كل ما يخص شعبه البيوتكنولوجي (Biotechnology)

بِسْــــــــــــــــمِ اﷲِالرَّحْمَنِ الرَّحِيم

مبدئيا متكتفوش بمقالنا فى « علومنجى دوت كوم » في معرفة البيوتكنولوچي كعلم مختص بذاته على الرغم من التوضيح الكبير اللى احنا موضحينه ؛ عشان العلم ده واسع جدا وله فروع كتير، يعني ابحثوا أكتر واعرفوا K وأنا هتكلم عنه كعلم باختصار وبعدين هتكلم عن الدراسة في الكلية ومجالات الشغل وغيرها كتير من المعلومات.

لاننا الأن على مشارف حالة طارئة في كُل بيت مصري، وهى طلاب الثانوية العامة في مصر الرُعب الكبير لدى كل الطلاب على مستقبلهم، ولكن كما أحب دائمًا أن أبدأ كلامي بهذا الشأن أقول أنه لا داعي للخوف أو القلق لأن بالأخير الطريق مرسوم منذ البداية ومعروف أين سيكون مستقبل كل منا، وليست إمتحانات الثانوية العامة هي التي ستُحدد مصيرك وإنما في كيفية تعاطيك وتصرفك مع نتيجتها. وأكثر طلاب الثانوية العامة تراهم رعبًا هم طلاب الشُعبة العلمية خاصة «علمي علوم» لأن أصبح من الطبيعي أن يكون كل حلم طلاب الشُعبة العلمية هو دخول كليات القمة المزعومة ، مع أن القمة أبدًا ليست في الكلية التي يدخلها الطالب وإنما في مجهود الطالب نفسه ، ولكن هذه للأسف الشديد مازالت فكرة مُجتمعية مغلوطة تُضيف إعتبارات أخرى غير العلم لتحكم عليه.

إيه هو البيوتكنولوجي

• ببساطه هو أحد العلوم التطبيقيه الجديده اللي بتدرس الكائنات الحيه على مستوى الخليه و من الجانب الجيني للخلايا .
• ودا بيكون من خلال تقنيات حديثه يعني بأختصار لو حابب ال biology وال genetics و ال DNA يبقى المجال ده مناسب ليك جداً .

كلامي مُنذ البداية في هذا المقال سيركز على الجانب الأكاديمي لمجال التكنولوجيا الحيوية فقط ، لكن من المهم لكى نفهم الفرق بين التكنولوجيا الحيوية في الدراسة والعمل أن نفهم جيدًا أن مجال التكنولوجيا الحيوية في خلال الدراسة الجامعية مُختلف تمامًا من ناحية التركيب عن التكنولوجيا الحيوية في مجالات العمل والمشاريع ، بساطة شديدة لأنك تدرس في الجامعة الجوانب الأكاديمية فقط، يعني مثلًا عند بداية دراستك تبدأ في التعرف على المبادئ والنظريات والتقنيات العلمية المُختلفة الأساسية والعلوم الأساسية اللازمة لفِهم مبادئ التكنولوجيا الحيوية وتقوم بإجراء بعض التجارب والتطبيقات المُهمة الأساسية كذلك. يعني بشكل أكثر وضوحًا الجامعة مجرد الخطوة الأولى في طريقك في مجال التكنولوجيا الحيوية وهذه الخطوة هي التي سيأتي من بعدها كافة الخطوات.

حيث عندما نُراجع معًا مُسميات المواد التعليمية في الجامعة نجدها مثلًا مُتخصصة في كائن واحد أو جانب واحد على سبيل المثال: علم الحيوان، فأنت تدرس في هذا العلم أساسيات علم الحيوان التي تُعطيك مفاهيم أساسية عن ذلك النوع من الكائنات الحية وستجد هذه المفاهيم تُساعدك عندما تحاول أن تتعامل مع النظام الحيوي للحيوان بمُختلف المستويات، ولكن دراستك لعلم الحيوان لا تعني أنك ستكون مُتخصصًا في علم الحيوان، ولكن هو علم أساسي يجب أن تدرسه لفِهم أعمق بغض النظر عن ما إذا كنت ستطبق أفكارك فعلًا على علم النبات أو لا، لأن بالأخير أنت حُر في إختيارك للنظام الحيوي الذي ستتعامل معه.

شروط المجال بيوتكنولوجي

إيه الشروط اللي تخليني أدخل مجال بيوتكنولوجي ؟

1. إنك تدخل كليه العلوم (بها اقسام خاصه زى جامعه القاهره أو طنطا أو حلون أو المنصوره) .. سواء جتلك على طول أو محول ليها و دفع المصاريف 8- 24 ألف جنيه في السنه حسب الكلية "بتزيد 10 % كل سنه".
2. او تخلص علوم قسم من أقسام البيولوجى وتعمل دبلومة البيوتكنولوجى "التقنيه الحيويه" فى كلية علوم الدراسات العليا بجامعة بنى سويف ودى تفاصيلها أو في كلية العلوم جامعة سوهاج ودي تفاصيلها.

