الأوراق المطلوبة لترخيص معمل تحاليل طبية
الأوراق المطلوبة للحصول على ترخيص معمل تحاليل طبية ، وفقاً لموقع الإدارة المركزية للمعامل على أن تتمثل المستندات والأوراق المطلوبة في:
- طلب للحصول على ترخيص بفتح ، وإدارة المعمل حسب النموذج المعد لذلك بالإدارة.
- أصل ترخيص مزاولة المهنة لأحد أفرع التحاليل الطبية ، الذي يفيد القيد في أحد سجلات وزارة الصحة الأربعة (كيميائي طبى ، بكتريولوجي ، باثولوجي ، باثولوجي إكلينيكي) ، أو مستخرج رسمي منها لصاحب المعمل والمدير المسؤول ، لتفاصيل أكتر عن كيفية الحصول على ترخيص مزاولة مهنة من خلال هذا الرابط.
- سداد مبلغ 4.30 جنيهًا ، برسم معامل وزارة الصحة " قيمة رسم معاينة المعمل".
- صحيفة حالة جنائية حديثة لطالب الترخيص وأيضاً المدير المسئول ( إذا كان صاحب الترخيص يشغل وظيفة حكومية يكتفى فى هذه الحالة بشهادة رسمية من شئون العاملين التابعة لجهة العمل تثبت وجود صحيفة الحالة الجنائية الخاصة به ضمن ملف خدمته أوبيان حالة وظيفية بتاريخ حدبث.
- 3 صور رسوم هندسية للمعمل معتمدة جميعها من مهندس نقابي ، ومستوفي الدمغة الهندسية على كل صورة بواقع جنيهًا واحدًا ، يبين على الرسم ما يلي: مسقط أفقي. ، مسقط رأسي ، موارد المياه وطرق الصرف الصحي ، الرسم الإرشادي (رسم كروكي يبين موقع المعمل).
- إقرار من المدير المسؤول يقر فيه أنه المسؤول عن إدارة المعمل طبقاً لتعليمات الوزارة.
- شهادة التأمينات الاجتماعية الدالة على اشتراك المعمل بمؤسسة التأمينات الاجتماعية "الشهادة الخضراء الأصلية"، وتستخرج من مكتب التأمينات الاجتماعية الواقع في دائرته المعمل للعاملين أو العمال غير الحكوميين "وفي حالة عدم وجود عمال أوعاملين خاضعين لأحكام قانون التأمين الاجتماعي يؤخذ إقرار بما يفيد ذلك".
- الشهادة الصحية الدالة على خلو العاملين بالمعمل من الأمراض المعدية والجلدية، وتستخرج من مكتب الصحة الواقع في دائرته المعمل للعاملين الذين لايعملون في الحكومة أو القطاع العام، وفي حالة عدم وجود عمال أو عاملين يستوجب الإقرار بذلك لإلغاء شرط تقديم شهادة صحية.
- إقرار من صاحب المعمل، والمدير الفنى المسؤول، يقر فيهما بأنه لم يسبق صدور حكم ضدهم ترتب عليه غلق العيادة أو المعمل السابق.
- صورة فوتوغرافية من عقد الملكية الموثق أو عقد الإيجار المثبت تاريخه للمعمل أو أى مستند ملكية أخر مع الأصل الإطلاع عليه وإعادته.
- صورة بطاقة الرقم القومى لصاحب المعمل ومديره المسئول وفى حالة إلحاقه بمنشأة طبية يقدم صورة بطاقة صاحب المنشأة.
- 15 طابع دمغة عادية فئة واحد جنيه.
- صورة من ترخيص المنشأة الطبية فى حالة إلحاق المعمل بها.
- صورة من تسجيل المنشأة الطبية بنقابة الأطباء.
- صورة من عقد المحرقة وصورة تفيد سداد رسم التخلص من النفايات الخطرة أو صورة ترخيص تداول النفايات الخطرة طبقاً لقانون البيئة.
- بيان بتجهيزات المعمل وأسماء العاملين به.
في حالة التقدم للترخيص من غير الأطباء البشريين يلزم تعيين طبيب بشرى لأخذ العينات من المرضى ويلزم لذلك التالي:
- صورة من ترخيص مزاولة المهنة للطب البشري أو صورة من كارنيه النقابة.
- إقرار من صاحب المعمل بتعيين طبيب بشري مسؤول عن أخذ العينات.
