هنتكلم فى هذا المقال من موقع « علومنجى دوت كوم » عن الدبلوم المهنى فى فحص مسرح الجريمة ودوره في خدمة العدل والدبلوم المهنى فى السموم والكيمياء الطبية الشرعية بكلية الطب جامعة المنوفيه من شروطة وميعاد التقديم ومصروفاتة والدراسة والدبلومة متاحة لكليات واقسام ايه ومده الدراسة والشغل بتاع الدبلومة وراينا فيها.
الدبلومات المتاحة
- الدبلوم المهنى فى فحص مسرح الجريمة ودوره في خدمة العدل
- الدبلوم المهنى فى السموم والكيمياء الطبية الشرعية
ميعاد التقديم
- من 15/7 حتي 15/8
- للالتحاق بالدبلومة يرجي زيارة قسم الدراسات العليا كلية الطب
- يتم التسجيل مرتين فى السنة فى يناير ويوليو.
الاوراق المطلوبة
- أصل شهادة البكالوريوس
- أصل تقديرات السنوات
- شهادة التجنيد أو صورة معتمدة
- عدد (4) صور شخصية
- موافقة جهة العمل
- أصل شهادة الامتياز
- أصل شهادة الميلاد
- عدد(2) صورة البطاقة
- عدد (2) ملف لحفظ الأوراق
- باقى الاوراق فى الصورة
 |
| الدبلوم المهنى فى السموم والكيمياء الطبية الشرعية بكلية الطب جامعة المنوفيه |
شروط الدبلومة
يقصد ايه بتعهد بعدم ممارسة مهنة الطب؟؟
يقصد ان ماينفعش اشتغل وامارس شغل الطبيب بحجه اني احصل علي هذه الدبلومه وده مش محتاج اصلا انهم يذكروه.
الرسوم الدراسية
السنة دى ب 3000 للدبلومة الواحدة
كان 2000 جنية للدبلومة الواحده فى 2018
الدراسة عربى ولا انجليزى
دراسة مسرح الجريمة ودوره في خدمة العدل عربى ... السموم والكيمياء الطبية الشرعية انجليزى
الدبلومتين منفصلتين عن بعض من يرغب يسجل فى الدبلوم اللى هتفيده فى مجال عمله وتخصصه.
الدبلومة متاحة لكليات ايه
طب وعلوم وصيدلة وحقوق وكلية شرطة
لكل اقسام علوم ولا قسم معين ؟
الأقسام اللى ممكن تفيدها الحصول على الدبلوم زى قسم كيمياء منفرد او مزدوج ومن الاخر اى حد فى اى قسم عاوز يقدم يقدم مش هتفرق وهقولكوا سبب كلام دا تحت.
مجالات العمل
في الطب الشرعي
ممكن تؤهلك للعمل فى معامل الكشف عن السموم والمخدرات ومعامل البحث الجنائى ومعامل ومسابقات وزاره العدل مصلحة الطب الشرعى ووزاره الصحه بيبقى فى معامل اقسام السموم الاكلنيكيه فى المستشفيات.
المحتوى الدراسى
التيرم الأول
أسس دراسة سمية الأدوية والمواد الكيميائية
Principles of Studying of Poisoning of Drugs & Chemicals
أسس دراسة سمية المواد النباتية والحيوانية ومواد الإدمان
Principles of Studying of Poisoning, plant & animal poisons, and addiction
التقنيات الحديثة فى الكشف عن السموم والمخدرات
New Methods for Detection of Toxins & addicting drugs
الممارسات والأخطاء المهنيه والجوانب القانونية المنظمة لها فى مجال التخصص
Practice & Malpractice ,and the Laws Regulating Them
السموم المعملية العامة والخاصة
General & Special Laboratory Toxicology
مقرر في الحاسب الألي إحصاء طبي طرق البحث القيم الطبية
Statistics, Epidemiology and medical ethics
اللغة الإنجليزية
English
التيرم الثانى
السموم المعملية العامة والخاصة
General & Special Laboratory Toxicology
الكيمياء الطبية الشرعية والسيريولوجى ويشمل التقنيات الحديثة فى الكشف عنها فى السوائل الببيولوجيا فى الجسم
Forensic Analytical Chemistry, Serology & New Methods for
السموم العامة والخاصة
General & Special Toxicology
التزييف والتزوير والأحبار
Forgery & Counterfeit
مواد الإدمان و طرق الكشف عنها
Addicting Drugs & Methods of Diagnosis
الحضور:
- الحضور يومين فى الاسبوع
- ومش شرط تحضر
مده الدراسه
سنه ( على ترمين)
 |
| الدبلوم المهنى فى السموم والكيمياء الطبية الشرعية بكلية الطب جامعة المنوفيه |
رأى فريق الموقع فى الدبلومة
دبلومة لا ترتقى لمستوى كورس فى اى سنتر
- اولا لانها بتجمع بين ناس مش متخصص مع ناس متخصصه
- ثانيا وده الاهم لانها فى كلية طب وهم اصلا مدرسوش كيمياء يبقى ازاى هيدرسوا علم السموم والكيمياء الطبية الشرعية ... مكان الكلام ده هو كلية العلوم لا غير.
