سلسه حلقات حكايه طالب (الجزء السابع)

موضوع بيحكى عن قصه حياه طالب حقيقيه مر بيها من اول دخوله الكليه حتى تم تعيينه وأنا وفريق علومنجى دوت كوم سمناها بالاسم ده لانها فعلا تعتبر حكايه (قصه زى بتاعه طه حسين كده) .

والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد".

# ‏نصيحة لكل الخريجين الجدد والطلاب (حكايه طالب)

انا مين ؟ انا ايه سيد حديثه التخرج من علوم عين شمس شعبه ج/جف ... بعمل ايه هنا ؟ هحكى حكايتى من بدايه دخولى علوم لدلوقتى باختصار

طبعا دخلت علوم زى ناس كثير مش طايقاها بس كعادتى قلت هعمل اللى عليا والباقى على ربنا... كنت احضر المحاضرات و اذاكر عادى مش بفحت نفسى مذاكرة زى ما الناس فاكرة  بفهم الحاجة و اذاكر قبل الامتحانات الطبيعي يعنى  أفتكر اول نتيجة ليا كنّا بدانا الترم التانى و نتيجه الترم الاول طلعت و الناس كلها خرجت تشوفها الا انا و كام حد كمان و جيه واحد من الدفعه قال تحبوا اجبهالكوا؟ قلتله لا شكرًا جيه بعديها ب شويه قال انا جبتها و غالبا كده يا ايه انتى الاولى ما شاء الله  قعدت اضحك ضحك!!! لا يمكن طبعا أكيد بيهزر انا اصلا كنت بخرج اول ما نص مده الامتحان تعدى و كنت بحل اللى عارفاه و اسيب الباقى! أفتكر فى امتحان الجيولوجيا خرجت بعد نص المده لقيت د/عادل رمضان بيقولى انتى متاكدة انك حليتى حاجة ؟؟ ... والصدمة ان كلام الولد طلع صح و كنت الاولى .. حسيتها رساله و اخدت النيه انى هكمل على النهج دا مع الأخذ فى الاعتبار شويه مقاييس تانيه ( انا هفضل زى7 ما ما انا ايه ب اسلوبها ب شخصيتها مش هخبى على حد معلومة لانه كلام فارغ مش هضايق حد هفضل بشوشة و اضحك فى وش الناس حتى لو جوايا كلاكيع ) ... قضيت الأربع سنين كده و كل سنه كنت بنضج اكثر طبعا علما و فكرا و اجتماعيا و كل حاجة ... اول أسباب نجاحى هو اليقين فى الله يليه اهلى و اقرب الناس ليا

وحاجة كمان ، ايه هى ؟ متبخلش على حد ... بمعنى لو بإيدك تساعد حد فى حاجة مترددش ... أفتكر كان فى محاضرات كنت بكتب فيها باستفاضة مميييييته لمجرد بس ان الناس اللى محضرتش و جت تقرا تحس انها فاهمه كل حاجة و مفاتهاش حاجة من المحاضرة فى حين انى مش مضطرة اعمل كده! بس حقيقى كنت بلاقى ربنا فتح على و يسر لى أمور كنت مستصعباها و كده .. أبقى مضايقه و الاقى حد زعلان و كده اروح اهديه و أتكلم كثير فى حين انى محتاجة انا اسمع الكلام دا اصلا! .. و ارجع فى المقابل الاقى فجاة نفسيتى ارتاحت و هديت وهكذا... خلصت رابعه بنفس النهج و حققت اللى كنت عايزاه بفضل الله و انا هدفى انى عايزة أنفع ب علمى الامه و الاسلام و المسلمين و هيفضل أن شاء الله لحد اخر يوم فى عمرى .. عدى حوالى ٣ شهور من الاجازة و ابتديت أزهق كنت بتعلم حاجات بس كله فى البيت اونلاين باخد كورسات او أدى دروس انجليزى و كده .. لقتنى مخنوقه قمت صليت ركعتين قبل الفجر و دعيت انى عايزة حاجة أوصل بيها لهدفى .. عايزة أقف على اول الطريق..كنت حاسه انى مقصرة اوى .. فجاة و بدون مقدمات قلت اما افتح اقدم اونلاين على الشركات فى مجالنا جايز و فعلا قدمت فى شلمبرجير و كده ... خلال وقت قليل جداا لقيت إيميل ان شلمبرجر عايزنى اعمل انترفيو! اتوترت ايه دا هو الموضوع قلب جد كده ليه .

