المعلومات الكامله عن كليه العلوم جامعه الزقازيق

بِسْــــــــــــــــمِ اﷲِالرَّحْمَنِ الرَّحِيم

نقدم لكم فى هذا المقال المعلومات الكامله عن كليه العلوم جامعه الزقازيق التى تعتبر من أهم كليات الجامعة وأقدمها وقد أنشئت الكلية عام 1974 وتضم الكلية عدد 7 أقسام والكلية تقع داخل مقر الجامعه الرئيسي و نظام الكليه هو نظام الساعات المعتمدة.

الكلية حصلت على الاعتماد والجوده السنة دى 2018 ... حيث اعتمد الهيئة القومية لضمان جودة التعليم والاعتماد كلية العلوم جامعة الزقازيق لـ «30 برنامجا لمرحلة البكالوريوس».

الكلية تقيلة حبتين كنظام و تعامل ومادة علمية ... ولاننا عندنا خبرة شوية فاحنا هنفهمك تعمل ايه وانت داخل ... من ناحية هتقدر تتعامل وتفهم النظام و تتاقلم على جونا ومن ناحية تانية تعرف نظام المذاكرة والمواد و تجيب تقدير. 

الاوراق المطلوبة للتقديم

1. اصل شهاده الثانويه العامه
2. اصل شهاده الميلاد
3. صوره البطاقه الشخصية
4. نموذج 2 جند (للطلاب الذكور فقط)
5. عدد 6 صور شخصية الطالب
6. مصاريف دراسية  + طوابع
7. صوره لبطاقة الترشيح

ميعاد التقديم

غالبا بيكون من منتصف شهر 9 حتى آخر شهر 10 من كل عام

مصروفات الكلية

حوالى 550 جنية لعام 2022/2021 .

تنسيق الكلية

فى عام 2022/2021

علمى علوم

340.0

علمى رياضة

284.0

فى عام 2021/2020

علمى علوم

393.0

علمى رياضة

326.0

فى عام 2020/2019

علمى علوم

393.0

علمى رياضة

355.0

فى عام 2019/2018

علمى علوم

385

علمى رياضة

352.5

فى عام 2018/2017

علمى علوم

379.0

علمى رياضة

 329.0

نظام الكليه

• هو نظام الساعات المعتمدة بحيث يدرس الطالب 5 مواد في السنة الأولي و كل مادة تساوي 3 ساعات معتمده ، اي يسجل الطالب 15 ساعة معتمدة للترم ، و تحسب المادة من 100 درجة ويكون التقدير كالتالي :(85 – 100) امتياز و يعادل (3.5 – 5) نقاط(75 – 84) جيد جدا و يعادل ( 2.5 – 3.4) نقاط (65 – 74) جيد و يعادل (1.5 – 2.4) نقاط (60 – 64) مقبول و يعادل (1 – 1.4) نقاط و الطالب الذي يحصل علي أقل من 60 درجة في المادة يكون راسب .
• سنة 2016 نزلت لايحة جديدة بأقسام أضافيه وجديده مش موجوده في كتير من كليات العلوم.
• اولا سنه أولى بتكون دراسه عامه ، يعنى بتدرس مواد بتأهلك للاقسام مواد جنرل .

التخصص والتشعيب

التشعيب بيكون من سنه تانيه لكل الاقسام ماعدا الاقسام المميزة (اللى بفلوس - مصروفات)

بيتعمل تنسيق داخلي وتبعا اللائحة فبيبقى التشعيب له شروط ، طب ايه هي شروطه:

1. تكون طالع سنة تانية يعني معدي 24 ساعة ( غير متطلب الجامعة لانها مبتتحسبش ) او بمعني اصح تكون معدي 8 مواد علمية.
2. التشعيب بيكون بعد نتيجة السمر يعني ال نازل سمر ميقلقش ان معدله لسة قليل.
3. التشعيب بيكون بناءا على 3 بنود

• الرغبة "رغبة الطالب"
• المعل التراكمي "تقدير سنة اولى"
• سعة القسم او التخصص "القسم بياخد عدد كام"

طيب رقم 3 دي مش فاهمينها ... بص يا دكتور النظام كالتالى
الموقع هيتفتحلك وهتسجل رغباتك زي الثانوية العامة كدا هيتفتح مثلا اسبوع و يقفل و بعدين بتترصد كالتالي: 

اللى حطوا قسم معين و ليكن مثلا كيمياء خاص كرغبة اولي (اول بند) بيروحوا جايبين اعلى ناس جايبين المعدل التراكمى (تاني بند) ويدخلوهم القسم لحد ما يتملي القسم بالعدد اللى هم محتاجينه اللى هي سعة القسم (تالت بند) ... ولما القسم يتملى هيجربوا الرغبة التانية والتالتة و الرابعة وهكذا.

