معلوماتك الاساسيه عن التحاليل الطبيه (لكل مبتدئ)

بِسْــــــــــــــــمِ اﷲِالرَّحْمَنِ الرَّحِيم

التحاليل الطبيه فى مجموعات علشان تبقى عرفت اسم التحليل وكمان عرفت هو بيتعمل امتى وازاى وكمان بعض الحالات المرضيه المهمه اللى ممكن تقابلك اثناء العمل وده كله فى هذا الموضوع الطويل لكن الشيق اللى بيضم معلومات اساسيه عن التحاليل الطبيه "توكلنا على الله"

الفحص الدوري الشامل General Check up Profile

1. صوره دم كامله — Complete Blood Count
2. سرعة سرعه الترسيب– ESR
3. سكر صايم– Fasting Blood Sugar
4. الكولسترول — Cholesterol
5. الدهون الثلاثية — Triglycerides
6. الكلسترول النافع — HDL
7. الكلسترول الضار — LDL
8. البولينا– Urea
9.  Creatinineكرياتنين
10. Uric Acid النقرس
11. بول كامل — Urine
12. فحص براز — StooL

تحاليل السكري Diabetes Profile

1. سكر صايم — Fasting Blood Sugar
2. سكرالدم فاطر — Glucose Post Prandia
3. اختبارمنحى السكر — Glucose Tolerance Test
4. الهيموجلوبين السكرى-HBA1C
5. الدهون — Lipid Profile
6. الكولسترول — Cholesteroll
7. الدهون الثلاثية — Triglyceride
8. الكلسترول الضار –LDL
9. الكلسترول النافع -HDL

وظائف الكلى Kidney Function Profile

1. البولينا– Urea
2. الكرياتنين — Creatinine
3. النقرس — Uric Acid
4. الصوديوم — Sodium
5. البوتاسيوم — Potassium

وظائف الكبد Liver Function Profile

1. البيليروبين(الكلي والمباشر) — Bilirubin
2. انزيمات الكبد SGOT-SGPT-GGT
3. الفوسفاتاز القلوية — Alkaline Phosphatase
4. البروتين الكلى — Total Protein
5. ا — Albumin الزلال -A/G
6. السيوله – Prothrombin Time

القلب  Cardiac Profile

• تروبونين Troponin I — I
• CK (MB-Total SGOT – LDH

هشاشة العظم Osteoporosis

• الكالسيوم الكلي والمتاين– ( Calcium (Total-Ionized
• كالسيوم البول — Urinary Calcium
• الفوسفاتاز القلوية — Alkaline Phosphatase
• هرمون جار الدرقيه– Para Thyroid Hormone

أمراض المفاصل والمناعة الذاتية Rheumatology Autoimmune Diseases

1. سرعة الترسيب —  ESR (  Erythrocyte Sedimentation Rate)
2.                     — CRP
3. الروماتويد — RF
4. النقرس– UricAcid
5. (C3-C4) Complement — (C3-C4)

تحاليل فقر الدم Anemia Screen

•                     — CBC
• الخلايا الشبكبيه — Reticulocytic Count

تشخيص فقر الدم — Anemia Investigations

1. — Normocytic Anemia :Reticulocyte
2. — Macrocytic Anemia:

• 1-  VB12-Folate
• 2- أسباب أخرى: وظائف الكبد — Others:LiverFunction

Microcytic Anemia

Serum Iron TIBC-Ferritin

لو فيه حاجه مش واضحه فى الانواع الثلاثه ان شاء الله هوضحها فى صوره الدم الكامله

فقر دم انحلالي — Hemolytic Profile

• — البيليروبين  Bilirubin
• — Hemoglobin Electrophoresis
• — تفاعل كومبس  Coomb,s Test
• — انزيم الفول  G6PD G6PD
• — Pyruvate Kinase –  Osmotic Fragility

Leukemia Profile

1. صورة دم كامله- فيلم دم — CBC- Blood Film
2. بزل نقي نخاع العظم — Bone Marrow Aspiration
3. صبغي فيلادلفيا — Philadelphia Chromosome

