اسئلة الانترفيو للميديكال ريب (شركات الادوية) وهل مناسب للبنات وله

بِسْــــــــــــــــمِ اﷲِالرَّحْمَنِ الرَّحِيم

فى الموضوع ده بنساعد الطلبة اللى لسة متخرجين اللى بيفكروا يشتغلوا فى شركات الادوية كمديكال ريب وبنمدهم بمعظم الاسئلة اللى ممكن يتسألوها فى المقابلة الشخصية ... وكمان بنرد على بعض الزميلات اللى استفسروا هل الميديكال ريب مناسب للبنات وله لا؟!.

- كلمنى عن نفسك شوية ؟

اسمك   ---------------  دراستك

ur skills and qualifications

Ur work history

لية انت عاوز تشتغل فى الشركة بتاعتة ؟

ما تقولش علشان شركة كويسة غلط المفترض تقول مثلا حتي لو بالانجلش

ur company is a leader company (not good company) and forfront in making promotion for wonderful products and I hope to be part of ur team

تعرف اية عن الدعايا ؟ اية مفهومك عن الدعايا ؟

تقولة يا دكتور الدعايا دى بأختصار انك بتعمل

Satisfying to your customer needs

يعنى الشخص اللى قدامك عندة احتياجات معينة وانا بحاول اوظف مميزاتى انى اغطى الاحتياجات دى بطريقة سليمة.

الدكتور اللى قدامى مثلا عاوز رد فعال و سريع و ملوش اضرار جانبية كتير

ازاى بقى انا اقدر اوظف منتجى انى اغطى الاحتياجات دى ..... هى دى الدعايا

اية مميزاتك ؟ أو يقولك اية و اللى يخلينى اختارك؟

المعرفة : انك عارف كتير عن السوق والادوية

الثقة بالنفس و دى طبعا حاجة مهمة جدا فى الشغل

انك شخص عندك قول عند الاخرين فبالتالى عندك القدرة على تكوين علاقات مع الناس ودى حاجة مهمة جدااااااااااااااا فى الشغلانة دى

وانك تكون hard worker او work under stress

انك بتقدر تشتغل لوقت طويل جدا من غير ما تتعب

انك امين جدا فى شغلك و مخلص لشركتك

اية هى عيوبك؟

انت ممكن تجاوب علية بطريقتين:

الطريقة الاولى: انك تقول الميزة و كأنها عيب ، ازاااااااااااااااااى؟

يعنى مثلا تقولة مشكلتى يا دكتور بجد اننا بهتم اووى بالتفاصيل يعنى كل دكتور اعملة فايل او ملف عندى فية كل المعلومات الخاصة بية و دة بياخد منى مجهود كبير ووقت

مشكلتى اننا ممكن انسى نفسى فى الشغل بدل ما بعمل 10 زيارات اعمل20

طيب الطريقة التانية؟

انك تقولة على عيب فيك بس ملوش اى علاقة بالشغل ؟ ازاى؟

مشكلتى يا دكتور اننا بهتم اوووى بالكورة و بسمع ماتشات كتير

مشكلتى اننا مليش اصحاب خالص

مشكلتى اننا صعب اوى اثق فى الناس

طيب انهى طريقة افضل ؟

الطريقة التانية ....طيب لية؟

لان الطريقة الاولى انك تقولة على مميزاتك و كانها عيوب هو كدة بيعرف انك سورى يعنى بتصيع علية

لية عاوز تسيب شركتك و تيجى هنا ؟

تقولة :اولا انا يا دكتور بطبيعتى اننا طموح جداااااااا و بدور على الافضل لى وبتمنى انى اكبر فى المجال دة و اكون فى شركة مجهودى يبان فيها اكتر

ثانيا يا دكتور انا دايما بحسب الفايدة اللى هاتعود على ( مرتب اعلى او عربية او انسنتف )

متقلقش مش عيب انك تقول كدة كلنا بنشتغل عشان الفلوس وهو كمان اللى بيعمل معاك الانترفيو لو جتلة فرصة يروح شركة تانى فلوسها اكتر هيروح ... طيب هتلاقية بقى على طول اداك السؤال اللى بعدة و قالك.

يعنى لو انا قبلتك دلوقتى و بعد سنة مثلا جتلك فرصة فى شركة تانية زيينا فى كل حاجة بس الفلوس هناك اكتر او مرتبها اعلى هاتسبينا و تروحى؟

من غير تفكير او تردد رد و قولة : طبعا هروح لان يا دكتور كلنا بنشتغل عشان الفلوس و دى حاجة مش عيب ... وعلى فكرة لو جاوبت اى اجابة غير كدا هيعرف انك كداب ، او انك مش طموح

يقولك قولى اى عيوب شركتك ؟

قولة بأمانة هما ناس محترمين وانا فى الفترة اللى انا كنت معاهم فيها اتعلمت منهم كتيير بس انا بدور دايما على الافضل ليا .

مثلا لية مفكرتش انك تشتغل فى صيدلية او معمل او عيادة بيطرى او اى حاجة غير الريب ؟

يا دكتور تتفق معايا ان كل

Career لية qualifications معينة تتناسب معاة ؟

يقولك اة طبعا

تقولة وحضرتك تتفق معايا ان كل واحد مهم اوى بالنسبالة انة يعرف امكانياتة دى تتناسب مع انهى

career عشان يعرف يختارصح؟

هايقولك اة طبعا

تقولة تمام انا من ساعة ما دخلت الكلية و انا شايف ان المجال دة هو اللى هاقدر انجح فية واقدر اثبت نفسى فية و يتناسب مع امكانياتى

مفكرتش تروح شركة مالتى لية ؟

تقولة يا دكتور الشركة المالتى دى زيها زى اى شركة تانية كلها شركات ادوية

و حضرتك عارف احنا عاملين زى لعيبة الكورة

ممكن نحترف فى شركة واحدة طول عمرنا لو حسينا بالراحة و الاستابلتى

و ممكن نروح كذا شركة

طيب ممكن يديلك قلم و يقولك بعهولى او موبايل تعبان و يقولك بعهولى ؟

ركز معايا بقى فى الحتة دى ... قبل ما اجاوبك على السؤال دة عاوزك تعرف الفرق بين كلمتين مهمين جدااااااااااااا

Features and benefits

Feature يعنى الخصائص

Benefis يعنى الفائدة

يعنى اية الكلام دة ؟

يعنى لو انا بتتكلم مثلا عن الموبايل بتاعى

هاقول ان موبايلى فية بلوتوث فبالتالى انا بقدر ابعت صور و اغانى لاصحابى و هما كمان يبعتولى

( موبايلى فية بلوتوث ) دى feature خاصية

 (اقدر ابعت لاصحابى ) دى بقى الـ benefit الفايدة اللى هاتعود على من الخاصية دى

مثال تانى

اللاب توب بتاعى سعة الذاكرة فية 400 جيجا ( feature ) فبالتالى ممكن احمل علية كل اللى انا عاوزة ( benefits ) تمام فهمتوا النقطة دى ؟

طيب نرجع بقى للسؤال بتاعنا اللى هو لو اداك موبايل و قالك بعهولى ؟؟؟

ترد تقول اية ؟

طيب مساء الخير يا دكتور انا ......من شركة نوكيا ..انا كنت عاوز اسأل حضرتك يا ترى اية امكانيات الموبايل اللى حضرتك بتفضلة ؟؟؟؟

( انت بتسألة السؤال دة عشان تعرف needs بتاعتة اية فى الاول )

هو طبعا هايرد يقولك كذا ..............

تقولة تمام يا دكتور عشان كدة انا يشرفنى انى اكلم حضرتك عن موبايل ......

اللى فية خاصية البوتوث Feature ) )............

اللى بيها تقدر تبعت لاصحابك صور و اغانى (benefit ).................

كمان يا دكتور بيشيل اكتر من 500 اسم (feature ) .............

فبالتالى ممكن تسجل علية كل اسماء اصدقائك و زمايل حضرتك فى الشغل ( benefit)..........

و كمان يا دكتور.................

