كيفية السفر والحصول علي منحه للولايات المتحده الامريكيه كخريج كلية العلوم

بِسْــــــــــــــــمِ اﷲِالرَّحْمَنِ الرَّحِيم

جمعنا لكم فى هذا المقال من موقع « علومنجى دوت كوم » كل المعلومات عن كيفيه السفر و الحصول علي منحه للولايات المتحده الامريكيه نقلاً عن الدكتور أحمد عبد القادر ، حيث يضم المقال الشروط والمتطلبات والخطوات والعديد من الأستفسارات واجاباتها.

تعريف بسيط لأحمد عبد القادر

د.أحمد عبد القادر، خريج قسم كمياء منفرد كلية العلوم جامعة الأسكندرية سنه 2010 بتقدير ممتاز ، ومعاه ماجستير كيمياء من جامعة كاوست فى 2015 وحصل علي الدكتوراه فى كيمياء علوم المواد من جامعه فيرجينيا كومنولث فى عام 2020. 

البروف أحمد بيقول ان موضوع السفر لامريكا مخطرش علي باله طوال فتره الكليه بسبب ان علي ايامه مكنش في سمارت فون زي دلوقتى وكان صعب تعرف يعني ايه منح لوحدك كده ، لكن بدا بمساعده من دكتور عادل عامر و دكتور عادل نجيب وهما اللي أعطوه رقم طالب بيدرس في امريكا عشان يقولي الخطوات اللي المفروض اعملها عشان يقدم.

الشروط والمتطلبات

تنويه: فى البداية حابب اوضح ان الموضوع محتاج مثابره و جهد و حوالي 12-18 شهر من وقت ما تبدا لحد ما تسافر امريكا ، وحاجه كمان لازم تبقي عارف ايه الاسباب اللي تخليك تلجأ لخطوة زي السفر بره مصر.

هل المنح دى مدفوعه بالكامل وله بنسبة معينة:

المنح بتاعت امريكا بتبقي مدفوعه بالكامل، و بيبقي ليك مرتب شهري يخليك تعيش في وضع اقتصادي مريح.

اغلبيه اللي بياخدو المنح دي من الهند و الصين، العالم دي بجد معظمهم بتوع شغل وعشان كده الجامعات بتفضلهم ، بس ترامب عمل قرار من شهر أبريل 2020 ، حظر جميع الطلاب الصينين من امريكا!!! ، القرار ده لوحدوا هيخلي فرصه المصريين والعرب كبيره جدا.

الخطوات اللي المفروض تعملها لو عاوز منحه هي الاتي:

1) GPA=3.3 or higher

2) تجيب درجه فوق الـ 90 في امتحان اللغه الانجليزيه التوفل ، حمل TOEFL Guide من خلال هذا رابط .

3) تجيب فوق الـ 300 في امتحان ال جي ار اي GRE ، و ده عباره عن امتحان من تلات اجزاء اول جزء بيبقي عباره عن كتابه و تاني جزء انجليزي و تالت جزء رياضيات في مستوي طلبه الاعدادي ، حمل كتاب GRE من خلال هذا الرابط ، محتاج بتاع شهر او شهرين شغل عشان تجيب درجه حلوه .

4) لو انت جايب تقدير جيد او اقل من 3 في التقدير العام لازم تاخد امتحان كمياء اسمه جي ار ايه كمياء GRE CHEM و سايبلكم كتاب في المصادر تحت ، لو جايب تقدير عالي و حابب تروح جامعه من ضمن التوب 10 انصحك تاخد الامتحان ده ، بس لازم تبقي حووت كيمياء لو عاوز تجيب تقدير عالي فيه😉، حمل كتاب GRE CHEM من خلال هذا الرابط .

5) هتروح زي الشاطر كده و تجيب تلات خطابات توصيه من دكاتره الجامعه ، و سايبلكم نموذج لحاجه شبيها بالخطاب، اهم حاجه الدكتور او الدكتوره يكتبوا خطاب قوي مش كلام انشا ، حمل نموزج للخطاب من خلال هذا الرابط .

6) لازم تكتب خطاب اسمه Statement of Purpose وتوضح فيه ليه عاوز تقدم في الجامعه دي واتكلم فيها عن نفسك وخبراتك البحثيه لو عندك ولو مش عندك خبره بحثيه ممكن تقول اسم تلات دكاتره انت حابب تشتغل معاهم اول ما توصل ، حمل نموزج للخطاب من خلال هذا الرابط .

