المعلومات الكامله عن كليه العلوم جامعه المنصوره

بِسْــــــــــــــــمِ اﷲِالرَّحْمَنِ الرَّحِيم

يحتوى هذا المقال على المعلومات الكامله عن كليه العلوم جامعه المنصوره التى تأسيس عام 1969 حيث ضمت الكلية ستة أقسام أكاديمية هي الكيمياء – الفيزياء – الرياضيات – علم الحيوان – علم النبات و الجيولوجيا .

للعلم! أخذت الجودة ونظام الدراسه فيها هو الساعات المعتمده.

الاوراق المطلوبه للتقديم

1. اصل شهاده الثانويه العامه
2. اصل شهاده الميلاد
3. صوره البطاقه الشخصية
4. نموذج 2 جند (للطلاب الذكور فقط)
5. عدد 6 صور شخصية الطالب
6. مصاريف دراسية  + طوابع
7. صوره لبطاقة الترشيح

ميعاد التقديم

غالبا بيكون من منتصف شهر 9 حتى آخر شهر 10 من كل عام

شروط التقديم لعام 2022/2021

• يرجى العلم بأنه سيتم إستلام الملفات  بعد إجراء الكشف الطبى وأخذ التطعيم وكذلك بعد إتمام الرغبات وإعلان التنسيق الداخلى ومعرفة البرنامج الذى سيدخله الطالب علما بأن أخر موعد لتقديم الرغبات على النظام هو يوم الإثنين الموافق 27 سبتمبر 2021
•  وسيكون إستلام الملفات لطلاب كلية العلوم إبتداءا من السبت الموافق 2 أكتوبر لمقر شؤون الطلاب بالكلية وسيكون فريق إتحاد طلاب الكليه متواجدين لمساعدتكم فى هذا الشأن

شروط التقديم لعام 2022/2021

مصروفات الكلية

حوالى 850 جنية لعام 2022/2021 .

شروط التقديم لعام 2022/2021

تنسيق الكلية

فى عام 2022/2021

علمى علوم

339.0

علمى رياضة

286.0

فى عام 2021/2020

علمى علوم

391.5

علمى رياضة

328.5

فى عام 2020/2019

علمى علوم

392.0

علمى رياضة

361.0

فى عام 2019/2018

علمى علوم

384

علمى رياضة

359

فى عام 2018/2017

علمى علوم

378.0

علمى رياضة

 337.5

التشعيب والتخصص

التخصص من سنه اولى على حسب مجموعك فى الثانويه العامه بتكتب 3 رغبات اقسام والكليه بتنزل تنسيق وعموما بردوا في تحويل اقسام بعد سنة اولي عادي بس ياريت وإنت بتكتب الرغبات تكتب اللى حاسس إنك هتمشى فيه مش مجموعى عالى و اختار القسم اللى واخد مجموع عالى و خلاص.

الساعات المعتمدة

عندنا المواد بنقول عليها ساعات يعني مش بنقول 7 مواد ف الترم مثلا لا بنقول عندنا ف الترم 18 ساعة .. كل سنة ليك مثلا تسجل حوالي 38 او 36 ساعة مش فارقة بقي تسجلهم من مواد اولي ولا حاجة المهم انك بتسجل عدد الساعات دي ماينفعش تزيد عليهم بس ينفع تقل .. المادة عندنا بساعتين او 3 ... المادة اللي لها محاضرات بس دي بساعتين زي مثلا المحاسبة و المواد اللي لها محاضرات وعملي دي ب 3 ساعات وهتقابلوا مادتين تقريبا ب ساعة , ده المعظم يعني ممكن تلاقي مواد ليها عملي بساعتين عادي ومواد مالهاش عملي ب 3 ساعات زي الرياضة مثلا بكل فروعها بقي . 