ليه بيوتكنولوجي بفلوس

- القسم بفلوس فى معظم الكليات ودا لان علم البيوتكنولوجي جديد و بيعتمد على إمكانيات و تقنيات خاصه و معامل مجهزه و أجهزه حديثه و كيمياوات غاليه عشان كده بيو تكنولوجي في الجامعه ليهم معاملهم الخاصه بيهم.

التخصص من سنه كام ؟

- من سنه أولى إن شاء الله وبتكون 4 سنوات.

مجالات العمل

مجالات شغله كتير جدا وفى منها متوفر فى مصر بشكل كبير وفى بشكل قليل

1. مستشفيات ومعاهد الأورام والسرطان بما فيهم 57357 والمعهد القومي للأورام وبهية.. إلخ.
2. المراكز البحثيه زي المركز القومي للبحوث و مركز البحوث الزراعي.
3. المعهد القومي للأورام.
4. الطب الشرعي عشان البصمات و هكذا.
5. شركات الأدويه.
6. أطفال الأنابيب IVF & Infertility .
7. الحقن المجهري.
8. الشركات الصناعيه.
9. مصانع التغذيه.
10. مراكز الخلايا الجذعيه.
11. معامل التحاليل بكل أنواعها (الأشعة مش تبعنا).
12. مراكز الخصوبة وأطفال الأنابيب والحقن المجهري.

شرح تفصيلى:

باحث او مساعد باحث Researcher or Research Assistant (RA)

في المراكز البحثية والجامعات - مدينة زويل للعلوم والتكنولوجيا - مراكز بحوث الهندسة الوراثية - مراكز بحوث الخلايا الجذعية. 

Stem cells & Regenerative medicine

تاني بردو لأن من رأيي دي من اهم الحاجات و يعتبر قلب البحث العلمي و ال clincal research وهي انك تبقي bioinformatician In the field of bioinformatics.

Molecular diagnosis & gene therapy

اقسام و معامل التشخيص الجزيئي للامراض والمستشفيات التي تعمل بنظام التشخيصات الوراثية والعلاج الجيني.

IVF & Infertility 

مستشفيات ومراكز واقسام الحقن المجهري اطفال الانابيب والتلقيح الصناعي وتكنولوجيا التكاثر . 

clincal forensics 

الطب الشرعي والبحث الجنائي في قضايا أثبات النسب وقضايا الكشف عن هوية المجرم او لمعرفة سبب الوفاة.

Molecular biologist or biology analyst

في معامل البيولوجيا الجزيئية. 

Regenerative medicine

شركات ومؤسسات وهيئات ومراكز زراعة الأنسجة 

Tissue engineering

- cell /Animal tissue culture.

- plant tissue culture.

Quality control & quality assurance

مراقبة و ضمان الجودة في شركات ومصانع الأدوية والاغذية.

Medical representative 

بشركات الأدوية

مصانع وشركات الادوية 

- بأقسام البحوث والتطوير Research  development 

- المفاعلات البيولوجية لإنتاج الأدوية بالهندسة الوراثية Pharmacogenomics

-علم الصيدلة الجيني وال(personalized medicine)

Clinical cytogeneticists 

(detecting,genetic diseases & Chromosomes abnormalities) 

فحوصات قبل الزواج والحمل لمعرفة إحتمالية الإصابة بالأمراض الوراثية للكشف عن ، المتلازمات والأورام  والتشوهات الجنينية والخلل الوراثي. 

genetic counselor 

ودي قليلة و نادرة جدا في مصر .

في حالات بتبقي نتائجها صعبة او للاسف حالات ملهاش علاج ساعتها دور المستشار الوراثي انه يقول للمريض انه هيفضل كدة ويتعايش مع المرض بس بشكل دعم نفسي متحسسوش انه مش طبيعي  بتقديم الدعم والمساعدة والتأهيل   للاستعداد نفسيّـًا وطبيـًا واجتماعيـًا للتعامل مع النتائج دي.  

غير ان بيبقي عنده القدرة على تحويل لغة المصطلحات الطبية المعقدة و نتائج الفحوصات إلى لغة سهلة يفهمها عامة الناس.

in the field of Nanotechnology

As a nutritionist

في مجال التغذية العلاجية

دي بتحتاج دبلومة تغذية .

Chemist & Medical analyst 

في التحاليل الطبية  في اي معمل تحاليل 

ده طبعا بجانب الشغل في المجال الزراعي  والبيئي والصناعي .