لازم تعرف ان كليات علوم وهندسه محظوظين جدا عشان التخصصات دي معترف بيها في امريكا و اوروبا و كندا و استراليا بدون الحاجه لاي معادله ، انا شوفت ناس خريجين طب واسنان من مصر ولازم يعملوا معادله و دي بتبقي مكلفه جدا و بتاخد سنين.

Recommendation letter, Nomination letter and Reference letter | أسرار خطاب التوصية

How to write a strong personal statement?😲 ⁦✈️⁩

طبعا لو عاوز تنجح في الحصول علي منحه لازم يبقي عندك خطه عمل كالتالى 

ايه من الخطوات اللي فوق دي جاهزه 

ايه محتاج شغل

الدكتور أحمد بيقول انه ذاكر التوفل في شهر عن طريق الاستماع وقراءة الاخبار الامريكيه زي سي ان ان و ان بي ار، الجي ار اي وبيقول ان جزء الرياضيات سهل بس الانجليزي محتاج شغل.

المنح ملهاش سن معين، بس اغلب اللي بيقبلوا بيكونوا أقل من ٣٥ سنه ، ليا زمايل من مصر والهند و بنجلادش قبلوا وكانوا فوق سن التلاتين بخبره بحثيه محدوده جدا.

اول ما تخلص الخطوات دي قدم في عشر جامعات او اكتر و اول ما تقبل ، روح حول مبلغ في البنك وروح الانترفيو في السفاره بجاردن سيتي، معظم المنح بيطلعلهم تاشيره.

الاميديسيت Amideast 

الاميديست amideast هو المركز الثقافي الامريكي، ليهم كذا فرع في مصر بيساعدوا الطلبه اللي عاوزه تيجي الولايات المتحده ، وموجود في اسكندريه والقاهره بيعملوا محاضرات عن كيفيه الاعداد للسفر لامريكا و بتبقي ببلاش، انا فاكر ايام لما كنت بقدم كنت بروح استلف كتب من عندهم ببلاش، روحو اسالوا هناك و هيساعدوكوا.

رابط المركز

استفسارات آخرى

لازم تويفل ولا ينفع ايلتس؟

الاتنين بيتقبلوا عادي

تقدر تعرف ازاى تعدى أمتحان الأيلتس فى شهرين من خلال هذا الرابط .

6.5 فى الايلتس كويس جدا

لو التقدير عالي هل لازم امتحان GRE؟

اه ده شرط في المنح فى امريكا وان كان في جامعات مَش بتطلبوا دلوقتي

الموضوع هيستغرق وقت قد ايه علشان تحضر نفسك للامتحانات وتسافر؟

بيعتمد علي فتح باب المنح ، معظم الجامعات بتبقي عاوزاك تقدم من شهر ديسمبر لغايه شهر مارس من كل سنه، فلازم كل الخطوات دي تبقي جاهزه قبل التقديم

في المتوسط بتاخد حولى ١٤ شهر خاصه لو اللغه ضعيفه

ميعاد التقديم على منح؟

المنح بتفتح فى شهر ديسمبر و بيقفل فى فبراير 

لو عاوز تكون فى امريكا علي اغسطس لازم تظبط التوفل او الايلتس علي ديسمبر.

هل ممكن تقدم على فيزا سياحه وتطلع هناك وتقدم في جامعات؟

ايوه ممكن بس ده مخالف للقانون الامريكي و هتترحل لو اتمسكت

 

هل كليه تربيه قسم كيمياء ليها فرصه؟ 

طبعا بس لازم تثبت ان الكيمياء عندك قويه ، ف انصح انك تاخدي امتحان جي ار اي كمياء GRE CHEM.

والمميز فى تربية فى مصر انك بتدرس كورسات الكيمياء فى كلية العلوم ، فالخلاصة لو معاك كورسات كيمياء شبه كليه العلوم قدم ، و لو مَش معاك نفس الكورسات انصحك تاخد جي ار اي كيميا و تجيب سكور حلو.

انا طالبه دلوقتي ممكن اعمل ايه فى احصل على المنحه دي ، وأية تكلفة الامتحانات دي؟

ابدأ بالتوفل و الجي ار اي

الامتحان الواحد في حدود ١٢٠$ 

بعد السفر هناك الموضوع بيبقي صعب في الاقامة ومكان المعيشة  وله بتبقي متظبطة قبل ما اوصل؟

الجامعه بتدي المقبولين لينكات عشان يعرفوا يحجزو سكن، وممكن تجيب عربيه مستعمله فى حدود ٨٠٠$.