طيب انا جايب مثلا 2.5 و زميلي جايب 2.4 بس انا حاطط كيميا خاص رغبة رابعة مثلا و هو حاططها رغبة اولي مين الاولي يدخل انا ولا هو لو القسم اخد من 2.4 ؟

زميلك اللى له الاولوية لانه حاططها اول رغبة ولو القسم متملاش من اول رغبة هيدخلوا اللى حاطينها تاني رغبة وملحقوش الرغبة الاولى وجايبين معدلها و بعدين يجيبوا من رغبة تالتة اللى ملحقوش رغبة اولى وتانية و هكذا لحد ما يتملي ... لكن لو اتملى برغبة اولي و تانية و تالتة مش هتدخل القسم لانك كاتبها رابع رغبة و هيشوفولك قسم تاني اللى كاتبه رغبة 5 وبعدين بعد التشعيب ممكن تحول عادي.

تنويه: متعملش الرغبات زي الثانوية العامة و تحط الاقسام العالية فوق و تنزل بالتدريج لان كدا انت لو ملحقتش اول 3 رغبات هيرميك فى اى رغبة واطية جدا زي حشرات و نبات و الحاجات دي ... معل العلم انك ممكن برضو تحول ... لكن انت عاوز قسم معين حطه اول رغبة و بعدين اللى بعده كحب مش كمعدل لان ده هيساعدكم جدا ان معدلات الاقسام تنزل عن السنين اللى فاتت و كل واحد يدخل حاجة حاببها.

لو حصل ودخلت حاجة انت مش عاوزها تعمل ايه فيه حاجة اسمها التحويل و تحويل المسار : 

التحويل:

ده بيكون بعد التشعيب مباشرة
بيكون ف حالة انك جايب معدل قسم و السيستم شعبك لقسم تاني فبتقدم طلب للارشاد الاكاديمي و منه بيعرضوه على دكتور محمد شريف و دكتور محمد العراقي و ليك الحق تدخل مش هتتظلم
عندك اي مشكلة الوكيل هيحلهالك بس بشرط انه لا يتعاض مع نظام الكلية ... بس المهم تعمل الطلب متطنش
طب ده بيكون من اى قسم لاي قسم يعني ممكن من جيو ل حيوان لنبات لاى حاجة. 

تعديل المسار:

بيكون ف فرقة تالتة
ده بيكون من شعبة لشعبة ف نفس القسم
يعني مثلا من ميكرو لــ كيمياء و ميكرو
من حيوان لــ كيمياء و حيوان و هكذا
المواد الفرق بيتعملك مقاصة و يشيلوا المواد الزيادة و تدرس المواد اللى فاتتك ... وطبعا ده شرطه انك تجتهد ف تانية عشان تجيب معدل القسم اللى عاوز تحول له.

بمعنى يمكن للطالب بعد نهاية السنة الدراسية الثانية ان يغير تخصصه ، فـ كل قسم يحتوي علي عدة برامج "تشعبات - تخصصات" و عند التخصص فى سنة تانية تتشعب باحدي هذه التخصصات ، وتعديل المسار يتيح لك ان تنقل من شعبة لاخري و لكن في نفس القسم اى مثلا لو دخلت تخصص من تخصصات قسم الكيمياء زى كيمياء اسبشيل تقدر تغيرة وتدخل تخصص كيمياء/كيمياءحيوى او كيمياء/علوم حاسب وهكذا.

دى التخصصات التابعة لكل قسم:

1. قسم الكيمياء ويتبعه برامج "تخصصات": كيمياء سبيشيال ، كيمياء / كيمياء حيوي ، كيمياء / علوم حاسب.
2. قسم الفيزياء ويتبعه برامج "تخصصات": فيزيا سبيشيال ، كيميا / فيزيا ، فيزيا / فيزيا حيوية ، فيزيا / علوم حاسب.
3. قسم النبات ويتبعه برامج "تخصصات": نبات ، تقنيه حيويه ، ميكروبيولوجى ، كيمياء / ميكروبيولوجى ، كيمياء / نبات.
4. قسم الحيوان ويتبعه برامج "تخصصات": حيوان، حشرات ، استزراع مائي ، علوم بيئة ، كيمياء/حيوان ، كيمياء/حشرات
5. قسم الرياضة ويتبعه برامج "تخصصات": رياضة ، علوم حاسب ، رياضة/علوم حاسب ، رياضة/احصاء ، رياضة/فيزيا
6. قسم الجيولوجيا ويتبعه برامج "تخصصات": جيولوجيا ، جيوفيزياء ، جيولوجيا البترول والمياه ، كيمياء / جيولوجيا.

