ازاي من السم بيطلع علاج؟ -علومنجى دوت كوم-

بِسْــــــــــــــــمِ اﷲِالرَّحْمَنِ الرَّحِيم

 ايوا العنوان زى ما انت شايفة كدة ودة نقلا عن دكتور حسنى أيمن بيوضح فية وجهة نظر شخصية نتفق معها وهى ان انتاج الادوية او اى مواد كيميائية تحتاج الى كيميائى فى المقام الاول وليس شخصا أخر.

الاول عايزك تتعرف على السم:
السموم دا علم كبير وتبسيطا للامور خلينا نصنف السموم على انها اما سموم احادية فيها مادة واحدة لها تاثير سمي ودي زي مثلا السيانيد او مادة مركبة السمية يعني فيها اكثر من مادة كيميائية لها تاثير سمي زي سموم الثعابين.

ثانيا هو السم بيسمم ايه او بياثر ازاي:

طرق العمل بتاعته مختلفة ومتعددة يعني مثلا اول اكسيد الكربون بيرتبط اكثر بكثير بالهيموجلوبين بتاع الدم من الاكسجين فيسبب اختناق.

في حاجات بتعمل نخر خلوي او نقول بتكسر الخلايا زي المواد الحارقة والكاوية وفي سموم بتاثر على الاعصاب زي غازات الاعصاب مثلا في سموم بتاثر في فيسيولوجيا الدم مكن تزود السيولة او تقللها زي الماريفان "دواء بيستخدم لعلاج الجلطات" وكان في الاصل محضر كسم للفئران.

ازاي بيشتغل:

دايما السموم بترتبط بشكل افضل مع مكونات خلوية بيحصل نتيجة دا تثبيط لوضع طبيعي او زيادته فبيؤدي لحصول الاثر.

العلاج او الدواء:

هتلاقي اي صيدلي يقولك التزم بالجرعة لان زيادتها فيه خطر على حياتك ... الشكل الصيدلي او الدواء هو في نفسه سم و قبل ما بيوصلك بيتعمل عليه دراسات سمية كاملة.

السموم احادية التركيب الكيميائي دي بتكون مصنعة بالكامل في المعمل سواء كانت مصنعة لاغراض غير علاجية زى كل المواد الكيميائية اللي حواليك الفنيك والكلور والبنزين ، او كانت مصنعة ولها استخدام علاجي وتم التعرف عليها من مجموعة مركبات ودي مثلا زي معظم الادوية الحالية واللي خرجت من نباتات كان بيستخدمها القدماء وقدرنا كيميائيا نعزل منها مادة فعالة بقت اخيرا دواء زي ما الكيميائيين عزلوا الاستيل سالسيلك اسيد اللي هو الاسبرين من الصفصاف وصنعوة بالكامل في المعمل.

السموم المركبة وافتكر ان هي المقصودة من السؤال ... في نباتات و حيوانات سامة بندرس السمية دي جاية منين.
السموم النباتية بتكون مواد ثانوية للنبات هو ما بيستفيدش منها غالبا و بتكون لحمايته والسموم النباتية بتكون مركبات كيميائية لها حجم صغير مقارنة بالبروتينات او السموم الحيوانية ، وحجمها الصغير دا  وتنوعها وكثرها اداها فرصة دراسة كبيرة جدا.

اول مركب طلع كان في اربعينات القرن الماضي وسموه Curare مستخلص سام من نبات وبيشتغل على الاعصاب بيسبب ارتخاء في العضلات ومن المستخلص دا الكيميائين استخلصوا مركبات اخرى لها تاثير دوائي ... وفي الوقت دا كل شغل عزل المواد الكيميائية من المستخلصات النباتية و معرفة تركيبه بيقوم بيه الكيميائين و بعد كدة بفترة بدا الصيادلة يدخلوا في الموضوع و للاسف كان تقريبا علماء النبات و الكيميائين عرفوا المكونات بتاعة معظم النباتات وتاثيرها لو تتبعتوا الابحاث هتلاقوا العلماء واخدين وصف

potanist or phytologist

chemist or phytochemistry

الكلام دا مقصود علشان  ويكبيديا النسخة العربية لو بحثت عن الاسبرين هاتلاقي كل الوصف بتاع الكيميائين صيدلي ودا خطأ لان كل الناس دي كيميائين و موصوفين صح في النسخة الانجليزية و لو قرات السير بتاعتهم كلهم علماء مش صيادلة وقليلا لو قرات عن صيدلي عمل ابحاث لها هذا الشكل الا مؤخرا جدا دا لو لقيت يعني.