و تكمل كلامك بالنظام دة

feature و benefits بس المهم انك تعمل cover لل needs اللى قالها فى الاول ... لو انت يا برنس جاوبت السؤال دة بالطريقة دى اعتبر نفسك اشتغلت

طيب لو سألك وقلك رتبلى من حيث الاهمية ( اسم الشركة / المندوب / الدواء / الـ tools زى البرشور او العينات مثلا اية الاهم فالمهم ؟)

ان المندوب رقم واحد هو اهم حاجة فى الشغل

ثانيا الدواء

ثالثا الـ tools

رابعا الشركة

لو قدامك دكتورين واحد بيكتبلك 8 علب فى اليوم و التانى بيكتبلك علبتين فى اليوم تزور مين اكتر؟؟؟؟؟

انا طبعا يا دكتور هاكون مركز اكتر مع اللى بيكتبلى 8 لان دة هو اللى هايجبلى التارجيت بتاعى هو دة اللى انا معتمد علية لكن طبعا يا دكتور اللى بيكتب علبتين بس دة افضل فرصة قدامى اننا اعمل جروث كويس فى البيع بتاعى لانى مش بشتغل عشان التارجيت و بس لا انا لازم اعمل جروث و ارقامى كل شوية تزيد.

طيب لو قلتلك تشتغل فى مكان غير بلدك او منطقتك تقول اية ؟

قولة طبعا اوافق ....متقلقش هو مش هيخليك تشتغل فى حتة تانية انت جاى تعمل انترفيو على مكان محدد هو عاوزك فية بس هو

لو انت اتزنقت فى التارجت و الشهر خلص منك خلاص ممكن تحرق ؟

لا طبعا مش هاحرق حتى لو انت هتعمل كدة

هيقولك لكن انت اتزنقت خلاص و الشهر بيخلص ؟

تقولة المندوب الشاطر ميستناش لما الشهر يخلص المندوب الشاطر هو اللى يأمن نفسة من الاول

لو صاحبك اللى معاك فى الاريا عرفت انة بيعمل " false visi" ..... هتعرفنى ولا لا ؟

الاجابة اللى هو عاوز يسمعها كلمة واحدة : انك هتقولة عن صاحبك

 قالنا شايف نفسك فين بعد 5 سنين من دلوقتى ؟ او ممكن يقولك اية اللى انت ممكن تضيفة للشركة ؟

تقولة انا يا دكتور الحمد لله بحب شغلى جدا و حابب انى اكبر و جوايا طموح غير عادى

فشايف نفسى ان شاء اللة هأكبر و اكون سوبرفايزور و بعدين ديستريك عن طريق ارقامى انى اجيب تارجتى و اعمل جروث كويس و اكيد الشركة بتقدر الحاجات دى و بتعرف تختار المتميزيين و ترقيهم .

لو قالك تحب تبقى رأس ذيل زرافة و لا راس غزالة ؟

انت بقى لو جدع تقولة لا طبعا يا دكتور احب اكون ذيل غزالة

طب لية؟

عشان انا لو ذيل زرافة ممكن بعد شوية اكبر وابقى ظهر الزرافة و بعدين ابقى رقبة الزرافة لحد ما ابقى راس الزرافة لكن لو انا رأس غزالة خلاص مينفعش اكبر تانى

اية اكتر لون بتكرهة ؟

تقولة مثلا الاحمر

يقولك طيب لو قولتلك ان اليونى فورم بتاع شركتنا احمر بنطلون و قميص احمر ؟ هتعمل اية ؟ هتلبسة؟

الاجابة انك تقولة طبعا هلبس اليونى فورم لان دة شغل مفهوش هزار مفهوش بحبة و بكرهة

رأيك لو لبست بدلة صفرا مثلا ؟

يا دكتور اشوفها البسها قدام المرايا و اشوف رأى صاحبى مثلا عليها اية .

لو اتخطبتى و خطيبك قالك تسيبى الشغل هتعملى اية؟

طبعا الاجابة النموذجية انك توريلة انك عندك شخصية قوية وتقوليلة انك من الاول هكون متفقة مع خطيبى على اننا مش هسيب الشغل و اللى اولة شرط اخرة نور وازنقية بقى قبل ما يقطع عليكى وقوليلة ولو رجع فى كلامة عن اللى اتفقنا علية يبقى مش دة الشخص اللى يناسبنى لانة طالما رجع فى كلامة فى الصغيرة ..بكرة هيرجع فى كلامة فى الكبيرة.

لو دخلتى عند الدكتور و عاكسك ؟

الاجابة معروفة و سهلة انك هتوقفى الدكتور عند حدة بشخصيتك القوية تعرفى تصدى الدكتور دة او اى حد تانى يفكر يعمل كد

لو انت رايح اجتماع فى الشركة و صاحبك حصلتلة حادثة ؟ تروح لصاحبك ولا الشركة؟

طبعا الاجابة المفروض تقولها انك هتعتذر عن الاجتماع و هتروح لصاحبك لان دة الواجب

ولو قعد يقولك الشركة و الاجتماع

اديلة على طول الكلمة دى : قولة ممكن حضرتك تكون مكان صاحبى لا قدر اللة و انا صاحبك تفتكر ممكن تسامحنى لو انا سبتك فى الموقف دة و رحت الشركة  على فكرة مش هينطق بعديها تانى

لو قالك دكتور مش بيكتبلك و كل ما تزورة يقولك بكتب تتصرف ازاى ؟

تقولة يا دكتور احرجة بالذوق اقولة يا دكتور مش مسمع فى الصيدلايات تحت او الشركة عملت ورايا  و قالتلى مش دة مستوى الكتابة بتاع الدكتور فلان.

طيب لو سألك و قالك ان الدكتور اللى بتزورة قالك الدوا بتاعك غالى ترد تقول اية ؟

طبعا تقولة طيب يا دكتور غالى بالنسبة لاية ؟

لو قالى انة ميستحقش السعر لانة مش قوى يعنى ... فكدة انا محتاج اكلم الدكتور عن الدوا من الاول

لكن لو قالى هو كويس بس غالى على المريض ... لا ساعتها بقى هغير المسج "طيب يا دكتور هل كل مرضى حضرتك ميقدروش يشتروة" يقولى لا طبعا مش كلهم اكيد فيهم ناس تقدر ... طيب يا دكتور انا عاوز بقى الناس دى وحتى اللى ميقدروش ممكن يشتروة بالشريط يا دكتور.

لو سألك اية اهمية الصيدليات فى الشغل ؟

تتابع منها حركة البيع بتاعتك و تعرف مين الدكاترة الكويسين فى المنطقة ممكن تعرف منها اللاحتيجات بتاعة الدكاترة وممكن تجمع معلومات عن المنافسين بتوعك

 اخيرا فى شوية اسئلة ممكن الواحد يتسألها بس للاسف انا مقدرش اساعدكم فيها لانها بتختلف من شخص للتانى؟

زى اية

طبعا لو انت شغال فى شركة

هيسألك عن الادوية بتاعتك والميدكال بتاعها؟

هيسألك عن ال compitators ليك؟

هيسالك عن اشهر الدكاترة فى منطقتك ؟

ممكن طبعا يسألك تتوقع مرتبك يبقى كام؟ عشان كدة لازم تسأل علية قبل ما تروح

ممكن يقولك تعرف اية عن شركتنا ؟

 طيب اخيرا عاوز اقول حاجتين:

اولا الكومتى: دى عبارة عن اية دة بيكون انترفيو عادى بس مع 3 او 4 او5 و كلهم بيسألوك

المهم انك تكون مركز اوى و تبص للدكتور اللى بيسألك و لما واحد تانى يسألك تسيب الاولانى و تركز مع التانى وهكذا متخفش منهم اعتبرة انترفيو عادى بس مع كذا واحد

فى حاجة تانية اسمها full day assessment بتتعمل فى الشركات المالتى دى بتكون عبارة عن اية ؟

اولا verbal assessment : ودة عبارة عن قطع انجليزى و عليها اسئلة بوقت و فى مواقع كتير ممكن تدربك عليها و بتكون سهلة جدا

ثانيا Numercal assessment : ودة اسئلة رياضيات و برضوا بتكون سهلة

واخيرا Iq test او بيسموة اختبار ذكاء و دى زى فوازير كدا بس بيكون سهل اوووووووووووووى