طيب فيه ناس قلقانة بتقول دلوقتي لو انا كتبت مثلا يعني كيمياء خاص تاني رغبة و ملحقتش القسم اللى كاتبه اول رغبة يبقى ممكن القسم يتملى ومدخلش؟

لا طبعا اللى فهم كدا فهو فاهم غلط شوية
القسم بيتملى بعدد رغبات مش رغبة واحدة
يعني مثلا مش معقول هياخدوا اول رغبة من كل قسم فقط!
يعني انت هتحط الرغبة الاحب والاعلي ثم الرغبة الاقل حبا
قصدي متجيش تحط مثلا مثلا الرغبات كدا
تقنية حيوي
ميكرو
ك حيوي
ك ميكرو
ك ك حيوي
ك خاص
وبعدين تزعل انك مدخلتش ك خاص مع انك جايبه ... ماهو ده طبيعي لان غالبا ك خاص اعلي من حيث التنسيق من ميكرو او تقنية و اكيد هيدخلوك ميكرو او تقنية باعتبار انك كاتبهم الاول و جايب معدلهم
اعتقد كدا الناس فهمت يعني ايه ان الرغبة اولي من المعدل.

طيب نيجي لنقطة تانية ... فكرة ان حد يحذرك من قسم معين ده شئ طبيعي مش تقليل من القسم ولا حاجة لكن مثلا ممكن اكون مريت بتجربة و بعدين بحكيهالك:

انا قولت نبات خاص مش قسم كويس فده لان شغله محدود (لكن موجود) مع احترامي لاي حد فيه ... قولت ابعد عن مثلا حشرات لانه تقيل جدا فى علوم الزقازيق برغم انه سهل جدا فى جامعات تانية زى طنطا مثلا والموضوع كان فكاهي اكتر من ما هو جدي يعني ميختلطش عليكم الامر ... وعلى فكرة اللى عاوز يدخل قسم معين هيدخله مهما حصل .

اقسام الكلية

طبعا علمي رياضة له اقسام و علمي علوم له اقسام تانية:

الاقسام المشتركة "متاح لعلمى علوم وعلمى رياضة" :

1. كيمياء اسبشيل "منفرد – خاص"
2. كيمياء و حاسب 

اقسام علمى رياضة :

1. فيزياء و كيمياء
2. فيزياء و حاسب
3. فيزياء حيوي
4. فيزياء
5. فيزياء و فيزياء حيوي
6. حاسب
7. رياضة
8. رياضة و حاسب
9. رياضة و احصاء 

اقسام علمى علوم :

1. كيميا و كيميا حيوي
2. كيميا و نبات
3. كيمياء و حيوان
4. كيمياء و حشرات
5. كيمياء و ميكروبيولوجي
6. كيميا حيوي
7. كيمياء اسبشيل
8. جيولوجيا و كيمياء
9. جيولوجيا
10. جيوفيزياء
11. نبات
12. تقنية حيوي
13. ميكروبيولوجي
14. حيوان
15. علوم بترول ومياة جوفية (معرفش اتقفل ولا لسة مفتوح)
16. استزراع مائي
17. علوم بيئية
18. حشرات

الأقسام المميزة (بالمصروفات)

1- قسم الكمياء الحيوية والميكروبيولوجي 

• تم افتتاح القسم سنة 2018/2017 
• دخول القسم هيكون من الفرقة الأولي
• مصاريف القسم: كان بـ 7250 فى عام 2020 (بتدفع نصهم في ترم الاول والباقي في الترم التاني) كان بـ 7 الالاف جنية للسنة فى 2018 وكان فى 2017 بـ 5 الالاف جنية فى السنة.
• القسم يعمل بنظام الساعات المعتمدة 
• من مميزاتة انه بيجمع بين قسمين مهمين جدا هم الميكروبيولوجى والكيمياء الحيوى .