تحاليل تخثر الدم Hemostatic Screen

1. مدة النزيف — Bleeding Time
2. مدة التجلط — Clotting Time
3. سيوله — Prothrombin Time :PT
4. مدة السيوله الجزئي — Partial Thromboplastin Time : PTT
5. عددالصفائح ودراسة شكلها — Platelet Count &Morphology
6. اختبار الهشاشية الوعائية — Capillary Fragility Test
7. مش عارف اسمه بالعربى — Fibrinogen

الهرمونات Hormones

الغدة الدرقية Thyroid

• T3 الكلي- T4 الكلي
• T3 الحر- T4 الحر

TSH —  Parathyroid

هرمون جار الدرقيه- PTH 

– الكالسيوم المتأين– Ionized Calcium

تحاليل العقم

العقم عند الرجال  male Infertility

• فحص السائل المنوي — Semen
• البرولاكتين — FSH-LH-Prolactine
• التستوستيرون- Testosterone — E2

العقم عند النساء — Female Infertility

• البرولاكتين — FSH-LH-Prolactine
• البروجستيرون- – Progesterone
• التستوستيرون — Testosterone
• (الشعر الزائد عند الإناث) — Hirsutism
• FSH- LH-التستوستيرون — FSH-LH-Testosterone
• هيدروكسي بروجستيرون — -OH Progesterone

قصر القامة والعملقة (ضخامة النهايات) Short Stature & Acromegaly

• هرمون النمو — Growth Hormone
• هرمون النمو بعد التحفيز
• Growth Stimulation by Clonidine&Insulin IGF-1 , IGF-BP

تحاليل الفيروسات Virology

• الحصبة الألمانية — Rubella : IgM & IgG
• الحمة المضخمة للخلايا — CMV : IgM & IgG
• حمة الحلأ البسيط — HSV(1)-HSV(2) : IgM & IgG

التهاب الكبد Hepatitis

• A : Total & IgM — A
• B : Hbs Ag – HBs Ab – Hbe Ag – HBe Ab — B
• C : IgM & IgG — C

الطفيليات Parasitology

• فحص البراز — Stool Examination
• مرض القطط – Toxoplasmose:IgM – IgG

علم الجراثيم Microbiology

1. الفحص المباشر — Direct Examination
2. الكلمه دى معناها المزارع — Culture&Sensitivity
3. السل — Tuberculosis:Acid-Fast Bacilli
4. مزرعه درن Tuberculosis Culture
5. التيفود  widal est — Typhoid
6. الحمى المالطية — Brucella
7. تفاعل رايت- مزرعه الدم Right Test – Blood Culture

دلالات الاورام

1. اورام الكبد    AFP
2. اورام البروستاتاTotal and free PSA 
3. اورام الثدىCA 15.3  
4. اورام القولون   19.9
5. اورام عامه  CEA
6. اورام المبيض CA125

دى الاورام الشائعه والمنتشره ان شاء الله اثناء الشرح بعد كده هنتوسع باذن الله

تحاليل

1. ABO تحليل الفصيله
2. RH عامل ريسس
3. HB انيما

تحاليل الاجهاض المستمر

الإجهاض المتكرر — Repeated Abortion

1- اولا  Infection :  

• التوكسوبلاسموز — Toxoplasmose : TORCH
• الحصبة الألمانية — Rubella
• الحمة المضخمة للخلايا — CMV
• حمة الحلأ البسيط –HSV

2- ثانيا Hormones :

• البرولاكتين — Prolactine
• البروجستيرون — Progesterone
• LH-FSH

تحاليل خاصه بسيوله الدم

• LUPUS ANTICOAGGULANTE

والتحليل ده بالذات بقى سبب اساسى فى حالات كتير وان شاء الله هتكلم عليه لوحده.