يعني اي ساعات معتمده

انت كطالب سنه اولي ليك 38 ساعه علي مدار السنة كلها منهم 6 ساعات نظري اللي هما (حقوق انسان - لغه - ادارة اعمال ومحاسبه)
مواد النظري دول مش شرط تجيب فيها تقدير بس لازم تنجح فيهم عشان تاخد شهادتك وممكن تسجلهم في اي وقت في ال 4 سنين ...
نرجع لموضوع الساعات
حضرتك بتسجل الترم الاول 18 ساعه .. عندك المواد فيه ماده ب 3 ساعات وفيه ماده ب ساعتين .. انت لما تنجح في ماده بيبقي اسمك عديت عدد ساعات الماده دي..
ولو منجحتش فيها بتفضل عدد ساعات الماده عندك.
طول ال 4 سنين ليك 146 ساعه عشان تاخد الشهاده اقل من 146 مبتخودش الشهاده غير لما تخلصهم كلهم الاول...
مفيش عندنا حاجه اسمها سقوط او اعيد السنه غير في حاله واحده
انك متعديش في سنه اولي 18 ساعه من اصل 36 ساعه.. يعني حضرتك لو ناجح في 15 ساعه بس في سنه اولي بيديك فرصه سنه كمان انك تعدي ال 18 ساعه عشان تتنقل للمستوي اللي بعده...
مينفعش تقعد سنتين في مستوي واحد بمعني انك ليك لكل مستوي سنتين..
المستوي التاني عشان تدخله لازم تكون معدي 18 ساعه
المستوي التالت لازم تكون معدي 36 ساعه
المستوي الرابع لازم تكون معدي 72 ساعه.. 
علوم مش بعدد السنين.. ياما ناس قعدت في الكليه اكتر من 4 سنين  وفيه ناس خلصت ال 4 في 4 .
اتفقنا دلوقتي انك بتسجل 18 او 19 ساعه في الترم الاول
بالنسبه للشعب عندكوا مادتين نظري حقوق انسان ولغه
والتخصص ليكوا مادة حقوق انسان
والماده التانيه حاسب الي
كل دول ب ساعتين 
باقي المواد العلمي زي الرياضه والميكانيكا والفيزيا والنبات والحيوان فيه منهم ساعتين وفيه 3 ساعات..
كل ماده وليها محاضره وسكشن
السكشن تطبيق ع المحاضره يعني اللي هيقولهولك المعيد في السكشن ما هو الا نفس كلام الدكتور وهو بيحل معاك مسائل اكتر...
انما سكاشن العملي زي الفيزيا والكيميا فطبعا العملي بتاعهم اكنك بتدرس ماده جديده بمعني ان العملي او السكشن ملوش علاقه بالمحاضره.

أقسام الكلية

الاقسام الجديده موجوده فالايحه بس مش شغاله السنادي برضو "زى قسم كيمياء وفيزياء وقسم كيمياء صناعيه"

أقسام الكلية

تعليمات هامة

• في سنة اولي وتانيه الأربع اقسام دول ( كيميا وحيوان _ كيميا ونبات _ ميكروبيولوجي _علوم بيئه ) بياخدو نفس المواد وبيكون امتحانهم موحد .. لكن من اول سنه تالته هيبدأ التخصص الفعلي يعني بتوع حيوان بياخدوا نص المواد كيمياء والنص التاني حيوان وبتوع نبات بياخدوا النص كيمياء والنص نبات وهكذا بتوع ميكرو و بيئة وبيكون امتحان الكيميا بتاعهم موحد برضه علشان مواد الكيمياء بتكون واحد اللي هيختلف بس مواد التخصص. 
• لو تنسيقك سنه اولي جه نبات وانت كنت عاوز حيوان او ميكرو او العكس تقدر وانت داخل تانيه او تالته تحول لأي قسم من دول عادي من غير ما تشيل مواد ولا حاجه علشان هما نفس المواد وبيبقى كالتالى بعد مالنتيجة تظهر بيفتحول التحويل "غالبا بيبقى فى شهر 7 اى بعد ظهور النتيجه" بتنزل الكلية تقدم طلب ب ١٠٠ جنيه وشرط انك ماتكونش مسجل سمر واخر سنتين قبلوا كله ف ان شاء الله يتقبل.

مجموعى هيدخلنى أية

بالنسبة للمجموع يدخلنى ايه:

فقسم كيمياء حيوي أعلى قسم وبعده ميكروبيولوجي وبعدين كيميا خاص ثم كيمياء وحيوان وكيمياء ونبات وبعدين ف الآخر علوم بيئة.