للأستفسار أكتر عن مجالات العمل 

تقدر تتواصل مع د.حسام طارق بخارى (خريج قسم بيوتكنولوجى علوم القاهرة ٢٠١١)

الفرق بين بيوتكنولوجي و بيوكيمستري

• أول حاجه زي ما قولت فوق إن برنامج بيوتكنولوجي  أسمه الرسمي "bio molecular chemistry program" 
• يعني إحنا بندرس بيو كيمستري زيهم بس هما بتعمق أكتر مننا تاني حاجه واخدين ماده ال Microbiology .. و دي ماده بتتدرس في البرنامج بس طبعاً قسم ميكروبيولوجي متخصص في العلم ده أكتر يعني من الآخر واخدين من كل علم حته برضوا زي ما برنامج بيوتكنولوجي واخد من الأقسام التانيه شويه .. هو منفرد بحاجات خاصه بيه زي الـ bio molecular .

أماكن وجود البيوتكنولوچي في مصر

1. - قسم (برنامج) جديد في كلية العلوم جامعة طنطا
2. - قسم (برنامج) في كلية العلوم جامعة القاهرة
3. - قسم (برنامج) في كلية العلوم جامعة عين شمس (أول دفعة 2017)
4. - قسم (برنامج) في كلية العلوم جامعة حلوان
5. - قسم (برنامج) في كلية العلوم جامعة الزقازيق
6. - قسم (برنامج) في كلية العلوم جامعة المنصوره
7. - قسم (برنامج) في كلية العلوم جامعة بورسعيد
8. - قسم (برنامج) في كلية العلوم جامعه السويس
9. - قسم (برنامج) في كلية العلوم الأسماعيلية جامعة قناة السويس
10. - قسم (برنامج) في كليه علوم جامعة كفرالشيخ (أول دفعة 2022)
11. - قسم (برنامج) في كليه علوم الثروه السمكيه جامعة كفرالشيخ 
12. - كلية الصيدلة والتكنولوجيا الحيوية، الجامعة الألمانية بالقاهرة GUC "كلية خاصة".
13. - قسم في كلية الزراعة جامعة القاهرة
14. - قسم في كلية الزراعة جامعة عين شمس
15. - قسم في كلية الزراعة جامعة الأسكندرية
16. - قسم في كلية الزراعة جامعة بنها
17. - كلية منفصلة في جامعة مصر للعلوم والتكنولوچيا MUST "كلية خاصة".
18. - كلية منفصلة في جامعة أكتوبر للعلوم الحديثة والآداب MSA "كلية خاصة".
19. - كلية منفصلة في جامعة النيل الأهلية "كلية خاصة"(أول دفعة 2020)
20. - كلية منفصلة في جامعة بدر "كلية خاصة"(أول دفعة 2019)
21. - جامعة زويل طبعا

القسم متاح لعلمى أية

علمى علوم + علمى رياضة

1. كلية العلوم جامعة بورسعيد (مجانى)
2. كلية العلوم جامعة حلوان (بمصاريف)
3. كلية العلوم جامعة المنصوره (بمصاريف)
4. كلية العلوم جامعة القاهرة (بمصروفات)

علمى علوم فقط

1. كلية العلوم جامعة طنطا (بمصروفات)
2. كلية العلوم جامعة الزقازيق (مجانى)
3. كلية العلوم جامعة عين شمس (بمصروفات)
4. كلية العلوم جامعه السويس (مجانى)
5. كلية العلوم الأسماعيلية جامعة قناة السويس (مجانى)

فرق بيوتكنولوجى فى علوم عن زراعه

ملحوظه بيوتكنولوچي في علوم مش زي زراعة بالمناسبة:

فى فروقات كتير بين بيوتكنولوجى فى كلية العلوم وبيوتكنولوجى فى كلية الزراعه 

• أولا القسم فى علوم اسمة قسم التقنية الحيوية (البيوتكنولوجى) بينما فى زراعه اسمة قسم التقنية الحيوية الزراعية (وفى بعض كليات زراعه حالياً معدتش تكتب كلمة زراعيه زى زراعه القاهرة لكن حزف الكلمه لا يغير من واقع انها تقنية حيوية زراعيه فى شئ والدراسة بتكون فى الجانب الزراعى فقط ، يعنى مش بتاخدها لا من الجانب الطبى (medical) ولا الجانب الصناعى (industrial) ... وللعلم مازال مسمى القسم هو تقنية حيوية زراعيه فى باقى كليات الزراعه مثل كلية زراعه الاسكندرية وبنها والمنصورة وعين شمس).
• ثانياً لا يتساوى القسمين فى الجانب التطبيقى (حيث ان القسم فى كلية زراعه يهتم بالتطبيق على النباتات وحيوانات المزارع فقط بينما فى علوم يتم التطبيق على مختلف الكائنات من نباتات ، حيوانات ، بيئة بحرية بمختلف كائناتها ، انسان ، حشرات ، ميكروبات ...إلخ).
• ثانياً المقررات مختلفه لدرجة كبيرة وكمان محتوى المقررات نفسه مختلف .... بمعنى فى زراعه معظم الدراسه وراثة وماده واحده او اثنين حيوى وماده برضو ميكرو ومواد تانيه كتير من زراعه لكن فى علوم بتدرس مواد كيمياء بالاضافه لمواد كتير حيوى ومواد كتير ميكرو ومواد كتير وراثه برضو وده لان علوم عدد المواد بيكون كتير جدا بيصل فى تيرمات لـ 13 مادة فى الترم.
• ثالثاً القسم ده بيكون بالانجليزى - طب فيها ايه؟ ... الدكاتره اللى بتدرسلك فى علوم بيكونوا دكاتره علوم "ودا فى حد ذاتة بيخليهم اكفاء من حيث انهم بيدرسوا اصلا بالانجليزى ، دا طبعا غير انهم اكفأ من اى حد فى التخصصات اللى بيتم تدريس مقرراتها زى مقررات الكيمياء حيوى ، الميكروبيولوجى ، النبات ، الوراثة ، الحيوان" ... انما فى زراعه الدكاتره بيدرسوا فى الاساس بالعربى ويجوا يدوا القسم ده بالانجليزى او بالاحرى انجليزى مجرد اسم .
• رابعاً القسم خاص فى علوم وزراعه يعنى بفلوس بحوالى 10-24 الف جنية لعلوم وبحوالى 8-10 الالاف لزراعه ، مع وجود بعض كليات العلوم اللى القسم فيها من غير فلوس.
• خامساً انت فى علوم بتدخل معامل مجهزه بخلاف كلية زراعه مع احترامى طبعا ليهم لكن  ده لان الكلية فعلا كبيره وبتدرس لكليات كتير منها "علوم وتربيه وصيدله واولى اسنان ، وبعض الجامعات لمعهد فنى صحى كمان".
• سادساً مجالات العمل اقل من علوم ... ومعظمها بيكون فى المجال الزراعي زى - معامل تحليل التربه والنبات والمياه - إنتاج الأسمدة الزراعية عبر التخصيب الحيوي باستخدام الكائنات الدقيقة - معالجة النفايات الزراعية (الكتلة الحيوية) واستخدامها كمصادر بديلة للطاقة (توليد الغاز الحيوي-توليد الكحول) - استزراع وإنتاج الفطريات الغذائية - المقاومة الحيوية للآفات الزراعية - تطوير مصادر جديدة لتغذية وتربية الحيوانات مثل إنتاج الخمائر الغذائية وتربية واستنبات أنواع من الطحالب والفطريات الغذائية والتي تستخدم في تصنيع العلف للحيوانات - البدء في إنتاج نباتات معدلة وراثيا تكون أكثر ملائمة للظروف المناخية - استخدام التشخيص الوراثي في الكشف عن الأمراض النباتية لكن متاح ليهم طبقا لقانون سنة 54 العمل ككيميائي في معامل تحاليل طبية بشرط الحصول على دبلومه من كلية العلوم لو سمحت ليه بالحصول عليها لان حاليا فى تشديد على الموضوع ده ... اما علوم بتدرس البيوتكنولوجى لاستخدامه فى المجال الصناعى والطبى على سبيل الحصر زى "كيميائي بمعامل التحاليل الطبيه - المختبرات الطبية والتشخيص الوراثي (للأمراض المعدية و الوراثية والسرطان) - بحوث وعمليات استنبات الأنسجة - صناعة وإنتاج الأدوية والمستحضرات الطبية بوسائط بيولوجية - صناعة المضادات الحيوية - صناعة الأدوية المضادة للسرطان  - صناعة الأمصال واللقاحات والأجسام المضادة - إنتاج الهرمونات وعوامل النمو - إلخ" وطبعا بالاضافة للمجالات اللى زراعه شغاله فيها علوم يقدروا يشتغلوا فيها.
• سابعاً العمل أو الدراسة خارج مصر ، فان المعترف به خارج مصر فقط هو قسم بيوتكنولوجى من كليات العلوم ويعد معادل لنفس التخصص فى الدول الاوروبية والامريكية ويمكن لخريجى القسم الحصول على دراسات عليا (كمنح) من أمريكا او غيرها دون الحاجة الى اى دراسات اضافية بخلاف أقسام زراعه وغيرها.
• ثامناً لو حابب تتأكد أكتر من ان علوم بيوتكنولوجى فى علوم وزراعه هل متساويين وله لا ودا على المستوى المحلى كمان؟ ... قدم ماستر فى جامعة زويل وشوف مين هيتقبل فى الماستر بكل ثقة الوحيد اللى هيتقبل فى تخصص البيوتكنولوجى هو خريج علوم فقط ، وكذلك جرب تقدم فى جامعة زى الجامعة الالمانية بالقاهرة GUC او الجامعة الامريكية بالقاهرة AUC وشوف هتقبل مين ؟ ... وانا بقولك وعن ترجبة خريجين قبل كدا هتقبل فقط خريج علوم.
• مسمى خريج قسم بيوتكنولوجى: بالنسبة لكلية العلوم بيبقى أخصائى تقنية حيوية فى نقابة العلميين ، بينما فى زراعه بيبقى مهندس زراعى نفس مسمى باقى أقسام زراعه.