فى نفس ذات الوقت الأمل كلموني عشان الامتحان الأونلاين و هوبا امتحنت و هوبا نتيجة الناس كلها طلعت الا انا متبعتليش إيميل ولا حد عبرنى  فين و فين كلمت ناس من الأمل و سألتهم قالولى للأسف الscore بتاعك كان قليل و معدتيش و الحياة مشيت موقفتش بل بالعكس حبيت التجربه و اتعلمت منها و مش كل حاجة لازم تجيلك خليك على يقين ان ربنا كاتب لك اللى فيه الخير و شايلك الاحسن

بعد ما شلمبرجر كلمونى اتعملى اول انترفيو و عديت و جيه معاد التانى اتوترت أكثر بس رجعت قلت هيجرى ايه يعنى ؟ هروح أقول الكلمتين اللى عارفاهم و اجى مش هموت يعنى !

كنّا حوالى ١٠ و اتعملى الانترفيو ااااخر واحدة ناقصه توتر بقى

فضلت كثيييير مستنيه رد منهم فوق الشهر و أكثر وابتديت افقد الأمل و قررت أبدا أفكر فى طريق تانى و فعلا بدأ يدخل فى دماغى التدريس و دى حاجة انا بحبها .. و لسه هكمل فى الموضوع .. هوب هوب لقيتهم بيكلمونى من الشركة

You are accepted !

ايه دا ؟؟ و امتى و فين و ازاى ؟ كلها اساله لحد دلوقتى انا معرفش إجابتها بس يقينى فى الله بيقولى انها من الطرق اللى هتوصلك للى انت عايزاه .

حاجات كثير حصلت و بتحصل و هتحصل و كثير بنتخيل انها ممكن متحصلش بس مع شويه تعب و ثقه بتبدا تتحط على اول السلم

طب انا حكيت على الحاجات الحلوة ، هل دا معناه ان الحياه وردى ؟ لا خالص فى وسط الحاجات اللى قلتها واللى مقلتهاش كان فى زحاليق كثير و وقعت كثييير وتعبت و مواقف عدت عليا خلتنى حرفيا مدمرة و كنت قربت ارجع للصفر من تانى و اخد قرارات مش صح.. بس الفكرة انك متسبش نفسك ل دا ، قوى نفسك حصن نفسك و خلى حواليك ناس مصدر طاقه و دفعه وابعد عن الناس اللى تجيبك ورا .. الحياه متعبه و محتاجه مجهود و دا امر مفروغ منه بس احنا لازم نتعب و نجتهد عشان فى الاخر نشوف نتيجه الحصاد اللى غرسناه "ولقد خلقنا الانسان فى كبد" ... متياسوش و عافروا و بقول الكلام دا لنفسى قبلكم

أكمل المقال

سلسه حلقات حكايه طالب (الجزء الثامن)

نقدم لكم فى هذا المقال حكاية فيها عبرة لشخصية معينة لانه بيحكى عن قصه حياه طالب حقيقيه مر بيها من اول دخوله الكليه حتى تم تعيينه وأنا وفريق علومنجى دوت كوم سمناها بالاسم ده لانها فعلا تعتبر حكايه (قصه زى بتاعه طه حسين كده) والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد". 

# ‏نصيحة لكل الخريجين الجدد والطلاب (حكايه طالب)

آرتور فيشر والخابور البلاستيك

الخابور البلاستيك ... ما أعتقدش في حد هنا ما استخدموش قبل كدة أو على الأقل شاف العمال وهم بيستخدموه في بيته أو بيثبتوا مسامير في الحيطة باستخدامه.
الخابور ده اخترعه أرتور فيشر Artur Fischer سنة ١٩٥٨ وعمل منه ثروة كبيرة وفى 2013 بس الشركة بتاعته باعت خوابير ب ٦٣٠ مليون يورو ( حوالي 50 مليار جنية مصري) ... ياتري كان عندك كام فكرة دفنتها و اتكسفت تعرضها على الناس لانك حسيتها بسيطة او عادية ... طيب تعرف ان فيشر دلوقتي عنده ٩٤ سنة ، ومسجل ١٠٨٠ براءة اختراع وبيسعى لسة رغم سنّة إنه يحطم رقم “إديسون” القياسي و يسجل براءات اختراع تانية .