• Antiphospholipid antibodies -Anticardiolipin antibodies

ودول كمان مهمين بس الاول اهم وتبع برده المناعه اللى بتاثر على سيوله الدم عند الام

وبكده ان شاء الله عملنا مسح لكم كبير لعدد من اسامى التحاليل الطبيه والحالات اللى بتطنلب فيها على وجه الاجمال وان شاء الله هنبدأ نتكلم بقى على كل تحاليل منفرده وبتنسحب علي ايه والقيم الطبيعيه بتاعتها.

"عملا بالقاعده الفقيه التى تقول كل شئ فى الاسلام حلال الا ما ورد فيه نص بالحرمانيه" 

انا بقول دى ليه بقى ده حاجه انا محتاجها فى الجزء ده بمعنى اخر علشان اما احب اقول التحاليل الطبيه بنسحبها على ايه اقول.

توضيحات هامة

أولا : كل التحاليل الطبيه بسحبها على انبوبه فاضيه ماعدا التحاليل الاتى ذكرها :

دول بنسحبهم على انبوبه فيها اديتا

• Abo-rh
• hb-tlc
• cbc
• G6BD
• HBAIC
• COMBS DICT
• PCR
• HB ELCTROPHORESIS
• ACTH

الصنف التالث اللى بنسحبه على انبوبه فيها صوديوم سترات بمعنى تانى االى لونها لبنى وده لون ثابت على فكره ، والتحاليل دى هى الاتى:

• PT
• PTT
• LUPUS ANTI COAGULANT
• PROtein c and s
• ANti thrombin 3
• factors كلها

الصنف الرابع اللى ممكن مش تشوفوا غير كام مره فى حياتك اللى بينسحب على الهبارين ، والتحاليل دى هى الاتى:

• ABG BLOOD GAS
• تحاليل الكروموسومات
• OSMOTIC FRAGILITY
• كده تقريبا قولنا معظم التحاليل بتنسحب على ايه

شروط اشهر التحاليل

ش دهون الدم : 

يشترط الصيام من 12 – 14 ساعة وذلك إكمال امتصاص الدهون بالدم وأخذ النسبة الطبيعيه بالدم.

سكر صائم :

يشترط الصيام من6–8 ساعات وذلك لاكتمال احتراق السكروأخذ النسبة والمريض صائم.

سكر بعد الآكل بساعتين :

يشترط احتساب الساعتين من بداية الآكل وذلك لبدء إفرازالأنسولين مع بداية الأكل ويشترط الانتهاء من الأكل خلال 10 دقائق علي الأكثر وإذاكان المريض يأخذ علاج للسكر يتم أخذ العلاج إلا إذا كانت هناك تعليمات خاصة من الطبيب المعالج ويمكن شرب الماء فقط أثناء الساعتين.

بول المزرعة :

يشترط غسل اليد والأعضاء التناسلية بالماء والصابون ثم مرة أخرى بالماء لإزالة الصابون الزائد ثم نفرغ أول نقط بول في دورة المياه ونضع الباقى في البرطمان المعقم الذي يوفره المعمل كما يفضل الامتناع عن أخذ أى مضاد حيوى لمدة 48 ساعة لكى نعطى للميكروب فرصة للنمو ( فيحالة إرسال العينة من المنزل يجب أن تصل إلى المعمل في خلال ساعتين علي الأكثر حتى لا يموت الميكروب أو تنمو ميكروبات أخرى .

تجميع بول 24 ساعة : 

فور القيام من النوم يقوم المريض

بإفراغ المثانة كاملة في الحمام ثم يقوم بتجميع كل نقطة بول في زجاجة كبيرة أو جركن كبير وذلك حتى اليوم التالى في نفس الميعاد ويحفظ البول في الثلاجة.

بول 3 أيام متتالية أو بصاق 3 أيام متتالية : 

يعمل هذا التحليل للكشف عن ميكروب الدرن في عينات لأن الميكروب من الممكن أن يظهر في عينة ولا يظهر فى عينة أخرى. •

براز الدم الخفى : 

يمتنع المريض لمدة 48 ساعة عن تناول جميع أنواع اللحومالحمراء أو الكبدة أو الفجل أو أدوية الروماتيزم أو أدوية تحتوى علي الأسبرين أوفيتامين ج أو الكورتيزون أو الحديد كما لا يسمح بأخذ ملينات والحلويات.

