كل ما يخص التحاليل الطبيه وفتح معامل التحاليل

بِسْــــــــــــــــمِ اﷲِالرَّحْمَنِ الرَّحِيم

أول ما تتخرج من كليه علوم هتفكر بشكل مباشر انك تاخد دراسات عليا وخاصه  دبلومه التحاليل الطبيه المتاحه لطلبه بيولوجى بالاضافه للاقسام المزدوجه وهنا تبدأ التسائلات عن كل ما يخص التحاليل الطبيه وفتح معامل التحاليل ودبلومات التحاليل الطبيه ... هل من حقي أن أفتح معمل وأكتب عليه اسمي ؟ ... هل من حقي ابقى دكتور تحاليل وكمان اصل الى استشارى؟ ، فى المقال دا المقدم من موقع « علومنجى دوت كوم » واللى بيضم كل المعلومات اللى ممكن تخطر فى بالك او تفكر فيها.

هل من حقي أن أفتح معمل وأكتب عليه اسمي ؟  

هل من حقي ابقى دكتور تحاليل وكمان اصل الى استشارى؟

هذا يقودنا إلى سؤال هام جدا :

هل قانونا المعمل ده من حقي ؟

وكذلك ازاى اخد الدبلومات دى وأيه أهمها؟

العلماء والعلميين هم الاجدر فى مجال التحاليل الطبية

اولا: القانون المصري لسنة 54  لم يفرق في ممارسة مهنة التحاليل الطبية بين الكيميائي والميكروبيولوجى والباثولوجيست والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى ، ويلزم لممارستها الحصول على شهادة الدراسات العليا. وإذا تحدثنا عن مهنة التحاليل الطبية ، فمعروف أنها مهنة الكيميائي والميكروبيولوجي والباثولوجيست في الأصل.

نص القانون

ثانيا: هذا القانون معمول به في معظم  الدول العربية مثل تونس – سوريا – لبنان – ومصر - السعوديه .... وفى جميع دول العالم الأول مثل : أمريكا – كندا – فرنسا – ألمانيا – إيطاليا – بلجيكا – بريطانيا .. إلخ  مسموح للاطباء العمل فى التحاليل لانهم درسوا 4 سنوات فى كلية العلوم ثم اكملوا فى تخصص من تخصصات الطب حيث انه فى هذه الدول يسمح فقط لخريجى كليات العلوم بالعمل فى تخصصات التحاليل الطبية. 

ولذلك أن القانون المصري متفق مع برتوكولات وقوانين الدول الأوربية وأمريكا ... وجميعها يعترف بإدارة وتملك الكيميائيين الأخصائيين لمعامل التحاليل الطبية ولذلك لا يجوز تعديل أو إلغاء هذا القانون لأنه قد ثبتت صلاحيته لا أكاديميا ولا شرعيا ولا رسميا ولا عمليا فقط بل دوليا أيضا !!!!

ثالثا: إن أقدر وأكفأ من يتعامل مع أجهزة التحليل الكيميائي (كالأسبكتروفوتوميتر أو أجهزة الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية وتطبيقات الكيمياء أو العضوية أو التحليلية مثل التحليل التربيديمتري أو الفوليوميتري أو الكلاريمتري أو الجرافيميتري) هم الكيميائيون ومعروف على مستوى كوكب الأرض كله أن الكيميائيين هم أكثر الفئات إلتصاقاً بالحياة المعملية فمثلاً قد تدرس بعض مساقات الكيمياء العضوية أو التحليلية للكيميائيين 3 ساعات للسكشن الواحد وفي سنوات التخصص تصل إلى 6 ساعات !! كما انه معروف أن أكثر الفئات التي تعمل بمجال التحاليل الطبية في مصر هم الكيميائيون والميكروبيولوجيين يليهم البيطريين ثم الأطباء والصيادلة بنسبة قد تزيد على الأربعة أضعاف.