- إقرار من الطبيب البشري بقبوله أن يكون مسؤول عن أخذ العينات.
الاشتراطات الصحية والفنية
تتمثل الاشتراطات الصحية والفنية المطلوبة لترخيص المعمل طبقاً للقانون:
- يجب أن تكون المباني من مادة مقبولة صحيًا وهندسيًا ، ويجب ألا يقل ارتفاع الحوائط عن 270 سم على أن تكون الحوائط مدهونة بمادة ملساء.
- يجب ألا تكون أرضية المعمل منخفضة عن مستوى الطريق العام.
- يجب وضع لافتة على المعمل مدون عليها بحروف ظاهرة بالعربية اسم المرخص له واسم المدير المسؤول ونوع التخصص ويحظر استخدام الأسماء الأجنبية.
- يجب توفر مورد مائي عمومي وفي حالة عدم وجود مورد مائي يجب توافر طلمبة ماصة كابسة لتوريد المياه اللازمة بشرط أن تتوافر فيها، وفي المياه الناتجة عنها الاشتراطات الصحية المطلوبة كما يجب أن يكون الصرف بطريقة صحية وموضحة على الرسم الهندسى المقدم للحصول على الترخيص.
- يجب توافر حوض كامل الصرف داخل حجرة المعمل أو فى حجرة التحضير واستلام العينات بشرط أن تكون قريبة من حجرة المعمل.
- يجب توافر الكيماويات والكواشف والأجهزة المعملية اللازمة للعمل بها وذلك حسب كل تخصص.
علشان تاخد موافقة بترخيص معمل كيمياء حيوية
سيتم الدعم بصور فى الأسفل لكل التفاصيل
- عقد ايجار لا يقل مدته عن خمس سنوات مثبت تاريخ في الشهر العقاري من بداية التقديم للترخيص .
- رسم كروكي من 3 نسخ اصل وصورتين للشقة موضحا بها ابعاد وتفاصيل الغرف والشوارع والحدود والجار و مختوم من مهندس نقابي .
- فيش جنائي موجه للمعامل المركزية بوزارة الصحة .
- صورة البطاقة الشخصية .
- أصل مزاولة مهنة التحاليل الطبية .
- صورة كارنيه طبيب .
ثم تتوجه الي المعامل المركزية بوزارة الصحة بالقاهرة الدور الثاني عند مدام مني .. هي محترمة جدا ومتعاونة وهتخلص لك الورق علي طول .. وتشوف لو فيه حاجة مطلوبة منك تعملها وهتدفع فلوس في الخزنة حسب الرسوم المقررة .. وفيه دمغات زي ما تقولك .. هتمضي علي كل الورق المطلوب يا اما لو انت مش موجود او مش متاح تروح بنفسك ممكن تعمل توكيل بذلك ولكن وقت المعاينة لازم تكون موجود بنفسك .. وفي الاخر هتاخد افادة بالمعاينة لحين تحديد المعاينة قبلها بيوم او اكتر هيتصلوا بك .. وما تنساش تختم الورقة قبل ما تمشي .
كونك كيميائي أخصائي تحاليل طبية خريج كلية العلوم وحاصل علي دراسات عليا في مجالك اياً كان هذا شرف وفخر لكل علمي خريج كلية العلوم في شتي المجالات .. ومن يعمل علي التقليل من شانك بشكل او باخر اما عنده عقدة نقص او مش عارف يصل لما انت عليه.
اليكم الاتي :
أولاً: صالة الاستقبال
- يكون فيها سلة بكيس اسود ويفضل تكون بغطاء
- مكتب وعليه كمبيوتر يفضل يكون مش عليه غير البرنامج الخاص بكتابة التقارير ويفضل يكون مش متسجل عليه اي بيانات لان ممكن يطلب منك تشغل الكمبيوتر ، ولو عليه برنامج لسه جديد زي احمد لاب مثلا مجاني وهيقضي الغرض
- طابعة فيها ورق التقارير وبجانبها الاظرف او الفولدرات وطبعا لازم تكون نفس الصيغة الموجوده علي (اليفط والورق والاظرف او الفولدرات) وهي كالاتي:
معمل ......... للتحاليل الطبية الكيميائية
الاسم ثلاثي او رباعي مسبوقا بحرف ك او من غير افضل
أخصائي التحاليل الطبية لو مكتوبة في البطاقة .. لو مش مكتوبة في البطاقة الافضل لا تكتبها ..
بكالوريوس العلوم جامعة ............