1. طلبة علمى علوم لهم: ( كيمياء حيوى - كيمياء حيوان - كيمياء نبات - كيمياء إسبيشيل ، ميكروبيولوجي ، جيولوجيا وعلوم البيئة ، جيوفيزياء ، بترول )
2. طلبة علمى رياضه لهم: (فيزياء حيوى ، فيزياء اسبيشيل ، الرياضه ، قسم الحاسب ، قسم جيوفيزياء ، جيولوجيا وعلوم البيئة ، بترول )
3. الأقسام الخاصة: (بترول - بتروكيماويات - بيوتكنولوجي ) ، لا تخضع للتنسيق الداخلي يكتفي بالحصول علي الحد الادني للقبول بكلية علوم والبيوتكنولوجى متوقع هيكون فى 2018 بـ 16 الف فى السنة.

اشكالية برنامج البترول وبرنامج بتروكيماويات

فى البداية برنامج البترول انشا برعاية شركات البترول وكان بيقدم فى خدمات مميزة للطلبة عن الاقسام العادية مثل الاتى:

• شركات الراعية بتدرب الطلبة عندها من سنة اولى وكل سنة حتى التخرج.
• بتطورلهم فى المناهج بحسب ما تراه مناسبا لسوق العمل.
• بتحطلهم كورسات انجلش من المعهد البريطاني.

وكل ده عشان الطلبة تكون مميزة عن غيرهم ويتخرجوا يكونوا مؤهلين لسوق العمل ويشتغل اغلبهم فى شركات البترول الراعية للقسم حسب العقد وعلى الاساس ده القسم كان خاص ومميز وعلى اساس ده بردو الطلبة كانت بتدفع الفلوس للقسم عشان اول ماتتخرج تكون مؤهله للشغل اكتر من اى قسم وضامنه انها تشتغل فى شركات البترول دى
دلوقتى الوضع مختلف تماما كل الشركات الراعية مشيت نظرا لتدني مستوى القسم وكل المميزات دى راحت وتحول القسم من قسم خاص ومميز لقسم خاص فقط ، بقى القسم عادى زيه زي اى قسم تانى ، وفضلت الفلوس اللى بيدفعها الطالب ، لا مش بس كدا ، الفلوس دي بتزيد كل سنة 10% زيادة .
فالخلاصة ان قسم بترول مش حلو لانه بفلوس من غير اى ميزه لانك بتدرس مواد جيولوجيا وجيوفيزيا وبتشتغل نفس شغل اقسام جيولوجيا وجيوفيزيا وكيميا جيولوجيا فى الاخر ، يبقي ادخل قسم جيولوجيا او جيوفيزيا او كيميا جيولوجيا من الاول ووفر فلوسك!!

طيب امال ايه لازمة الفلوس دلوقتى؟

مفيش ميزة واحدة بتاخدها قدام الفلوس اللى بتدفعها .

هتقولى طيب مش بيدربونى فى سنة تالتة حتى ؟

هقولك اى قسم فى الكلية طلابه مينفعش يتخرجوا الا لما يدربوهم ، كل قسم ع حسب مكان التدريب ، يعني اقسام جيوفيزيا وجيولوجيا بيدربوا فى شركات البترول ، واقسام الكيمياء بتتدرب فى شركات الادوية وغيرها ، وده فى لايحة الكلية ، فميهاش ميزة لبترول عن اى قسم تانى في الكلية.

المقررات الدراسية

أولا المواد اللى مش بتتضاف للمجموع

الترم الاول

اقسام التخصص (رياضه - احصا وحاسب - فيزيا - فيزيا حيوي - جيوفيزيا ) عندنا حاسب الى - حقوق انسان.
اقسام الشعب (كيميا اسبيشيال - كيميا حيوي - حيوان - كيميا وحيوان - كيميا ونبات - ميكرو بيولوجي - بايو تكنولوجي ) عندنا حقوق انسان - لغه.
والمواد دي مش بتتضاف للمجموع بس مواد متطلبات بمعني انك مش هينفع تاخد شهادتك غير لما تخلصهم الاول ... والماده ب 100 درجه ملهاش لا ميدترم ولا شفوي الا الحاسب له عملى وشفوي.

