمدة 

التخصص والتشعيب

• التخصص فيها من اول سنة 
• الدخول للأقسام بيعتمد على درجات ثانوي 

لو انتى علمى علوم مثلا هتكتبى أقسام بيولوجى او طبيعه اللى متاحه ليكى بالترتيب حسب الأولوية بالنسبه ليكى كل قسم ليه شروط ودخوله بيعتمد على درجه مواد معينه من ثانوي زى ( كيمياء ، فيزياء ) بيعملوه تنسيق وبيقبلوا الطالبات على أساسه ؛ ومن الاقسام الحلوة والمختلفة اللى فيها قسم كيميا حيوي و تغذية هنتكلم عنه بعد شوية مع الاقسام الموجودة .

التنسيق الداخلى للسنوات الماضية

رابط التنسيق

الجامعه التابع لها الكلية

الكلية تابعه لكليه عين شمس بس هي مستقلة عنها يعني تبعها بس مش تبعها .

الحرم الجامعي فيه 3 كليات علوم و اداب و تربية ؛ و حمام سباحة اه وربنا .. لا وفيها جيم كمان بنات بقى ولازم ندلعهم .

الكلية طبعا بنات بس ؛ الدكاترة و المعيدات أغلبهم دكتورات الكلية موجودة في مصر الجديدة ؛ عند شارع اسماء فهمي و موازية لشارع المرغني - اسماء فهمي هي الي اسست الكلية - كمان عندها محطة مترو خاصة بيها .

سؤال مهم جدا أتسألته ، هل علوم بنات عين شمس بيتكتب فى الاخر فى شهادة البكالريوس تربوى علوم !؟؟

لا طبعا مش بيتكتبلك فى الاخر فى شهادة البكالريوس تربوى علوم 

الكلية تعتبر 3 كليات فى بعض بحيث 

• أقسام كلية العلوم اللى فى الكلية بتدى بكالريوس علوم فى التخصص دا 
• اما اقسام أداب بتدى بكالريوس أداب فى التخصص دا وهكذا بالنسبة لتربية 
• وكذلك فى قسم ملابس وأنسجة دا يعتبر من كلية أقتصاد منزلى بيدى بكالريوس اقتصاد منزلى فى القسم دا 

عشان تتأكدوا أكتر دى  الدرجات العلمية اللى بتديها الكلية فى اللائحة الداخلية للكلية ، وللعلم علوم بنات عين شمس تعد من أفضل كليات العلوم فى مصر.

أقسام كلية العلوم

كيمياء حيوية و تغذية : 

مجال شغله كبير جدا ؛ انا مش هتكلم عن مجالات شغل لان احنا اتكلمنا عليها ف عين شمس اما بالنسبة للتخصص التاني الي هو تغذية ف ليه مجالات تانية من ضمنها اخصائية تغذية و الشغل في المراكز البحثية و معاهد التغذية و المشاركة في الرقابة الغذائية و الصحية زي معامل وزارة الصحة و مصانع الاغذية ؛ كمان ممكن في التخطيط الغذائي في المؤسسات الكبيرة زي المدن الجامعية و المؤسسات العمالية . كمان حاجة ممكن تشتغل كمحررة صحفية في مجلات التغذية . و حجات كتير جدا جدا جدا . لان التخصص ده مهم جدا والقسم ده فريد مش موجود ف أي كلية تانية لانه بيدرس حيوي و تغذية في نفس الوقت ده اعلى قسم فى الكلية .

(الاقسام الاخرى ): 

كيمياء و حيوان 

حيوان سبيشيل 

كيمياء و نبات 

فيزياء حيوي 

رياضيات 

ميكروبيولوجي وكيمياء 

فيزياء اسبيشيال

رياضيات و فيزياء

فيزياء و كيمياء 

فيزياء وحاسب 

كيمياء سبيشيل 

ملابس و نسيج

التقديم فى علوم عين شمس بنات

دي كل خطوات التقديم  　　

الخطوة الاولى 

الكشف الطبي هو غالبا بيكون كشف روتيني .. مكان الكشف الطبي ؛ ف الدور التاني في المبنى الادبي .. فين المبنى الادبي دا هتلاقوه ع اقصى اليمين وانتِ داخلة من باب الكلية.

الخطوة التانية

دفع المصاريف الدفع بيكون في الخزنة طبعا .. و المصاريف 739 جنيه (متغير) ان شاء الله و حاولي تجيبيهم فكة.

طيب هي فين الخزنة دي ؟ الخزنة هتلاقيها قصاد المبنى الملحق ، فين المبنى الملحق ؟ اخر مبنى على ايدك الشمال.

مهم تعرفي اسماء المباني عشان هتستخدميه كتير.

الخطوة التالتة

تسليم الاوراق .. بتسلمي شهادة الثانوية العامة و الصور الشخصية و هيدوكي الدليل بتاع الكلية - بيكون فيه تعريف بالاقسام و اللوائح و تعريف بنظام الكلية - و ورقة كتابة الرغبات .. 

متنسوش تجيبو قلم ... متنسوش القلم.

ايوة فين الكلام دا ؟ بتروحي مدرج 5 و 6 في المبنى الادبي فاكرين كان فين ؟ ايوة هوا دا

الخطوة الاخيرة 

بتطلعي الاي تي في نفس المبنى الادبي تسجلي الرغبات و بس ✌

 NOW Mission completed

و تستني النتيجة بقا و انتي حاطة رجل ع رجل و بتشبي عصير ليمون  ... طبعا الكلام شكله سهل بس وقت التطبيق هنتوه .. دا اكيد يعني .

طيب اجيب ورقة ايه معايا ؟

الموقع الرسمي لكلية علوم بنات جامعة عين شمس  و دا علوم بنات جامعة عين شمس