تحليل الدباكين أدوية الربو وأدوية الصرع : 

يؤخذ الدواء لمدة 5 أيام بانتظام وذلك بهدف الوصول بالدواء لمستوى ثابت بالدم ويشترط عدم القئ أو الإسهال لمدة 48 ساعة قبل إجراء التحاليل لأن ذلك يوف يؤثر علي الجرعة وبالتالى مستوى الدواء بالدم. تؤخذ عينة قبل جرعة الصباح لحساب نسبة الدواء في أقل مستوى ثم تؤخذ عينة أخرى بعد تناول الدواء بعدة ساعات لحساب أعلى نسبة للدواء في الدم وذلك حتى نتأكد أن الجرعة التى يتناولها المريض هى الجرعة المؤثرة دون الوصول إلى التسمم الدوائي

تحليل السائل المنوى: 

الامتناع عن الجماع لمده لاتقل عن 3 ايام ولاتزيد عن 7 ومدرسه اخرى تقول خمسه وان لايسمح بالماء او الصابون اثناء العينه وان توضع اول قذفه غى الكوب لانها اهم قذفه وان يوضع فى درجه حراره 37 .

حالات مرضية

هنا  هنحاول نربط بين شكوى المريض والتحاليل المطلوبه وناخد الكلام ده فى شكل حالات نوضوح فيها كل موضوع على حده ، والاول احب اقول اما يدخل عليك المريض هيبقى معاه روشته او مش معاه هما دول الاحتمالين :

لو معاه روشته يبقى تمام يعنى راح لطبيب.

انا بقى همسك الروشته فى ايدى واقرا التحاليل كويس وعينى تجيب اول حاجه الدكتور واعرف تخصصه لان ده هيفيدنى جداااااااااااااااااااااااااااا.

بعد كده هسئل المريض سؤال اللى هو "الف سلامه عليك يافندم حضرتك روحت للدكتور ليه كنت بتشتكى من ايه".

فى اللحظه دى هيبتدى المريض يتكلم انت بقى تركز جداااااااااااااااا كل كلمه المريض هيقولها.

انت هتستفيد منها وحتى لو كنت عارفها المريض هيستريح لانه عايز يتكلم مع حد.

تمام كده سمعت شكوى المريض تمام اربط بينها على طول وبين التحاليل مره على مره على مره هتعرف التحاليل دى امتى بتنطلب يارب يكون قصدى وصل.

طب لو مريض جاى من غير روشته:

هتقول هو انا طبيب (هقولك لا) لكن بناء على التحاليل هتعرف المريض ده عنده ايه طبعا الكلام ده فى الحاجات البسيط يعنى مش مريض قلب او جلطه وهتبدى تتعامل معاه انت يادكتور.

"انا عارف ان حضراتكم فهمين بس قول برده اقفل الطريق بتاع الشيطان ده"

******************************************************************

الحاله الاولى : الصداع

مثلا جتلك حاله بتشتكى ان عندها صداع على طول؟

اولا احب اقولك ان فيه اسباب كتير للصداع حوالى نقول سبعه بالترتيب:

• ضغط عالى
• انيما
• مشكله فى الاذن او الاسنان او الجيوب الانفيه
• نظر
• الدهون العاليه
• امور خاصه
• lDl

بص اولا انا بستبعد الاول الضغط لانه بقى مرض العصر وكمان معايه الجهاز بقيسه لقيته عالى يبقى خير وبركه ملقوتش عالى مضبوط بعمل تحليل انيما.

طيب لو مش معايا الجهاز بعمل تحليل انيما لقيته مظبوط ابعتها على صيدليه تقيس الضغط وهو بعد كده هيعرض نفسه على طبيب.

 طبعا الكلام ده بعد ما اسال المريض عندك وجع فى( اسنانك - ودانك - التهاب جيوب انفيه – نظر).