سموم الثعابين:
مؤخرا في اهتمام كبير بالسموم الحيوانية لانها لم تدرس بشكل مفصل زي دراسات السموم النباتية وهي سموم مركبة جدا مجموعة بروتينات وانزيمات بتخدم بعض فبتلاقي في سم الثعبان او العقرب اكثر من مكون بيسببوا اكثر من اثر ، بيديها تميز انها بتشتغل باكثر من طريقة بتشتغل على الجهاز الدوري مكن توقف القلب وممكن تسرعه ممكن تعمل انقباض للاوعية الدموية او توسعها ... بتشتغل على الدم نفسه تزود السيولة او تقللها او تكسر كرات الدم الحمرا بتشتغل على النسيج ممكن تقلل الترابط النسيجي ، ممكن تكسر خلايا الاعضاء الداخلية ممكن تشتغل على الاعصاب

هاتلاقي في دراسات السموم الحيوانية العلماء واخدين اوصاف (toxicologist , chemist , Physiologyst)

معلومة جانبية (التصميم الدوائي يبني بالكامل وفي الأساس على علم الكيمياء ... اما الصيدلي أو الطبيب لم و لن يكون كيميائي) لذلك أي شخص غير كيميائي في هذا المجال هو مضيعة للمجهود والوقت وأن عمل شيء هايكون غير مؤثر زي ما احنا ماشيين للأسف في مصر

الشيء الكويس أن العلم مش بتاع حد ولازم نتعلم العلم من مصادره الصح اللي هو كلية العلوم ... والكلام طبعا لكل وليد مصري وهما تقريبا كل المصريين ما عدا كام واحد عارفين يعني ايه علم.

طب ايه اللي في دول بيعالج ... واضح كله بيموت؟

دا صحيح و لكن ليس سيئا كما يبدو.

اللي بيوضح ويفرق هو الدراسة للمكونات دي ونكون عارفين هي بشتغل ازاي وعارفين الخلل المرضي بيكون فين والحمد لله ومش شطارة او اجتهاد مني هو توفيق ربنا انه خلاني ادرس في المنطقة دي (علم الفيسيولووجي) كتبت موضوع قبل كدة عن ازاي تم تصنيع دواء الكابتوبريل بتاع الضغط وهتلاقيها في اخر الموضوع.

بتبدأ القصة بملاحظة عامة,  الحيوانات بتموت بهبوط حاد فيدرسوا السم ويجربوا لحند ما يلاقوا عامل بيقلل الضغط ويعزلوه وطبعا دا فيه مشاكل علمية في استخدامه , مش عايز ادخل فيها ولكن بنكمل عليه دراسة و نعرف البروتين دا على المستوى الجزيئي بيقلل الضغط ازاي ونصمم شبيه كيميائي ليه و نختبر السمية بتاعته و يروح للصيدلي يصرفه للناس.
ما يفوتنيش في الاخر اني افكرك لما تشوف حد متخرج من كلية العلوم تشكره علشان اساتذته عملولك الدواء اللي بتقربعه وهو ممكن يكون منهم و للاسف في مصر احنا متقيدين و بيحرمونا من حقوقنا.

اخيرا عايز اشارك صورة من بحث الدكتوراة بتاعي عن دراستي للتاثير اللعلاجي للسرطان باستخدام سم ثعبان.

الصوررة لعينة من دمي مع السم ومع مادة سامة اخرى بتكسر كل كرات الدم الحمراء بنقارن تاثير سم الثعبان و واضح ان السم اللي معانا ما بيكسرش خلايا الدم زي غيره. 

 

لما يعايروك انهم بيعرقوا علشان يخدموك قلهم في علماء مش بس بيضحوا بوقت وعرق وفلوس واضطهادو اقصاء دول كمان بيعرضوا نفسهم للخطر علشان حضرتك تعيش في سلام.

في 3 وزراء للبحث العلمي احدهم انا قابلته كان قائم باعمال وزير البحث العلمي كانوا بيقولوا ابحاثكمم مجد شخصي ليكم ودة كان مهني بدرجة مهندس الاثنين الاخرين كان طبيب ومهندس هو الكلام دا قد ينطبق على اي خريج الا خريج كلية العلوم.

عار على العلم ان يعمل به مهني غير متخصص او يرأس إدارته حد اقل من خريج كلية العلوم.

نتكلم بشكل محترم عن ازاي العلم بيشتغل وازي بيطلع منه تطبيق يفيد البشرية مش هاتبقى قاعد و ينزلك وحل من بكابورت الاختراعات.

