نقدم لكم فى هذا المقال من موقع « علومنجى دوت كوم » كل ما يخص الكورسات الأونلاين (MOOCs) حيث أصبحت الفرصة متاحة للجميع ان يدرس نفس الكورسات التى يدرسها طلبة افضل جامعات العالم من مكانه ومجاناً ، بل ويحصل على شهادة معتمدة من هذة الجامعات أيضا.
مقدمة عن الكورسات الأونلاين
إتعلم كورسات اونلاين Massive open online courses) MOOCs) كأنك فى الجامعه وكمان خد شهاده معتمده
أكتر من 90% مبيخلصوش الكورسات الاونلاين اللى بدأوا فيها ، على الرغم من الانتشار الواسع لثقافة التعلم عن طريق الكورسات الاونلاين خلال الـ 5 سنين الاخيرة .. والفرصة اللى بقت متاحة للكل انه يدرس نفس الكورسات اللى بيدرسها طلبة افضل جامعات العالم وهو فى مكانه مجاناً ، وكمان ياخد شهادة معتمدة من الجامعات دي !
سؤال كيف تحصل على شهادة معتمدة من افضل جامعات العالم مجاناً ؟
التعليم فى مصر مش ولابد ( طب ومالوا )
فرق كبير بينا وبين جامعات بره ( ما احنا عارفين)
أعلي مستوي تعليمي “الجامعة” مبقاش يأكل عيش (ايوة صح)
فرق كبير بينا وبين جامعات بره ( ما احنا عارفين)
أعلي مستوي تعليمي “الجامعة” مبقاش يأكل عيش (ايوة صح)
عشان كده بدأ موضوع فى كتيير من المواقع تحت مسمى (الجامعة_مش_كفاية) بيحاول يقدم حلول بديلة ، كان أهمها الكورسات الاونلاين والمنصات اللي بتسمحلك تستفيد من الكورسات والمساقات التعليمية اللى بتقدمها افضل واشهر جامعات العالم وانت قاعد فى بيتكم مجاناً .
الأزمة كانت فكرة الشهادة المعتمدة! واية اللي يثبت انى درست الحاجة دي
كتير من مواقع الكورسات تداركت هذا الامر وبدأت توفر شهادات معتمدة وموثقة من الجامعة اللى خدت منها الكورس.
لكن ظهرت أزمة جديدة وهى تكاليف الشهادة !! اللي بتبقي بمتوسط 40$ (حوالي 650 جنية)؟
لكن اللى انت متعرفهوش انك تقدر تستفيد من اى شهادة معتمدة وموثقة من الجامعة اللى اخدت منها الكورس مجاناً
على سبيل المثال موقع كورسيرا
بعد ما تحدد الكورس المناسب ليك هتدخل صفحة طلب الدعم المادى
هتقدم طلبك وبيسألك عن متوسط دخلك السنوي وبلدك وبعدين الأسئلة الاهم انك تبينلهم موقفك المالي وتشرح انك طالب ومحتاج الكورس دة لية وهيساعدك فى اية ولية الشهادة هتفرق معاك !
اجابة الأسئلة دي هتكون فى حدود الـ 50 لـ 300 كلمة .. الأجابات سهلة جداً و موافقتهم مش هتاخد وقت .. طول ما انت عارف انت بتاخد الكورس لية .. مش فرحان ان فى شهادة معتمدة ببلاش وخلاص حاولوا تاخدوا لفة كويسة فى Coursera وقرروا اية افضل كورس فعلاً هيضيف لكم قيمة والشهادة هتفرق معاكم بجد.