 اسئله عامة في الإنترفيو للخريج الفريش :

حبيت ابدا كلامى من البدايه خالص من اول عمل ال C.V وحتى عمل المقابله النهائيه ان شاء الله

في كام حاجه كده مهمه ف السي في لازم ناخد بالنا منها واحنا بنعمله:

1- طبعا لازم يكون منظم وشيك بس بالاضافه لده لازم يكون مختصر يعنى الناس اللى بتعمل سي في صفحتين وتلاته ده مش شيء كويس ولا حاجه بالعكس خير الكلام ما قل ودل وبكلمتين ممكن نختصر كل اللى احنا عايزين نقوله عشان يدل على اننا ناس فاهمه وبنعمل ال GO TO THE POINT صح

2- الخبره بتتكتب من الاحدث للاقدم

3-  حاجه مهمه جدا ومعظم الناس بتقع فيها .. لازم نراعي الدقه المتناهيه ف كتابة السي فيعنى فى ناس تكتب ف اللغه الانجليزيه FLUENT وده طبعا غلط جامد جدا لان ده معناه انك بتتكلم انجليش زى ولاد البلد بالظبط وده مش بيحصلي يفضل تكتب جيد جدا احسن عشان محدش يمسك عليك غلطه وكذلك بالنسبه للخبره ف الكمبيوتر والاوفيس ... ودى تعتبر اهم حاجه الناس بتدقق عليها ف السي في .

في البداية:

1-اول ما تدخل االأنترفيو لازم شيك هاند قوى جدا مع interviewer لان دة دليل انك مش خايف منة و بعد االنترفيو كمان.

2-لازم تكون باصص علية طول الوقت interviewer مع contact eye

3-الكرسى اللى انت قاعد علية بعد ما تقوم الزم ترجعة مكانة تانى جوة الترابيزة

انت ممكن تقول اننا شخص تافة و مهتم بشوية تفاهات بس صدقنى حاجات بسيطة زى كدة بتفرق اوى و خصوصا فى الشركات المالتى

4-اوعى تقعد تهز فى رجلك و انت فى االنترفيو دليل قوى انك مهزوز و خايف

5-اوعى موبايلك يرن و انت فى االنترفيو يفضل انك تقفلة قدامة اول ما تيجى داخل عشان تبينلة انك بتحترمة.

نيجى بقى للاسئلة :

لازم تعرف كويس ان لكل سؤال هدف عاوز يعرف حاجة معينة فى شخصيتك من خالل السؤال دة مش مجرد اسئلة عبيطة و خالص

لو انت عرفت و فهمت الهدف من ورا السؤال يبقى انت كدة يا معلم خالص عديت و هاتعرف تجاوب علية اجابة نموذجية ….تمام؟

سؤال ممكن نواجهة هو كلمنى عن نفسك شوية ؟ و ممكن فى الشركات المالتى يبقى عاوزك تكلمة عن نفسك باالنجليزى ؟

خلى بالك هو مش عاوزك تحكيلة انت بتحب اية وال بتكرة اية و ال عندك كام اخ او باباك او مامتك بيشتغلوا اية ؟

هو عاوز يعرف انت هاتعرف تبيع نفسك لية وله لا؟ او هتعرف تتكلم عن نفسك بطريقة كويسة و منظمة و له لا؟

طبعا مفيش فورما ثابتة لاجابة السؤال دة لانها بتختلف من واحد للتانى بس انا ممكن اكلمكم عن العناصر اللى تتكلموا عنها:

… اسمك ….. دراستك

ur skills and qualifications

Ur work history

…. لية انت عاوز تشتغل فى الشركة بتاعته؟

طبعا متقلوش عشان هى شركة حلوة لا دة غلط.. فى كلمات و عبارات تانية ممكن تستخدمها حتى لو بالإنجليش

ur company is a leader company (not good company) and for front in making promotion for wonderful products and I hope to be part of ur team.

سؤال دايما  بنتسالة و خصوصا لو فريش ...تعرف اية عن الدعايا ؟ اية مفهومك عن الدعايا ؟

تقولة يا دكتور الدعايا دى بأختصار انك بتعمل

Satisfying to your customer needs

يعنى اية الكلام الغريب دة ؟

يعنى الشخص اللى قدامك عندة احتياجات معينة و انا بحاول اوظف مميزاتى انى اغطى الأحتياجات دى بطريقة سليمة

الدكتور اللى قدامى مثال عاوز دواء فعال و سريع و ملوش اضرار جانبية كتير ازاى بقى انا اقدر اوظف منتجى انى اغطى الاحتياجات دى …..هى دى الدعايا.

اية مميزاتك ؟ اية اللى يخلينى اختارك انت بالذات ؟ او يقولك انا قدامى 20 سى فى اشمعنى اختارك انت؟

طبعا كلها سؤال واحد بصور مختلفة ازاى تجاوب علية؟

طبعا في مميزات كتير ممكن تتكلم عنها بس المهم تكون ليها علاقة بالشغل زى مثال

المعرفة : انك عارف كتير عن السوق والأدوية الثقة بالنفس و دى طبعا حاجة مهمة جدا فى الشغل

انك عندك القدرة على تكوين علاقات مع الناس و دى حاجة مهمة جدااااااااااااااا فى شغالانتنا دى انك hard worker او work under stress

انك بتقدر تشتغل لوقت طويل جدا من غير ما تتعب انك امين جدا فى شغلك و مخلص لشركتك و حاجات كتير طبعا ممكن تكلمة عنها

اية هى عيوبك؟

كتير مننا مش بيعرف يجاوب عن السؤال دة و بيتلغبط جدا

انت ممكن تجاوب علية بطريقتين:

الأولى: انك تقول الميزة و كأنها عيب………… ازاااااااااااااااااى؟ يعنى مثال تقولة مشكلتى يا دكتور بجد انى بهتم اووى بالتفاصيل يعنى كل دكتور اعملة فايل او ملف عندى فية كل المعلومات الخاصة بية و دة بياخد منى مجهود كبير ووقت

مشكلتى اننا ممكن انسى نفسى فى الشغل بدل ما بعمل 10 زيارات اعمل20 تمام ؟ دى طريقة

طيب الطريقة التانية؟

انك تقولة على عيب فيك بس ملوش اى عالقة بالشغل ؟ ازاى؟ مشكلتى يا دكتور انى بهتم اوووى بالكورة و بسمع ماتشات كتير.

مشكلتى اننا مليش اصحاب خالص. مشكلتى اننا صعب اوى اثق فى الناس.

طيب انهى طريقة افضل ؟

الطريقة التانية ….طيب لية؟

ان الطريقة الاولى انك تقولة على مميزاتك و كانها عيوب هو كدة بيعرف انك سورى يعنى بتصيع علية ………..تمام؟

طيب طالما انت شغال فى شركة كذا ؟ لية عاوز تسيب شركتك و تيجى هنا ؟ ترد ازاى ؟

الطبيعى انك طبعا مقدم على شركة احسن بس متتقلش كدة

امال تتقال ازاى ؟

تقولة :اولا انا يا دكتور بطبيعتى طموح جداااااااا و بدور على الافضل لى وبتمنى انى اكبر فى المجال دة و اكون فى شركة مجهودى يبان فيها اكتر

ثانيا يا دكتور انا دايما بحسب الفايدة اللى هتعود على (مرتب اعلى او عربية او انسنتف )

متقلقش مش عيب انك تقول كدة كلنا بنشتغل عشان الفلوس و هو كمان اللى بيعمل معاك الأنترفيو لو جتلة فرصة يروح شركة تانى فلوسها اكتر هيروح طيب هتلاقية بقى على طول اداك السؤال اللى بعدة و قالك يعنى لو انا قبلتك دلوقتى و بعد سنة مثال جتلك فرصة فى شركة تانية زيينا فى كل حاجة بس الفلوس هناك اكتر او مرتبها اعلى هاتسبينا و تروحى؟

من غير تفكير او تردد رد و قولة : طبعا هروح يا دكتور كلنا بنشتغل عشان الفلوس و دى حاجة مش عيب