دراسات عليا في الكيمياء الحيوية التحليلية جامعة .................
او دبلوم الكيمياء الحيوية التحليلية جامعة ......................
ثانياً: الارضيات
تكون سيراميك وغالبا بيعلقوا علي البلاط المزايكو ويطلبوا تغييره والحوائط دهان يكون جيد والمكان نضيف
ولو فيه باب بلكونة يفضل وضع سلك او عمل ضلفة برواز خشب بسلك تفتح للخارج لو باب البلكونة مش فيه زجاج وسلك .. ممكن تشيل الشيش الخارجي وتعمل برواز سلك كانه ضلفه يفتح للخارج .. ومن الداخل باب البلكونة اللي بزجاج .. وبعد كده براحتك لو عايز تركب الشيش تاني ، يا ريت لو حلق الابواب الخشب تكون مدهونة لاكيه لانهم بيعلقوا عليها .
ثالثا: طفاية الحريق
تكون 6 كيلو يكون المؤشر علي الاخضر يعني مليانة وشغالة .. ومش لازم يكون معك فاتورة بها الا اذا طلبوها منك يفضل تكون شاريها .. ويتم تعليقعها علي الحائط في الطالة او تكون علي مستوي اعلي من مستوي الارض ممكن تضعها علي ترابيزة مثلا .
رابعاً: لافتات توجيه
وضع لافتات توجيه علي كل غرفة ( المعمل ممنوع الدخول ) - دورة المياه - غرفة السحب .. وممكن غرفة المكتب هي نفسها غرفة السحب لأن مفيش شرط بيقول مكتب ممكن يتم كتابة لافتة بغرفة السحب مدمج بها كلمة مكتب المدير - غرفة النفايات .
خامساً: الشقة تكون مستقلة
لا يوجد بها اشتراك مع شقة اخري مثل وجود باب مغلق مثلا وفاتح علي شقة مجاورة فلازم يتشال الباب ويتم بناؤه بالطوب .. وتكون الشقة عبارة عن صالة للاستقبال وصالة الاستقبال ينفع يبقي فيها المدير المسؤول عن المعمل .. وغرفة للمعمل وغرفة لسحب العينات وحمام .. لو الشقة عبارة عن غرفة ومطبخ وحمام وصالة ممكن يتم عمل المطبخ كمعمل لو مساحته تسمح .. مساحة الشقة غير مرتبطة بمقاسات .
سادساً: التهوية
وجود تهوية جيدة وخاصة في غرفة المعمل سواء كان فاتح مباشرة شباك علي الشارع او فاتح علي منور .. وعلي الشبابيك كلها سلك للناموس والحشرات ويفضل للبلكونات ايضا سلك.
سابعاً: غرفة النفايات
ان تم طلبها منك في بعض المحافظات .. تكون فيها حوض ومصدر مياه وبلاعة صرف ويكون فيها الاوتوكلاف او يكون داخل غرفة المعمل مفيش مشكلة .. ويكون عليها باب خشب او الوميتال وبها شباك سلك ايضا يعني تهوية جيدة .. يعني لو عندك مطبخ تعمله غرفة نفايات يبقي زي الفل .. وفيه كلام إنها تخص العلاج الحر التابع لمحافظتك في مديرية الصحة ولم يتم طلبها من قبل اللجنة بالمعامل المركزية القادمة من وزارة الصحة بالقاهرة ، وغالبا في المحلة بيطلبوها اساسي .
ثامناً: الحمام
يكون نضيف وفيه كلور وديتول وبريل وشباك بسلك ، ولو فيه ماسورة جاية من المطبخ علي الحمام وظاهرة الافضل تتعدل بحيث تكون مش ظاهرة فوق السيراميك .
تاسعاً: غرفة سحب العينات
يكون بها كرسي سحب بمساند او كرسي انتريه جلد بمساند ، وترابيزة السحب تكون استانلس او خشب وعليها رخام ويكون عليها انابيب السيرم سواء كانت جيل او وزرمان ، وقطن معقم داخل علبة استانلس خاصة بها وممكن يبقي في كيس القطن نفسه ان لم يكن موجود علبة ،وسرنجات وماسحة كحولية ولاصق طبي وتورنيكيه ، وسلة بغطاء وكيس احمر وسيفتي بوكس وسلة اخري بكيس اسود .
عاشراً: غرفة المعمل
- لو فيها دولاب خشب صغير او كبير يتشال .
