سألونى عن كلية العلوم "فأجبت؟" -علومنجى دوت كوم-

بِسْــــــــــــــــمِ اﷲِالرَّحْمَنِ الرَّحِيم

مبدئيا احنا بنشكل حاليا تجمع لكل العلميين المصريين اسمة "حقوق العلميين" ومحتاجين دعمهم ودعم كل علمي متميز داخل مصر و خارجها ... فشيروا البوست علشان يوصل لهدفه وهم العلميين والمسؤولين والطلبة والخريجين واولياء الامور.

 📌 ثانيا الدراسة في الكلية: الدراسة صعبة جدا ومش صحيح ان في كلية اصعب منها لان اي مادة بتدرس في كلية تانية وبتدرس في علوم فهي مقارنة باللى فى علوم قشور ... دا غير انك قاعد تتعمق وتتوغل داخل التخصص ودا بيخلي دماغك حرفيا تتقفل من كم المعلومات الكبير اللي دماغك مش عارف يتعامل معاها بخلاف الكليات المهنية ( طب - صيدلة - تمريض هندسة - علاج طبيعي - او غيرهم ) بتقوم في الاساس على معلومة علمية ويبدا يحكي عليها حدوتة المهنية فلو عداك العلم احفظ الحدوته ودا المهم للمهني انما احنا غير كدة كل حاجة لازم تدرسها.

📌 ثالثا العلميين قوة كبيرة جدا 500 الف عالم مصري بدرجات علمية و تخصصية عالية الدقة الدولة مرتكزة عليهم بشكل اساسي بس ما حدش حاسس بيهم او مشاكلهم نقدر نقول ان مفاتيح البلد و كل الخدمات في ايدينا بس احنا زي الترس ما بنقفش و بنقدم مصالح الناس و البلد على مصالحنا و ما بنعيطش من سوء الاحوال ... الدولة صهينت على تكليفنا وشغالين ما بتديناش حققنا في اجور محترمة وشغالين بتقدم عليك مهني اقل منك علميا وشغالين وشايلين كمان المهنيين ومن كثر تواضعنا بقا المهني يظن انه اقوى منك بلد جاهلة بعيد عنك. 

اقرأ ايضاً : كل ما يخص قسم الفيزياء الحيوى

📌 رابعا تربيتنا في كلية العلوم بتقوم بتهذيبنا وتكوين شخصيية مسؤولة نتفوق في دا بمراحل على خريجي الكليات العسكرية. 500 الف علمي والاف التخصصات و في كل المجالات و الدولة مش مقدرانا ليه؟؟ المهنيين بيسرقوا شغلنا و يقدموا نفسهم بلطجة زي ما الصيادلة و الاطباء حاليا بيطردونا في القوانين جهارا نهارا من شغلنا الاساسي واللي هو مش شغلهم اصلا.

📌 خامسا طبيعة العمل: احنا الوحيدين اصحاب الحق و الاختصاص في ابداء الراي العلمي في تخصصاتنا و بالرغم من دا الا انه للاسف المهنيين بيفتوا في شغلنا و بيعتبرونا بنساعدهم و دا اسباب المستوى التعليمي المتخلف اللي بيظن فيه نصف المتعلم انه تفوق عليك في تخصصك لانه من صغره اتربى على مفهوم منافسة ثانوية عامة وكلية القمة (هو مش مقدر انه دخل كلية مهنية) يعني هو بيفهم في شغلته بس ولكن احنا بنفهم في العلم اللي يخليه يشتغل شغلته صح ونتفوق عليه فيه. 

