المعلومات الكامله عن كليه العلوم جامعه دمياط

بِسْــــــــــــــــمِ اﷲِالرَّحْمَنِ الرَّحِيم

أنشأت كلية العلوم جامعة دمياط عام 1985 والكلية بنظام اللائحة القديمة مش ساعات معتمدة ولكن بعد ما اخدنا الاعتماد سنة 2016 والادارة قالت ان الساعات هيتطبق قريب ممكن من اول الدفعة دي او اللي بعدها و كليه علوم دمياط هي سادس كلية علوم معتمدة في مصر وأول كلية معتمدة في جامعة دمياط . 

موقع الكلية

 دمياط الجديدة شارع الصعيدي بجوار مركز المدينة.

النظام اتغير فى دمياط وبقى ساعات معتمدة من اول السنه دى 2018-2019 ... وبم ان النظام اتغير عن قبل كده وعلوم دمياط بتطبق نظام الساعات المعتمده .. وبالتالى النظام كله اتغير وجارى اعداد النظام الجديد فمتستعجلش وتسمع معلومات غلط لانها معلومات عن النظام القديم انتوا دفعه نظام جديد. 

الاوراق المطلوبة للتقديم

1. اصل شهاده الثانويه العامه
2. اصل شهاده الميلاد
3. صوره البطاقه الشخصية
4. نموذج 2 جند (للطلاب الذكور فقط)
5. عدد 6 صور شخصية الطالب
6. مصاريف دراسية  + طوابع
7. صوره لبطاقة الترشيح

ميعاد التقديم

غالبا بيكون من منتصف شهر 9 حتى آخر شهر 10 من كل عام

مصروفات الكلية

حوالى 572 جنية لعام 2022/2021 .

• الذهاب إلى وحدة نشر وتوزيع الكتاب الجامعى بالكلية (مبنى الدور الأرضى) لدفع قيمة الكتاب الجامعى - (730 جنيهاً) علمى رياضيات و (840 جنيها ) علمى علوم.
• الذهاب إلى شئون الطلاب لمراجعة الملف واستخراج إذن الدفع للمصروفات الدراسية (571.90 جنيهاً ).
• الذهاب إلى الخزينة والدفع بواسطة الفيزا أو ميزة (دفع الكترونى).
• تسليم ايصال الدفع لشئون الطلاب.

تنسيق الكلية

فى عام 2022/2021

علمى علوم

334.0

علمى رياضة

278.0

فى عام 2021/2020

علمى علوم

390.0

علمى رياضة

317.5

فى عام 2020/2019

علمى علوم

390.5

علمى رياضة

352.0

فى عام 2019/2018

علمى علوم

382

علمى رياضة

349

فى عام 2018/2017

علمى علوم

375.5 

علمى رياضة

 324.0 

لتنسيق باقى السنوات الماضية

رابط التنسيق

نظام الدراسه 

بداية من 2018 هيكون ساعات معتمده والتشعيب من المستوي الاول كالتالى: 

- طلاب علمي رياضه 

هيتقسموا علي اقسام 

الكيمياء هتاخد 20% من اجمالي الطلاب 

الرياضيات هتاخد 40% من اجمالي الطلاب 

الفيزياء هتاخد 40% من اجمالي الطلاب 

وده هيتم علي اساس حساب مجموع الطالب مع ماده الكيمياء - مجموع الطالب مع مادة الرياضيات - مجموع الطالب مع ماده الفيزياء الدرجه الاعلي هتدخلوا القسم 

بعدها اللي هيكون مجموعه مع الكيمياء اعلي هيدخل كيمياء علي طول 

اما الفيزياء والرياضيات هيملي الطالب استمارة رغبات بمعني الطالب اللي التحق بقسم الرياضيات هيختار اما رياضيات او علوم حاسب ... واللي التحق بقسم الفيزياء هيختار اما فيزياء او فيزياء وعلوم حاسب او جيوفيزياء

أقسام الكلية

البرامج المقترح تفعيلها بنظام الساعات المعتمده للعام الدراسي 2018/2019:

 

  

الأوراق المطلوبة

1. أصل شهادة الثانوية العامة + (5) صور منها .
2. أصل شهادة الميلاد كمبيوتر + (4) صور منها .
3. عدد (3) صور من بطاقة الرقم القومي
4. صورة بطاقة الرقم القومي للأب
5. صورة بطاقة الرقم القومي للأم
6. نموذج 2 جند + نموذج 6 جند للبنين.
7. عدد 2 صورة بطاقة.
8. عدد 2 حافظة بلاستيك.
9. إيصال سداد المصروفات الدراسية "متغير - بيزيد كل سنة" (المصروفات الدراسية فى 2018 كانت بـ 266.9 جنية ،وكانت فى 2017 بـ 246.90 جنية" )
10. صورة كاملة من محتويات الملف.
11. عدد 6 صور شخصية يكتب عليها الاسم
12. عمل كشف طبي بالكلية
13. بطاقة ترشيح الطالب

ملاحظة هامة:التقديم بواسطة الطالب شخصيًا.