رابعا: للأسف يروج بعض الأطباء في أحقيتهم وإلغاء أحقيتنا في ممارسة المهنة ويضعون العراقيل ويحاربوننا بشتى السبل من أجل وضع القصور على الباقيين في ممارسة المهنة ، ويضغطون على وزير الصحة من أجل رفض إعطاء الترخيص والتحايل على القانون (الصريح) وانتهاك الأعراف الدولية ، ولي عنق الحقائق ، واتباع مبدأ "بروكر ستيز" (الذي كان يقطع أرجل ضيوفه لتناسب طول السرير الذي سينامون عليه !!!) ويتفنون في وضع العراقيل لمنعنا من ممارسة المهنة مثل إعطاءنا لتصاريح ناقصة "لابد فيها من تعيين طبيب لسحب عينات الدم" وكتابة عبارات في الصحف بغرض الإثارة وتحدي القانون الرسمي للبلاد وخرق الأعراف الدولية كأن يكتبون: " تضافروا لقصر المهنة على الأطباء" أو من يكتب " فوضى التحاليل الطبية".

خامسا: لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب حيث قوبل طلبهم بالرفض عام 94 بعد أن أستماتوا في تقديمه ومازالوا هنا أعيد الحق لأصحابه ، لكن الآن هناك من يعبثون بشد ذيل القط النائم من آن لآخر ، ومنهم الذين يريدون الحصول على شعرة من شنب الغول الأسود وهو غافي !!

الخلاصة : التحاليل الطبية لا تعتمد على التشخيص السريري .. أنت - في المعمل - تتعامل مع عينة يعني مركب كيميائي او مزرع ...ألخ - لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار ، لكن لا يعتمد عليها.

سادسا: إن ممارسة التحاليل الطبية حقك ثم حقك ثم حقك !!

في دول العالم الأول يتساوى الكيميائيين مع الصيادلة مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية هو أستاذ كيميائى "Graham Beastall" خريج علوم قسم كيمياءحيوي -جامعة ليفربول بانجلترا !! ويتناوب على رئاسة المنصب كيميائيين وبيطريين وأطباء وصيادلة أيضاً ، ويضم هذا الإتحاد الكثير من الأساتذة الكيميائيين والصيادلة !!. 

كما أن اللجان العلمية يشترك في عضويتها الكثير من أساتذة التحاليل الكيميائيين والأطباء والصيادلة واالبيطريين  ، ويتم الترقي لرئاسة وأمانة هذه اللجان الطبية الأساتذة الصيادلة والبياطرة والكيميائيين على قدم المساواة دون أي تفرقة من أي نوع !! 

سابعاً: وجدير بالذكر - ومعلومة لمن لا يعلم - 

أن من أبرز مؤسسي أقسام الباثولوجيا بكليات الطب المصرية العريقة هم أساتذة كيميائيين وصيادلة وبيطريين في علوم الميكروبيولجي والبيوكمستري ، بل ويدرسون فيها أيضاً !!!

ثامناً: نحن لا نتحامل على الأطباء: 

فكثير منهم الزميل والقريب والصديق والأخ والأب ونحن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ.

وبكدة نكون خلصنا المقدم الطويلة دى وعرفناك ان ده حق ... ندخل بقى على ازاى تتخصص فى التحاليل :

------------------------------------------------------------

إزاى تتخصص فى التحاليل

عشان أنت ككيميائي تفتح معمل بإسمك وتبقى دكتور تحاليل وتفتح معمل باسمك - لازم تعمل الخطوات الآتية:

اولا أن تحصل على أحد أو جميع شهادات الدبلوم في الآتي:

1. دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص.
2. دبلوم البكتيريولوجيا العامة أو الإكلينيكية .
3. دبلوم الكيمياء الحيوية التحليلية أو الإكلينيكية أو الماستريه (ماجستير) في نفس التخصص.