قولتلى بقي انت عندك كام سنة وحاسس ان قطر النجاح فاتك ! ! !
# أياك_تيأس ... لان ببساطه اللى بييأس بيموت

أكمل المقال

سلسه حلقات حكايه طالب (الجزء السادس)

الموضوع ده مهم جدا لكل طالب وخريج لانه بيحكى عن قصه حياه طالب حقيقيه مر بيها من اول دخوله الكليه حتى تم تعيينه وأنا وفريق علومنجى دوت كوم سمناها بالاسم ده لانها فعلا تعتبر حكايه (قصه زى بتاعه طه حسين كده) والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد".

# ‏نصيحة لكل الخريجين الجدد والطلاب (حكايه طالب)

وده كلام الطالب ده :

طبعا كلنا بعد التخرج بنبقي تايههين ومش عارفين نبدا ازاي ومش لاقيين شغل

لما اتخرجت الحمد لله اخدت تأجيل من الجيش ،كان اسعد خبر في حياتي ، طبعا مش لاقي شغل ، اشتغلت شويه مع اخويا في المقاولات(شغل نقاشه من الاخر) تعب وقرف وطبعا مخنوق علشان مش شغال بالتعليم اصلا، بعد كدا بدأت اشتري اهرام الجمعه والوسيط (مكنش الفيس منتشر قوي)... ربنا كرمني واشتغلت مندوب في شركه اجهزه معامل الكمياء وبنسوق اجهزه كروماتوجرافي، اشتغلت فيها سنه وخلال السنه دي اخدت كورس انجليش محادثه ، بعد كدا اشتغلت في شركه طباعه وتغليف وكان من اهم الاسباب شغلي الاول و معرفتي بأجهزة اختبارات الكميا وكدا (والانجلش بتاعي طبعا) ، اخدت فيها خبره كبيره الحمد لله، بعد كدا حصل دروب في الشركه وشفت مجال تاني خالص مجال الجوده في شركه معالجه مياه ، دا لاني اخدت كورسات ( tqm & six sigma ) بالاضافه لاني كنت فاهم جدا في شغلي وكنت محضر وقارئي كتير في مجال معالجه المياه ، ولله الحمد بحاول انقل الخبرات دي واساعد الناس .

نصيحه لوجه الله ي شباب (وطبعا ي بنات):

متعديش سنه من عمرك غير لما تكتسب مهاره معينه او تاخد كورس معين سواء في مجال شغلك او في مجال تاني بتحبه

١- لو طالب متخرجش من الكليه الا ومعاك icdl & ENglish convention بحد ادني .

٢- لو خريج حاول تاخد

١- كورس في الجوده مثلا TQM & lean six sigma .

٢- حاول تاخد دبلومه (تحاليل للي عايز يشتغل فيها) او دبلومه كميا تحليليه.

٣- حاول تحضر تمهيدي.

ملحوظه :مفيش حد فينا غني غنا فاحش ومفيش حد بيشتغل ب10000 في الشهر في بدايه حياته فحاول توفر ولو كل شهر 200جنيه من مرتبك علشان تاخد بيهم كورسات وتأهل نفسك

# اصرف علي نفسك

حاول اتعلم كل يوم مهاره او معلومه جديده وخد كورسات دايما في مجالك او مجال انت حابه .

* شكر خاص لفاعل خير من فريق الموقع *

أكمل المقال

سلسه حلقات حكايه طالب (الجزء الخامس)

الموضوع ده مهم جدا لكل طالب وخريج لانه بيحكى عن قصه حياه طالب حقيقيه لكن المره دى الموضوع عن شاب بعد ما اتعين فى مصنع لصباغه الجلود فقرر يشارك معانا ايه هو نظام الشغل والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد".

