يعاني الكثير من صعوبة المواصلات إلى جامعة مدينة السادات فاليك بعض التفاصيل التي قد توفر عليك الوقت والجهد والتي تكون أكثر ارتياحا في المواصلات.
من دمنهور عربية النوبارية الساعة ٧ و ٢٤ دقيقة ( طريق الزراعي ) ب ١٤ جنيه هتنزل النوبارية وتركب من عالطريق عربية رايحة السادات ب ١٥ جنيه وتنزل مدينة السادات وهتاخد تاكسي للمعهد ب ٨ جنيه وتوصل بعد ٣ ساعات ولما ترجع هتاخد تاكسي من المعهد للموقف ب ٨ جنيه وتركب عربية اسكندرية الساعة ١١ و٤٥ دقيقة ب ٢٤ جنيه هتنزلك موقف اسكندرية في خلال ساعتين وتركب عربية دمنهور ب ١٢ جنيه بتاخد حوالي ساعه
.............................................
من دمنهور اتوبيس بيروح السادات مباشرة بيطلع عالساعة ٦ ونص صباحا بس علشان تضمن مكان روح بدري شوية الساعة ٦ مثلا ب ٢٨ جنيه طريق زراعي بياخد حوالي ٣ ساعات هتنزل الموقف في السادات وهتركب تاكسي ب ٨ جنيه للمعهد ( وممكن تاخدها مشي ١٠ دقائق) وبعد ما تخلص هتركب تاكسي ب ٨ جنيه من المعهد للموقف وتركب عربية كوم حمادة ب ١٤ جنيه طريق زراعي بتاخد حوالي ١ ساعة وتلت وتنزل موقف كوم حمادة تركب عربية دمنهور ب ٨ جنيه بياخد حوالي ساعه الا تلت
................................................
ملحوظة ١ فيه اتوبيس من السادات لدمنهور مباشرة بس مش موجود كل الايام فانت وحظك
................................................
ملحوظة ٢ فيه اتوبيس من السادات للنوبارية ومن النوبارية تركب دمنهور
................................................
انتظروا البوست القادم سيوضح كيفية التدريب الصيفي في معهد بحوث الهندسة الوراثية والتكنولوجيا الحيوية في جامعة مدينة السادات.