تقولى طيب نظر دى اعرفها ازاى؟

موقف : طب انا جالى طفل سبع سنوات وكان عنده صداع مستمر جدا طبعا ده مش هقيس له الضعظ بس سالته الاساله كلها لقتها تمام

فقولته حبيبى اخبار المذاكره والواجب ايه.

قالى مش عارف اذاكر .

قولت بص يا حبيبى اقرا الورقه دى كده .

قالى قربها مش شايف .

قولتله تمام هنعمل تحليل انيما كمان نطمن لقيت الانيما مظبوطه هقوله راح للدكتور اتأكد لكن غاليا هى من نظر وهتحتاج تركب نظاره.

طيب والدهون يادكتور معملهاش!  لا معملهاش

الا لو هو طلب او راح للدكتور وشك فيها

موقف : برده سيده عندها حوالى 37 سنه جت وقالت عندى صداع من عشره ايام.

سالتها فى مشكله عندك فى اى حاجه .

قالت لا.

قمت قست الضغط تمام والانيما تمام بس حصل حاجه تانيه خالص انا شكيت فى سكر ومش عارف ليه بس سالتها عن اعراض السكر.

قالت لا.

كانت طبيب متخصص باطنه جنبى بعته عليها طلب سكر وبول.

عملت تحليل السكر الصايم لقيت السكر عالى جدا قمت ضفت سبب ثامن لاسباب الصداع اعراض السكر.

******************************************************************

الحاله التانيه : وجع البطن

جالك مريض وقالك فيه وجع جامد محزم بطنى مش عارف فاهمنى وانا بقول كلمه محزم دى

المهم دا هتعمله تحليل براز هتشوف ديدان لان هى ساعات بتعمل الالم اللى من النوع ده.

ملقتش تعرف انها قولون عصبى هتقول للمريض روح اكشف عند طبيب باطنه وخد التحليل.

والمريض ده فى تحليل البراز هتلاقى عنده عسر هضم.

طيب لو عنده اميبا او اى نوع من الديدان يبقى الموضوع خلص والمريض هيعيش حياته مع الادويه والصيدليات احنا عرفنا السبب وخلاص.

طيب لو مريض جالك وقالك جنبى الشمال بيوجعنى

هشك فى ايه طبعا كلامكم صح تحليل بول كامل وان شاء الله عنده املاح.

بس نصيحه بقى المريض اللى من النوع ده اساله اعراض اللى حاسس بيها ايه علشان تزيد خبرتك اما تطلع النتيجه تزيد معلوماتك فى ربط الاعراض بالتحليل.

طيب لو جنابه الاتنين 

برده تحليل بول كامل بس خلى بالك

مش لازم الاملاح ممكن صديد انا الحمد لله اما تبعت الاسلوب اللى بقوله عليه ده

قبل ما اعمل تحليل البول بعرف سبب الوجع املاح ولا صديد .

طيب لو جنبه اليمين بس

هتزود مع البول عد دم ابيض علشان تستبعد الزايده انت كل ده انت مدخلتش فى تخصص حد .

انت عارف اما المريض ده يروح لطبيب مثلا علشان يوريه التحاليل ويديه العلاج ويلاقى دكتور التحاليل عامله التحاليل المطلوبه دى مش عايز اقولك بيبقى مبسوط منك ازاى لانك بتوفر عليه وقت كبير جدا.

يعنى لو كان فيه زائده خلص الكلام هيجهز غرفه العمليات على طول

مش بقى لو هو لسه هيروح يعمل التحليل ده وتعالى بكره يكون المريض اتقطع من الالم وممكن الزايده تكون ملتهبه وتنفجر

يعنى انت يادكتور بتساعد فى التشخيص "بس انا بسميه التشخيص الصامت"

*****************************************************************

الحاله التالته : الاطفال والديدان

لو جالك طفل والام قالتلك انه هفتان كده ووشه على طول مصفر كده

هتسالها الاتى

• بطنه بتوجعه؟
• فى رياله بتنزل منه وهو نايم؟
• انت هتبص هتلاقى حاجات بيضه فى وشه كده؟
• طيب ريحه الاستول وحشه؟
• طيب بتقولها هو بيهرش فى فتحه الشرج؟

لو الاجابه على السؤال ده بالذات (انه بيهرش فى فتحه الشرج) اه يبقى عنده دبوسيه ، لان طبعا زى مانتم عارفين الدوده الدبوسيه تخصص المكان ده بتحط البيض بتعها ابو شوكه على فتحه الشرج تخلى المريض يحس انه عايز يهرش.