# ‏نصيحة لكل الخريجين الجدد والطلاب (حكايه طالب)

وده كلام الطالب ده :

هكلمكم عن مجال الصباغه والمجال ده انا شغال فيه وشغلى فى معمل الالوان واحنا فى المصنع بنقوم بصباغة :

القطن ١٠٠٪

والمخلوط (قطن + بولستر )

والبولستر ١٠٠٪

والفسكوز

اولا هنتكلم عن صباغة القطن ١٠٠٪ وبيكون معاها طبعا مرحلة المخلوط القطن اللى بتكون اتصبغت بولستر:

أ) المواد والكيماويات اللازمة لهذا النوع من الصباغة ودور كلا منها:-

1- ماء (Water) : ويجب أن يعالج من العسورة وتطبط له الـ pH كما سبق.

2- الصبغة (Dye): وهي التي تلعب الدور الأساسي في إعداد الألوان المطلوبة فقد تكون صبغة واحدة للون معين كالأصفر أو الأحمر أو الأزرق( إلخ...) يصبغ بها الخام ويسمي هذا النوع بصباغة Self Shade وقد يتكون اللون من مجموعة من الصبغات صبغتين أو أكثر يتحدو لتكوين لون معين أي عمل مزج أو خلط يسمي بـ Combination.

3- ملح (Salt ): ويستخدم الملح في الصباغة كوسيط بين الصبغة والخام فهو يقوم بنقل الصبغة من الماء وتوزيعها علي الخام ويوجد منه نوعان أساسيان هما

أ- ملح كلوريد الصوديوم NaCl ) Sodium Chloride) ويستخدم فى curve ال critical-60 .

ب- ملح جلوبر أو كبريتات الصوديوم Na2SO4 ) Sodium Sulphate)

وبيسخدم غالبا فى باقى ال curves ماعدا curve ال critical-60

وسيتم توضيح ال curves لاحقا.

4- صودا اّش أو كربونات الصوديوم  (Na2CO3) Sodium Carbonate وتستخدم في تثبيت الصبغة علي الخام برفع قيمة الأس الهيدروجيني pH .

5- صودا كاوية Caustic Soda (NaOH) Sodium hydroxide

وتستخدم في حالة الألوان القاتمة التي تحتاج إلي نسبة كبيرة من الصبغة تؤدي بدورها إلي استخدام كمية كبيرة من الصودا اّش التي تستخدم كقاعدة فبدلا من هذا نضيف إلي جانب الصودا اّش قاعدة أخري تغني عن زيادة الصودا اّش هي الصودا الكاوية.

6- حمض الخليك Acetic acid  ( CH3COOH) ويستخدم بعد الصباغة حيث يعطي الخام بعد صباغته حمام خل علي حرارة أقل من 60 درجة مئوية حتي لا يحدث له تكسير وذلك لمعادلة الخام بعد صباغته والتخلص من بقايا الصودا اّش أو الصودا الكاوية إن وجدت ويساعد في إزالة الزيادة من اللون علي الخام أي قطع اللون.

7- الصابون Soap ويستخدم في نهاية عملية الصباغة للتنظيف تماما والتخلص من أي شوائب وبقايا للصبغة علي الخام في درجة حرارة تتراوح من 70 إلي 90 درجة.

8- مثبت: أحيانا نحتاج بعد عملية الصباغة لعملية تثبيت للصبغة وذلك يكون بعد حمام الصابون حيث يسحب المثبت في وسط قيمة الأس الهيدروجيني له .

ب) الخطوات العمليه لهذا النوع من الصباغه :

١- يتم تحديد النسب اللازمه لكل لون عن طريق العين او باستخدام الـ dataclour وتحديد نسب الملح والأش والصودا المطلوب اضافتها فى عملية الصباغه .

٢- يتم تحضير أنواع الصباغات التى يتم استخدامها فى عملية الصباغه بتركيزات مختلفه على حسب الحاجه لها وعادة ماتكون بتركيزات ٢٪ و ١٪ و٠.١٪ و ٠.٠١ ٪ ويتم تحضير الصبغه مانويل او عن طريق جهاز solution maker.

٣- بعد تحضير الصبغه نقوم بسحب النسب من التركيبه التى تم تحديدها لكل لون وذلك اما مانويل او عن طريق جهاز ال dispenser الديسبنسر .

وبعد ذلك يتم اتباع ال curves فى عملية الصباغه (والمقصود بها ألية وخطوات عملية الصباغه وهى تعتمد على اللون المراد صباغته وكذلك نوع الصبغه نفسها ) وال curves فى صباغة القطن كالاتى دون تفصيل :

1-critical-60

2-iso-80

3-cold-60

4-80-60 C ودى بتكون للفسكوز .