ثانيا المواد اللى بتتضاف للمجموع:

الماده النظري يعني ملهاش عملى امتحانها بيكون من 80 درجه
زي مادة الرياضه كده (وزيها الميكانيكا بس لاقسام التخصص) .. بندرس الجبر والهندسه مع اكتر من دكتور مش دكتور واحد يعني لكل قسم دكتور بس الامتحان بيجى اخر السنه موحد لكل اقسام الشعب ولكل اقسام التخصص ... الماده امتحانها التحريري من 80 درجه و 10 درجات شفوي و 10 درجات ميدترم يبقي المجموع كله 100 .
باقى المواد زي الفيزياء والكيمياء والحيوان والنبات بيكون ليها عملى ... اى ماده منهم ليها امتحان عملى من 20 درجه وامتحان التحريري ب 60 درجه و الميدترم 10 درجات و 10 درجات شفوي يبقي المجموع 100 درجه .

@ يبقي كده اتفقنا ان اي ماده ملهاش عملى امتحانها ب 80 درجه واي ماده ليها عملى امتحانها ب 60 درجه وكمان اتفقنا ان كل دكتور فى ايده 20 درجه ( 10 ميدترم - 10 شفوي ) والعملى ب 20 درجه.

بالنسبه للميدترم دا بيكون فى سادس اسبوع فى الدراسه بيكون فى كل المواد وكل ميد ترم ب 10 درجات .. بالنسبه للشفوي بيبقي بعد متخلص الامتحان التحريري بتروح لمكتب الدكتور يمتحنك شفوي.

تسجيل رغبات الطلاب الجدد

سنة اولي هيكون عندكوا 38 ساعة متقسمين ع الترمين 19 و 19 .. هتاخدو مواد بساعتين زي مثلا محاسبة وحقوق انسان ولغة وحاسب الي ومواد ب 3 ساعات كيميا بقي او فيزيا ورياضة "هننزل مواد كل قسم مع شرح الاقسام بعد كده".
ولازم علشان تتخرج تكون معدي GPA 1 غير كده هتفضل تاخد ف مواد لحد ماتعديه بقي وبردو لما بتكون اقل من 1 قولنا ساعات بتاخد ساعات اقل ف ده مثلا لما بتجيب اقل من 1 في سنة اولي الترم الاول في تانية بدل مثلا ما تاخد 18 ساعة بتاخد 15 بس بيتشال من عليك 3 ساعات وهكذا بقي لو ماعدتهوش بعد الترم الاول بيتشال من عليك 3 ساعات تاني بردو ..المواد عندنا عامة من 100 بتكون متقسمة لو مادة ليها عملي 60 فاينال و 20 عملي و 10 ميدتيرم و10 شفويلو مالهاش عملي بتكون 80 فاينال و 10 ميدتيرم و 10 شفوي النجاح في الاقسام العادية المفروض من 60 بس لو جبت 55 بتترفع وتجيب 60 "اخر ترمين تقريبا خلوها لو جبت 50" الاقسام الخاصة بيكون من 50 ... انا عارف ان فى ناس مش فاهمه الجزء ده عادى او ما تبدأ الدراسة هتفهم الجزء ده كويس.

تسجيل الجدول:

كل قسم بيبى لية يوم .. كل واحد هيدخل فى اليوم بتاعه ويسجل جدوله هتدخل على هذا الموقع اليوزر نيم رقمك القومي .. الباسورد رقم جلوسك قبله واحد وتختار student وارقامك تبقي انجليزى.
اللي محول يا جماعة والنتيجة اتغيرت على الموقع للقسم اللي حوله .. فانتو لو جايبين مجموع القسم وضامنيه ممكن تستنوا تسجلوا معاه بقي وبراحتكوا كده كده هتسجلوا يعني من الكلية حتي لو قفل

وده الفيديو اللي هيفهمك كل حاجة الفيديو واضح وسهل ولازم تفهم تسجيل ازاي وتسجل لنفسك علشان تتعود

 

 الموقع الرسمي لكلية العلوم جامعة المنصورة