ثانيا هتقدم فى النقابه طلب بترخيص معمل تحاليل: 

• بيأخذ حوالى من 3-6 شهور وبيطلعلك كرنيه وده حسب قانون الكيمياء الطبية والبكتريولوجى والباثولوجى 367 لسنة 54  ... و بتاخد من النقابة درجة : " أخصائي تحاليل طبية" (وليس " أخصائي ميكروبيولجي أو كيميائي طبي" كما يعتقد البعض) .
• ودى صورة ترخيص وزارة الصحة:

ترخيص وزارة الصحة

• كمان النقابة هتعطيك شهادة انك مسجل فى سجل أخصائيين التحاليل الطبية او سجل أستشاريين التحاليل الطبية و دى صورة السجل:

سجل أخصائيين التحاليل الطبية

وكمان تقدر تكتب أخصائى تحاليل طبية فى البطاقة الشخصية بعد الانضمام لشعبة العلوم الطبية (نقابة العلماء) لان شعبة العلوم الطبية التابعه لنقابة المهن العلمية (العلماء) هى الممثل الوحيد للعلوم الطبية فى مصر وتقدر تقدم طلب بكتابه لقب دكتور فى كرنية النقابة اسوة بكليات الطب والصيدلة والعلاج الطبيعى والبيطرى بعد استكمالك لبعض الشروط .

شروط اللقب

شروط تراخيص معامل التحاليل الطبيه

الاوراق المطلوبه

1- اصل مزاولة المهنة.

2- صورة الرقم القومى.

3- فيش جنائى حديث او بيان حاله للموظف.

4- عقد ايجار مصدق بمده لا تقل عن 5 سنوات.

5- 3 رسم هندسى للمعمل معتمد من مهندس نقابي .

ودى بتقدر تعملها اى مهندس يعمل ليك الرسم وتاخده تعتمده من اى مكتب هندسي معتمد او من نقابة المهندسين نفسها مقابل رسوم بسسطه اهم حاجه ختم المهندس النقابي المعتمد.

6- اقرار من طبيب بشر وصورة الكارنيه بانه مسؤل عن سحب العينات وده اجراء صورى .

7- يفضل عقد محرقة النفايات او صوره منه.

8- نسخه من مطبوعاتك (الظرف والتقرير) مكتوب عليه اسكم المعمل وتخصصه واسم مدير المعمل وتخصصه والبكالوريوس والدبلومه .

9- ده كله بيتقدم فى ملف بلاستيك للاداره ويتم اعطاءك طلب تملىء فيه بياناتك وبيانات المعمل والتخصص وتدفع دمغات 35 ج وتاخود افاده من الاداره بان حضرتك قدمت الاوراق وقيد الترخيص عشان تقدمها لاى تفتيش يجيلك قبل المعاينه.

يفضل مراعاة التخصص فى كل شيء

فى اليافطه 

فى المطبوعات

فى التقارير الموجوده على الكمبيوتر

فى النتايج الموجوده عندك

فى دفتر الاحوال اليوميه بتاعك

فى الاجهزه الموجوده بالمعمل

فى المحاليل والكيتسات

الالتزام التام بالتحاليل التى تتبع تخصصك

اى حاجه غير كده بيتحفظ الملف ويترفض الترخيص

أيه التحاليل المطلوبه من كل تخصص والاجهزه المستخدمة

اولاً ترخيص الكيمياء

وظائف الكبد والكلى والسكر واليوريك والانزيمات  والاجهزه مثل جهاز الكيمياء.

ثانياً تخصص البكتريولوجى

تحاليل اى اس او سي ار بي ار اف المزارع والميديا بانواعها والمضادات الحيويه تحاليل اليورين والستول تحاليل الفيروسات بانواعها والاجهزه مثل اوتوكلاف وميكرويف وحضانه ولهب بنزن وميكرسكوب.

ثالثاً تخصص الهيماتولوجى

محاليل العد والهيموسيتوميتر والميكرسكوب والشرايح والترسيب والسيوله بي تى و بي تى تى والنزف والتجلط  والاجهزه مثل سي بي سي وجهاز السيوله.

رابعاً تخصص الكلينيكال باثولوجى 

بيشمل ال 3 تخصصات السابقه مجتمعه وله الحق فى شغل التخصصات كيميا وميكرو وهيماتولوجى وله الحق فى وجود جميغ انواع المحاليل لل 3 تخصصات وشرط بهذا التخصص وجود غرفة بكتريولوجى منفصله عن المعمل.