القسم فى كلية علوم بورسعيد

ميعتبرش بيوتكنولوجى لكن يعتبر قسم حيوان لانهم بيدرسوا فيه نفس اللى بيتم دراسته لقسم حيوان 

القسم مجانى 

القسم متاح لعلمى علوم وعلمى رياضه ودخوله بيبقى من سنه تانيه فى الكليه بعكس القسم فى اى كلية علوم تانيه.

القسم فى كلية علوم الزقازيق

• اولا القسم ده موجود فى الزقازيق مجانى (بدون مصاريف خاصة) ... زى باقى الاقسام.
•  ثانيا دى بعض المواد اللى بيدرسها القسم فى سنه اولى ميكروبيولوجي عام ، هرمونات نباتيه ، بيولوجى وتصنيف اللافقاريات والحبليات ، كيميا عضويه ، تصنيف زهرى ولا زهرى ، بيولوجى ، حشرات عام ، تكنولوجيا التغذيه ، هندسه وراثيه ، أحماض نوويه ، احصا حيوى ، كيميا العناصرالانتقالية.
• التخصص فى القسم بيكون من سنة تانية زى باقى الاقسام.
• القسم متاح لعلمى علوم فقط.
• دى البيوتكنولوجية شيرهان سقر طالبة فى القسم .

القسم فى كلية علوم حلوان

1. اولا التخصص من سنة اولى.
2. ثاني مصاريفه كان بـ 10 الالاف جنية "متغير كل السنة" ، الساعه المعتمدة بـ 320 جنية.
3. ثالثاً القسم متاح لعلمى رياضه او علمى علوم .
4. رابعاً بيشتغل نفس شغل حيوي وميكرو وحيوان ... نفس الوظائف اللى احنا كاتبنها تحت. 
5. خامساً الدكاتره بيهتموا بالقسم ده فى جامعة حلوان حسب رأى طلبة القسم وبيفرق حلوان عن اى جامعة تانيه انك غالبا بتنزل الكلية 4 او 5 ايام بس بخلاف كلية زى القاهره بينزلوا 6 ايام وكمان ممكن ينزلوهم يوم الجمعه وكمان طنطا بينزلوا 6 ايام غالبا برضو. 

القسم فى كلية علوم المنصوره

زية زى حلوان والقاهره وطنطا.

مصروفات القسم كانت بـ 12 الف جنية فى 2018 "متغير كل سنة".

مسموح لعلمى رياضة وعلمى علوم يدخلوه سواء بعد الثانوية العامة او محول من كلية تانية لكلية العلوم جامعة وهياخد اعلى طلبة مقدمين من حيث مجموع الثانوية العامة + درجة اللغة الإنجليزية.

نظام البرنامج هو الساعات المعتمده بواقع 136 ساعة للتخرج.

وعلشان الطالب ينتقل من المستوى الاول للمستوى الثانى "الفرقه الثانية – سنه تانيه" لازم ينجح فى 30 ساعة معتمده على الاقل من اصل 36 ساعه.

القسم فى كلية علوم عين شمس

القسم متاح لعلمى علوم فقط.

المصاريف 550 جنية للساعه المعتمدة بحد أدنى 19 ساعه معتمدة وحد أقصى 21 ساعه معتمدة.

محتوى قسم التكنولوجيا الحيوية التطبيقى بكلية علوم عين شمس قوى.

القسم بيعتمد على مجموع الثانوية العامة + مجموع الاحياء + مجموع الأنجليزى.

القسم فى كلية علوم السويس

التخصص بيكون من سنة اولى .

القسم مجانى.

التخصص بيكون حسب مجموعك فى الثانوية العامة.

القسم متاح لعلمى علوم فقط.

حاليا جارى مراجعة محتوى القسم العلمى لكلية علوم جامعة السويس (علوم السويس).

القسم فى كلية علوم الأسماعيلية

تم استبدال قسم علوم بحار بقسم البيوتكنولوجى وعلوم بحار

القسم مجانى والتخصص بيكون من سنة اولى 

التخصص بيكون حسب مجموعك فى الثانوية العامة + مجموع مادة الاحياء

القسم متاح لعلمى علوم فقط بيأخد 10% من الطلبة اللى مقدمين من علمى علوم فى الكلية

للعلم! انا لا انصح بقسم بيوتكنولوجى فى علوم الاسماعيلية ودا لانه يعتبر بيوتكنولوجى تابع لعلوم البحار يعنى بيوتكنولوجى على البيئة البحرية فقط مش على الأنسان (لكنه افضل من تخصص علوم البحار) ، وتقدر تشوف مقررات القسم تحت:

مقررات قسم بيوتكنولوجى فى كلية علوم الأسماعيلية جامعه قناة السويس

القسم فى كلية علوم كفرالشيخ

أول سنة يفتح فى 2022/2021 وهيكون بمصروفات حوالى 10 الالاف فى العام.