📌 سادسا التخصصية الدقيقة: طبعا الجهل المهني في الوقت الحالي بدا يبان جدا لضعف المستوى المهني ولان العلم كبر جدا وتطور تطور كبير جدا احنا كعلميين مثال حي على دا تلاقي الكيمياء العضوية لوحدها فيها يجي 100 تخصص فهتلاقي بعض التخصصات الدقيقة فيها تخصصات معقدة وادق فمبقاش المهني قادر ينافسنا فيها. للاهمية ما فيش حاجة احنا ما بندرسش فيها كل شيء واي شيء بندرسه من البنية تحت الذرية وحتى حدود الكون ... في مجموعة مهنية في مصر بيقولوا على نفسهم اطباء باين و بيقولك هما الوحيدين اللي بيدرسوا البني ادم؟؟  لا دي كذبة لان احنا و هما بنشترك في دراسة الانسان ... وكذلك في الصيادلة اللى بيقولوا احنا بتوع الدواء وبس لا احنا اهم واقوى منهم في تصميم و صناعة الدواء ودا في العالم كله صناعة وابحاث الدواء قائمة على التخصصية العالية لكليات العلوم ومهنتهم في صرف الدواء للمريض فقط ودا اللى اخدة منهم بتوع طب لما بقوا يكتبوا الدواء فى روشيتات دة طبعا بعد ما يتدربوا فى الصيدليات ... وكذلك البيطرين يقولك احنا بندرس الحيوان اركن جنب اخوك فوق في الصف انا لي الحق في دراسة الحيوان مش بس كدا الفلسسفة و الموسيقى و الادب و التاريخ لما يتعلق دا بذوق الانسان او تاثيره على سلوك الحيوان يبقا بتاعنا.

اقرأ ايضاً : هما ليه الدكاتره بيعملو كدا مع الطالبه ؟؟؟ -علومنجى دوت كوم-

📌 سابعا التميز: احنا الكلية الوحيدة اللي بتتفوق على اي كلية بمراحل في محتوى الدراسة العلمية وصعوبتها وتخصصها لذلك الخريج بتاعنا يتفوق عن خريج اي كلية مهنية حاصل على دكتوراة في تخصص مشابه من علوم ما بالك بقا لما طالب علوم بيعمل دراسات عليا. 
كليات العلوم المصرية من اعظم مميزاتها انها اتبنت على استراتيجية تعليم قديمة و مش مصرية قائمة على تعليم جزء كبير من العلوم و تدريس تخصص واحد او اثنين فيتخرج خريج عارف جزء من العلوم في الكل ودا يديله قدرة على العمل في بيئات عمل مختلفة وقدرة على فهمها والابداع فيه وكمان تخصص دقيق هو قوي جدا فيه الوضع دا يناسب جدا جدا مصر والنظام دا ينجح في مصر علشان ما عندكش تواصل علمي ومنهجية عمل علمية تساعدك تقسم التخصصات دي مثال زي دراسة تكنولوجيا النانو منفردة دا يفشل في مصر وزي النظام الحديث في كلية زويل قائم شوية على المهنية انت بتدرس تكنولوجيا وتهتم جدا بيها على حساب المنهج العلمي فدا ما ينجحش غير في بيئة بحثية وبيقودها باحث من النظام اللي فوق فعندك امريكا فيها معهد ماساتشوتس لو دورت ففيه هتلاقية شغال كدة. 
في نظم زي اللي موجودة في الدول العربية خلطة بين العلوم والتكنولوجيا ودا بيخرج خريج زي كليات العلوم التمهيدية بالخارج قبل ما تاخد بكالوريوس طب لازم تاخد بكالوريوس علوم ممهد لدراسة الطب دا مالوش قيمة علمية والخريج ضعيف علميا و لو حب يكمل في المسار العلمي بيدرس بعدها تخصص علمي من سنة لـ 3 سنوات أو يكمل طب 3 سنوات وفي في الدول العربية التخصصات العلمية المنفردة فقط و برده خريج متوحد النظرة ما يقدرش ينافس كويس .. فكلية العلوم في مصر من اقوى الكليات العلمية باستراتيجية قوية جدا ومنفردة.
  📌 ثامنا الاعتراف الدولي: طبعا كلية العلوم تاخد شهادتها وتطلع تعادلها في اي مكان بالخارج بدون اي مجهود والمعادلات المهنية للعمل بمؤهل العلوم بالنسبة للخرج بتكون ببسيطة بخلاف مثلا لو حبيت تمارس الطب يرجعك في امريكا تدرس بكالوريوس علوم وتكمل انا اقرب اني اكون طبيب معترف بيه من الولايات المتحدة الامريكية من الطبيب المصري تخيل وكذلك الصيادلة بس ما بيرجعوش يدرسوا علوم بيدرسوا صيدلة.