بخصوص الكلام اللي بيتكتب على التقارير واللافتات ده مهم جدا:

معمل ........ للتحاليل الطبيه ال بكتريولوجيه او الكيمياءيه

ك........ اسم الاخصائى

اخصائى تحاليل طبيه

بكالوريوس ......... جامعة............

دبلومة............ جامعة.........

شروط تجهيز معمل

للمحترفين فقط من يريد أن يأخذ الحزام الأسود في التحاليل

دبلوم ميكروبيولوجى + دبلوم بيو "الكيمياء الحيوية + ماستر او دكتوراه في المناعة.

طب دكتوراه المناعة إيه حكايتها ؟؟

معهد البحوث الطبية / اسكندرية بيدي ماستر في المناعة لكن بيطلب تقدير وبياخد بالعدد (بيطلبوا 2 من صيدلة بس )– وبيطلب 2 أطباء – و6 كيميائيين  أو عندك معهد بحوث الهندسة الورائية / السادات وده بياخد عدد كتييير لكن بمبلغ مالى حوالى 500 جنيه في السنة (ومفيش تمهيدي ماجستير يعني رسالة على طول) + كورسات سنتين وده بيدي دبلوم أو ماسترأو دكتوراه  في المناعة الجزيئية .

ملحوظه: هناك اكثر من تخصص في التحاليل الطبيه ويوجد في كليه العلوم سبع تخصصات في التحاليل الطبيه اشهرهم هو تخصص الكيمياء الحيوي ثم تخصص الميكروبيوولجي ثم تخصص امراض الدم ثم تخصص المناعه ثم تخصص الطفيليات ثم تخصص التحاليل الوراثيه والبيولوجيا الجزيئيه ثم تخصص الباثولوجي.

ملحوظه: عشان تحصل علي لقب استشاري تحاليل طبيه لازم تكون واخد دبلومه او ماجستير في التحاليل الطبيه مع 15 سنه خبره في التحاليل الطبيه ثم يتم تقديم شهادات الخبره للنقابه ويتم بعددها اعتماد اللقب.

ملحوظه: لازم تعرف ان دكاتره التحاليل خريجي علوم يكادو يسيطرو علي المعامل بالكامل فيوجد في مصر 11 الف معمل تحاليل مرخص منهمحوالى 9 الاف معمل مرخص لخريجي كليه علوم اي ان خريجي علوم يسيطرو علي المعامل في مصر بنسبه تزيد عن 85% .

تنحصر تخصصات التحاليل الطبية فى الاتى:

اولا تخصص الكيمياء الحيويه Biochemistry

هو التخصص الاكبر في التحاليل الطبية التخصص في اغلب الكليات بيدرس تحاليل الكيمياء الحيوي وهى تشكل 70% من التحاليل الطبيه واغلب الجامعات بيتم ددراسه الباقي الفروع في دبلومه الكيمياءالحيوي كمواد مساعده زي مواد الميكروبيولوجي والمناعه والهيماتولوجي والهستوباثوولجي وبتتاخد كمواد مساعده عشان للي واخد الدبلومه يكون عنده علم بكل فروع التحاليل وليس تحاليل الكيمياء الحيوي فقط

افضل دبلومه كيمياء حيوي هي الاسكندريه.

-----------------------------------------------------

ثانيا تخصص الميكروبيولوجي والمناعه Microbiology and immunology

هو التخصص الثاني للي لو عايز تكمل بعد دبلومه الكيمياءالحيوي تاخده - افضل دبلومه او ماجستير ميكروبيولوجي من حيث الناحيه العلمية هي دبلومه ميكرو علوم بورسعيد والاسماعيليه (وموادها 12 ماده كلهم متخصصين جدا في الترم الاول ماده 1 مقدمه في علم البكتريا - ماده 2 مقدمه في علم الفطريات - ماده 3 طفليات - ماده 4 كيمياء سوائل الجسم - ماده 5 كيمياحيوى - ماده 6 فيروسات اما الترم التانى - ماده 7 بكتريا طبيه - ماده 8 فطريات طبيه - ماده9 ميكروبيولوجيا تشخيصيه - ماده 10 ميكروبولوجيا غذائيه - ماده 11 مضادات حيويه - ماده 12 تحاليل طبيه عامه) وفيه نقطه مهمه قد يتواجد الميكروبيولوجى لوحده ويدرس بداخله تخصص المناعه وقد يتواجد مزدوج مع المناعه وقد تتواجد المناعه لوحدها.