 

 

اللي في الصورة دا تعبان اسمه Bothrops jararaca
الثعبان موجود جغرافيا في منطقة جنوب امريكا اللاتينية معروف جدا في جنوب البرازيل. الثعبان طوله تقريبا 150 سم.. سمه بيعمل هبوط في الضغط للفريسه بتاعته و كمان فيه عوامل مانعة للتجلط , بعض القبائل في جنوب امريكا كانت بتستخدمه على راس الحربة دا بيمنع التجلط في دم المصاب فحتى لو عاش هايفضل ينزف لما يموت.
الثعبان دا سمه اتعمل فيه دراسات كثير جدا اكثرها انتشارا عارفهم هو وجود بروتينات فيه بتقلل ضغط الدم..

هوووووب احنا هناخد البروتنات دي ونعزلها وننضفها ونعالج بيها ارتفاع ضغط الدم "بس يا وليد روح العب عند ماما"
بداية القصة العلمية كانت في سنة 1948 ايوة بينما كنا نخسر فلسطين كان في ناس بتبني مجد بالعلم.

في ثلاث اطباء اسمهم

 Maurício Rocha e Silva,

Wilson Teixeira Beraldo,

Gastão Rosenfeld

لقوا بروتين اسمهBradykinin  في دم حيوانات التجارب بعد حقنها بسم الثعبان اللي وصفناه فوق.

البروتين دا هو السبب اللي بيخلي ضغط الدم ينزل لانه بيوسع الاوعية الدموية ... العمل دا خلى طبيب اخر يقول احنا لقينا الاثر بس ما عرفناش الية العمل؟ ايه المادة اللي في السم تخليه يعمل دا؟؟

في سنة 1965 اول وصف لوجود عامل يحفز انتاج البراديكين قام بيه طبيب Sérgio Henrique Ferreira وفي سنة 1970 عزل البروتين دا ... اعمال ممتازة و لكنها تصنف اعمال بحثية روتينية يقوم بيها اي حد بدرجة باحث مافيش شيء عبقري.

في سنة 1968 كان دكتور جون فين حاصل على نوبل في الفيسيولوجي درس الكيمياء بجامعة برمنجهام كان شايف ان مثبطات انزيم المحول للانجيوتنسين هتكون لها تاثير في علاج الضغ.

في شركة عندها اتنين كيميائين بيشتغلوا على ابحاث خاصة بمثبطات انزيم المحول للانجيوتنسين ، وفي نفس السنة كان في برده كيميائي اسمه باكل Y S Bakhle  قال في بحثه ان مستخلص سم الثعبان بيوقف الانزيمات المحولة للانجيوتنسين.

الاثنين الكيميائيين هما اللي قاموا بالشغل بعد كدة

 David W. Cushman and Miguel A. Ondetti

خلينا فاكرين ان الاثنين شغالين في ابحاث لها علاقة بالموضوع علشان يدرسوا الموضوع صح عملوا تقنيات تساعدهم في الكشف عن الانزيم و دا كان مميزات عملهم.

اتكلمنا ان دكتو سيرجيو عزل في 1970 بروتين من سم التعبان دول عزلوا ستة كلهم كان فيهم مشاكل مع حقنهم في حيوانات التجارب و تاثيرهم كان قليل ما عدا واحد Teprotide درسوه و لكن تكلفة انتاجه وعزله كانت عائق امام استخدامه.
نسكت نتهد!!! لا قعدوا درسوا التركييب الكيميائي للبروتين عايزين يوصلوا للمنطقة الفعالة في البروتين ولقوها وحددوها دا خلى الموضوع اصعب وتقريبا وصلوا لنقطة النهاية مافيش اهتمام من الشركات و مافيش تمويل من 1970 لـ 1974 تقريبا جربوا 2000 مركب و مستخلص والنتايج لما طلعت كويسة في الاخر مش عارفين يلاقوا حل لمعضلة التركيب الكيميائي اللي مش عارفين يعملوه للبروتين اللي لقوه شغال كويس ، فالمشكلة اصبحت كيميائية بحته.

بالصدفة كانوا بيناقشوا بحث لاتنين كيميائيين

 Byers and Wolfenden

ولقوا المركب اللي بعد كدة اتبنى عليه الكابتوبريل اول مركب عملوه كان اقل في الفعالية 30.000 مرة من هدفهم النهائي "الكابتوبريل" ومع الاجتهاد عملوا 60 مركب كيميائي وتم تعديلهم وتجربتهم الى ان وصلوا في 1975 الى الكابتوبريل.