هل معنى ان 10% فقط من اللى بيبدأ الكورسات الاونلاين هو اللى بيكملها ، ان الكورسات الاونلاين فاشلة !؟
بالعكس تماماً
الكورسات الاونلاين اثبتت نجاحها كوسيلة للارتقاء بمستوي التعليم فى البلاد النامية و المتأخرة تعليمياً زي (مصر 139 عالمياً من اصل 140) ، وعلى الرغم من ان نسبة 10% ظاهريا هي نسبة بسيطة ، الا ان متوسط 50,000 واحد انضموا للكورس ، 10% منهم بتسوي 5000 شخص وده اضعاف اضعاف عدد طلبة دفعة فصل دراسي فى الجامعات دي ذات نفسها
نرجع للـ 90% وللى نسبة كبيرة منهم انضمت للكورس بسبب شهرة الجامعة اللى بتقدمة أو اعجابهم بفكرة الكورسات الاونلاين اللى لسه عارفينه والحماس اللحظي اللى نتج عنه ، بجانب عدم وضوح الرؤية وافتقاد الدافع وعدم القدرة على الالتزام بالوقت.
اية الحل ؟
بعض منصات التعلم عن طريق الكورسات الاونلاين شافت الحل انك تدفع فى بعض الاحيان عشان تكون جاد مع نفسك وفعلاً حقق نتايج افضل ، لكن الحل الحقيقي انك تحدد قبل اى حاجة ”انت ” حابب تتعلم اية ولية حابب تعلمة ، مستواك اية ؟ الكورس ده هيفيدك ف اية ؟وبعدها أبدأ دور على كورس بيغطي النقطة دي ، ضبط مواعيدك و حاول تضيف الساعات اللى انت محتاجها اسبوعياً لجدولك و ليومك .
ماذا ستستفيد من الكورسات الأونلاين
أكيد سألت نفسك انا هستفاد اية لما اخد كورسات Online ؟!
مش جديد الفكر ده فقبل منك الطالب ” Feynman Liang ” سأل نفسه نفس السؤال بردو ، قبل ما يبقي واحد من افضل 50 طالب في موقع Cousera
وده لأنه قدر يخلص ( +30 كورس في مجالات مختلفة خلال سنة ونص فقط) واللي كانت السبب في انه يبقي Intern في شركة Google قسم هندسة البرمجيات على الرغم من ان دراستة الجامعة ملهاش علاقة بال Computer Science و عدم دراسته لكورس CS101 !!
بيوضح فاينمان أنه من أول ما سجل في الجامعة (كان مسجل في كلية Amherst و كلية Dartmouth ) وقته كان ضيق جدا للمذاكرة لتحصيل اعلى التقديرات … و من سنة و نص بس ابتدأ فضوله يخليه يجرب الكورسات الاونلاين اللي كان شاكك في جديتها و امكانيتها للإضافة للمتعلم عن طريقها .. و كان اول كورس سجل فيه هو “Machine learning” و اللي لقى فيه تطابق كبير و واضح بينه و بين محاضراته في الكلية .. فتحول فضوله للتعليم على الإنترنت لأسلوب مذاكرة جديدة بيساعده يحصل مادة علمية اقوى و تقديرات أعلى .. و ده عن طريق مذاكرة الكورس اونلاين من Coursera و مراجعته اثناء الدراسة مع الدكاترة في الكلية و كان بيميز فايمنان انه الكورس بيتيحله امتحانات تقيس مستوى استفادته من الكورس و كمان في مشاريع تطبيقية .. بنجاحه فيها قدر يتميز بوعيه المتقدم عن صناعة المكينات و اللي أثبتها شهادة أحد أساتذته في الكلية أثناء مناقشته بعد المحاضرة ... و من هنا أصبح وقت المذاكرة على Coursera من جدول فاينمان اليومي الأساسي .. و كان من ضمن الكورسات اللي اتمها خاص ببرمجة الكومبيوتر اللي ساعدته ينجح في الالتحاق بشعبة الخوازميات في كلية Amherst و في شعبة البرمجيات في كلية Dartmouth رغم عدم دراسته لكورس CS101 !!
فاينمان شايف ان اكبر المكأفات اللي حصل عليها من الكورسات الاونلاين ( MOOCS ) حتى الأن هي التدريب الصيفي في شركة Google قسم هندسة البرمجيات .