هنتكلم بس على curve واحد وهو critical -60

١- نضع الخام مع الملح الكومن NaCL ونضعهم فى ماكينة أهيبا لترفع لدرجة حرارة ٥٠ درجه مع الدوران فى الماكينه ١٥ لفه فى الدقيقه لمدة ١٥ دقيقه.

٢- نقوم بأخذ عينات القماش ووضعها فى حمام الصبغه الذى تم تحضيرها كما بينا سابقا .

٣- ترفع درجة حرارة الماكينه الى ٨٠ درجه لمدة ربع ساعه ثم نقوم بعملية التبريد لمدة ١٠دقائق .

٤- ثم نقوم وضع الأش والصودا بالترتيب بطريقة الدوزات .

ده جزء بسيط جدا من الصباغه وكمان بطريقه مختصره جدا .

" لو عندك انت كمان حكايه عاوز تفيد بيها الغير شاركها معنا."

أكمل المقال

سلسه حلقات حكايه طالب (الجزء الرابع)

 

الموضوع ده مهم جدا لكل طالب وخريج لانه بيحكى عن قصه حياه طالب حقيقيه لكن المره دى الموضوع عن شاب بعد ما اتعين فى شركه تنقيه المياه فقرر يشارك معانا ايه هو نظام الشغل والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد".

# ‏نصيحة لكل الخريجين الجدد والطلاب (حكايه طالب)

وده كلام الطالب ده :

كلامى هيكون عن علم تنقية المياه :

مبدئيا لازم نعرف أن في أنواع للمياه (مياه جوفيه ومياه سطحية ومياه بحر ومياه آبار ولكلا منهما طريقها).

المياه الجوفية والسطحيه تجري عليهم عمليه المعالجة water treatment.

المياه البحر والآبار تجري عليهم عمليه التحليه reverse osmosis وذلك لأن نسبه الأملاح عاليه جدا وكلامنا النهارده على الطريقه دى .

ركزوا معايا كده لانه مهم جدا عشان تفهم علم تحلية المياه (أنهار،آبار،بحار) عن طريق نظرية التناضح العكسي او الاسموزية العكسية  reverse Osmosis (RO)  لازم تعرف يعني ايه التناضح الاول (الاسموزية).

‫#‏الاسموزية:- خاصية انتقال الماء تلقائيا من الوسط الاقل ملوحة الى الوسط الاعلى ملوحة وحط لنفسك مثال ع كده.

‫#‏الاسموزية_العكسية RO :- عملية إجبار الماء على التحرك عكس الاتجاه الطبيعي اي من الوسط المالح (المياه الخام) الى الوسط الاقل ملوحة (المياه المحلاة) عن طريق التأثير بقوة تفوق قوة الضغط الاسموزي وفي عكس اتجاهه.

يعني ايه... المياه ليها ضغط اسموزي وليكن 3 بار عشان التناضح العكسي يتم ع اغشية التناضح العكسي لابد من زيادة الضغط اللي داخل ع الاغشية بضغط اكبر من الضغط الاسموزي العادي للماء اي اكبر من 3 .

طيب قبل م ادخل ع طرق المعالجة لازم نعرف حاجة مهمة جداً :

يقاس تركيز الاملاح للمياه بمقدار الأملاح المذابة الكلية (Total Dissolved Salts TDS ) ووحدتها الجزء في المليون ppm وهي تكافئ mg/L .

#‏ طرق_معالجة_الماء:

1/ المعالجة الأولية Pre-Treatment.

2/ مجمع الأغشية Membrane Assembly.

3/ المعالجة النهائية Post- Treatment .

أولا المعالجة الأولية:-

1- هي مجموعة اجراءات نضطر لتنفيذها على مياه التغذية( الخام) Feed water لتحسين خواصها.

(بمعني اسهل عشان نمهدها عشان تدخل على الاغشية RO عشان الاغشية متبظش وهنوضح ده دلوقتي ).

انا هشرح اللي عندي في المصنع :

1/ حقن الكلور :- انا بحقن كلور ابتدائي لماذا؟

اهم حاجة عشان يقتل البكتريا الموجودة في الميه حيث انه يؤكسدها وكمان حاجة الكلور ده بياكسد الحديد والمنجنيز اللي موجود ف الميه عشان ميبوظوش الاغشية .