والباقى هيبقى باقى الديدان

وتعمل مع تحليل اللاستول تحليل انيما كمان لا الديدان بتعمل انيما

****************************************************************

الحاله الرابعه : الدوره الشهرية

اكيد جتلك حاله قبل كده من بنت بتقولك الدوره بتتاخر عندى شهر وشهرين

على فكره الاول قبل ما اقول التحاليل البحوث الاخيره اثبتت ان الحاله النفسيه ممكن تعمل كده.

المهم هتعمل تحليل هرمونات التوبيض (Fsh-Lh ):

فى اليوم التانى من نزول الدم ووممكن اليوم الرابع

موقف : كلمتنى ام من كام يوم وقالتلى بنتى الدوره مش بتنزل الا بالعلاج

قولتلها عملتى التحاليل دى قالت عملت كل حاجه كانت كويسه قولتلها انتى متابعه مع حد قالت دكتوره نسا.

قولتلها بنتك عندها كام سنه قالت 19.

سالتها بنت عندها شعر كتير فى جسمها

قالت هى مشعره.

قولتلها روحى للدكتوره قولها تعمل هرمونات ذكوره هتلاقيها عاليه وهى دى اللى ماخره الدوره.

يبقى كده اتعلمنا ان الدوره ممكن تتاخر عند البنت فتره كبيره لثلاث اسباب

اظطراب هرمونى

اضطراب نفسى

ذياده هرمونات الذكوره

******************************************************************

الحاله الخامسه : تأخر الحمل

طبعا الحاله دى ممكن تكون بقت هى الشغل الشاغل عند الناس كلها وعند الدكاتره كمان.

 اولا اتكلم معاهم بسلاسه جدا وتفهمهم انها مساله وقت بس العامل النفسى عندهم بيبقى وحش جدا طالما وصلوا عندك معناها انهم فاض بيهم الامر.

هتسال متجوزين من امتى.

لو كان اقل منه سنه العلم بيقول ده طبيعى طالما معداش السنه.

طيب لو اكتر.

اسال حضرتكم اول مره تحللوا.

اعرف السى فى كويس بتاع المريض ولو عمل تحاليل ياريت لو تشوفها.

بعد ماتعمل مسح كامل للحاله.

هنفترض انهم معملوش خالص!

هتقول للمدام احنا مش هنحللك انتى الاول هنطمن على الباشا الاول وتحلل سائل منى طبعا وفقا للشروط اللى احنا عارفنها وااللى انا برده كاتبها فى الحلقات.

وانت بتحلل تخلى بالك من الاتى:

• السائل هيفك بعد اد ايه
• حركه الحيوانات النشطه دى مهمه جدا
• والصديد برده
• وخلى بالك من التشوهات جدااااااااااا
• الخلايا المغزيه
• والعدد يكون معدى العشرين مليون

لو كل ده تمام هتخش على المدام

هرمونات التبويض وهرمون اللبن وبعدين تقولها طريق السلامه على طبيبه نسا.

الدكتوره هتعمل الاتى:

هتبتدى تعمل متابعه للتبويض وكمان اسعه بالصبغه علشان تشوف القنوات سالكه ولا فى حاجه مسدوده وقصه كده ربنا يعافى الجميع.

******************************************************************

الحاله السادسه : الاجهاض المتكرر

زى ماقولت فوق  فيه ثلاث اسباب:

• العدوى والهرمونات والسيوله

فى الفتره دى اصبح المنتشر السيوله دى

بيبقى الام عندها مشكله فى المناعه فتفرز اجسام مضاده ضد الطفل فيتعمل زى تجلطات فى المشيمه بتخليها متقمش بوظائفها فالجنين بينزل ودى تحاليل السيوله اللى انا ذكرتها هى اللى بتبين الموضوع ده وخاصه اللوبص.

