الموضوع
ده مهم جدا لكل طالب وخريج لانه بيحكى عن قصه حياه طالب حقيقيه مر بيها من
اول دخوله الكليه حتى تم تعيينه وأنا وفريق علومنجى دوت كوم سمناها بالاسم
ده لانها فعلا تعتبر حكايه (قصه زى بتاعه طه حسين كده) والهدف من الحكايات
دى اولا الافاده يعنى هتفهم انت ممكن تمر بايه وازاى تتغلب عليه وثانيا
تفادى أخطاء الغير وثالثا خبرات مش بتيجى فى يومين لا دى خبره سنين زى ما
بيقولوا ... اتمنى تستفيدوا وتفيدوا الغير بالسلسله دى تحت مسمى "فيد
واستفيد".
# نصيحة لكل الخريجين الجدد والطلاب (حكايه طالب)
ودى هى الحكايه :
ماذا قال العزبي (من أوائل الثانوية العامة 2011) لطلبة
علوم بعد تخرجه:
احمد عبد الرحمن العزبي هو خريج قسم فيزياء منفرد يوليو 2015
وأحد أوائل القسم وهو من اوائل الثانوية العامة 2011 علمى رياضة.
عندما طُلب من توجيه رسالة لطلبة علوم الجدد في
نفس عام تخرجه قال :
ليه اختار العزبي (من اوائل الثانوية العامة ) كلية
علوم ؟!!
انا كنت من اوائل الثانوية العامة 2011 , علمي رياضة بصورة
أخرى , دخلت علوم بمزاجي يعني , بعد لما فضلتها على كل الكليات الحكومية العادية ,
بداية من بترول لحد هندسة وحاسبات , زائد منح الجامعات الخاصة زي الجامعة
الألمانية والبريطانية وغيرها ولكن إذا عرف السبب , بطل العجب , أنا دخلت علوم
ببساطة جدا عشان : أنا بحب الفيزيا النظرية و الرياضيات التطبيقية ومفيش أي كلية
تانية هدرس فيها الكلام ده غير علوم , يعني هندسة مثلا كانت هتبقى بالنسبالي مجرد
تطبيق لعلوم وكنت دايما هفضل حاسس بنقص بـاختصار , العلوم الأساسية هي كيان أساسي
مليء بكل ما يمكن تصوره , حاجة ممكن فعلا تتدرس , عكس نظرة المجتمع هنا , وكمان
دراستها وشغلها شيء أساسي لباقي الفروع الاخرى زي الهندسة وكمان نقطة مهمة , إن مش
عيب أبدا حد يدرس حاجة هو بيحبها مهما كانت , على العكس , ديه اهم خطوة في نجاح
الإنسان في دراسته وحياته لاحقا إن الإنسان يبقى حابب اللي هو بيعمله , يحس انه مش
مجبور عليه أنا عارف إن فيه ناس كتيرة داخلة الكلية غصب عنها , بس ديه مش نهاية
الكون , وهتلاقي فيها تخصصات تشبع رغباتك العلمية , وطول ما إنت حابب الحاجة , بعيدا
عن نظرة المجتمع ليها , هتقدر تتميز فيها أو على الاقل هتبقى مش متضايق لما “تضيع
عمرك ” فيها
إزاي تنجح في علوم ؟
إزاي تنجح في علوم “من وجهة نظري” الموضوع بسيط جدا , بس لازم
نفرق بين نقطتين , تنجح دراسيا وتنجح علميا تنجح دراسيا , فهيا زيها زي أي كلية , تهتم
بالعملي واعمال السنة والمحاضرات , وتتدرب على شكل الامتحان وتاخد بنصايح الدكاترة
في كل مادة يعني ( مذاكرة امتحان من الآخر يعني) وديه وإن كانت مش مسلية ومش مشجعة
فهيا لا بد منها , وهتضمنلك تقدير كويس تنجح علميا , ده هيتم عن طريق إنك تعرف
إزاي تذاكر الحاجة , ليه بتاخد المادة ديه في الفرع ده ؟؟ علاقة الفرع ده ببقي
الفروع إيه ؟ طيب ليه النظرية ديه كده؟ كانوا بيفكروا إزاي قبليها ؟ طيب إيه
الفلسفة اللي وراها؟ وطبعا ده مش بيجي من مذاكرة الملازم أنا شخصيا كنت بحب إلى
جانب كتب الثقافة العامة , كنت بحب اذاكر الحاجة من مراجع , أيوه الكبيرة اللي
تخوف ديه , بس كانت مسلية ومفيدة وشاملة عن الملازم , وكمان النت بقى مليان مصادر
علم ملهاش أول من آخر لإن الوقت مهما كان في المحاضرة عمره ما هيقفي إنك تغطي الحاجات
المهمة كلها , وده بقى دورك إنت , إنت مش بتيجي مستمع بس إنت بتيجي “تتعلم” , وديه
عملية متكاملة ما بين مجهود الدكاترة والمعيدين واعضاء هيئة التدريس عامة , وبينك
إنت واللي إنت بتبذله وبتعمله عشان تتعلم , وما تقلقش هتلاقي ناس كتير تساعدك وتقف
معاك , سواء زمايلك أو اكبر منك أو دكاترة , مش لوحدك يعني وده هيجي بـإنك اهم
حاجة , تكون حابب اللي إنت بتعمله
عن علوم والشغل
أصلا الخلاصة حب اللي إنت بتعمله , الثانوية العامة مش مقياس
عشان تحكم على علوم إنها وحشة , وخلي عندك هدف قدامك ولو على الشغل , ما تقلقش , رزقك
هو هو , سواء دخلت علوم أو دخلت غيرها يعني لو مكتوبلك تشحت , هتشحت برده حتى لو
مهندس بترول
