نقدم لكم فى موقع « علومنجى دوت كوم » كل ما يخص دبلومة ميكروبيولوجى كلية العلوم جامعة المنصورة من ميعاد التقديم والاوراق المطلوبة ونظام الدكاترة ومصاريف الدبلومة والحضور ... إلخ.
ميعاد التقديم
- التقديم بيفتح فى نص شهر أغسطس من كل عام
- الدبلومة بتفتح ترم تانى برضو فى أول شهر يناير
- التقديم لهذا العام 2021/2020 بدءاً من 1 سبتمبر
الاوراق المطلوبه للتقديم
- عدد 2 صوره البطاقه الشخصيه (الرقم القومى) .
- شهاده الميلاد كمبيوتر " اصل – صورة".
- شهاده التقدير 4 سنوات (شهادة بيان الدرجات) "أصل – صورة" .
- عدد 6 صور شخصيه .
- شهاده التخرج "أصل وصورة".
- شهادة البكالريوس المؤقته.
- موافقه جهة العمل او اقرار بعدم العمل.
- اصل شهادة تأديه الخدمه العسكريه او الاعفاء منها (صوره شهادة التجنيد).
- عدد 2 ملف بلاستيك.
- اشتراك النقابة (الخطوات فى الصور اللى تحت).
نظام التقديم لهذا العام كالتالى:
 |
| خطوات التقديم 2021/2020 |
 |
| خطوات التقديم 2021/2020 |
 |
| الاوراق المطلوبه للتقديم 2019 |
 |
| الاوراق المطلوبه للتقديم 2017 |
 |
| الاوراق المطلوبه للتقديم 2017 |
خطوات أشتراك النقابة:
 |
| الشهادات الل هتحتاجها عشان تطلع ورق الدبلومة والتمهيدي *طبعا بعد ما تاخد وصل من النقابة انك عملت كارنيه لأنه بيتقدم فى الورق* |
 |
| الشهادات الل هتحتاجها عشان كارنيه النقابة ، و ده من مكتب الخريجين الل عند مدرجات 4,5 |
مصاريف الدبلومة
المصاريف لعام 2021/2020 هى 2219 جنية + 250 ملف تقديم وكانت سنة 2020/2019 بـ 2219 جنية + 250 ملف تقديم وكانت فى 2018/2017 بـ 2150 جنية + 250 ملف تقديم .
ملحوظة: لازم لازم ال 2220 جنية يدفعوا بعد ما إسمك ينزل ف كشف المقبولين مفيش حاجه اسمها اقساط والليله دى اول مابينزل اسمك انك اتقبلت تانى يوم تدفع الفلوس.
الاقسام المطلوبة
- الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/نبات , كيمياء/حيوان) ، وبتقبل كيمياء اسبشيل وميكروبيولوجى اسبشيل ونبات اسبشيل.
- بتقبل زراعة .
- مش مش بتقبل صيدلة أو بيطرى.
 |
| الدبلومات المتاحة لعام 2021/2020 |
 |
| الماجستير التاح لعام 2021/2020 |
هل الدبلومه معتمده
معتمده ومعتمده يعنى معتمده من وزاره الصحه وتقدر تاخد الترخيص من غير قضيه.
 |
| الدبلومات المعتمدة فى الكيمياء الحيوى والميكروبيولوجى |
التقدير المقبول
تقدير بيبقى على حسب العدد اللى مقدم وتقديرهم لكن غالبا بيبقى من جيد.
الحضور
ناس بتقول لازم حضور السكاشن .
وفى ناس بتقول مش لازم تحضر وبتنجح بس لازم تكون متابع .
نظام الدراسه
س : الدبلومة كام مادة ??!
ج : ٦ مواد - قولوا ماشاء الله ( هما ف الاصل ٧ مواد بنختار منهم ٦ )
س : اسماء المواد ايه ??!
ج : فطريات ممرضة ومقاومة بيولوجية ، ميكروبيولوجيا أغذية، ميكروبيولوجيا طبية ، وقود حيوي ، فيروسات ومناعة ، تلوث البيئة ( دي مادة اختيارية فيه مادة تانية بس غالبا محدش بيختارها لان دي اسهل ودكتورها اسهل وامتحاناتها افضل )
س : كام مادة ليها عملي ??!
ج : ٣ مواد ليهم عملي ونظري طبعا و ٣ مواد نظري بس ..
س : ايه المواد الي ليها عملي ونظري ??!
ج : فطريات ممرضة ، ميكروبيولوجيا اغذية ، وقود حيوي
س : ايه المواد الي ليها نظري بس ??!
اكيد ال ٣ الباقيين الي هما تلوث البيئة ، ميكروبيولوجيا طبية ، فيروسات ومناعة ..
س : كام دكتور هيعطونا ??!
ج : ١١ دكتور ، كل مادة دكتورين ومادة واحدة ليها دكتور واحد
س : مين الدكاترة الي هيعطونا ??!
ج : فطريات : د. هدي سليمان و د. فاطمة مجاهد
ميكروبيولوجيا أغذية : د. عطية محمدين و د. ميرفت حسين
ميكروبيولوجيا طبية : د. يحيي اللازق و د. جمال عبدالفتاح
وقود : د. دينا و د. محمد اسماعيل
فيروسات ومناعة : د. آيات و د. يحيي اللازق
تلوث البيئة : د. غادة الشربيني
نبذة عن الدكاترة
دى نبذة عن كل دكتور و طريقته هنتكلم ع النظري الأول:
١. مادة الفطريات* د. هدي : دكتورة طيبة جدا بتدخل المحاضرة تشرح من ورق هي بتكون معطياه للطلبة مادتها لذيذة وهي دكتور و ألذ وبتعمل ميدتيرم بتحدده معاكم والي ممتحنش بتمتحنه تاني امتحانها بيكون مقالي فيه تعريفات سواء ف الميدتيرم أو نهاية التيرم يعني مبينة علي الحفظ ..