على فكرة لو جاوبت اى اجابة غير كدا هايعرف انك كداب ………….او انك مش طموح دى الأجابة الصح

طيب ممكن يسال سؤال مثال لية مفكرتش انك تشتغل فى صيدلية او معمل او عيادة بيطرى او اى حاجة غير الريب ؟

ترد تقولة اية ؟ يا دكتور تتفق معايا ان كل

career

qualifications لية

معينة تتناسب معاة ؟

يقولك اة طبعا

تقولة و حضرتك تتفق معايا ان كل واحد مهم اوى بالنسبالة انة يعرف امكانياتة دى تتناسب

مع انهى عشان يعرف يختار career

صح؟

هايقولك اة طبعا

تقولة تمام انا من ساعة ما دخلت الكلية و انا شايف ان المجال دة هو اللى هاقدر انجح فية و اقدر اثبت نفسى فية و يتناسب مع امكانياتى

لو قالك لية يا … مفكرتش تروح شركة مالتى ؟

تقولة يا دكتور الشركة المالتى دى زيها زى اى شركة تانية كلها شركات ادوية و حضرتك عارف احنا عاملين زى لعيبة الكورة

ممكن نحترف فى شركة واحدة طول عمرنا لو حسينا بالراحة و االأستابلتى ………و ممكن نروح كذا شركة

ممكن يديلك قلم و يقولك بعهولى او موبايل تعبان و يقولك بعهولى ؟

ركز معايا بقى فى الحتة دى …قبل ما اجاوبك على السؤال دة عاوزك تعرف الفرق بين كلمتين

مهمين جدااااااااااااا

Features and benefits

يعنى الخصائص Feature يعنى الفائدة Benefis

يعنى اية الكلام دة ؟ يعنى لو انا بتتكلم مثال عن الموبايل بتاعى

هاقول ان موبايلى فية بلوتوث فبالتالى انا بقدر ابعت صور و اغانى الصحابى و هما كمان يبعتولى موبايلى فية بلوتوث ( دى )

خاصية feature ( اقدر ابعت الصحابى دى بقى ال الفايدة اللى هاتعود على من الخاصية دى … benefit )

مثال تانى

اللاب توب بتاعى سعة الذاكرة فية 400 جيجا ( feature ). فبالتالى ممكن احمل علية كل اللى انا عاوزة ( benefits ).

تمام فهمتوا النقطة دى ؟

طيب نرجع بقى للسؤال بتاعنا اللى هو لو اداك موبايل و قالك بعهولى ؟؟؟

ترد تقول اية ؟

طيب مساء الخير يا دكتور انا من شركة نوكيا .. انا كنت عاوز اسأل حضرتك يا ترى اية امكانيات الموبايل اللى حضرتك بتفضلة ؟؟؟؟ انت بتسألة السؤال دة عشان تعرف (needs) بتاعتة اية فى الاول

- هو طبعا هايرد يقولك كذا

تقولة تمام يا دكتور عشان كدة انا يشرفنى انى اكلم حضرتك عن موبايل اللى فية خاصية البوتوث ( feature ) اللى بيها تقدر تبعت الصحابك صور و اغانى (benefit ) كمان يا دكتور بيشيل اكتر من 500 اسم (feature ) فبالتالى ممكن تسجل علية كل اسماء اصدقائك و زمايل حضرتك فى الشغل( benefit) و كمان يا دكتور و تكمل كلامك بالنظام دة feature و benefits بس المهم انك تعمل تغطيه لل needs اللى قالها فى الكول لو انت يا برنس جاوبت السؤال دة بالطريقة دى اعتبر نفسك اشتغلت لأنه هايعرف انك بروفيشنال.

طيب لو سألنا الدكتور وقالنا شايف نفسك فين بعد 5 سنين من دلوقتى ؟ او ممكن يقولك اية اللى انت ممكن تضيفة للشركة ؟

الأجابة واحدة فى الحالتين:

فاكرين لما قولتلكم ان كل سؤال وراة هدف … الهدف اللى وراء السؤال دة حاجتين

1- هو عاوز يتأكد انك مش هتسيب الشركة

2- عاوز يشوف طموحك واصل لحد فين

طبعا الاجابة النموذجية انك تقولة انا يا دكتور الحمد للة بحب شغلى جدا و حابب انى اكبر و جوايا طموح غير عادى

فشايف نفسى ان شاء اللة هأكبر و اكون سوبرفايزور و بعدين ديستريك عن طريق ارقامى انى اجيب تارجتى و اعمل جروث كويس و اكيد الشركة بتقدر الحاجات دى و بتعرف تختار المتميزين و ترقيهم.

طيب لو قالك تحب تبقى ذيل زرافة و ال راس غزالة ؟

جاوب

انت طبعا شايف انة سؤال اهبل بس صدقونى اتسأل كتير لناس قبل كدة !!!!!!!السؤال دة وراة هدف

هو يقصد يقول  تحب تبقى سوبرفايزور فى شركة بير سلم وله مندوب فى شركة كبيرة !!!!!

انت بقى لو جدع تقولة لا طبعا يا دكتور احب اكون ذيل زرافة

طب لية؟

عشان انا لو ذيل زرافة ممكن بعد شوية اكبر و ابقى ظهر الزرافة و بعدين ابقى رقبة الزرافة لحد ما ابقى راس الزرافة

لكن لو انا رأس غزالة خالص مينفعش اكبر تانى سؤال اهبل تانى

اية اكتر لون بتكرهة ؟ تقولة مثال الاحمر

يقولك طيب لو قولتلك ان اليونى فورم بتاع شركتنا بنطلون و قميص احمر ؟ هاتعمل اية ؟ هاتلبسة؟

عارفين الهدف اللى ورا السؤال دة اية ؟ هو عاوز يعرف لو ضغط عليك فى الشغل انك تعمل حاجة بتكرهها مثال تزور دكتور مبتحبوش؟ تنزل منطقة وحشة مبتحبهاش ؟

االأجابة انك تقولة طبعا هالبس اليونى فورم لان دة شغل مفهوش هزار مفهوش بحبة و بكرهة

طيب لو سأل الدكتور و قالنا على فكرة البدلة اللى انت لابسها دى شكلها مش اوووى لونها تقليدى اية رأيك لو لبست بدلة صفرا مثال ؟ طبعا حاجة فى منتهى الهبل بالنسبالة بدلة صفرا دانا البس بدلة الأعدام الحمرا و ملبسش بدلة لونها اصفر هو عاوز يشوف هل انت شخص مرن flexable االأجابة النموذجية انك تقولة يا دكتور اشوفها البسها قدام المرايا و اشوف رأى صاحبى مثالاً عليها اية ؟ كده انت بتثبتلة انكnot solid man الشخص مرن ممكن تيجى بالكلام ودى حاجة مطلوبة طبعا فى الشغل

طيب السؤالين الجايين دول بقى للبنات

ممكن يسأل…يقولها لو اتخطبتى و خطيبك قالك تسيبى الشغل هاتعملى اية؟

طبعا الأجابة النموذجية انك توريلة انك عندك شخصية قوية و تقوليلة انك من الأول هاكون متفقة مع خطيبى على اننا مش هاسيب الشغل و اللى اولة شرط اخرة نور و ازنقية بقى قبل ما يقطع عليكى و قوليلة و لو رجع فى كالمة عن اللى اتفقنا علية

يبقى مش دة الشخص اللى يناسبنى النة طالما رجع فى كلامة فى الصغيرة ..بكرة هايرجع فى كلامة فى الكبيرة

طيب لو سأل….لو دخلتى عند الدكتور و عاكسك ؟

طبعا االأجابة معروفة و سهلة انك هاتوقفى الدكتور عند حدة بشخصيتك القوية تعرفى تصدى الدكتور دة او اى حدنى يفكر يعمل كده

فى سؤال بقى مهم جداااااااااااا لو انت رايح اجتماع فى الشركة و صاحبك حصلتلة حادثة ؟ تروح لصاحبك ولا الشركة؟

طبعا االأجابة المفروض تقولها انك هاتعتذر عن االجتماع و هاتروح لصاحبك لأن دة الواجب لو قعد يقولك الشركة و الأجتماع

