معادلة الكيمياء والميكروبيولوجى وعلوم الحاسب كلية العلوم جامعة المنوفية

بِسْــــــــــــــــمِ اﷲِالرَّحْمَنِ الرَّحِيم

نقدم لكم فى هذا المقال من موقع « علومنجى دوت كوم » كل ما يخص معادلات كلية العلوم جامعة المنوفية مثل معادلة الكيمياء ، معادلة الميكروبيولوجى ، معادلة علوم الحاسب .

آخر أخبار المعادلة

المعادلات غير متاحة السنة دى للأسف 2021/2020

ما هى معادلات كلية العلوم

فى نوعين من المعادلة وهم

• اما دخول خريج كلية علوم لقسم مختلف عن قسمه السابق
• اما التحاق خريج كلية التربية بكلية العلوم

للعلم! من خلال فكرة المعادلة دى تقدر تعمل ما يعرف بمعادلة الكيمياء لكن فى مدة لا تقل عن سنتين.

أحنا فى المقال هنتكلم عن النوع الأول وهو التحاق خريج كلية العلوم بقسم مختلف عن قسمه السابق ، يعنى دخوله اى قسم من الاقسام الاتية

أولا خريج كلية العلوم (اللى كان علمى رياضة)

1 - الرياضيات وعلوم الحاسب

2 - الفيزياء وعلوم الحاسب 

3 - الجيوفيزياء

4 - الفيزياء 

5 - الرياضيات البحتة 

6 - فيزياء وعلوم الليزر 

ثانياً خريج كلية العلوم (اللى كان علمي علوم)

1 - كيمياء اسبيشيال 

2 - كيمياء وميكروبايولوجي 

3 - كيمياء وحشرات 

4 - كيمياء جولوجيا 

5 - نبات اسبيشيال 

6 - الكيمياء والفيزياء

7 - كيمياء ونبات 

8 - كيمياء وحيوان 

9 - الفيزياء وعلوم الليزر 

10 - علم الحيوان 

11 - الجولوجيا

12- الجيوفيزياء 

شروط الألتحاق بالمعادلة

1. ان تكون حاصل على درجة البكالوريوس في العلوم.
2. ان تكون حاصل على تقدير عام في الدرجة الجامعية السابقة لا يقل عن "جيد".
3. التفرغ للدراسة ويوقع الطالب إقرار بذلك.

شروط كلية العلوم جامعة المنوفية: يجوز قبول الطلاب الحاصلين على درجة البكالوريوس للحصول على درجة البكالوريوس في العلوم، بعد معادلة المقررات التي قد يكون درسها الطالب على أن يتم الحاقه بتخصص مخالف للتخصص الحاصل فيه على الدرجة المطلوب معادلتها بشرط حصول المتقدم على تقدير عام في الدرجة الجامعية السابقة لا يقل عن "جيد "، ويشترط أيضا ان يدرس 50% من الساعات المقررة ، ويسدد مبلغ 8000 جنيه مصرى عن العام الجامعى الواحد.

مددة الدراسة بالمعادلة

بيتم معادلة المقررات التي درسها الطالب فى القسم السابق وعمل مقاصة للمقرارت المماثلة لمقرارت القسم الذى يود عمل معادلة فية.

بشرط  ان يدرس 50% من الساعات المقررة للتخصص الذى يود الحصول عليه فى المعادلة ، أى أقل مدة للحصول على المعادلة لأى من التخصصات بالاعلى هى سنتين دراسيتين.

1- معادلة الكيمياء سنتين لأى تخصص منفرد من دول

• ميكروبايولوجي 
• حشرات 
• نبات
• حيوان 
• الجولوجيا

2- معادلة الميكروبيولوجى المنفرد سنتين لقسم نبات منفرد

3- معادلة الكيمياء والميكروبيولوجى الزدوج سنتين لقسم الكيمياء والنبات المزدوج

4- معادلة الكيمياء والميكروبيولوجى المزدوج سنتين إلى 3 سنوات لقسم نبات منفرد

5- معادلة علوم الحاسب سنتين لأى من القسمين الأتيين

• قسم الفيزياء المنفرد
• قسم الرياضيات

مصاريف المعادلة

مبلغ 9 الالاف جنيه فى العام الجامعى الواحد ، برغم انها فى اللائحة 8 الالاف فقط وتقدر تشاهد التكلفة فى لائحة الكلية من هذا الرابط.