هل اللى قدم على الهجرة العشوائية لأمريكا قبل كده و لم يحالفه الحظ مبيقدرش يسافر او يتقبل في منحات دراسية لأمريكا ؟

لا عادي

فين لينك الجامعات الأمريكية؟

عندك اكتر من ٤٠٠ قسم كمياء فى امريكا، ممكن تدخل تكتب علي الانترنت ترتيب اول ٤٠٠ جامعه علي مستوي امريكا في الكيمياء و تقدم علي حسب تقديراتك و درجاتك.

لو انا حاصل على ماجستير او دكتوراة فى الكيمياء غير العضوية وسنى فوق ٣٥ اية فرصتى فى اسافر؟

لو معاك ماجستير و معاك خبره بحثيه، هتيجي علي دكتوراه بدون مشاكل.

إيه أفضل أقدم منحه الماستر وله منحة للدكتوراه؟

الافضل منحه دكتوراه علي طول من غير ماستر

هل لو أنا مقدم على أكتر من جامعه بحتاج أكتر من خطاب توصية يعنى الدكتور إلى بيكتبلى هيكتب 10جوابات توصيه لل10جامعات إلى مقدم ليهم؟

الدكتور هيكتبهم علي ميكروسوفت word و هيعمل send لكل جامعه علي حدا من ايميله الجامعى.

بالنسبة لأقسام الحيوان واقسام الميكروبيولوجى والنبات وغيرها من أقسام كلية العلوم هل يقدر يقدم على المنح؟

اه طبعا ينفع ، كل منح علوم موجوده

أية احسن قسم فى الكليه وهل صحيح ان الاقسام الخاصه أحسن من المزدوجة؟ 

ده كلام مش صحيح بالمره ، في امريكا اي حد عاوز يبقي طبيب لازم يدرس بكالوريوس علوم الاول ولازم يدرس كمياء حيوي و ميكروبيولوجى وكيمياء واحياء الخ ، هتلاقوا اول ما تيجوا مفيش استعلاء من قسم علي التاني.

انا متجوز و عندي عيال هل ينفع اجيبهم؟

طبعا طبعا، بيطلعلهم فيزا و بيسافرو معاك، التعليم في امريكا للاطفال مجانا لحد سن 18 سنه

لو عايزة اعمل ماجستير فى حاجه ملهاش علاقة بعلوم زى ادارة الاعمال او computer science ممكن اقدم على منحة امريكا؟

هتبقي صعبه شويه لأن اي منحه بتبقي عاوزه حاجه منك في المقابل، لما بتقدم علي تخصصك بتعرف تشتغل معيد هناك ودي بيخليهم يدوك مرتب ومنحه دراسيه ، أما لو عاوز منحه في مجال خارج تخصصك هتدفعي من حسابك الخاص.

لو روحت الجامعة هناك وسقطت او جبت تقدير قليل هيشيلوا منى المنحة والفلوس واشحت فى امريكا ولا ايه النظام ؟؟؟

صعب تسقط هناك ولو نجحت في علوم بس ، في الحاله دي هتاخد ماستر مش هيمشوك ، و بعد الماستر بيطلعلك فيزا عمل ، دور علي شغل بالماستر في امريكا ، ولو كنتى واحده ست او من الاقليات، فرصتك احسن بكتير و خصوصا لو مقدمة علي ولايه من الديمقراطيين.

الماستر ياخد كام سنة وممكن اشتغل فى ايه هناك بعد الماستر ؟

الماستر سنتين و الدكتوراه 4 أو 5 سنوات 

الوظايف تعتمد علي تخصصك و الولاية اللى انت فيها وحاجات تانيه

لازم يكون عندى حساب حوالى كام فى البنك علشان الفيزا ماتترفضش ؟

مش عارف كام بالضبط ، الدكتور أحمد كان عامل شهادات ب ٤٠٠٠$.

هو ينفع اكون طالب وله المنحة للخريجين فقط؟

لو طالب صعب تاخد منحه ، الخريجين أسهل بكتير لانهم بيبقوا طالعين علي منح دكتوراه.

انت بتحدد الدكاترة اللي هتشتغل معاهم ازاي وعلى اي أساس ؟؟

علي اساس انت عاوز تشتغل في انهو مشروع، علي فكره انت هتتعلم كل اساسيات المشروع اول ما تيجي، انت بس محتاج تثبت للدكتور انك بتاع شغل و مجتهد.

الشهادات دى بكام و منين؟

الشهادات دي من اميدست ، ثمن اختبار التوفل كان بـ ١٨٠$ و الجي ار اي كان ١٢٠$ .