-----------------------------------------------------

ثالثا تخصص امراض الدم ( الهيماتولوجي) Hematology

هو التخصص التالت للي لو عايز تكمل بعد الكيمياء الحيوي والميكروبيولوجي بالترتيب وهيفيدك كناحيه علميه - وافضل دبلومه او ماجستير لتخصص امراض دم هي علوم شبين.

-----------------------------------------------------

رابعا تخصص التحاليل الوراثيه والبيولوجيا الجزيئيه Genetic analysis and Molecular biology

هو التخصص الرابع للي لو عايز تستزيد علميا في التحاليل هتاخده لكن عشان تبقي عارف تحاليل التخصص ده قليله وتكاد تكون نادر ماتطلب وكمان بيتم دراسه التحاليل الوراثيه كمواد في دبلومه الكيمياء الحيوي اما لو عايز تتوسع فهتاخد دبلومه او ماجستير في التحاليل الوراثيه وافضل دبلومه او ماجستير في التحاليل الوراثيه في علوم شبين والقاهره .

-----------------------------------------------------

خامسا تخصص الهيستولوجي والهيتوباثولوجي Histology and Histopathology

هو التخصص الخامس التخصص ده مش موجود كدبلومه وماجستير لكن موجود ماجستير ودكتوراه وممكن تكمل فيه في علوم شبين او الاسماعيليه الخ.

-----------------------------------------------------

سادسا تخصص التحاليل المعمليه والحيويه الطبيه biomedical laboratory analysis

وهو تخصص شامل يدرس الكيمياء الحيوي والميكروبيولوجي والمناعه والهيماتولوجي وقد يتواجد بهذا المسمى التحاليل المعمليه والحيويه الطبية زي علوم السويس وقد يتواجد بمسمى التحاليل البيولوجيه مثل علوم طنطا.

ملاحظات قانونيه

1- معمل التحاليل الطبيه في القانون لا يعتبر منشاءه طبيه (عياده).

2- المنشاءه الطبيه في القانون المصري هي اي منشاءه يديرها خريج طب وبالتالي فان معمل التحاليل الطبيه لا يعتبر في حكم المنشاءه الطبيه (عياده).

3- في الاعوام الاخيره سعت نقابه الاطباء لجعل المعمل في حكم المنشاءه الطبيه (العياده) التى لا يديرها الا طبيب وسنت قانون في غفله من نقابه العلميين منذ اكثر من عشر اعوام اسمه قانون المنشاءات الطبيه الذي اقر ان المعمل للي تابع لمركز طبي او مستشفي يعتبر في حكم العياده او المنشاءه الطبيه والتى لا يديرها الا طبيب بشري وبقييت المعامل الخاصه للي مش تبع المستشفيات او المراكز الطبيه معرفه قانونيا بانها ليست منشاءات طبيه (عيادات طبيه).

4- وللتغلب علي قصه ترخيص المعمل داخل المستشفي او المركز الطبي قانونيا

يجب فصل المعمل عن المستشفي يعنى المعمل يكون ليه باب دخول وخروج للجمهور مستقل عن باب المستشفي او المركز ويكون ليه غرفه سحب عينات وغرفه معمل مستقليين عن المستشفي .

إحذر الكورسات الفشنك

أولا : اي كورس بيضم خريجي علوم مع خريج المعهد الفنى الصحي في نفس الكورس أعرف انه فشنك ولا يؤهلك كاخصائي تحاليل طبيه .