ولذلك اطباء النسا فطنوا للموضوع ده وعملوا ايه بقى بقى يدو اسبوسيد للام من الشهر الاول احتياطيا.

وسعات بس ده بقى مستبعد شويه مع الوعى الصحى الان لان ممكن تكون نتيجه الام سالبه rh ومخدتش الحقنه بس الكلام ده بقى صعب جدا الان.

 وفى بحث جديد كده قال ان البطانه المهاجره اصبحت من الاسباب الاساسيه فى الموضوع ده انا كنت خدت فى الموضوع ده محاضرات بس مش موضوعنا ومش هصدعكم بيه خلينا ماشين واحده واحده.

الاساب برده الى تزكر ان يكون عنق الرحم واسع شويه مش بيحتفظ بالجنين وبرده ده مش تبع التحاليل بس حابب اقولك على كل حاجه علشان تبقى عندك علم بالموضوع كله تمام.

******************************************************************

الحاله السابعه : الاطفال والصفراء

جالك طفل ومصفر ومش عارف تعمله ايه اول حاجه تتكلم مع اهله وتعرف فى اى امراض وراثيه فى العائله لو كانت الاجابه اه يبقى خلاص مشكلتك اتحلت.

طيب لو كانت لا

اسال السؤال التانى ده.

الصفراء دى جت امتى وهو كل قبلها ايه.

طيب هو انا اصلا ممكن اشك فى ايه (انا بتكلم على فئه الاطفال اقل من عشر سنوات):

اولا هشك اما هى صفراء عاديه خالص او الصفراء دى عرض لمرض تانى زى

انيما الفول او الثلاثيميا او انيما نتجه مرض فى الكلى او فيرس أ .

طيب انا محتاج اعمل ايه علشان اعرف افرق بيهم

اولا هتعمل تحليل انيما وده مهم جدا لان من خلاله هعرف ان السبب انيما فول او ثلاثيما ومش فيرس أ .

ملحوظه : تحليل الصفراء ده عرض اساسى لانيما الفول وثانوى لثلاثيما .

اما لو فيرس أ هتبقى الانزيمات عاليه يعنى من الاخر لو مش عارف خالص هو عنده ايه سواء من كلام المريض واهله او من الاعراض.

هعمل التحاليل الاتيه :

• انيما ولواقل من  سنوات 6 خليهم يطلعوا على اقرب مستشفى بسرعه علشان ينقل دم.
• صفراء كلى.
• فيرس أ.

وبعد كده بالسلامه على اقرب طبيب يكتب العلاج وخلى بالكم انيما الفول منتشره الفتره دى.

******************************************************************

الحاله الثامنه : ضيق ومشاكل التنفس

مريض جالك وبيقولك انا مش قادر اخد نفسى بنهج من اقل حاجه.

ده انت هتشك فى اما انيما وهى غالبا السبب الاول والمباشر لكده أو اضطراب فى الغده الدرقيه أو زياده الوزن أو دهون على الكبد.

يعنى هتعمل انيما لو قليله تبقى هى السبب وبالنسبه للدهون على الكبد

ممكن نعرفها بتحليل الانزيمات والحاله كده كده هتروح بنتيجه التحليل ده عند طبيب الباطنه هيشوف اخبار الكبد ايه ولو الجسم زياده هيمشيها على نظام اكل وممكن يديها سيدوقاج علشان ينزل اجزاء معينه من الجسم وهكذا وطبعا هيعمل اشعه او سونار علشان يطمن على الكبد.

"واسال الله ان لايضع هذا التعب هباءا وان ينتفع به من يحتاجه وانه تعالى ولى ذلك وهو القادر عليه"

وشكر خاص لـ د/هبا عاطف لان هى اللى شاركت معانا هذه المعلومات واتمنى كلنا نستفيد منها.