قسم البيوتكنولوجي بكفر الشيخ علوم

قسم البيوتكنولوجي بكفر الشيخ علوم

التخصص بكليه علوم الثروه السمكيه كفرالشيخ

1. تابع لقسم علوم البحار في كليه علوم الثروه السمكيه جامعة كفرالشيخ
2. متتخصيين اكتر في البايوتكنولوجي البحري ولكن فى خريجيين حصلوا على ماستر ودكتوراه بعد كدا في الحيوان أو النبات.

كلية البيوتكنولوجى جامعة  MUST

كلية البيوتكنولوجى جامعة مصر للعلوم والتكنولوچيا MUST (جامعه خاصة)

• المصاريف لدفعة 2021/2020 بـ 30 الف جنية فى السنة (+ 2000 جنية تأمين معامل ومصاريف ادارية فى أول سنة فقط) وكانت فى2019 بـ 30 الف فى السنة (+ 2000 جنية تأمين معامل ومصاريف ادارية فى أول سنة فقط) ، وكانت فى 2018 بـ 26 الف جنية فى السنة وكانت فى 2017 بـ 24 ألف جنيه فى السنة.
• الحد الادنى للتقديم: 70% ... دا مش التنسيق اللى هتقبله الكلية لكن دا اللى بيبدا منه تقديم طلبات الالتحاق لكن غالبا بتاخد فوق 90% مثل عام 2020 أخدت من (90.98%).
• الأوراق المطلوبة للتقديم: شهادة الثانوية العامة الأصلية ، ونسختين "طباعة كمبيوتر" لشهادة ميلاد الطالب" ، و6 صور شخصية ، ونموذجي 2 و6 جند من مكتب التجنيد "للذكور فقط".
• رقم تليفون جامعة مصر: 02382474550
• الخط الساخن الخاص بجامعة مصر: 16111

كلية البيوتكنولوجى جامعة MSA

كلية البيوتكنولوجى جامعة أكتوبر للعلوم الحديثة والآداب MSA (كلية خاصة): 

1. الرسوم لدفعه 2021/2020 هتكون بـ 117 ألف (على قسطين القسط الأول قيمته 45500 والقسط الثاني 52500) وكانت فى 2020/2019 بـ 26.5 الف للفصل الدراسي الأول و34.5 الف للفصل الدراسي الثاني (+ مصروفات الشهادة البريطانية 325 يورو).
2. الحد الادنى للتقديم: 80% ... دا مش التنسيق اللى هتقبله الكلية لكن دا اللى بيبدا منه تقديم طلبات الالتحاق لكن غالبا بتاخد فوق 85%.
3. للتسجيل وبدء إجراءات التقديم عبر الموقع الإلكتروني للجامعة اضغط هنا ، وبعد الانتهاء من تسجيل البيانات سوف يتم تحديد موعد لإجراء المقابة الشخصية وامتحان تحديد مستوى اللغة الإنجليزية كشرط من شروط التقديم وضمان جودة التعليم البريطانى بالجامعة.
4. الجدير بالذكر أن الطالب سيحصل عند التخرج على شهادتين معترف بهم محليًا وعالميًا إحداهما معتمدة من المجلس الأعلى للجامعات والأخرى معتمدة من جامعتي جرينتش وبيدفوردشير البريطانيتين، اللتين تتيحان للطالب استكمال الدراسات العليا بدون أي معادلة والحصول على عضوية جميع النقابات المهنية المختلفة بمصر.
5. معلومات قبل التقديم 
6. تأكد من كتابة الاسم بالكامل كما هو مبين في شهادة الميلاد الخاصة بك، وكتابة الاسم باللغة الإنجليزية ، والتأكد من الهاتف المحمول والبريد الإلكتروني الخاص بك صحيحًا ، والتأكد من إحضار صورة حديثة للطالب المتقدم لإتمام عملية مليء الاستمارة.
7. يتم دفع مصروفات التقديم بمقر الجامعة بأكتوبر أو بمكتب التقديم بالدقي أو عن طريق خدمة فوري (كاش - ماستر كارت - فيزا).
8. الأوراق المطلوبة للتقديم: شهادة الثانوية العامة الأصلية، ونسختين "طباعة كمبيوتر" لشهادة ميلاد الطالب في الشهر الذي يتم فيه التقديم، و6 صور شخصية مثل التي تقدم لاستخراج جواز السفر، ونموذجي 2 و6 جند من مكتب التجنيد "للذكور فقط"، ونسخة من جواز السفر وشهادة نادي MSA (لو وجد).
9. المقر الرئيسى بمدينة 6 اكتوبر: تقاطع محور 26 يوليو مع طريق الواحات
10. الخط الساخن: 16672
11. محمول: 01003441687 - 01003441671
12. مكتب التقديم والتسجيل بالدقى: 14 شارع عامر - ميدان المساحة.
13. أرضى: 33365038 - 33365037 - 33367845 - 37606324
14. محمول: 01225012090
15. تسهيلاً على الطلبة وأولياء الأمور الراغبين فى الإلتحاق بجامعة اكتوبر للعلوم الحديثة والآداب MSA للعام الدراسي الجديد

كلية البيوتكنولوجى جامعة النيل الأهلية

موافقة مجلس الوزراء يوم الخميس 08 أغسطس 2019 على مشروع قرار رئيس الجمهورية بإضافة كلية التكنولوجيا الحيوية إلى جامعة النيل الأهلية.