-----------

ثانيا : اي كورس لا يقوم بتدريس التشخيص المعملي للامراض وتفسير النتايج أعرف انه فشنك ولا يؤهلك كاخصائي تحاليل طبيه .

-----------

ثالثا : اي كورس لا يحتوي علي دراسه حالات( case studies ) أعرف انه فشنك ولا يؤهلك كاخصائي تحاليل طبيه .

مسميات العاملين في مجال التحاليل

1- فنى كيمياء medical lab technician in chemistry

وهو الحاصل علي المعهد الفنى الصحى

2- تقنى كيمياء medical lab technologist in chemistry

وهو الحاصل علي بكالوريوس علوم طبيه تقنى

3- علمى كيمياء medical lab scientist in chemistry

وهو الحاصل علي بكالوريوس علوم دون الحصول علي دراسات عليا

4- أخصائي كيمياء medical lab specialist in chemistry

وهو الحاصل علي بكالوريوس علوم + دراسات عليا

5- إستشارى كيمياء medical lab consultant in chemistry

وهو الحاصل علي بكالوريوس علوم + دراسات عليا + خبره

كلهم يعملون في معمل التحاليل الطبيه لكن كل شخص له طبيعه عمل مختلفه عن التانى باستثناء الاخصائي والاستشاري فطبيعه عملهم تتشابه - هل تعلم ان لكل شخص فيهم رخصه مختلفه عن التانى وكل منهم يعمل تحت اشراف الاخر ففنى الكميا يعمل تحت اشراف تقنى الكميا الذي يعمل تحت اشراف علمى الكميا الذي يعمل تحت اشراف اخصائي او استشاري الكمياء هذا فقط في معمل التحاليل الطبيه المختص بالكمياء فهناك ايضا ذات الدرجات في الميكروبيولوجى والمناعه والهيماتولوجى بنفس الترتيب -فنى -تقنى -علمى -اخصائي -استشاري.

فتح معمل تحاليل في عياده او مستشفي

زي ماليك الحق في اداره و فتح معمل في شقه مستقله برضو ليك الحق في اداره وفتح معمل تحاليل في عياده او مستشفي والقانون بيكفلك ده - احدي رخص معمل تحاليل لمديره معمل تحاليل خريجة كلية علوم داخل عيادة

فتح معمل تحاليل في عياده او مستشفي

حوار يهمك تعرفه

الحوار الكامل بين دكتور احمد سامى محمد و الدكتور محمد عبدالمنعم وهو خريج كلية علوم طنطا ويعمل اخصائي تحاليل طبيه بولايه شيكاغو بالولايات المتحده الامريكيه واتمنى استفاده طلبة كليه العلوم او حديثي التخرج من الكلية من الحوار :

د أحمد :حضرتك خريج ايه يا دكتور ومتخرج امتى ؟

د محمد : انا خريج كلية علوم تخصص ميكروبيولوجى من جامعه طنطا دفعه 2003

د أحمد  : حضرتك بتشتغل ايه ومتخصص في ايه في التحاليل الطبيه

د محمد : بشتغل كاخصائي بنك دم

ازاى حضرتك سافرت وايه انواع الهجره ؟

السفر ممكن يكون هجره عشوائية او للدراسه

د أحمد :حضرتك بتدرس ايه ؟

د محمد : حصلت علي دبلومه الكميا الحيوى من مصر وحاليا بدرس ماجستير اداره معامل طبيه بامريكا

----------------

د أحمد :هل العمل كاخصائي تحاليل طبيه في امريكا فيه صعوبه ؟

د محمد :لازم تعادل شهادتك من مكتب معادله هنا في امريكا ودى بتاخد لها شهريين او تلاته ولازم تعدي امتحان البورد وطريقه الشغل طبعا مختلفه جدا وطبعا لازم تكون اللغه عندك كويسه