كلية العلوم فى اي جامعه عادي ولا جامعات معينه اللي معترف بيها هناك؟؟!

عادي اي كليه علوم

ايه حكاية تحويل مبلغ في البنك

بيبقي في شروط كده عشان يعرفوا انك هتعرف تشتري التزاكر ، عاوزين بس حساب بنكي في مبلغ مَش كبير حوالي ٣٠٠٠$ لو مَش معاك عادي برضو.

هل الفيزا تبع المنحه وله الحساب الشخصي؟

الفيزا علي حسابك حوالي ١٠٠$ و بتعمل كشف طبي و بتدفع التزاكر علي حسابك برضو

الـ gpa=3.3 دا اخر ترم بس ولا تراكمى كل سنين الكلية؟

تراكمي، معظم الجامعات بتقبل من ٣ .

هل المنح دى ليها أهمية للعمل برا مصر؟

اغلب اللي بياخدو منح مَش بيحبوا العمل الاكاديمي بس هي بتبقي باب للسفر للخارج والعمل بالشركات بره فيما بعد.

اسهل طريق للسفر الخارج من غير ما تدفع فلوس كتير هو المنح، لان بيبقوا جايين علي منحه دكتوراه ويحولها ماستر بعد ما يوصلوا و يطلعوا يشتغلوا و ياخدو اقامات و جنسيه.

لو طالع علي منحه فى المرتب بيبقي ٢٠٠٠$ 

لو اشتغلت برا بالبكالوريوس بيبقي في حدود ٣٠٠٠$ لو معاك ماستر او دكتوراه و عاوز تشتغل ف جامعه ٥٠٠٠$ اما لو عاوز تشتغل في شركه ب دكتوراه بتبقي من ٨٠٠٠$ شهريا.

هو موضوع السفر المفروض ميبقاش فلوس بس، الاصل هو الجنسيه عشان تعرف تجيب عيلتك .

ايه أفضل بلد لتقديم المنح لخريجي كلية العلوم ؟

الولايات المتحده و كندا ثم اوروبا و استراليا و نيوزيلاندا

لو شخص بيحضر ماستر بره وعاوز يعادل بكالريوس سهل وله بيبقى صعب فى الإجراءات؟

لو انت علوم مش هتحتاج معادله وخاصه لو مقدم امريكا.

بس لو في جامعه طلبت منك معادله هتروح موقع WES و تدفع ٢٠٠$ لكل شهاده.

طيب خريج كيمياء ايه الكورسات اللى المفروض ياخدها عشان تحسن فرصتة ؟

عندك يا تاخد دبلومه يا اما تاخد تمهيدي يا اما تعرف تستف ورقك صح، في الاول وفي الاخر اللي بيعرف يشتغل خصوصا بره هو اللي بيقدم نفسو صح، او زي ما بيقولو بيعمل من الحبه قبه، بمعني انك ممكن تكون حضرت مؤتمر اسبوع في كورس معين بس اسلوب الكتابه يبين انك ملم بخبره كذا و كذا

للعلم! خلال الفترة اللى فاتت بسبب كورونا تنازلت معظم الجامعات عن اختبار الـ GRE بس بتاخد اختبار Duolingo اونلاين بـ ٥٠ دولار بيعادلها.

أفضل الجامعات الأمريكية فى تخصص الكيمياء

رابط التوضيح

شروط المنحة فى جامعة جنوب فلوريدا

رابط الشروط

طب ما تورينا نموذج كده للمنح دي؟

طبعا اتفضل هنا نموذجين من وسط 400 نموذج

رابط النموزج

للتواصل والأستفسار

الدكتور أحمد عبد القادر (الأيميل: abdelkadera@vcu.edu)

الدكتور أحمد محمود

الدكتور أحمد رجب (للرد علي جميع استفساراتكم عن الدراسة في الخارج خصوصا دول أوكرانيا وروسيا ، وبخصوص معادلة الكليات العلمية بكلية الطب حيث يمكن عمل معادلة بكلية علوم لطب او صيدلة في اوكرانيا ==> السنة ٣٢٠٠ دولار. حوالي ٤٧ الف جنيه ومفيش منح ولازم تكون خريج ، والمتطلبات قبول دراسي من جامعة حكومية واستخراج فيزا دراسية والسفر والتقديم للجامعة).