أما لو عاوز دبلومة محترمة فى الطب الشرعى
تخصص علم السموم في الطب الشرعي بكلية العلوم جامعه كفر الشيخ
رابط المقال
دبلومة الكيمياء الشرعية كلية علوم الاسكندرية
بعد إذنك التيرم فيه كام مادة، والدراسة كام يوم في الأسبوع، والحد الأدني للحضور كام %
ردحذف12 مادة على تيرمين
حذفاضفنا المواد دى فوق
الحضور غالبا يومين ومش اجبارى يعنى بمزاجك
هل مجال العمل ليها متوفر ولا هيبقي صعب برضو !
ردحذفويعني ايه دبلومه لا ترتقي لمستوى كورس ف اي سنتر ؟!
بالنسبة للشغل فدا بيكون مسابقات من معامل التزييف والسموم فى وزارة الصحة ومعامل التزييف والتزوير فى وزارة العدل ومصلحة الكيمياء كذلك ومصلحة الطب الشرعى ... ودى طبعا مش متاحه فى كل الوقت لكن موجودة على فترات يعنى على الاقل كل سنه واحدة من دول بتطلب ... وبصفه عامه الموضوع موجود لكن مش سهل
حذفاما بخصوص دبلومه لا ترتقي لمستوى كورس ف اي سنتر
اولا: لان الدبلومة متاحة لخريجى كلية الحقوق والشرطة والعلوم والصيدلة ولذلك اكيد محتواها ضعيف جدا جدا ولا يؤهل للمجال وكمان بالعربى يعنى خربانه
ثانيا: لان علم السموم هو فرع من فروع علم الكيمياء وبالاخص الكيمياء الحيوى يعنى الجهة الوحيدة المخول لها اعطاء الدبلومات فى المجال دا هى كلية العلوم وبالفعل كلية العلوم فيها الدبلومات دى ... ومرفش ازاى سمحوا لطب اصلا انهم يفتحوا الدبلومة دى عندهم اصلا.
وفى اسباب تانية كتير لكن دول اهمها.
ينفع الدبلومة ده لكليات زراعة احنا دارسين نوعين كيمياء
ردحذفللاسف الكليات المذكورة فقط
حذفمع احترامي لرأي الموقع هتكلم بصفتي درست الدبلومة دي .. فيه تحامل على انهم في كلية الطب مدرسوش كيميا و ازاي هيدرسوها .. كل ما هو متعلق بالسموم و الطب الشرعي يدرس فعلا من خلال اساتذة كلية الطب اما ما هو متعلق بالكيميا يُدَرس من اساتذه في كلية الصيدله _و انتوا على علم بدراستهم للكيميا من غير ما احتاج اني اذكر _ لكن وجب التوضيح .. وصدقا سواء الاساتذه دول او دول فهم ناس محترمه جدا و بيعطوا باستفاضه للدارس كل ما يحتاجه و يمكن اكتر و بتوسع مع ذكر ان دا زياده و لكنه هيسهل الفهم
ردحذففأتمنى التأكد من كل المعلومات قبل اضافتها للموقع و ان فيه ناس فعلا مش هتقدم بسبب رأيكوا
شكرا لرأيك
حذفلكن علم السموم (اللى هو جزء من الكيمياء الشرعية) شئ والطب الشرعى شئ آخر
لو هنتكلم عن الكيمياء الشرعية يبقى مكانها اما كلية العلوم او كلية الصيدلة لا مكان آخر
اما الطب الشرعى والحالات المرضية وتفسيرها فدا مكانه كلية الطب
هم هنا بيدرسوا علم السموم والدبلومة عن كدا ودى كيمياء بحته لا يجوز تدريسها سوا من المتخصصين فيها من كليات العلوم وكذا الصيدلة وكذلك لا يجوز تدريسها سوا للكيميائيين والصيادلة
معلش يا اميمة بم انك اخدتي الدبلومة ممكن اتواصل معاكي واسالك علي تفاصيلها اكتر
حذفانا خريجه زراعه قسم كيمياء حيويه هل ليا حق التقديم و التقديم عن طريق النت و لا لازم الكليه
ردحذفللاسف لا مش مسوح لزراعه
حذفمتاحه حاليا
ردحذفاه متاحة
حذفيعنى لو انا خريج حقوق و عملتها مش هشتغل فى المعمل الجناىى صح؟
ردحذفللاسف مش هتفيدك كشغل فى المعمل الجنائى
حذفهيا الدبلومه دي بتحتاج تقدير معين ولا عادي
ردحذفمن جيد
حذفوالسنة اللى فاتت اخدت من مقبول
هل الدبلومة متاحة لكلية الزراعة
ردحذفلو قدمت هتتقبل
حذف