دبلومة الكيمياء الحيوية التحليلية كلية العلوم جامعة طنطا

بِسْــــــــــــــــمِ اﷲِالرَّحْمَنِ الرَّحِيم

جمعنا لكم فى هذا المقال من موقع « علومنجى دوت كوم » كل ما يخص دبلومة الكيمياء الحيوية التحليلية كلية العلوم جامعة طنطا من الاوراق المطلوبه والمصاريف الاداريه والمقررات الدراسيه .

تعتمد نظام الدراسة بالدبلومة على نظام الساعات المعتمدة بواقع 30 ساعة موزعة على فصلين دراسيين وكان اول سنه تفتح فيها 2015-2016.

ميعاد التقديم

التقديم بيكون فى نصف شهر يوليو أو اول شهر 8 وبينتهي اخر أغسطس. 

مواعيد فتح باب القيد بالدراسات العليا الكترونياً للعام الجامعي 2020/2021

صحيح التقديم بقى الكترونى من خلال الموقع دا والمستندات اللى انت هترفعها على الموقع دا هى نفسها اللى هتوديها الكلية.

التخصصات القبوله

•  كيمياءحيوي , كيمياء/كيمياءحيوي , كيمياء/نبات ، كيمياء/حيوان ، كيمياء/ميكروبيولوجى وميكروبيولوجى خاص وحيوان خاص
• كما تقبل الدبلومة أيضا الحاصلين على درجة البكالوريوس من خريجى كليات الطب البيطرى ، والصيدلة لكن ببعض الشروط.

للعلم! مش بيقبلوا كيمياء/فيزياء او كيمياء/حاسب او كيمياء/جيولوجيا او كيمياء/حشرات او كيمياء/علوم بيئة.

المستندات المطلوبه 

1. أصل شهادة البكالوريوس.
2. أصل شهادة تقدير الاربع سنوات.
3. شهادة الميلاد + صوره منها.
4. موافقة جهة العمل لمن يعمل بالحكومه أو قطاع الاعمال أو الخاص.
5. اقرار تفرغ من الطالب شخصيا اذا كان لايعمل.
6. شهادة بتحديد الموقف من التجنيد.
7. 4 صور شخصية.
8. 5 جنيهات طوابع مهن علميه ( نقابة المهن العلميه )

التقديرات المقبولة

مفيش شرط للتقدير بس فى الغالب بتقبل من جيد

نظام التقديم 

• يقوم الطالب أو ولى أمره بسحب مظروف التقدم بعد سداد مبلغ 500 جنيــه. 
• الاول بتروح الدراسات العليا تاخد من أستاذة عبير 4 اذن دفع ... ثلاثه بيدفعوا في خزنه الكلية "2585 جنية" والرابع في المكتبه المركزيه "250 جنية" وبتجيب بخمسه جنيه طابع مهن علميه.
• للناس اللى بتقدم بالافادة بتاعت الكلية علشان الشهادة المؤقتة مطلعتش بتكتب اقرار انك هتجيبها وبتقدم علشان مش يضيع عليك التقديم. 

  للعلم! يجب علي الطالب تسليم جميع ايصالات السداد الي ادارة الدراسات العليا بالكلية مع توقيع الموظف المختص بالقسم علي صورة الايصال باستلامه اصل الايصالات وفي حالة عدم قيام الطالب بتسليم الايصالات الي ادارة الدراسات العليا في الموعد المحــــــدد يعتبر القيد ملغي . 

مصاريف الدبلومة

بـ 5000 جنية على ترمين الاول 3000 جنية والثانى 2000 جنية والمصاريف غير شاملة للكتب.

للعلم! لو فى مواد تكميليه او دخلت سمر كورس الساعه المعتمده ب 120جنية.

تعليمات هامة:

• بتدفع علطول ساعه ما بتقدم مفيش نتيجه قبول لان ساعة ما بتقدم تقديمك وتدفع المصاريف بتقبل وتروح مع بدايه شهر أكتوبر للدراسه ... الموظفة قالت 3000 جنية مع التقديم غير قابلين للاسترجاع لانك بمجرد ما تدفع بتقبل.
• فى شوية اقرارات موظفه الشئون بتديهالك تملاها وتمضى عليها ... رقم 9 يعني متكونش مقدم على اي دراسات عليا ف اي جامعه تانيه و رقم 10 متكونش قدمت ع الدبلومه دي قبل كده.

نظام الدراسة:

1. الدراسه كويسه "ممكن للبعض تكون صعبه شويه لان المحتوى العلمى كبير
2. الحضور غالبا هيبقى من نص شهر 10 وهينتهى فى اول شهر 5 .
3. لازم الحضور ... د. طارق مصطفى بيقول هيبقوا يومين .. غالبا أربع وخميس.
4. فيها تقييم اسبوع وتسجيل الغياب وبيقولوا الدراسه فيها شديده شويه لكن درجة الاستفاده أكبر وبتتعلم صح من دكاترتها المحترمين دكتور ثريا ودكتور طارق ودكتور راشا ودكتور يحيى ودكتور حامد ودكتور مى وغيرها من الدكاترة .

المقررات الدراسية

• general metabolism
• hormones
• Experimental techniques in Biochemistry 1
• Experimental techniques in Biochemistry 2
• Enzymology 1
• Clinical quality control
• Clinical biochemistry
• Biotechnology
• Biostatistics
• Biochemical Toxicology
• Air Pollution
• Water analysis and treatment
• Regulation metabolism
• proteomic
• Nutritional analysis
• Microbial biochemistry
• Metal ions in Biochemistry
• Clinical biopharmaceutical analysis

نماذج امتحانات للدبلومه كيمياء الحيويه التحليليه

رابط التحميل

هل الدبلومة معتمدة

اه معتمدة واعتمدت سنه 2017 .

الدبلومات المعتمدة فى الكيمياء الحيوى والميكروبيولوجى

ملحوظه: توجد بالكليه امكانيات خاصه لمعامل الدبلومه.

للتواصل والأستفسار

منسق البرنامج

ا.د / طارق مصطفى محمد – أستاذ الكيمياء الحيوية

الدور الثالث – مبنى الكيمياء

تليفون داخلى: 208

ايميل الكترونى:

tarek.ali@science.tanta.edu.eg

tarek967@hotmail.com

نتائج طلبة الدبلومة 2019