ترتيب الجامعات فى أمريكا

ترتيب أول 100 جامعة أمريكية لعام 2017

اسم جامعة	الترتيب	الترتيب العالمي
جامعة هارفارد	1	1
جامعة ستانفورد	2	2
معهد ماساتشوستس للتكنولوجيا	3	3
جامعة كاليفورنيا بيركلي	4	4
جامعة ميشيغان	5	5
جامعة واشنطن	6	6
جامعة كورنيل	7	8
جامعة كولومبيا في نيويورك	8	9
جامعة كاليفورنيا في لوس أنجلوس	9	11
جامعة بنسلفانيا	10	12
جامعة ييل	11	13
جامعة جونز هوبكنز (الثانية)	12	14
جامعة ويسكونسن ماديسون	13	15
جامعة كاليفورنيا سان دييغو	14	15
جامعة ولاية بنسلفانيا (الثانية)	15	17
جامعة ديوك	16	20
جامعة تكساس أوستن	17	21
جامعة شيكاغو	18	22
جامعة برينستون	19	23
جامعة نيويورك	20	24
جامعة نورث كارولينا تشابل هيل	21	25
جامعة إلينوي أوربانا شامبين	22	26
جامعة جنوب كاليفورنيا	23	28
جامعة فلوريدا	24	29
جامعة كاليفورنيا ديفيس	25	30
جامعة نورث وسترن	26	31
جامعة ميريلاند كوليج بارك (الأولى)	27	32
جامعة ولاية أوهايو	28	33
جامعة كارنيجي ميلون	29	35
جامعة كاليفورنيا إيرفين	30	36
جامعة ولاية ميشيغان	31	37
جامعة واشنطن سانت لويس	32	38
جامعة بيتسبرغ	33	39
معهد كاليفورنيا للتكنولوجيا كالتيش (الثاني)	34	40
جامعة بوردو	35	41
جامعة بوسطن	36	44
جامعة كاليفورنيا سان فرانسيسكو	37	46
جامعة روتجرز في ولاية نيو جيرسي	38	48
جامعة أريزونا	39	49
معهد جورجيا للتكنولوجيا	40	50
جامعة كولورادو بولدر	41	51
جامعة فيرجينيا	42	54
جامعة ولاية أريزونا	43	55
جامعة تكساس (A&M)	44	57
جامعة فاندربيلت	45	58
جامعة يوتا	46	61
جامعة كاليفورنيا سانتا باربرا	47	62
جامعة إنديانا بلومينغتون	48	67
جامعة إيموري	49	68
جامعة براون	50	73
جامعة أيوا	51	75
جامعة ولاية كارولينا الشماليّة	52	77
معهد بوليتكنيك وجامعة ولاية فرجينيا	53	79
جامعة روتشستر	54	82
جامعة تافتس	55	83
جامعة ماساتشوستس أمهرست	56	93
جامعة ولاية أيوا	57	98
جامعة رايس	58	100
جامعة إلينوي في شيكاغو	59	101
جامعة جورجيا	60	102
جامعة بوفالو	61	110
جامعة ديلاوير	62	111
جامعة مدينة نيويورك	63	113
جامعة تينيسي نوسفيل	64	113
جامعة ولاية أوريغون	65	117
جامعة ولاية فلوريدا	66	120
جامعة ولاية كولورادو	67	122
جامعة كاليفورنيا سانتا كروز	68	124
جامعة كاليفورنيا ريفرسايد	69	126
كلية دارتموث	70	130
جامعة كنتاكي	71	131
جامعة نوتردام	72	131
جامعة نبراسكا لينكولن	73	133
جامعة ميامي	74	134
جامعة كونيتيكت	75	143
جامعة جورج واشنطن	76	144
جامعة كيس ويسترن ريزيرف	77	147
جامعة جنوب فلوريدا	78	148
جامعة سينسيناتي	79	152
جامعة جورج تاون	80	154
جامعة نيو مكسيكو	81	158
جامعة كانساس	82	159
جامعة ميسوري كولومبيا	83	162
جامعة أوريغون	84	165
جامعة تيمبل	85	171
جامعة بولمان في ولاية واشنطن	86	179
جامعة واين ستيت	87	186
جامعة هيوستن	88	187
جامعة ألاباما في برمنغهام	89	190
جامعة كارولينا الجنوبيّة	90	191
جامعة إنديانا - جامعة بوردو إنديانابوليس	91	197
جامعة أوكلاهوما	92	199
جامعة تكساس مركز أندرسون للسرطان	93	209
جامعة جورج ماسون	94	211
جامعة ستوني بروك	95	215
جامعة دريكسل	96	234
جامعة ولاية لويزيانا	97	235
معهد رينسيلار البوليتكنيك	98	237
جامعة ماريلاند بالتيمور	99	245
جامعة فيرجينيا كومنولث	100	248