2- قسم الفيزياء الإشعاعية الطبية

1. تم افتتاحة فى العام الجامعي 2020-2021
2. يمنح درجة البكالوريوس تخصص الفيزياء الإشعاعية والطبية
3. مصاريف القسم: غالبا هتكون فى حدود 8 الالاف جنية فى العام.
4. تمكنهم من العمل بالمجالات الآتية:

• اخصائي اجهزة طبية إشعاعية ، صيانتها ، تشغيلها
• أخصائي امان إشعاعي بالمستشفيات
• أخصائي اجهزة حاسوب للتخطيط الإشعاعي والتشخيصي لمصانع ضبط الجودة بالإشعاع
• شركات التكنولوجيا الحيوية
• شركات الأجهزة الطبية
• إستشاري آمان نووي
• أخصائي إشعاعي بيئي بالمطارات والحجر الصحي والصادرات والواردات
• التقييم لمصانع الأغذية بالإشعاع
• القياس والمعايرة للأجهزة الإشعاعية
• مراكز البحث العلمي ومراكز الأبحاث و شركات البترول

1- قسم البترول والمياة 

• دخول القسم هيكون من الفرقة الأولي
• مصاريف القسم: كان بـ 7250 فى عام 2020 (بتدفع نصهم في ترم الاول والباقي في الترم التاني) كان بـ 7 الالاف جنية للسنة فى 2018 وكان فى 2017 بـ 5 الالاف جنية فى السنة.
• القسم يعمل بنظام الساعات المعتمدة 

أقسام كليه العلوم جامعه الزقازيق قبل 2020

التدريبات في الكليه بيبقى فى سنه تالته فى اجازه الصيف اجبارى.

للشباب فقط اللى داخلين اولى جامعة

• الحق نفسك قبل الزحمة علشان بعدين هتتمرمط
• لما بتيجي تقدم بيطلبوا منك
• صور: روح اتصور و متكسلش ولا تاجل
• شهادة ميلاد رقم ثلاثي : بتطلعها عادى من السجل المدنى
• استمارة 2 جند و استمارة 6جند : دى علشان تاجل التجنيد لتاعك لعند ما تخلص الكلية بعد 4.

تنسيق الكلية

1. فى 2018 كان لعلمى علوم 385 ... وكان لعلمى رياضة 352.5
2. فى 2017 كان لعلمى علوم 379 ... وكان لعلمى رياضة 329
3. فى 2016 كان لعلمى علوم 387.5 ... وكان لعلمى رياضة 343
4. فى 2015 كان لعلمى علوم 389 ... وكان لعلمى رياضة 356
5. فى 2014 كان لعلمى علوم 384.5 ... وكان لعلمى رياضة 354
6. فى 2013 "كان نظام قديم - نظام السنتين" كان لعلمى علوم 377.5 ... وكان لعلمى رياضة 373.5

المقررات الدراسية

مواد السنة الاولي:

الفصل الدراسي الاول

كيمياء عامة (ك101)
مورفولوجي وتشريح نبات (ن101)
مقدمة في الخلية والاجنة و تصنيف الحيوان (ح101)
اساسيات جيولوجيا (ج101)
رياضة عامة (ر105) 

الفصل الدراسي الثاني

كيمياء عامة (ك102) ، ولكن يشترط النجاح في مقرر (ك101) اولا
تقسيم المملكة النباتية وفسيولوجي عام (ن102)
مقدمه في علم الانسجة وفسيولوجيا الحيوان (ح102)
اساسيات جيولوجيا (ج102)
فيزياء عامة (ف102)

مواد قسم الاستزراع المائى: 

بيولوجى وتصنيف فقاريات ولافقاريات ، كيميا عضويه ، حشرات عام ، كيميا العناصرالانتقالية ، ديناميكا حراريه ، ميكروبيولوجى ، فسيولوجى الحيوان عام ، كيميا المياه ، استزراع وإنتاج الأسماك ، طفيليات وأمراض الأسماك ، تكنولوجيا حيويه.
مجالات عمل القسم : المزارع السمكية و المراكز البحثية وغيرها.

مواد قسم البيوتكنولوجى: 

ميكروبيولوجي عام ، هرمونات نباتيه ، بيولوجى وتصنيف اللافقاريات والحبليات ، كيميا عضويه ، تصنيف زهرى ولا زهرى ، بيولوجى ، حشرات عام ، تكنولوجيا التغذيه ، هندسه وراثيه ، أحماض نوويه ، احصا حيوى ، كيميا العناصر الانتقالية.
مجالات عمل القسم: نفس مجالات عمل اقسام حيوي وميكرو وحيوان 

ملحوظة مهمه: القسم ده موجود بمصاريف خاصة بجامعات اخرى ، لكنه فى الزقازيق والسويس وغيرها بدون مصاريف خاصة.

لو عاوز تعرف مواد كل الاقسام تقدر تحملها من الرابط ده "واتبع التعليمات اللى فى الصوره دى للتحميل"

دى صوره تخطيطيه للكليه

الموقع الرسمي لكلية العلوم جامعة الزقازيق من خلال هذا الرابط