اديلة على طول الكلمة دى : قولة ممكن حضرتك تكون مكان صاحبى لا قدر الله و انا صاحبك تفتكر ممكن تسامحنى لو انا سبتك فى الموقف دة و رحت الشركة على فكرة مش هاينطق بعديها تانى

ودول شوية أسئلة بيتسال فيها اى حد سواء كان اشتغل دعايه قبل كده أو لا

1- قوللى success story عملتها ف حياتك

وده من اشهر اسئلة المقابلات واهم حاجه انك تكون محضر حاجه انت نجحت فيها جدا جدا وتكون سابت علامه ف حياتك ويكون محدش قبلك عمل زيها قبل كده زى انك تكون دخلت دواء مستشفي محدش عرف يدخله فيها قبل كده او اى مثال تانى

2- ايه العيوب والمميزات اللى فيك

وده برضه سؤال مشهور جدا وخلى بالك لازم تكون صريح جدايعنى في ناس تقولك قول كل المميزات وتقول مفيش عيوب فيا قال يعنى ده دليل على الثقه بالنفسده طبعا غلط جدا ده بيبقي دليل على كذبك وخداعك لازم تقول العيوب اللى فيك وبصراحه ( بس متتوصاش اوى يعنى متشردش نفسك هههههههه)المميزات المهمه للشغل طبعا كلنا عارفينها زى النشاط والطموح والغيره على شغلك والتنظيم ف شغلك

3- اسئلة كشف الكذب

ودى بتبقي اسئله غير مباشره اللى قدامك بيحاول يعرف منها انت ممكن تكذب على مديرك او تتبع طرق ملتويه ف الشغل ولا لا ومعظمها اسئله ممكن كلنا نقع فيها بسهوله مثال : لو انت شغال على دوا فيه side effect  بسيط اوى ومش مضر تماما بصحة المريض زى زياده طفيفه جدا ف النبضات مثلا ونادرا ما يظهر على المريضه تقول للطبيب عليه ولا لأطبعا بدون تردد حضرتك هتقول لا طبعا مادام هو عرض جانبي بسيط عشان الدكتور ممكن يخاف وميكتبش الدواءوقعت يا حلو : هيقولك افرض جه المريض اشتكى للدكتور من الحاجه دى والدكتور خاف ودخله عنايه مركزه مش لو كنت قلتله م الاول كان زمانه عرف وطمن المريض وثقته فيك زادت ..كده انت خسرت الراجل الصراحه مهمه مهما كانت

4- سؤال مهم :

هيقولك افرض انت كان عندك مقابلتين ف يوم واحد وجينا احنا اتصلنا بيك احنا والشركه التانيه ف نفس اليوم وكل واحد فينا اداك offer والشركتين زى بعض ف كل حاجه ما عدا الراتب هما اكتر مننا هتروح فين

طبعا حضرتك هتقول هاجى معاكم طبعا انتو احسن وانتو اكبر والشركه فيها استقرارهيقولك لا احنا الاتنين زى بعض ف كل حاجه مفيش فرق غير الراتب ساعتها اوعى تتردد ... قول هروح معاهم طبعا ... كلنا بنشتغل عشان الفلوس ومادام هما زيكم وعرضهم احسن هروح معاهمده هيبقي دليل على صراحتك لان ده شيء طبيعي واللى بيعمل معاك المقابله نفسه لو جاله عرض احسن ف شركه تانيه هيروح .. والله انا كان عندى اتنين مديرين كل واحد فيهم ساب الشركه وراح مكان احسن ههههههههه بس لازم تضيف حاجه تقول لو انا اديتكم وعد وقولتلكم ان معاكم ساعتها مش هخلف وعدى عشان تبين انك انسان محترم

5- سؤال للى مشتغلش دعايه قبل كده

هيديك اى حاجه تعبانه زى قلم قديم او موبيل قديم ويقولك بيعهولىاهم حاجه ف عمليه البيع انك تعرف اللى قدامك ال needs بتاعه ايه ف الاول قبل ما تعرض عليه الحاجه دىوتقوله جمله حلوه اوى...يعنى لو حضرتك لقيت حاجه بالمواصفات دى هتشتريهاهيقولك اه طبعا... كده انت زنقته .. تقوم تعرض عليه المميزات اللى ف الموبيل مثلا واللى تتوافق مع احتياجاته كده هو ادبس واشترى غصب عنه

6- لو حد طلب منك هديه معينه عشان يمشيلك شغلك هتعمل ايه

طبعا الاجابه معروفه بس الاهم منها سببهاهتقول لا طبعا ومش عايز منه شغل والشغل مش هيقف على شخص واحد وفي غيره كتيروتانى حاجه تقول ماهو لو لبيت طلبه بكره يطلب طلب اكبر وبعده طلب اكبر واكبر

7- سيبت شركتك القديمه ليه او عايز تسيبها ليه

ده سؤال للاسف معظمنا بيجاوبه غلط بانه بيقعد يعدد ف عيوب شركته القديمهاهم شيء نتكلم عن اى مكان اشتغلنا فيه قبل كده باحترام شديد مهما كانت عيوبهموالعيوب المسموح ذكرها واللى اى حد ممكن يتقبلها وميمسكهاش عليك غلطه انك تقولوالله المرتب ضعيف شويه وومش بناخد training  كويس ف حبيت اشتغل ف شركه تكون مدرسه استفيد منها واتعلم فيهاانا عن نفسي قلت الكلام ده ف شركتى اللى انا فيها دلوقت بس اضفت على كده انهم كانوا ناس محترمين واتعلمت منهم حاجات كتير برضه وياريت تكون سايب ذكرى حلوه ف شركتك القديمه عشان لو اتصل بحد منها ...مكن ده يحصل

8- ايه اللى ممكن تضيفه بشغلك معانا للشركه

ده سؤال صعب شويه بس الاجابه عليه لازم تكون منظمههتقول انا طبعا الحمد لله طموح جدا وبحب شغلى وغيور عليه جدا واظن ان مفيش حد كتير كده اليومين دولواهم حاجه انى احاول ان شاء الله احقق اللى محدش قبلي حققههيقولك زى ايههتقوله انى اكتشف اماكن جديده ممكن يتباع فيها الدواء بتاعى مكنش حد بيبع فيها قبل كده واهم حاجه انك تحقق ال target  وتعمل growth كمان يعنى تبيع اكتر من السنه اللى فاتتيعنى لازم تكون عارف تارجتك كويس وبيع السنه اللى فاتت عشان تعديهموحاجه مهمه برضه انك لازم تكون عارف بيع ال competitors بتوعك وايه الاماكن اللى هما بايعين فيها وانت مش بايعوهى دى الطريقه اللى ممكن تكتشف بيها اماكن جديده

9- هيقولك مكان حسابه مقفول مع الشركه ومش بنبيعله هتعمل فيه ايه

اوعى تقول هبدل ...يبقي قفلت الانترفيو من قبل ما يبداالجواب بسيط جدا انت هتعمل اللى عليك وتشتغل وتعمل prescription عاليه عشان تضغط على الصيدلي يشترى دواكولو مشترهوش ييجي دورك بعلاقتك الكويسه وخفة دمك وال FOLLOW UP بتاعك انك تقنع الراجل يجيب الدوا بتاعك مهما كان

10- سؤال مهم جدا

عندك 3 دكاتره كل واحد بيشوف 10 حالات واحد بيكتبلك 8 والتانى 6 والتالت 2 هتعمل معاهم ايه هتزور مين اكتر وليهالسؤال ده مهم جدا لانه هيبين طريقة تفكيركفي ناس كتير تقولك هزور اللى بيكتب 8 اكتر عشان ده هو اساس شغلى وهو اللى بيجيبلي ال targetده كلام سليم واللى بيكتب اتنين هزروره مرتين ف الشهر عشان مش بيجيب شغل كويس ده كلام مش سليمهنا لازم تقول كلمه حكمه ان اللي بيكتب اتنين ده هو اكبر فرصه ليك عشان يعملك growthانت بتحدد ال potentiality بتاع الطبيب من حاجتيتن .. عدد الروشتات اللى بتطلع منه .. وبيكتبلك منهم اد ايه وطبعا كلنا عارفين التقسيمه بتاعتهم