📌 تاسعا التاريخ: مش هتكلم عن دكتور مشرفة و لا اي حد من العلماء المصريين انا هتكلم اننا كعلميين اسسنا الاقسام العلمية في كل الكليات المهنية دون استثناء و علشان كدة بقا لهم قيمة في وقتهم وكان دائما وابدا بيشار للمهني المصري في كل العالم ولكن لما المهني سرق مهنة العالم وافتكر ان بقا عنده علم وطرد العلميين فانحطت المهن للمستوى اللي احنا عايشينه. 

اقرأ ايضاً : إزاى تفتح معمل تحاليل ب بكالريوس علوم ؟؟ -علومنجى دوت كوم-

📌 اخيرا تحذيرهام: مؤخرا طلع في المقدر جديد كلية مش مفهوم هويتها و الحكومة نفسها مغرر بيها بمزاجها طبعا ودا لان الموضوع فيه نصب وسبوبة كبيرة وهي كلية العلوم الصحية او الطبية او زي ما تسميها الكلية دي بمناهجها الحالية هي تعديل للمعاهد الفنية الصحية والمنهج الحالي بتاعهم بيدرس في الولايات المتحدة في المعاهد الفنية للصحة 3 سنوات ... والنصب او التعديل المصري واللي المفروض يتحاسب فيه المجلس الاعلى للجامعات عندنا انه تم زيادة سنة رابعة ولما تدور في وصف المناهج هتلاقي ان الزيادة مكررة وتقنية بحتة على حساب الوقت لزيادة الساعات المعتمدة ودا في اخر سنتين فقط ولا ترقى في مستواها العلمي لمستوى كلية العلوم اطلاقا احنا بندرس علم واساس يتبني علية تكنولوجيا وممارسة حقيقية للتخصصات حيث ان المستوى العلمي لخريج كلية العلوم في التخصص هو اعلى ما يمكن وزي ما وضحت انه يتفوق على خريج الكلية المهنية الحاصل على دكتوراة في التخصص وان المهني بيمارس بالدكتوراة بتاعته دي المهنة وليس التخصص العلمي يعني طبيب ومعاك كيمياء حيوي او ميكروبيولوجي دكتوراة فانت طبيب باطني مش عالم في الكيمياء الحيوية او الميكروبيولوجي دي خاصة بخريج كلية العلوم من اول مستوى البكالوريوس والدكتوراة في العلوم في التخصصات دي معناها انك صاحب راي ومدرسة علمية في التخصص ودا شيء عظيم جدا جدا بس ما حدش في مصر بيفهم دا (درجة الفلسفة في العلوم الدكتوراة). 

🔥 اولياء الامور وطلبة الثانوية العامة: مصر مش هيطلع منها داخليا زويل ولا اي حد عليه القيمة واللي نجح نجح بره لا ظروف عمل علمية بتساعدنا ولا دولة بتدعمنا ولا قوانين بتحمينا و كمان مراكز الابحاث بتتفرغ من المهنين اللي ما عملوش حاجة في السنين اللي فاتت ومش هيعملوا حاجة في المستقبل ان شاء الله لان اللى بيدير مراكز الابحاث مهنيين دماغهم على قدها فاحنا كعلماء مصريين في مصر في ذمة الله ويادوب دورنا في ادناه وبنحافظ على اللي في ايدينا علشان الغلابة و لشان البلد تمشي احنا فعلا ماسكين مفاتيح و مفاصل البلد و لسه موقفينها. كلية عظيمة و نقدر ننتشل البلد من المستنقع اللي عايشة فيه ولكن غير ممكنين يبقا تتعب نفسك واهلك و تتخرج ما تلاقيش تاكل ليه؟
  🔥 لو انت حابب العلم سافر برة ماتجيش هنا ابدا الا لما تلاقي مافيش مركز بحثي الا ويرأسه علمي لما تلاقي اساتذة كلية العلوم علماء مصر بيراسوا و يعلموا المهنيين تاني وتخضع اقسام العلوم الاساسية سواء الطبية اوالهندسية لكلية العلوم لما تلاقي منح العلم لاهل العلم ومافيهاش مهنيين لما تلاقي قانون محترم يديك حقك ابقى ارجع.

فريق الموقع بيشكر الدكتور حسنى أيمن.