-----------------

د أحمد : حضرتك اتخصصت ليه كاخصائي بنك دم ؟

د محمد : التخصص هنا بعد ماتخلص بكالوريوس علوم بتدخل امتحان عام في التحاليل الطبيه في البدايه بيكون عام جرانيلست تشتغل في كل أقسام المعمل وده من خلاله لا تستطيع اداره المعمل وحتى تستطيع اداره المعمل لابد من ان تتخصص فيما بعد في تخصص من تخصصات التحاليل ولحبي في تخصص بنك الدم تخصصت به وعامه بنك الدم من أصعب امتحانات البورد الي موجوده وكمان في ناس كتير يتهرب منهاعشان المسئوليه وفي امريكا حوالي 5346 فقط أخصائي بنك دم أخدو البورد من سنه 1964

-------------

انا :هل فيه فرق معامله بينك وبين الطبيب زى مابيحصل في مصر في بعض الاماكن حيث يدعى الاطباء ؟

د محمد : كل أخصائيين التحاليل هنا في الولايات المتحده الامريكيه هنا علوم بنسبه تكاد تفوق ال 95%

---------------------------

د أحمد : هل فيه خريجى طب بيطري او زراعه بيشتغلو في التحاليل في امريكا ؟

د محمد : لا طبعا

------------------

د أحمد : ماهو بدايه راتب اخصائي التحاليل الطبيه في امريكا ؟

يبداء من $20 في الساعه وده طبعا البدايه للي لسه فريش وطبعا المرتب بيزيد علي حسب الخبره و لاحظ كمان أن فيه نسبه ضرائب 20%

---------------

د أحمد : لو فيه حاجه يا دكتور عايز تنصح بيها طلبة كلية علوم او حديثي التخرج ياريت تقولها عشان عايز انشر الحوار بحيث الطلبة وحديثي التخرج يستفيدو ؟

د محمد : اي حد بيفكر يسافر امريكا. أهم شيء اللغه. ممكن يخلص تويفل من مصر وكمان البورد سهل انه ياخدو وهما لسه في مصر. بالنسبه الطلبه حديثي التخرج .أهم شيء الثقه والقراءه. احنا في عصر الانترنت وكل شيء متاح للي عايز يطلع ويقرأ. وتعرف نقاط قوتك وضعفك.

شروط درجه استشاري

انك تكون محقق واحد من الشروط دي

1. الحصول علي الدكتوراه في أحد التخصصات (كمثال: تخصصات التحاليل الطبية) + 10 سنوات خبره (تحتسب الخبره من بعد البكالوريوس).
2. الحصول علي دبلومة فى أحد التخصصات (كمثال: تخصصات التحاليل الطبية) + 15 سنه خبره (تحتسب الخبره من بعد البكالوريوس).

صوره البطاقة لزميل من العلميين مغير البطاقه فى شهر يونيو 2020 بعد ختم استماره البطاقه من النقابه واعتمادها من السجل المدني

بالنسبه للى بيشتغل حكومى ف الصحه يقدر يغير البطاقه بعد الحصول على استشارى فى كارنيه النقابه ؟

فيه زملاء عملوها وفيه زملاء عندهم شئون العامليين مش راضيه لكن عموما الدرجه مستنده علي قانون نقابه المهن العلمية في الماده 3 التي اعطت للنقابه حق تنظيم المهن العلمية بتخصصاتها وفروعها.

يعنى لو مضيتها وختمتها من شؤن العاملين السجل المدنى مش هيعترض ؟ لانى سمعت ان الاعتراض بيبقى من موظفين السجل المدنى وبيطلبوا استقاله من الحكومه لتغيير المسمى ف البطاقه؟

شئون العامليين فى الصحة هو للي بيرفض وبيربط الدرجه بالاطباء وده خطا

هل بيتكتب إستشاري تحاليل طبية أم إستشاري في التحاليل الطبية؟

بيتكتب في البطاقه استشاري تحاليل طبية

منين بنجيب شهادة الخبرة؟

من المعمل للي شغاله فيه أو ترخيص معملك

طب هل ليها صيغة معينة يا دكتور؟

لا مفيش صيغه محددة

طيب الخبره دي لازم يكون شغال ف الحكومه ولا معامل خاصه عادي؟

اي معمل خاص او حكومة

تكلفتها كام؟

كانت فى حدود كانت بالف ونص