11- طبعا من اهم الاسئله والمشهوره جدا هتحرق ولا لأ

الاجابه برضه معروفه بس اهم حاجه التفسير... لازم تقول انك راجل مجتهد وتقدر تجيب شغلك بنفسك ومش محتاج تحرقهيقولك انت مش محقق يا بندق .. قوله المندوب الشاطر يقدر يبيع من اول السنه وميزنقش نفسه وعارف هو المفروض يبيع كام من اول السنه وربنا ميجيبش شر ...هههههههه

12-سؤال تانى صعب جدا جدا

ممكن يقولك لو حد من زمايلك شفته مش بيشتغل او بيعمل حاجه غلط ف الشغل زى انه بيحرق مثلا هتيجي تبلغنى ولا لأطبعا الاجابه الصح للاسف انك تقول هبلغ عنهبس انا عن نفسي اتسالت السؤال ده ف واحد من اكبر الشركات وقلتلهم مش هبلغ طبعا انا هقعد معاه وانصحه واقنعه ان ده غلطوطبعا متقبلتش والراجل قالي ف سره طريقك صحراوى يا حج ...هههههههههه... بس بيني وبين نفسي كنت مستريحبس لو عايز تحرجه بقه بجد... قوله المفروض مديرنا يعرف الحاجات دى من نفسه لان دى شغلته هو مش شغلتى انا وانا احب اركز ف شغلى وبس

13 -اشهر سؤال واسف انه جه متاخررتب حسب الاهميه وليه : الشركه , المندوب , الدواء

الاجابه النموذجيه هو الترتيب ده 1- المندوب 2- الدواء 3- الشركهطبعا المندوب هو اهم حاجه لانه هو اللى في ايديه الشغل كله ومن غيره مفيش حاجه هتموالدواء تانى حاجه لانه الطبيب مش هيكتب دواء عشان خاطر الشركه وانما عشان المنتج كويسومين اللى هيوضحله ان المنتج كويس ... المندوب طبعا بشخصيته ولباقته وقدرته ع الاقناع عشان كده المندوب جه قبل الدواءلان ممكن يبقي دواء كويس جدا ومندوب ضعيف يخلى الناس مش مقتنعه بيهبس يبقي دواء كويس بس الطبيب يكتبه عشان خاطر المندوب اقنعه بيهوبكده تيجي الشركه ف المرتبه الاخيره والاجابه دى على ضمانتى

14- يفضل لما تكون رايح تعمل مقابله على دواء معين انت عارفه انك تقرا ف ال MEDICAL شويه عشان احتمال كبير سالك عن المرض نفسه

15- سؤال تانى هيقولك لو اشتغلت ف مكان غير بلدك توافق ولا لا او عندك اى قيود جغرافيه ف توزيع الشغل؟

طبعا لازم تقول لا معنديش انا مستعد اشتغل ف اى مكان.. وبرضه ممكن تضيف انك بتفضل مكان معين عن غيره دى مش عيب خااااااااالص

16- ده بالاضافه للاسئله الخاصه بعلاقتك وشخصيتك مع الناس لازم تكون صبور وتكون مستمع جيد للى قدامكويكون دمك خفيف وتحافظ ع البريستج بتاعك مع الناس يعنى متجيش على نفسك عشان واحد طلب منك طلب لانك صوره لشركتك

طبعا في اسئله تانيه كتير ممكن تتسالها بس اجابتها منطقيه ومعروفه ودي حاجه مش مستاهل ذكرها انا حبيت اعرض عليكم الاسئله اللى ممكن ننخدع ونجاوبها غلطبس ارجع واقول اهم حاجه الصراحه الشديده ومتخليش حد يحرجك وحاول دايما انك تكون ايجابي ومتخليش اللى قدامك يمسك الحوار طول الوقت وانت بتستقبل وبسحاول انت كمان تساله عادى او تفتح اى مواضيع معاه عشان دى مهمه جدا ف انك بتيبنله انك راجل LEADER وانك لبق وتقدر تقنع اللى قدامك وممكن ييجي ف الاخر يقولك تحب تسالنى سؤال.. يفضل انك متقولش لا.. خليك جريء واديله سؤال متين كده ... اشمعنى هو يعنى ما حضرتك بتتهرى اسئله م الصبح

وان شاء الله لوحد عايز ممكن اعمل PRESENTATION بسيطه فيها عرض لل BASIC SELLING SKILLS عشان الزملاء اللى ما اشتغلوش دعايه قبل كده ياخدوا فكره عن الموضوع ويكون فيها برضه طريقة الكلام المثاليه والتعامل مع الناس وكيفية الحديث بطريقه Professional

 اسئله للناس القديمة اللى اشتغلت قبل كدا في المبيعات:

-----------------------------

نييجي للاسئله اللى ممكن يتسالها اى حدا مننا كان شغال دعايه قبل كده طبعا بالاضافه للاسئله اللى قبل كده كلها في كام سؤال بسيط كده زياده

1- طبعا اول واشهر سؤال بعد الاسئله اللى فاتت انه هيقولك اعملى CALL  ع الدواء بتاعكوا؟

طبعا انا مش هقولكم تعملو CALL ازاى بس احب افكر نفسي وافكركم ببعض الحاجات المهمه جدا

قبل ما تبدا في اى CALL اول شيء لازم تعمله انك تحضر CASE من دماغك لطبيب معين ودى عباره عن 3 حاجات

A-Doctor Perception

اللى هى نظره الطبيب للدواء بتاعك هل هو عارفه وبيكتبه ولا عارفه ومش بيكتبه ولا مش عارفه اصلا وبيكتب دواء غيره

B- Desired Outcome

وده طبعا عباره عن هدفك اللى انت عايز توصل الطبيب ليه انك تصححله معلومه او توضحله حاجه هو عايزها منك

C- Needed Action

ودى هى الطريقه اللى هتعملها عشان توصل لهدفك زى انك تعرض عليه دراسه ع الدواء بتاعك مثلا تخليه يقتنع بدواك او

صدقنى لو كلنا بدانا ال call كده يبقي الباقي سهل وطبعا باقي ال call مهم جدا واهم حاجه فيه how to handle dr. objections ودى طبعا كلنا عارفين نعملها ازاى بس لازم نكون مستعدين لاى اعتراض من الطبيب بس لازم نكون good listenerطبعا

2-  سؤال تانى ممكن يقولك ايه اهم حاجه ف ال call انت شايف انها ممكن تقنع الطبيب بالدواء؟

من وجهة نظرى ان اول حاجه معرفة ال needs  بتاع الطبيب و اهم حاجه how to handle his objection in a proffessional style & how to take commitment

3- ايه اللى بيميزك ف شغلك عن غيرك وازاى تقدر تحقق ال target بتاعكو ده نفس السؤال اللى ممكن يقولك فيه ايه اللى ممكن تضيفه للشركه؟

 وازاى طبعا احنا قلنا قبل كده ايه اللى ممكن تضيفهاما ازاى دى ف طبعا عشان انت راجل خبره لازم ساعتها تخلى ادامك 3 حاجات هى سر نجاحك ف شغلك

A- Sales Review

ودى طبعا زى ماكلنا عارفين عباره عن البيع بتاعى شهر بشهر وبيع السنه اللى فاتت شهر بشهروال TAREGET بتاعى اكون مقسمه شهر بشهر او كل 3 شهوردى طبعا عشان تبين انك راجل منظم وتعرف تحقق اهدافك ازاى

B- Bussiness Plan

طبعا لازم تكون عامل جدول لبيع الدواء بتاعك وبيع ال competitors عشان تبين انك عارف السوق ماشي ازاىوانك واعى لكل اللى حواليك وتقدر تحسب ال Market Share بتاعك

C- Forcast

ودى طبعا الحاجه اللى مسببالنا التعاسه الابديه ف شغلنا ...هههههههههههبس نعمل ايه لازم تبين انك محدد انك هتبيع كام وامتى وفين عشان تبين انك راجل محترف

لو حددت ال 3 حاجات دى ف كلامك يبقي انت كده راجل عارف هو عايز ايه وهيعمل ايه

وارجع واقول تالت ان اهم حاجه الثقه والكلام بهدوء عشان منغلطش كتير والصراحه الشديده

