تكمله لسلسله "تجروبتى مع كليه العلوم" هحكى ليكم النهارده عن تجربه جديده لزميل لينا فى سنه رابعه قسم حشرات اسبيشيال ... اتمنى تستفيدوا.
اسمي محمد ناصر الدين محمد رابعة حشرات اسبيشيال.
1- انا اول ما دخلت كلية سمعت كلام جميل جدا مقولكش من ضمنه "أن كلية صعبة و تبقى محظوظ لو عديت من غير مواد".
2- المهم ملكش دعوة بأي كلام تسمعه أن كلية صعبة وهتموت وكده اصلا مفيش كلية علمية سهلة بس لو زاكرت هتنجح مش مزاكرة اللي هية تموت نفسك على الأقل تتابع.
3- اول ترم كان بالنسبه ليا اتقل ترم بسبب كله انجليزي وانا كنت عربي فعانيت جامد جدا بالرغم ان اول أسبوع كان في دكاترة مبتدخلش فأنا استغربت افتكرت أن طول الترم هيبقى كده حلو يعني اتضح اني غبي ... من تاني أسبوع عينك ما تشوف إلا النور و هتلاقى كمية امتحانات مش طبيعية ميدتيرمات على كويزات وفاينل هتلاقى كله ورا بعضه لو رتبت وقتك هتعرف تتابع دكاترة ونفس الوقت تقدر تخش ايفنتات تفيدك في كلية بس لازم على الأقل تتابع مرة في الأسبوع اللي بيتاخد وشد تحت لازم ده 100 خط .
4- أنا الحمد لله بفضل الله جبت امتياز أولى وامتياز تانية وكنت 11 في ترتيب لما اتخصصت بقيت حشرات اسبيشيال جبت امتياز تالتة وحاليا انا التاني في الترتيب.
5- انا مش بقولك كده عشان تعمل زيي برحتك طبعا بس ممكن بسهولة تجيب جيد جدا تنظيم وقت بس لأن كلية مش هتديك وقت خالص.
6- بالمناسبة انا كنت في أولى في حاجات مبحضرش محاضرتها وفي تانية بردو وكنت مشترك فى دورة البينج في أولى ... يعني كان في وقت بضيعه وفي تانية اشتركت في بطولة كرة قدم تبع كلية وخدنا مركز تالت ذاكر وعيش حياتك وربنا يوفقكوا.
يشكر فريق الموقع صاحب التجربه Muhammed Nasser Eldein