طب لو مضفتش كلور ف الاول ايه اللي هيحصل؟

اغشية ال (RO) هتشيل البكتريا والحديد والمنجنيز ولكنهم ممكن يقصروا عمر الاغشية ويسدوها لذلك لابد من اضافة الكلور.

واحنا ماشين ع الكورنيش مع بعض والكلور معانا عمال يموت البكتريا ورايحين في طريقنا ع الاغشية لقينا في وشنا فلتر ضخم كده اسمه

‫#‏الفلتر_الرملي sand filter : عبارة عن طبقات من الحصى الكبيرة والمتوسطة والصغيرة والرمل الناعم والحاجات دي جواه ف طبقات و‏وظيفته ازالة الطمي والطين والسيلكا الناعمة الغروية وأكاسيد المعادن والفضلات العضوية .

طب عديناه لقينا بعده ع طول فلتر كربوني يحتوي ع الكربون النشط Activated Carbon)) واخدناه في العضوية انه يقوم بامتزاز الغازات على سطحه صح هو بيعمل كده بيشيل الغازات والطعم الغريب واهم شئ بيشيل الكلور الزائد قبل الوصول الي الـ RO عشان الكلور لو دخل عليه هيدمره لذلك لابد من ازالة الكلور المتبقي بعد اكسدة البكتريا .

عدينا الفلتر ده لقينا تانك صغير كده بيضخ في الماسورة اللي ماشية بيضخ فيها مادة مزيل الكلور (صوديوم ميتا باي سالفيت) وبضخها زيادة اطمئنان عشان مفيش ذرة كلور خبيثة تعدي وبعد كده عندي فلاتر قطنية 5 مايكرون بتشيل اي ذرات رمال عدت او اي حاجة قبل ال RO  

أهم حاجة بقا في المعالجة الاولية اضافة حاجتين :

‫1- مانع ترسيب من اسمه باختصار بيمنع ترسب الاملاح ع الاغشية

وبعده ع طول بضيف

‫2- ‏حمض_كبريتيك وده بضيفه لان المانع يشتغل في رانج بي اتش معين .

وفجاة واحنا ماشيين لقينا مجمع الاغشيه.

ثانيا مجمع الاغشية :-

 بيبقى قبل اغشية ال RO فيه مضخة ضغط عالي High Pressure pump ودي بقا بترفع الضغط الداخل على الاغشية عشان تتم عملية التناضح العكسي.

بعد كده الاغشية ايه اللي بيحصل فيها :

الماء المالح بيدخل وهي مكونة من طبقات مسامية صغيرة جدا جدا وهي شبه نفاذة تسمح بمرور الماء فقط دون الاملاح .

الماء بيدخل ع الاغشية ملوحته وليكن 10000 ppm او 350 زي ما عندي ماء ابار وبعد الاغشية الماء المنتج بيطلع 15 ppm يعتبر بدون املاح لذلك لابد من معالجة نهائية تحسن من خواص الماء .

ثالثا ‏المعالجةالنهائية:-وهي اضافة بعض الكيماويات لتحسين الماء وتكون قابلة للشرب.

المهم هضيف املاح من عندي عشان نزود الاملاح ل 110 ppm

وظبط ال PH عشان يصل الى 7

طب بضيف كيماويات ايه :

Calcium chloride

Mag. Sulphate

(الاتنين دول بيرفعوا الاملاح عندي من 15 الى 110 ppm )

اما لتظبيط ال PH بيتم اضافة :

Soda or sodium bicarbonate

وبكده وصلنا للمياه والمياه المنتجة طلعت عندي.

فى النهايه شكر خاص للكيميائى عمرو حسن (كيميائي مياه بالسعودية) على هذا الموضوع الجميل . 

&&&&&&&&&&&&&&&&&&&&&&&&&&&&&&&&&&&

"ده يعتبر موضوع حلقه لوحده لكن قررت اضمه مع الحلقه دى لانهم بينقشوا نفس العمل وهو شركه المياه والعمل فيها."

ودلوقتى أن شاء الله هنكلم عن كورس مبسط وهو معالجه المياه لكن اللى شرحه المره دى الكيميائى عبد الغنى.