الكشف الطبى

الكشف الطبى 💉 الخاص بالطلبة الجدد 2018 :
يبدأ الكشف الطبي في تمام الساعة التاسعة صباحًا حتى الساعة الثانية ظهرًا في الأيام المحددة لكل كلية ، من الورق والاجراءات المطلوبة لتقديم الكلية هو(الكشف الطبى ) تعمله ازاى ؟؟
- فيه تسجيل الإلكتروني للطلاب الجدد للعام الجامعي 2018-2019 لتحديد موعد يوم الكشف الطبي الخاص بكل طالب بكليات الجامعة.
- طباعة الاستبيان الطبي واستكماله عند الحضور للكشف الطبي
خطوات طباعة الاستبيان الطبي :
1- من خلال اللينك دا اضغط تسجيل
2- كالتالى

اكتب بيانات مظبوطة.. واضغط تسجيل

الشاشة دى هيبقى فيها البيانات اللى سجلتها.. اطبعها

الورقة دى كمان تتطبعها وتجيبها معاك

التخصص والتشعيب

التشعيب والاقسام فى علوم دمياط "قديم قبل 2018": 

التشعيب فى سنة تانيه وثالثة حسب التقدير والرغبات
طالما كنت علمى علوووم فى ثانوية عامة ... يبقى قدامك اختيارين يا اما تبقى (علوم بيولوجية وجيولوجيه ) او (علوم بيئية ) وده بيبقى حسب رغبتك + مجموع ثانويه عامه + درجة الاحياء
لو دخلت (علوم بيئية) فى اولى فان شاء الله هتفضل مكمل فيها الاربع سنين ... اما فى حاله دخولك (علوم بيولوجية و جيولوجية) فى اولى .. فبعد كده فى سنة ثانية هتتشعب يا اما
علوم جيولوجية
وفى سنة ثالثه ورابعه قدامك الاقسام دى
*جيولوجيا
*جيولوجيا وكيمياء
علوم بيولوجية
وقدامك فى سنة ثالثه الاقسام دى
* كيمياء حيوية وكمياء
* ميكروبيولوجى وكمياء
* حيوان وكمياء
* حيوان
* علوم بحار
* نبات وكيمياء
* نبات

طب ازاى لو كنت علمى علوم تعرف شعبتك سواء هتبقى علوم بيولوجى وجيولوجيا او علوم بيئية ؟

هتجمع المجموع الكلى بتاعك + درجة الاحياء وتشوف كام ؟
لو اكتر م ٤٢٩.٥ يبقى بيولوجى وجيولوجيا ولو اقل من كده يبقى علوم بيئية
طالما كنت علمى رياضة فى ثانوية عامة:
يبقى هتبقى عندنا فى علوم دمياط (علوم طبيعية ) فى سنة اولى هتبقى شعبة علوم طبيعية
فى سنة ثانية هتتشعب يا اما كمياء وفيزياء وفى سنة ثالثه ورابعه تبقى قسم كمياء سبيشيال
يا اما هتبقى رياضة وفيزياء وقدامك فى سنة ثالثه اقسام دى
*رياضيات
*الرياضيات وعلوم الحاسب
*الاحصاء وعلوم الحاسب
*الفيزياء
*الفيزياء وعلوم الحاسب

 

تانى الاقسام للى مفهمش من اول شرح:

( الاقسام المتاحة لعلمي علوم )

( الاختيار الاول )
أولى وتانية بيدرس بيولوجي ، بعد كدا (كيمياء حيوي أو حيوان أو نبات أو ميكرو أو حيوان وكيمياء أو نبات وكيمياء أو حشرات).
( الاختيار التاني )
أولى بيولوجي ، تانية جيولوجيا ، تالتة (جيولوجيا أو جيولوجيا وكيمياء).
( الاختيار التالث ) 

أولى وتانية وتالتة بتدرس علوم بيئة بعد كدا بتدرس علوم بحار.

( الاقسام المتاحة لعلمي رياضة *طبيعة* )

- أولى علوم طبيعية : تانية كيميا وفيزياء ، بعد كدا بتتخصص فى: كيمياء خاص ، كيمياء وفيزياء 

- أولى علوم طبيعية : تانية رياضة وفيزياء ، بعد كدا بتتخصص فى: رياضة ، فيزياء ، رياضة وحاسب ، احصاء وحاسب ، فيزياء وحاسب 

نظام الدرجات:

النجاح في المادة من %60 ، وفي 63 درجة رفع في السنة عالترمين ... في المادة العملية الرفع من %50 ، والمادة النظري الرفع من %45 ، اللي بيشيل 3 مواد بيسقط.

الامتحان عليه 90 في المية من الدرجة:

واعمال السنة بالحضور بالشيتات بالميدترمات عليها الامتحانات 10% بس ، العملي غالبا زى النظرى.

الدراسة في اولى انجليزى:

ماعدا الفيزياء و الجيولوجيا ، بعد كدا التخصص كله انجليزي 

 

 
 رابط الموقع الرسمي للكلية