هنقول بعدها جالك تليفون من الشركه : الو .. ايوه يابطل... استعد انت عندكfull day assessment و ده بيبقي final interview و غالبا بيبقي ف مقابلات الشركات المالتى ناشيونال وف السفر للخارج يا ترى ايه هو ال  full day assessment

طبعا باين من اسمههو عباره عن مقابله طويله من الصبح للمغرب تقريبا مع حوالى اربعه من ال top managersوده بيحصل لما يتوافق على اكتر من واحد ويبقوا عايزين يا خدوا منهم عدد معين

Full Day Assessment

1-Intellegence Questions

ودى عباره عن اختبار ذكاء غالبا ما يكون عباره عن مسائل حسابيه تحتاج لسرعه ف الحلبيديك معطيات كتير ف الاول وبعدين اسئله عليها... الموضوع مش انك تحل بسرعه وده الغلط اللى بيقع فيه كل الناساولا هو بيديك مثلا 60 سؤال ونص ساعه زمن الحل ...كده نظريا وعمليا مستحيل تخلص كل الاسئلهومش الصح انك تحل بسرعه عشان تحل اكبر عدد ممكن من الاسئله ... لأالصح انك تختار الاسئله السهله اللى تحلها لانه غالبا بيحطلك اسئله طويله ف الاول تعطلك ... ف انت ببساطه اى سؤال طويل فوته بدون تردد وخش ف اللى بعده عشان تحل اكبر عدد ممكن... انما اللى بيحل بالترتيب بيكتشف ف الاخر انه حل عدد قليل جدا من الاسئله

2- Language Questions

ودى ببساطه اسئله عامه ف اللغه الانجليزيه لازم حضرتك تكون مستعدلها كويسوبتبقي عباره عن paragraph وعليه اسئله عشان تبين تمكنك من اللغه

3- Round Table Discussion

ودى بقي اصعب جزء ف المقابله بيخليك تقعد مع زمايلك اللى بيعملوا المقابله معاك ف نفس اليوم ويديكم topic معين ويقولولكم اتكلموا مع بعض فيهساعتها لازم يكون عندك مباديء تمشي عليهالازم تكون leader وتشارك بفعاليه ف الموضوع وتحاول انك تكون الوسيط بينهم وتجمع بين افكارهم وتضيف فكرتك ف الاخر ويا سلام لو انت اللى تقفل الموضوع يبقي انت كده بقيت ال prince بتاع القعده

4- Case Study

ودى اطول جزء ف اليومبيديك case لوضع معين للدواء بتاعك ف السوق ويديلك كل المعلومات عن ال market ف ملف ممكن يوصل لعشرين صفحه وبيديك حوالى ساعه ونص تقرا فيه الملف وساعه ونص بعدها تحضر في presentation تكتب فيها حل المشكله اللى مديهالك وبعدها يا بطل يديك نص ساعه تقوم تعرض ال presentation بتاعك ادام حضرات المديرين

طبعا اهم حاجه وانت بتتعامل مع ال case اللى قدامك انك تحدد ال potentiality  بتاع الدكاتره وتحدد عدد زيارات لكل واحد وتحدد هتحل مشكلتك ازاى بطريقه professional ودى طبعا هتيجي من خبرتك ف التعامل مع المشاكل اللى قابلتك قبل كدهاهم حاجه وانت بتعرض الpresentation  تكون واثق من نفسك وتتكلم بهدوء و ياريت الانجليش بتاعك ميكونش فيها اخطاء لغويه خالصومهم جدا انك تكون محدد اهدافك ف السوق اللى لازم تكون طموح فيها وتكون واقعي ف نفس الوقت وتكون محدد نفسك بزمن معين عشان تبين انك راجل منظم

5- call

ممكن يخليك تعمل call تانى ف اخر اليوم بس مش ف كل الاحيان

هل الميديكال ريب للبنات كويس ام لا ؟

الميديكال ريب للبنات وحش... !!!

اولا لازم نوضح للدكاتره البنات اللي مقبلين ع الكارير ( مسار وظيفي ) بضعة أشياء في غاية الأهميه :

العمل في الدعايه الطبيه قد يتضمن

أ. مواعيد عمل غير ثابته قد تكون لوقت متأخر أحيانا.

ب. سفر متكرر قد يشمل :

+ الـ training الخاص بالشركه ( اجباري )

+ الـ meetings غالبا تكون اسبوعيه ( اجباري )

+ الـ cycles ليها تعريفات مختلفه حسب كل شركه ولكن غالبا تكون سفريه ترفيهيه فالدرجه الاولى ( حسب الشركه )

+ السفر داخل الايريا ( منطقة العمل المطلوب من المندوب تغطيتها في الدعايه ) و بتكون داخل المحافظه اللي انت/انتي ماسكها لو معاك محافظه كامله (الشركات ايريتك بتكون مدينه واحده اللي انت ساكن فيها لكن تشمل سفريات قصيره للارياف المحيطه بالمدينه ).

ج. تعامل مع زملاء عمل أو customers ( عميل ) او assistants ( الطاقم المساعد للطبيب ) من الجنسين مع وجود احتمال ليس بضعيف مقابلة شخصيات من كافة العقليات المستقيم منها و المعتدل والملتوي.

تلك المقدمه تقودنا للأسئله الأشهر لزملائنا المقبلين على هذه الوظيفه من الfemals :

 "هو انا هتأخر بره فعلا لحد الساعه 12 مثلا؟"

الاجابه بكل بساطه هي اه و لا

حكاية التأخير دي كلها مرتبطه بشخصية مديرك بالدرجه الاولى يليها شخصيتك انتي.

أعتقد ان اي مدير على درجه من الرجوله مش هيسمح ان بنته او اخته الصغيره او ايا يكن كبنت إنها تتأخر عن وقت معين عن اهلها او بيتها.

لو مديرك بنت فدا غالبا ما يكون فصالحك لأنها عاشت تجربة المندوب قبل كدا.

لكن : للأسف بعض المديرين و عن دراية تامه باللي بقوله دا ممكن يأخر دكتوره مندوبه لحد الساعه 1 بالليل و بوجه خاص لو نازل معاها دابل فيزيت ( المدير بينزل مع المندوب لعدد من الاسباب للاطباء المهمين )

طب ايه السبب فكدا؟

-السبب مش لان لازم تتأخر لحد الوقت دا عشان تزور دكتور معين .. أكيد في معاد بالنهار او معاد بدري للبنات للزيارات او ممكن ينزار فمستشفى ف الAM ( الفتره الصباحيه ) ولو فعلا زيارته متأخر كدا يبقا بلاشه خالص

-السبب هو فيكي انتي!

انتي من الاول لازم توضحي لمديرك انك مينفعش تتأخري عن الساعه كذا لانك لو موضحتيش النقطه دي هيبدأ يديكي تاسكات ( مهمات ) ممكن تتعدى ما هو متاح ليكي ... وتوضحي انك عندك Time Management ( اداره وقت ) كويسه وانك قادره تشوفي بدايل لزيارة الطبيب فوقت بدري.

- مع العلم إنه مش عيب ولا حرام اننا نلاقي بنت لحد الساعه ١ص فشغلها!

-"انت بتقول ايه؟؟! اذاي بنت تقعد لحد الساعه ١ص فالشارع؟؟" - كتير ممكن يردوا بالسؤال دا بطريقه تهجميه

هو صح إيه اللي يقعد بنت لحد الوقت دا فالشارع؟

طب هو إيه اصلا اللي نزل البنت تشتغل ميديكال ريب من أصله؟

- السبب قد يكون سبب من دول او كذا سبب منهم او كلهم!

١. في بنات كتير و سيدات فتحين بيوت بالقرشين اللي بياخدهم بعد المرمطه واللف و الدوران و الحرق و التحايل للي يسوا و ميسواش.. و مش شرط تقولك كدا ممكن بكل بساطه ترد عليك تقولك بشتغل عشان نفسي.

