الموضوع ده مهم جدا لكل طالب وخريج لانه بيحكى عن قصه حياه طالب حقيقيه مر بيها من اول دخوله الكليه حتى تم تعيينه وأنا وفريق علومنجى دوت كوم سمناها بالاسم ده لانها فعلا تعتبر حكايه (قصه زى بتاعه طه حسين كده) والهدف من الحكايات دى اولا الافاده يعنى هتفهم انت ممكن تمر بايه وازاى تتغلب عليه وثانيا تفادى أخطاء الغير وثالثا خبرات مش بتيجى فى يومين لا دى خبره سنين زى ما بيقولوا ... اتمنى تستفيدوا وتفيدوا الغير بالسلسله دى تحت مسمى "فيد واستفيد".
# نصيحة
لكل الخريجين الجدد والطلاب (حكايه طالب)
هينقلكم خبرته لحد مبدا يشتغل لعلها تفيد البعض
وده كلامه:
بسمع كلام كتير ع الجروب ان التقدير ملوش لازمة
والمذاكرة ملهاش لازمة .. غلظ وغلط وغلط لماذا؟ اقرا وهقولك ف الاخر..
وانا طالب فى علوم الزقازيق كيميا خاص الحمد لله
كنت دايما بجيب تقدير محترم كل ترم وكل ده حاجة انا مؤمن بيها ولا والدي كان بيقول
ذاكر ولا اي حاجة انا كنت حاطط ان مثلي لابد ان يكون مميزا عشان ربنا امرنا بكده.
ياما ناس بتشتكي من امتحانات الدكاترة بس العيب
فينا مش فى الدكاترة احنا اللي كنا بنفتح المادة قبل الامتحان بيومين وندخل
وعاوزين نجيب امتياز فمتجبش العيب ع الدكتور فالمهم بعد ما خلصت والحمد لله
وبتقدير رائع ع اد تعبي
اتخرجت م الجامعة ومعايا شهادتي بس وكفى بشاهدتي
معيناً
# مقلتش عاوز اخد دورات ولا اعمل دبلومة قلت
الشغل اهم شئ وانا شغال اخد التمهيدي واعمل ماستر تمام ومقلتش انا عاوز اشتغل ف مجال كذا بعينه ابدا .
بدات يوم ما اخدت بيان النجاح بعمل سي في محترم
وبدات ع النت يوميا ابحث ع جميع المواقع ع جوبزيلا وتنقيب وشغلانتي ومواقع كتيييير
ع جوجل وبيت دوت كوم و... و... و.... و ... وأي وظيفة تخص علوم ابعت السي في بتاعي
سواء قايل خبرة او بدون ومزهقتش شهر ع الوضع ده
نزلت العاشر الف على المصانع في شهر 8 في النار
وكنت مصور السي في( 20 نسخة) واسال وامشي بالكيلوات وادخل ع المصنع لو سمحتوا في
وظايف كيميائيين وأسيب السي في وامشي لحد من على النت لقيت مصنع ادوية فى مدينة
بدر طالب كيميائيين بعت السي في واتصلوا عليه ورحت كان في كيميائيين موجودين غيري .
المهم الانترفيو عبارة عن ايه؟؟
الدكتورة شافت بيان النجاح والسي في قالتلي انت
جبت التقدير ده ازاي ف علوم
واعجبت بشخصيتي في الكلام وراحت معلمة ع السي في بتاعي وكاتبة رقم 1
موافقة. . مع اني مش داخل اول واحد واختاروا زميل تاني معايا
المهم عملنا 3 انترفيوهات تاني مع ناس تانيين
وكلهم وافقوا علينا
لحد ما وصلنا المدير التنفيذي.
واقولكم عشان محدش يغلط غلطتي :
هو بيحلل الشخصية قاللي انت عاوز تبقى ايه فقلتله
كل اللي بتمناه وقلتله ان شاء الله احضر الماستر عشان ادعم شغلي وممكن الكلمة دي
اللي خلته يرفضني عشان اي صاحب عمل عاوز واحد متفرغ مش واحد يغيب عشان امتحانات
وكده.
المهم واحنا مروحين صاحبي بيقولي متزعلش قلتله انا
مبسوط جدا لاني اتعلمت لانها مش خير ليا ومبسوط جدا ومتاكد ان ربنا عاينلي الاحسن
والله .
بعدها ب 3 ايام قدمت ع التمهيدي وجهزت الورق وسجلت
ع النت وفاضل تسليم الورق وبدور ع النت كعادتي يوميا لقيت وظيفة السفر للسعودية
قلت اسافر ولا احضر سالت دكتوري واستفسرت منه احضر ولا اسافر قالي اشتغل والماستر
فى اي وقت اهم حاجة دلوقتي شغلك وانك تجيب فلوس تصرف ع نفسك والماستر
اتوكلت ع الله وربنا كاتبلي السفر .
وده لاني كنت بحسن الظن بالله ومتاكد انه مش هيضيع
تعبي ف الكلية وبعد الكلية هل يستووووون؟(ولا تقارن نفسك بالوسايط خليك مع ربنا
وبس )
معنى كلامي ان الانسان كل لما يتعب ويجتهد ربنا
هيكرمه ويوفقه ومتنتظرش شغلانة معينة جالك ف الميه اشتغل جالك ف البلاستك اشتغل
جالك ف اي حاجة اشتغل ومتبصش ع راتب اطلاقا وانت لسه فريش اقبل فى اول وظيفة
وبعدين غير لو لقيت احسن.
وانا كتبت الكلام ده نصيحة ليكوا عشان تحسنوا الظن
بالله ومش عيب انك تاخد دورات حضرتك.. بس اهم شئ الشغل اشتغل وبعدين خد دورات زي ما
انت عاوز
ولو رجع بيا الزمن وانا
طالب مش ههتم الا بالانجليزي (وأول خطوة ايلتس او توفل).
فى النهايه بشكر صديقى ابراهيم حسنى اللى حكالنا الحكايه دى واتمنى الكل يستفيد.
القصة جميلة جدآ ولكن كان عندى سؤال لو أمكن ..
ردحذف- هل الشركات فى مصر أو حتى المصانع بتاخذ على اساس التقدير فقط ( حتي لو كانوا الاربع سنين امتياز ).
-
بدون اى حاجة اه تقدر تشتغل بشهادة التخرج فقط فى مصر
حذفلكن الأفضل هو انك تتدرب أثناء فترة الكلية بحيث هيبقى معاك خبره وكمان هتفهم مجالات العمل وتحدد انت هتشتغل فى ايه
وعلى فكرة كتير جدا من الشركات والمصانع بتطلب ناس فيرش (يعنى لسه متخرج ، زيرو خبرة) .... لكن بيكون المرتب طبعا مش عالى وخصوصا ان هو اللى هيدربك
أما السفر فلازم خبرة وتتخطى السنتين كمان ، ما عدا لو ليك واسطة طبعاً.