قصة الكيميائى الذى فتح عياده طبيه

بِسْــــــــــــــــمِ اﷲِالرَّحْمَنِ الرَّحِيم

هل ممكن الكميائى يفتح عياده ؟؟ شوف بنفسك ، القصه للهزار لا أكثر وفى أخر المقال هتجد امثله حقيقية بتأكد ان خريجى علوم اشتغلوا فى الطب.

القصه كالتالى : واحد كيميائى عاطل بقاله كتير ، قام قرر في لحظه إنه يفتح عياده وعشان يجيب زباين راح كاتب يافطة وقال (كشفك وعلاجك بـ 500 جنيه ولو ما تعالجتش تاخد 1000 جنيه) وفى يوم عدى دكتور (طبيب) وقال زبون وجه لحد عندي وانا اللي كسبان 1000 جنيه وراح داخل:

الطبيب المريض : سلام عليكم
الكيميائى: وعليكم السلام أؤمر يافندم بتتشتكي من إيه ...؟؟
الطبيب المريض :  بقالي فترة مش عارف طعم للاكل مش عارف أدوق.
الكيميائى: يابنت يا نرجس (الممرضه) هاتي علاج رقم 22 وحطي للمريض 3 نقط في بقه .
الطبيب المريض :  يع دا جاز .
الكيميائى: مبروك بقيت تستطعم وتعرف تدوق كويس ادفع 500 جنيه.
خرج الدكتور مضايق وقرر يرجع بعد يومين عشان يعوض الخسارة.

وفى تانى مره رجع الطبيب تانى
الطبيب المريض :  سلام عليكم
الكيميائى: وعليكم السلام أؤمر يافندم بتشتكي من إيه؟؟
الطبيب الخسران : بشتكي من فقدان الذاكرة مش فاكر حاجه
الكيميائى: يانرجس (النيرس) هاتي علاج رقم 22 وحطيله في بقه 3 نقط .
الطبيب المريض : بس 22 دا جاز !!
الكيميائى: مبروك رجوع الذاكرة الفيزيتا 500 جنيه
الطبيب المريض : خرج متغاظ وغيظه زاد لكنه برضه قرر يرجع عشان يعوض خسارته بعد يومين.

وفى تالت مره رجع الطبيب تانى 

الطبيب المريض : مسا الخير عليكم
الكيميائى: مسا النور عليك معرفتكشي انا كدا أؤمر بتشتكي من إيه؟ !
الطبيب المريض : نظري ضعف ومش بشوف كويس
الكيميائى: بعد تنهيده للأسف علاجك مش عندي اتفضل دول 1000 جنيه ...
الطبيب المريض : انشكح وبعد ماعد بص وقال بس دول 500 جنيه بس !!
الكيميائى: مبروك رجوع نظرك لو سمحت سدد 500 جنيه .
ومن ساعتها والطبيب بيدرس كيمياء عشان يفتح عياده .