دبلومة الميكربيولوجي علوم الاسماعيلية جامعة قناة السويس

بِسْــــــــــــــــمِ اﷲِالرَّحْمَنِ الرَّحِيم

 

يضم هذا المقال من موقع موقع « علومنجى دوت كوم » كل ما يخص دبلومة الميكربيولوجي جامعة قناة السويس (علوم الاسماعيلية) من الاوراق المطلوبه والمصاريف الاداريه والمقررات الدراسيه.

ميعاد التقديم

يبدأ باب التقديم من ١٥/٨ الى ٣٠/٩ من كل عام

التقديم بيبقى كل يوم ماعدا السبت واللي هيروح الخميس يحاول يروح بدري قبل س 12 .

التقديم لهذا العام اعتبارا من الثلاثاء الموافق 2020/8/4 وحتى الخميس الموافق 2020/10/1 ، ولازم تسجل الكترونى من خلال هذا الموقع .

نظام التقديم 

خطوات هذا العام 2021/2020

أولا التسجل الكترونى هذا العام 2021/2020 من خلال هذا الموقع علماً بأن التسجيل الكترونياً وورقياً ولايعتد بأي منهم علي حدى.

خطوات التسجيل الإلكتروني

خطوات العام الماضى

1- يقوم الطالب بالتقديم عبر الرابط التالي (لمعرفة كيفية التسجيل الإلكتروني اضغط هنــا) ... وممكن لما توصل الجامعه تسجل هناك الكتروني .

التسجيل الالكتروني للساعة 1.30 والدراسات العليا للساعة 2.30 وبالنسبة للاحد اجازة ، وممكن تروح مكتب ال IT تسجل الكتروني وتاخد الاستماره اللي هيعطوها ليك مع الورق وتقدمه ف الدراسات .

2-بعد الأنتهاء من التقديم يقوم الطالب بطباعة استمارة إثبات التقديم ويتوجه الطالب مباشرة إلى مكتب الدراسات العليا بالكلية مع استمارة اثبات التقديم + الأوراق المطلوبة كاملة.

3- بتقدم الطلبات دى فى شئون الدراسات العليا  وتسحب الدوسيه ب50 ج (بيديك وصل بـ 50 جنيه تدفعه في الخزنه). 

4- لما تقبل في شهر 10 بتروح تدفع المصاريف. 

فى مظروف بداخله استمارات هتشتريه من مكتبة قرطبه اللى جنب قسم الكيمياء ودمغات هتشتريها من الدور الارضى بمبنى الشئون الإدارية وتملى كل الاستمارات فى الشئون أمام الموظفين الموقرين والمحترمين وتسلملهم المظروف بكل اوراقك وتستنى التنسيق.

نصيحه لوجه الله : يا جماعه مكتبة قرطبة بيستغلوا الناس جدا يعنى تسجيل بياناتك ع موقع الكليه ب ٣٠ ج وطباعة الورق ده ب ٣٠ ج ويصورلك الشهادات والورق اللى معاك ويديك الفايل ب ٣٠ ج اللى يعرف يعمل الحاجات قبل ما يروح يقدم هايوفر كتير عن ال ٩٠ ج اللى بيدفعوا ع الجاهز كده بتوع الشئون النهارده قالولنا انتوا اللى بتستسهلوا وتسيبوا الناس تشتغلكوا لو سجلت بياناتك فى بيتك وروحت اى سايبر طبعت اوراقك وصورت ورقك هاتروح تقدم ع طول من غير ماتقف فى طوابير وتدفع فلوس مالهاش لازمة.

ملحوظة:

الناس اللي لسه مخلصه كليه وشهاده الكليه مطلعتش او مش معاهم بيان درجات ، ممكن ينتظرو لحد اخر ايام التقديم لحد شهادتهم ما تطلع او ينتظروا قرار وكيل الكليه ف حقهم .

القسم العلمى التابع له الدبلومة : قسم علم النبات

الأوراق المطلوبة

1. اصل المؤهل + صوره
2. صورة بيان الدرجات
3. ٦ صور شخصيه
4. ٣ شهادات ميلاد
5. ٢ صورة بطاقه شخصيه
6. اصل شهادة الخدمه العسكريه (ذكور)

بالنسبة للطلاب الذكور أن يكونوا قد أدوا الخدمة العسكرية أو أعفوا منها ولا يقبل الضباط الإحتياط الذين قضوا السنه الإلزاميه الأولى لكن يقبلوك بشرط تجيب موافقة من قائد وحدتك وبيراعوا حته الحضور بالنسبة للناس اللي عندها ظروف تمنعها من الحضور وفى كل الأحوال إذا تجاوز العدد المتقدم الحد الأقصى المطلوب قبوله حسب طاقة الكليه يرجح التقدير الأعلى من جيد أولا ثم سنة التخرج الأحدث فالذى يلية ثم يؤخذ فى الإعتبار عامل السن كأساس آخر للترجيح فى حالة تساوى التقدير العام وسنة التخرج بحيث يقبل الأصغر سنا .

الحد الادنى للقبول

حد ادنى فى التقدير (جيد) واحتمال كبير جدا يطبقوا فيه النسب

الاقسام المقبولة

جميع اقسام علوم ماعدا الاقسام التى لم تدرس بيولوجى خلال فترة الدراسه.

هل قسم فيزياء ورياضه وجولوجيا وصيدله وطب بيطرى وطب بشرى وزراعه متاح ليهم الحصول على الدبلومه:

للاسف لا

مصاريف الدبلومة

٢٣٠٠ جنيه ... هتدفعها يوم القبول

المقرارات الدراسية

1. مقدمة فى البكتريا
2. مقدمة فى الفطريات
3. كيمياء سوائل الجسم
4. طفيليات
5. فيروسات
6. مقدمة فى الكيمياء الحيوية
7. بكتيريا طبية
8. فطريات طبية
9. ميكروبيولوجيا الأغذية
10. مضادات حيوية
11. تحاليل طبية
12. ميكروبيولوجيا تشخيصية

قديما قالوا إن اسماعيليه اسهل دبلومه وبتاخد شهادتك وانتى ماشى من جنب سور الجامعه للاسف الكلام دا ماطبقش السنة الى فاتت ولا هيتطبق بعد كدا لان الكليه اخدت الاعتماد وظهر تشديد على المناهج والحضور من بعض الدكاتره السنادى فكل المطلوب منك انك تهتم شويتين لو ناوى تقدم وتكمل الطريق للاخر وتحاول تحضر على قدر المستطاع لأنه هيفيدك جدا جدا. 

هل الدبلومة معتمدة

أه معتمدة
دبلومه ميكروبيولوجى معتمده فى الاسماعيليه وقنا والمنصوره
وفى دبلومه ميكروبيولوجى فى كلية علوم عين شمس بنات

الدبلومات المعتمدة فى الكيمياء الحيوى والميكروبيولوجى

هتعمل ايه دبلومة الميكرو دى لما اخدها ؟؟؟ يعنى هل دبلومة الميكرو بيولوجى ممكن افتح بيها معمل ؟؟؟؟

طبعا اه .. بس لازم ثم لازم انك تكون دارس كيمياء ف البكاليريوس يعنى + اى حاجه تانى و

طب لو انا مش دارس كيميا (لو انت قسم ميكرو اسبشيل مثلا) اعمل ايه ؟؟؟

ممكن تفتح لكن لازم ترفع قضية او تكتفى بانك تشتغل ف معمل و تشارك حد عنده تصريح .