نظام معادلة الكيمياء

أولا: لو انت قسم منفرد من اللى فى الاسف هتقدر بسهولة تحصل على معادلة كيمياء : 

1. قسم نبات 
2. قسم حيوان
3. قسم حشرات
4. قسم ميكروبيولوجى
5. قسم فيزياء
6. قسم جيولوجيا

ثانياً: طريقة الحصول على معادلة الكيمياء كالتالى

ببساطة انت هتقدم على قسم من الاتى تبعاً لقسمك يعنى لو انت قسم نبات فهتقدم معادلة بقسم كيمياء ونبات ، ولو انت قسم فيزياء فهتقدم معادلة بقسم كيمياء وفيزياء وهكذا ، وهيتم عمل مقاصة ليك ويتحزفاك كل المقررات اللى انت درستها قبل كدا يعنى مثلا لو كنت قسم نبات ومقدم معادلة بقسم كيمياء ونبات فهيتم حزف كل مقررات النبات من عليك وكمان كل مقررات الكيمياء اللى انت أخدتها قبل كدا وهتدرس المقررات المتبقية واللى غالبا هتكون سنتين فقط ، كالتالى بالنسبة لباقى الاقسام:

1. لو كنت قسم نبات منفرد فهتقدم معادلة بقسم كيمياء ونبات
2. لو كنت قسم حيوان منفرد فهتقدم معادلة بقسم كيمياء وحيوان
3. لو كنت قسم حشرات منفرد فهتقدم معادلة بقسم كيمياء وحشرات
4. لو كنت قسم ميكروبيولوجى منفرد فهتقدم معادلة بقسم كيمياء وميكروبيولوجى
5. لو كنت قسم فيزياء منفرد فهتقدم معادلة بقسم كيمياء وفيزياء
6. لو كنت قسم جيولوجيا منفرد فهتقدم معادلة بقسم كيمياء وجيولوجيا

نظام معادلة الميكروبيولوجى

اولاً: فى 3 أنظمة لمعادلة الميكروبيولوجى

• النظام الاول: لو كنت قسم نبات منفرد وعاوز تعادلة بقسم ميكروبيولوجى منفرد
• النظام التانى: لو كنت قسم نبات منفرد وعاوز تعادلة بقسم كيمياء وميكروبيولوجى
• النظام الثالث: لو كنت قسم كيمياء ونبات وعاوز تعادلة بقسم كيمياء وميكروبيولوجى

ثانياً: طريقة معادلة كل نظام من الثلاث أنظمة السابقة

• بالنسبة للنظام الاول: هتقدم معادلة بقسم ميكروبيولوجى منفرد
• بالنسبة للنظام التانى: هتقدم معادلة بقسم كيمياء وميكروبيولوجى
• بالنسبة للنظام الثالث: هتقدم معادلة بقسم كيمياء وميكروبيولوجى

ثالثاً: مدة الدراسة لكل نظام

• النظام الاول: هيتم عمل مقاصة للمقررات اللى انت درستها قبل كدا فى قسمك السابق ، يعنى هتاخد المعادلة فى سنتين فقط.
• النظام التانى: هيتم عمل مقاصة للمقررات اللى انت درستها قبل كدا فى قسمك السابق ، يعنى هتاخد المعادلة من سنتين إلى 3 سنوات.
• النظام الثالث: هيتم عمل مقاصة للمقررات اللى انت درستها قبل كدا فى قسمك السابق ، يعنى هتاخد المعادلة فى سنتين فقط

نظام معادلة علوم الحاسب

أولاً: معادلة قسم علوم الحاسب من كلية علوم المنوفية متاحة لقسمين فقط وهم 

1. قسم الفيزياء
2. قسم الرياضيات

ثانياً: شهادة المعادلة هتكون كالتالى

1. قسم الفيزياء هيصبح قسم مزدوج فى الفيزياء /علوم الحاسب
2. قسم الرياضيات هيصبح قسم مزدوج فى الرياضيات/علوم الحاسب

ثانياً: هيتم عمل مقاصة للمقررات اللى انت درستها قبل كدا فى قسمك السابق ، يعنى هتاخد المعادلة فى سنتين فقط.