للتغلب على العقبات المحتمل مواجهتها في تطبيق الكورس الونلاين على ارض الواقع ، فاينمان بينصح كل المتقدمين للدراسة عن طريق ال MOOCS بأنه :
- يكون دائم التعطش لإظهار علمه و استغلال كل الفرص المتاحة للتعليم و التطوير و تطبيق التعليم و مناقشة المختصين في نفس المجال لتثبيت المعلومات و زيادة المعرفة.
- ميخفش من ان يكون مستواه ضعيف او امكانية الرسوب .. لأن كورس اونلاين مش هيأثر على GPA .. لكنه هيساعدك في تحسين مستواك بعيدا عن الكلية و ده لأن كل مادة متاحة بأكتر من أسلوب و أكتر من مستوى مع وجود محاضرين كتير من جميع أنحاء العالم و مع زيادة معرفتك و علمك من الكورسات الـ اونلاين هتزيد قيمتك و تأثيرك في المجتمع.
- الجدية هي اهم خطوة في اكتساب المهارات و الخبرات.
أهم 36 موقع تعليمى (MOOC)
دول أهم 36 موقع تعليمى (التعلّم الذاتي) (self learning) في العالم وتقدر من خلالهم تحصل على شهادة معتمدة من الجامعة نفسها و أحياناً من الموقع و ممكن كذلك تكون الشهادة مجاناً من غير أي رسوم .
1- www.edx.org
11- www.oli.cmu.edu
12- www.oyc.yale.edu
16- www.ck12.org
17- www.udemy.com
20- www.p2pu.org
21- www.ed.ted.com
25- www.saylor.org
26- www.nalandau.com
29- www.phodphad.com
31- www.floqq.com
إذا لم تجد الكورس الذي تبحث عنه؟
بكل بساطة ادخل على جوجل واكتب اسم الكورس الذي تبحث عنه وأضف كلمة MOOC و إن شاء الله هتجده .
مواقع للبحث عن الكورسات الاونلاين
وسط زحمة الكورسات ال Online والتطور الكبير الموجود فى مجال التعلم عن بُعد E-learning و الانتشار الواسع لل (Massive open online courses) والمنصات الخاصة بيها زى Coursera و Udacity و EDX و Canvas Network و غيرهم كتير ،اصبح من الصعب جدا انك تدور على الكورس الأنسب ليك بالطرق التقليدية بأنك تفتح كل موقع و تدور فيه ، بكده من المؤكد انك هتمل بسرعة و بتعرض نفسك انه يفوتك فرص كتير ، و كمان من الوارد جدا انك تتخلى عن فكرة الكورس من الأساس عشان كدا و مع الانتشار الكبير جدا للكورسات كان من الضرورى انه يكون فيه مواقع للبحث عن الكورسات ديه و منهم :
واحد من اول واقدم مواقع البحث عن الكورسات ، و الموقع بيقدم التقييمات الخاصة بالكورسات المتوفرة من 8 مصادر مختلفة وبيوفر امكانية البحث عن الكورسات من حيث انتشارها او اعلى التقييمات ، كمان ممكن تدور على كورسات بتقدمها مدرسة معينة او جهة معينة .
الموقع مازال فى النسخة التجريبية ، و الموقع دلوقتى بيطلب من المستخدمين عدد الكورسات اللى عجبتهم او خلصوها ، و تقييمهم للموقع ، الموقع حاليا بيعرض الكورسات من 11 مصدر مختلف ، لكن لازم تفتح الابليكيشن من اكاونت الفيس بوك او جوجل بلس .
هو موقع يبدو انه جديد و عدد المستخدمين و التقييمات عليه قليلة ، لكن الموقع بيقدم مميزات زيادة عن المواقع اللى فاتت ، فمثلا الموقع بيحددلك مستوى صعوبة الكورس اللى بتختاره و هل مناسب ليك ولا لأ؟
الموقع حاليا فيه تحسينات هتحصل و هيكون شئ رائع اننا نشوفه مميز عن غيره .
برده من المواقع الكويسة موقع ClassCentral واللى بيقدم نفس مميزات المواقع اللى فاتت ، اما موقع Noodle فهو بيحاول يوفر للمستخدمين بتوعه افضل فرص التعليم على مجال واسع .