٢. فعلا في بنات بتشتغل عشان نفسها ... مش كل البنات هتتجوز و تقعد فالبيت و مش بعد خدمة اربع ولا خمس سنين فالكليه تقدر بسهوله تقولها قوري محشي!

مع العلم في شركات كتير في الماركت معتمده إعتماد قد يكون شبه كلي على الfemales في الدعايه الطبيه و في supervisor و HR و product managers ( مديرين بدرجات مختلفه في شركات الادويه ) بنات و سيدات... ممكن تبقى زميلتك فالشركه و محققه اعلى منك وانت تمشي وهي تترقى!

٣. حب الفضول و تجربة مجال جديد ... دا شيئ موجود فينا كلنا بس كلنا عارفين يعني ايه فضول بالنسبه للبنات .

٤. الوظيفه مسمهاش مندوب دعايه طبيه ...  دي مجرد ترجمه لكلمة medical Representative ومن حلاوة الانجلش ان كلمة ذي دي تنفع male و female.

٥.انت مال طنطك "ههه"

نقطه تانيه مهمه... "اللبس"

غالبية الشباب كلاسك و كرافات + جزمه بتلمع و شنطه جلد دا لأن فعلا كل الشباب نسخه طبق الاصل في الفيلد.

بينما البنات هتلاقي كل الدرجات فاللبس! ... "أنا بستغرب قوي اذاي بنت تلبس اللي بتلبسه دا اصلا؟؟ "

كلمه بنسمعها كتير .. بس سؤال بسؤال.. هو لو مش مندوبه كان بقا اوكي يعني عادي وبعدين الاوفر بالنسبالك نورمال "طبيعى" فعين غيرك والعكس هي مسائل نسبيه مش اكتر!

اي نعم سعات بنشوف مناظر أوڤر فعين الشباب و البنات "عافانا الله وإياكم" نتيجة ان البنت مديرها او ايا يكن بيبرمجها انها بتسوق نفسها قبل ما بتسوق المنتج و دا فكره صحيح ايا كان بنت او ولد فعلا انت بتسوق نفسك ثم المنتج بس دايما خليك/خليكي سلعه غاليه مش سلعه رخيصه.

- في دكاتره بنات زملاء منهم اعرفها معرفه شخصيه و منهم مجرد بشوفهم فالايريا بيكونوا لابسين الخمار! ... اه والله و محدش اجبرهم ع لبس معين او ايا يكن و البنات دي best achievers ( اكثر المندوبين بيعا ) و في بنات لابسين بدل وربنا عادي جدا!

- اما بالنسبه للنقاب فللأسف صعب بل يكاد يكون من المستحيل العمل كميديكال ريب! مش عشان فكر تعصبي او حاجه لكن لان فعلا الدعايه عباره عن Human Communication في المقام الاول ولن يتحقق ذلك الا بالـ Body language النابعه من تعابير وايحائات الوجه .. وما قولته لا ينفي وجود مندوبات منقبات يعملن في المجال منذ سنوات و لكن هي فقط الصوره بوجه عام!

- نقطه مهمه فاللبس بس :

الملابس ايا كانت لا تعكس خلق مرتديها او تمثله باي صله لكن ان كانت لك عين فللناس أعين.

وأخيرا سواء بنت أو ولد متجربش مجال معين او تقرر تبعد عنه نهائي نتيجة لكلام ناس انت متعرفهمش او حتى تعرفهم و رجاءا متحكمش ع شخص او شيئ او مجال معين بدون انك تتعامل او تدخل المجال دا بنفسك و تشوف.. جايز تكرهه و تسيبه.. جايز تكره و تفضل فيه لانك مضطر.. جايز تحبه و تكمل فيه و جايز تحبه و تسيبه لانه غير ملائم لظروفك الحاليه!

*أخيراً كلا ميسر لما خلق له*

نصائح من ميدكال ريب كتير

1- متخليش حد ييأسك انت علوم أو بيطري الشغلانه شغلانتك اشتغالها بقلب جامد

2- حاول تعرف كذا شغلانه بمعنى تحاليل -كميائي -مديكال ريب علشان لو ماعرفتش اكمل في المديكال تلاقي حاجه تانيه

3- يفضل انك ماتشتغلش في cosmetic خليك في pharmaceutical أفضل

4- الكوزموتيكس مابتديش خبره كتير ولا معلومات كتر فبالتالي مش هتفهم الماركت

5- ماتقعدش في شركه مش حاببها أكتر من 6 شهور العمر مش بعزقه

6- اهنتم بالانجليزي الانجليزي هو بوابة مجال الميديكال

7- ماتفلصش دكتور كبيير في اريتك

8- ماتفلصش دكتور يعرف حد من مديرينك

9- ماتفلصش دكتور اسبوعين ورا بعض حاول يبقى اسبوع واسبوع

10 – البس كويس بس ماتبقاش اوفر خليك شيك الشركات تحب المندوب الشيك

11- اتعرف على طوب الارض وانت في الاريا زمايلك – الصيادله – الاسيستانت

12- خليك تنح -رزل الشغلانه دي مش محتاجه الطري

13- اشتغل في شركات اصنافها معروفه في السوق لوكال بس كبيره

14- لو عملت رقم 13 ليك فرصه كبيره تشغل في multinational

15- لو عملت رقم 13 و14 ممكن تسافر بره مصر

16- ماتسافرش السعوديه السعوديه بتفنش وبتفلس والحياه قميئه ومزريه خصوصا لو عازب (( عوايل يامحماا))

17- لو هتسافر يبقى بالتدريج قطر- الامارات – الكويت ولو معرفتش يبقى تعالى السعوديه

18- ولو جيت السعوديه حاول تشتغل في الرياض – جده - الدمام – مكه – مدينه لمصلحتك علشان ماتتسوحش

19 – اشتغل لو الشغل ماجبش نتيجه احرق لايكلف الله نفسا الا وسعها وماتحرقش في اريتك

20- الشركات المالتي هتعلمك يعني ايه تبقى ميديكال ريب فاهم

21 – الشركات الصغيره عايزه منك فلوس وخلاص مالهاش دعوه تبقى فاهم ولا لا

22- أشتغل على حاجات مهمه سكر – ضغط – مضاد حيوي -قلب – جهاز هضمي – اعصاب -عظام (( بلاش مساج جل مالوش لازمه ))

23- حاول تحلل شغلك حلل التارجت -حلل السيلز -بتاع الشهر اللي فات والسنه اللي فاتت -اعرف الgrowth – اعرف IMS -PPG-LPG

24 – اتعرف على صيدلي الفرع -صيدلي التليسيلز – مدير التليسيلز -ال تلي زيلز نفسه ارقام تليفوناتهم متحده -ابن سينا – المصريه -فارما -كريم

25 _ ماتشتغلش في شركه مابتديش عربيه العربيه tool مش منحه ولا رفاهيه للمندوب العربيه زي البروشور والجروب ميتينج حاجات بتساعدك علشان تحقق

26 – اتعرف على المخازن اللي في اريتك الله اعلم ممكن تحتاجها

27- أشتغل كذا اريا مختلفه فرصتك في الرقيه هتبقى افضل

28- خليك اجتماعي مع مديرك حتى لو هو رزل حسسه انك بتحب الشغل الدنيا ماشيه بالحب

29 – ماتتعلقش بشركتك عاطفيا شوف مصلحتك فين مافيش عواطف في الشغل

30- ما تتكلمش في السياسه في الشغل ماتعملش زي كنت هجيب لدكتوره ازمه قلبيه لما اتكلمت معاها وفتحت فيها

31-حاول تشتغل في تخصصات زي ophthalmology حاجه جمال كده زيارات سهله وعلاقات احسن

32- مش اي مندوبه تسألك على حاجه تبقى معجبه بيك

33- القهوه جزء لا يتجزأ منك هي اللي هتحتويك لما دكتور يتأخر

34- لو الشركه قالتلك احلق دقنك وانت شغال يبقى الشركه دي تعبانه في مخها شوف غيرها ماتفرطش في دقنك هو المندوب ايه غير دقن وشوية حاجات فوق بعضها

35- ماتشتغلش لوحدك شوف صاحب ليك واشتغلوا مع بعض هتهونوا على بعض كتيير بس مايبقاش  .competitor