* د. فاطمة : دكتورة كويسة بس حاولوا متضايقوهاش مادتها مش صعبة بس هتحس انها تقيلة شوية لأنها معتمدة ع اللايف سايكل وما شابه معلوماتها كتير حاجة بسيطة و بتعمل ميدتيرم و بتشرح ع السبورة وبتعطي ورق كتير حبة بس متتخضوش منه امتحانها سهل بيكون مقالي كله كوبي باست يعني حفظ مش محتاج فهم ..
٢. ميكروبيولوجيا غذائية* د. محمد اسماعيل : دكتور طيب ومادته سهلة جدا جدا .. هتلاقوني كاتباه تحت في مادة الوقود هو نفسه لس اول سنة يعطي الجزء دا ..
* د. ميرفت : دكتورة طيبة كمعاملة بس للأسف الاسيف مادتها بتكون رخمة شوية كتحصيل بس كامتحان كوبي باست امتحانها مقالي مبتحضرش معظم المحاضرات وبتعطيكم كام عنوان وتطلب أبحاث مرة هتقولكم اكتبوها بالايد مرة هتقولكم لا pdf ع حسب بقي وقتها هتحسوا انكم تايهين ف مادتها بس ف الاخر انا هالمهلكم ومش هتلاقوا اي صعوبة فيها .
٣. ميكروبيولوجيا طبية* د . يحيي : دكتور غني عن التعريف هتعرفوه ف المحاضرات امتحانه مرة مقالي مرة mcq ع حسب ف انتم قبل الامتحان الي هو نهاية التيرم بتسالوه بيعمل امتحان ميدتيرم بيكون عبارة عن سؤال واحد مقالي ف انت تبدع فيه ..
* د. جمال : دكتور طيب جدا جدا جدا جدا امتحانه مفيش اسهل منه جزئه بيكون مضمون ١٠٠ % قبل الامتحان بيعمل محاضرة يقول هيجيب في الامتحان ايه وايه ويلغي الي مش مهم ف بتكون داخل الامتحان و انت حافظ الاجزاء الي معطيهالك ..
٤. وقود حيوي* د. محمد اسماعيل : دكتور طيب جدا ومعاملته ممتازة امتحانه بيكون غالبا مقالي و جزءه بيكون بسيط بينزل مذكرة ف القسم مش كبيرة و انا باريحك منها وباعملك حاجة من شرحه ميكس يعني بين المحاضرات ومذكرة القسم ، اه مش بيعمل ميدتيرم.
* د. دينا : دكتورة سنا صغيرة ف مش هتلاقي وياها الكوبي باست بمعني .امتحانها محتاج سنة تركيز .. بيكون لذيذ جدا وممتع انا شخصيا كنت جايبة ف المادة تقريبا ٩٦ او ٩٧ قولوا ماشاء الله المهم نرجع لموضوعنا حتي الي هيدخل وياها شفوي بتعتمد ع الفهم برده بتحضر محاضرتها كلها و بتشرح وهي الي بتحط امتحان العملي كمان واوقات تجيب جزء م النظري فيه وبتكون معرفاكم و بتطلب بحث كمان
٥. فيروسات ومناعة* د. ايات : دكتورة سنا صغيرة برده وطيبة جدا وسلسة مع ان ممكن تحسوا انها صعبة شوية بس دا مش صح هي كانت تحت إشراف د. عادل الي من سنتين كان بيعطي المادة هو ع أيام دبلومتنا المهم هي ماشية ع نفس نهج دكتور عادل سواء شرح أو ف الامتحانات هو المشرف.. بتعمل ميدتيرم وبيطلب بحث و الميدتيرم بيبدا من ٥ يعني كونك تحضر بس بدون ما تجاوب تاخد ٥ من عشرة .. امتحاناتهم وخاصة الميدتيرم بيكون محتاج تركيز جدا جدا جدا هو سهل ممتتع بمعني السهل الي مش بتلاقيله اجابة مش بيكون مقالي بس بمعني بيكون ميكس ، ود. ايات هتعطيكم كمان جزء المناعة السنة دي.
٦. التلوث* د.غادة الشربيني : دكتورة طيبة جدا بتشرح من الباور الي معاها وهتقولكم ان فيه مذكرة ف القسم هتكونوا مطالبين ب الباور و المذكرة اصلا المذكرة جزء م الباور بس فيه اجزاء ف الباور مش موجودة ف المذكرة ومتقلقوش انا باعمل ميكس بين المحاضرات و الباور و المذكرة و مبيخرجش عن الي باعمله الامتحان بفضل الله اه دي المادة الاختياري مع مادة تانية بس احنا بنختار دي لان دي اسهل ودكتورتها افضل ... امتحانها غالبا بيكون مقالي و mcq بس بيكون سهل جدا جدا جدا ومش بتعمل ميدتيرم بتطلب بحث بس.
دبلومه الميكروبيولوجي السنادي هي ميكروبيلوجي التطبيقيه ؟؟
ردحذف