أولا لازم نعرف أن في أنواع للمياه (مياه جوفيه ومياه سطحية ومياه بحر ومياه آبار ولكلا منهما طريقها).

1- المياه الجوفية والسطحيه تجري عليهم عمليه المعالجة water treatment.

2- المياه البحر والآبار تجري عليهم عمليه التحليه reverse osmosis وذلك لأن نسبه الأملاح عاليه جدا.

أولا قبل كل حاجه عشان نبني محطه مياه شرب لازم يكون في مصدر مياه قريب من المحطه ولازم يكون فيه كميه مياه متوفره باستمرار مثلا زي مياه النهر

بنوصل ماسورة مزودة بطرمبه للنهر وذلك لسحب المية بنوصل لحوض كبير مزود بمصافي وذلك لمنع دخول أي نفايات الحوض وتسمي المياه الداخلة (بالمياه الخام) .

بعد ذلك يوجد جهاز يقيس كميه المياه الداخلة بكم/س لأن علي أساس المياه الداخلة بنحسب كميه الكلور والشابه السايله المراد حقنها.

مراحل المعالجة:

أولا تجري عمليه معالجه ابتدائية وذلك حقن الكلور وذلك للقضاء علي أي نوع بكاتريا أو القضاء علي ريحه مياه مش مستحبة

تانيا يتم حساب كمية الكلور المراد حقنه وكذلك الشابة ويتم حقنهم معا علي المياه الخام ليقوم كلا منهما بعملهم.

ثالثا يتم ترسيب المياه في مروق كبير مزود بدوار وذلك لتقليب المياه وسوف نلاحظ وجود قوم علي جوانب المروق وذلك لأن الشابة تقوم بعملية تجميع للمواد العالقة في المياه علي شكل قوم.

رابعا يتم توزيع المياه علي شكل مروقات صغيره ونقوم أخذ عينه كلور من كل مروق وذلك للتأكد من وجود كلور حر كافي.

خامسا يتم دخول المياه في أحواض الترشيح أو الفلتره وهي عباره عن أحواض مزودة بطبقات رمل وزلط وفحم الرمل تكون مسامه صغيره وذلك لمنع تسريب أي ماده عالقة الفحم للقضاء علي أي ريحه مش مستحبة وتكون عمليه الفلتره يتم فيها ضخ المياه من أعلي الي اسفل.

سادسا يتم عمل عمليه غسيل لاحواض الترشيح وهي عمليه عكسية للفلتره يعني سوف يتم صح المياه من أسفل الي أعلي وذلك لغسيل وترتيب أحواض المياه

سابعا يتم ضخ المياه في خزانات الاستهلاك وذلك لضخها للمستهلك

معمل الكمياء:

1- جهاز الكلور ويتم فيها قياس الكلور الحر الدايب في الميه في وجود

( (raagent DPD1ووحده الكلور ppm أو ملي جرام لكل لتر.

2- جهاز العكاره turbidity ويتم فيه قياس عكاره المياه ولاتتجاوز 2NTU وحده قياس العكاره NTU .

3- جهاز الأملاح ويتم فيه قياس الأملاح الدايبه في المياه ومفروض لاتتعدي 1000 ووحدته Ys/cm .

4- جهاز التوصيله الكهربيه ويتم قياس التوصيله الكهربيه للمياه.

5- جهاز phmeter ويتم فيه قياس الph للمياه والمياه تكون في حال تعادل 7.2.

6- جهاز spectrophotometer ويتم فيه الكشف عن المعادن في المياه ولكل معدن طول موجي معين ويتم فيه تحضير عينه مياه بتركيزات مختلفه علي الطول الموجي المعدن المراد قياسه ولكل تركيز absorbance معين ومن علي المنحني يتم تعين المعدن.

7- جهاز التقطير وذلك للحصول علي مياه خاليه تماما من الأملاح وذلك تستخدم في التحضر وغسيل أدوات المعمل.

8- أجهزه المعايزه وذلك لمعاينة القلوية والعسر الكلي وعسر الكالسيوم والماغنسيوم.

9- جهاز jar test وذلك لتعين كميه الشابة المناسبه المستخدمه في الحقن.

فى النهايه شكر خاص للكيميائى عبدالغني (كيميائي مياه) على هذا الموضوع الجميل .

أكمل المقال