- يكون فيها بنجات رخام مش لازم يكون المكان كله رخام ولكن علي الاقل حوالي مترين عرض او اكتر شوية حسب المساحة المتاحة معك .
- يكون فيه تحت البنجات ارفف وادراج الوميتال لازم ، وتكتب ورقة علي كل ضلفة ودرج بالمحتوي داخلها .
- تحت الحوض اللي داخل غرفة المعمل يتم تقفيله ايضا بضلفة الوميتال وبلاعة الصرف تكون خارجية او يتم قفل البلاعة بسيرامك واسمنت .
- لا يوجد بها مراوح سقف او حائط .
- تكون التهوية جيدة داخل غرفة المعمل يا اما تركب تكييف .
- مفيش اي ترابيزة تكون داخل غرفة المعمل ومفيش كمبيوتر ايضا.
- التلاجة تكون كويسة وبها ترمومتر لمتابعة درجة الحرارة من 2 الي 8 درجة ما تزيدش ولا تقل عن كدة ، ويتم عمل ورقة بمتابعة درجة حرارة التلاجة ( اليوم والتاريخ ودرجة الحرارة ) وتتعلق علي باب التلاجة من الخارج .
- المحاليل داخل التلاجة تكون كاملة مش مجرد فايل او 2 ، وتكتب ورقة ايضا علي باب التلاجة ( اسم المحلول .. الشركة .. تاريخ انتهاء الصلاحية)
- يفضل تكون التلاجة مش بتعمل تلج ، ولو مش عندك غيرها ممكن تفصلها شوية تفك التلج من الفريزر وبعد كدة تبقي تشغلها عادي.
- محاليل الكيمياء داخل التلاجة ( السكر والكالسيوم واليوريا والكوليسترول والترايجلسرايد واليوريك اسيد والالبومين والانزيمات .. ).
- خارج التلاجة علي رف او علي البنجات يكون فيه الكريات والبيلليروبين .
- سلة بكيس احمر مغطاه وسيفتي بوكس ..
- بابيتات .
- سنترفيوج .
- جهاز كيمياء شغال .
- حضانة .
- ميكروسكوب كامل العدسات (الميكروسكوب موجود في ترخيص الكيمياء الحيوية .. بتعمل عليه ايه ما باعملش هو من ضمن شروط انه يكون موجود).
- تبس اصفر وازرق وانابيب وزرمان .
- مناديل ورق واكياس قطن .
- مياه مقطرة مكتوب عليها انتهاء الصلاحية .
- كحول اسبراي
- علي الحوض او اسفل الحوض داخل المعمل يكون فيه منظفات وبيريل وديتول وكلور ومعقم لليد .
ملحوظة مهمة جدا .. بعض الشقق فيها حمام مستقل داخل غرفة وبعض الزملاء يتناسي الغاؤه داخل غرفة المعمل .. فلو أمكن يتم غلق الباب وبناء الحائط تماما وتحويل مساره الي اقرب غرفة أخري بجواره أو يتم إلغاء القعدة وغلق البلاعة بداخله وتحويله الي ركن عادي داخل غرفة المعمل يتم استغلاله في اي شيء آخر .. لأن إلغاء بلاعة الصرف داخل حجرة المعمل واجب فمن باب اولي عدم وجود حمام .
أحد عشر: اليفط
عندك 3 يفط رئيسية
اول يافطة علي باب المعمل
الثانية علي واجهة المعمل او العمارة او البلكونة
الثالثة تكون علي عامود نور بسهم يشير الي المعمل سواء كانت في نفس اتجاه المعمل او في الجهة الاخري من الطريق ، ولازم يكونوا نفس الصيغة والكتابة زي بعض ،حبيت تزود يفط يا ريت يكونوا نفس الصيغة ايضا .
ما ينفعش تكون ( معمل ......... للتحاليل الطبية ) لازم تكتب ( معمل ......... للتحاليل الطبية الكيميائية ) والا سوف يتم التعليق عليها ووقف الترخيص عليها وما ينفعش تعمل بوستر وتلصقه علي يافطة قديمة ، لازم البانر يكون مطبوع كامل مستقل .
التزمت بكل ده حرفيا تبقي صاحبي وحبيبي وكفاءة وهتاخد الترخيص من اول معاينة باذن الله .. ما التزمتش يا ويلك يا سواد ليلك وهيتم رفض الورق وتقدم من اول وجديد وعيش حياتك وانتظر لما يتحدد لك معاد اخر .