أكد د.طارق خليل رئيس جامعة النيل عن إضافة الجامع لكلية البيو تكنولوجي أو التقنية الحيوية خلال العام 2020 وهتقبل حو 200 طالب.

فيها قسمين (برنامجين) هم 

1. Bio informatics
2. Applied of biotecknology 

القسم بالتفصيل

هتكلم بقى عن القسم بالتفصيل في كلية العلوم جامعة القاهرة وطنطا:

1. القسم خاص يعني بمصاريف أكبر من الأقسام العامة "متغير فى السنة" ...  كان فى جامعة القاهره كانت فى 2020 بـ 25 الف (كان  بـ 24 الف جنية 2019 وكان بـ 22 ألف فى 2018 وكان فى 2016 بـ 14 الف جنية وكان فى 2015 بـ 12 الف فى السنة) مع 10% زيادة سنوية ، وأول سنه يفتح فى جامعه طنطا كانت 2017 ومصاريفه بـ 10 الالاف جنيه فى عام 2020.
2. القسم بياخد من علمي علوم ومن علمي رياضة ، لكن بياخد عدد أكبر من علمي علوم.
3. القسم التخصص فيه من سنة أولى بعكس باقي الأقسام العامة اللي التخصص فيها من سنة تانية.
4. القسم عدد الدفعات فيه بتبقى أقل من الأقسام العامة.
5. كل اللي بيقدموا بيتقبلوا في القسم.
6. الدراسة كلها بالإنجلش ما عدا كام مادة في المتطلبات.
7. سنة أولى الدراسة فيها مش متخصصة زي باقي السنين ، يعني المناهج شبه العام بس الكمية أقل بكتير.
8. القسم بيقبل التحويل من جامعة تانية قبل الدراسة بعد نتيجة التنسيق مباشرة (لو جالك كلية العلوم في جامعة تانية مفيهاش قسم بيوتك).
9. القسم اعتماده الأكبر في المواد على مادتين بفروعهم ، هما الكيمياء والبيولوچي (الأحياء).
10. أساس الدراسة في القسم هي الوراثة والـ DNA والهندسة الوراثية والكائنات الحية .. إلخ (بغض النظر عن سنة أولى ، مناهجها عامة أكتر مش متخصصة كدة).
11. عندنا مواد عملي وبنلبس بالطو وعندنا مواد فيها تشريح بس على حيوانات (للي كانوا عايزين طب بشري وبيطري ومحصلش نصيب).
12. فيه مواد عندنا بيبقى الكورس كامل بيتكلم عن السرطان والخلايا الجذعية (عشان اللي كانوا عايزين يتخصصوا أورام في طب ومحصلش نصيب) .
13. هتشبعوا كيمياء نظري وعملي -القسم بيحب الكيمياء- وهتكسروا تيست تيوبس بالهبل (أنابيب اختبار) وتتبهدلوا ألوان وأمونيا والناس في المواصلات تبقى قرفانة من ريحة كدة معينة هتعرفوها في سنة أولى (عشان اللي كانوا عايزين صيدلة ومحصلش نصيب).

جامعة القاهره : 

هتاخوا في سنة أولى مادتين ملهمش علاقة بالتخصص اوي وهما الرياضة والفيزياء ، بس الرياضة مهمة عشان بيتوقف عليها مادة في سنة تانية وفيها منها .... والمواد في سنة أولى كيمياء وفيزياء وبيولوچي ورياضة (و 4 مواد كمان كل مادتين في ترم لو هتاخدوا المتطلبات في سنة أولى ويفضل عشان عدد الساعات أكتر والوقت أكبر).

*الترم الأول:

• كيمياء (فيزيائية - عامة)
• فيزياء ( ستاتيكية وديناميكية، سرعة ومسافة وقوى وكدة وفيها من من ميكانيكا تانية ثانوي كتير بس أوسع، لأ أوسع كتير )
• بيولوچي (نبات - حيوان)
• رياضة (تفاضل، وفيها من تفاضل تانية ثانوي بس على أوسع)

*الترم التاني:

• كيمياء (فيزيائية - عضوية)
• فيزياء (كهربية - مغناطيسية - حديثة ، شبه بتوع تالتة ثانوي ، شبههم مش هما )
• بيولوچي (نبات - حيوان )
• رياضة ( تكامل)

جامعة طنطا : 

القسم ده جديد فى طنطا من اول سنة 2016 والقسم ده فى طنطا يعد الاقوى من حيث المحتوى الدراسى وتقدر تعرف كل مواد بيوتكنولوجى فى طنطا 

رابط المواد

 سنة اولى

*الترم الأول:

1. Botany
2. Introduction to biotechnology
3. General Zoology
4. General Chemistry
5. Mathematics
6. General Physics
7. Scientific English
8. ساعة معتمده اختيارى من الاتى
9. التعلم الذاتى
10. General geology
11. تاريخ وفلسفة العوم

*الترم التاني:

1. Botany
2. Bio-membranes
3. General Zoology
4. General Chemistry
5. Mathematics
6. General Physics
7. اللغة العربية
8. ساعة معتمده اختيارى من الاتى
9. ثقافة الجودة
10. القانون والمجتمع
11. ثقافة بيئية

سنة تانية

*الترم الأول:

1. Viruses and Bacteria
2. Mycology and plant
3. pathology
4. Photosynthesis and respiration
5. General ecology and biodiversity
6. Nanochemistry for biotechnology
7. Enzymes and cofactors

*الترم التاني:

1. Algae and their applications
2. Hormones 
3. Molecular biology methods and genetic engineering
4. Toxicology
5. Basic metabolism
6. Chemistry of dyes and
7. Textile

سنة تالتة

*الترم الأول:

1. Bioremediation
2. Physiology of microorganisms
3. Cell and tissue culture
4. Molecular bases of plant stresses
5. Parasitology
6. Clinical biochemistry
7. Body fluid and biological functions

*الترم التاني:

1. Genomics and proteomics
2. Biostatistics and Bioinformatics
3. Immunochemistry
4. Molecular embryology
5. Drug metabolism
6. Introduction  to programming

سنة رابعة

*الترم الأول:

1. Bioreactors
2. Biotechnology and bio fuel production
3. Applied microbiology
4. Plant biotechnology
5. 6 ساعة معتمده اختيارى من الاتى
6. Forensic biotechnology
7. Biotechnology and plant breeding
8. Economics and marketing in biotechnology  
9. Molecular aspects of cell signaling
10. Scientific writing and presentations
11. Animal biotechnology

*الترم التاني:

1. Industrial and food microbiology
2. Research project
3. Environmental management and impact assessment
4. Bioethics and bio-safety in biotechnology
5. 6 ساعة معتمده اختيارى من الاتى
6. Pharmaceutical biotechnology  
7. Medical biotechnology
8. Biofertilizers and biopesticides  
9. Plant pathogenicity
10. Entrepreneurhip skills
11. Current topics in biotechnology

معلومات هامه

اللي ناوي بقى خلاص على الكلية والقسم:

• سنة أولى أسهل سنة تجيبوا فيها تقدير .
• بقولها تاني الكلية حلوة فعلًا للي يحبها ، وهتعرفوا ناس حلوة هناك تحببكم فيها..
• في الأول هتحسوا بالتوهان عشان الدراسة مختلفة والنظام مختلف ، والكتب هتروحوا انتوا تسألوا عليها .
• البالطو ودرجات العملي أهم منكم انتوا شخصيًا اهتموا بيها جدًا.. ومتكسلوش متكسلوش متكسلوش.

تنسيق القسم

طب التنسيق فى القسم ده بياخد من كام:

من علمى علوم عام 2017 أخد من:

1. علوم القاهره 382.5
2.  علوم عين شمس 379.5 
3. علوم طنطا 379
4. علوم الزقازيق 379
5. علوم المنصوره  378
6. علوم حلوان 377.5
7. علوم بورسعيد  376.5

من علمى رياضه عام 2017 أخد من:

1. علوم القاهرة   347.5
2. علوم عين شمس 342.5
3. علوم طنطا 338
4. علوم المنصورة 337.5
5. علوم حلوان 337
6. علوم الزقازيق 329
7. علوم بورسعيد 328.5 

دبلومة البيوتكنولوجى    

هل ينفع تحضير دبلومة فى المجال ده :

ايوه يوجد دبلومة بيوتكنولوجى في كلية العلوم جامعة سوهاج

رابط الدبلومة

القسم يتبع آى نقابة

خريج القسم ده يقيد تبع نقابة ايه :

تبع نقابة العلميين وبياخد لقب أخصائى بيوتكنولوجى طبى او صناعى حسب مكان شغلة. 

أفضل كلية بها القسم

فى رأى ايه افضل كلية فيها القسم ده:

1. هقولك بالترتيب من الافضل  ... القاهره وطنطا وحلوان وعين شمس والمنصوره والزقازيق وبورسعيد .
2. لكن أرجع واقولك ان القسم يعتبر الى حد ما متساوى مش فروقات كبيرة بينهم.
3. للعلم! انا لا انصح بقسم بيوتكنولوجى فى علوم الاسماعيلية جامعة قناة السويس ودا لانه يعتبر بيوتكنولوجى تابع لعلوم البحار يعنى بيوتكنولوجى على البيئة البحرية فقط مش على الأنسان ولا الحيوان (لكنه افضل من تخصص علوم البحار اللى كان موجود فى نفس الكلية).
4. حاليا جارى مراجعة محتوى القسم العلمى لكلية علوم جامعة السويس (علوم السويس).