دبلومة الكيمياء الحيوية والميكروبيوولوجيا التطبيقى (دبلومة مزدوجة) كلية علوم الزقازيق

بِسْــــــــــــــــمِ اﷲِالرَّحْمَنِ الرَّحِيم

نقدم هذا المقال من موقع « علومنجى دوت كوم » عن كل ما يخص الدبلومة المزدوجة الكيمياء الحيوية والميكروبيوولوجيا التطبيقى وكذلك دبلومة الكيمياء الحيوية كلية علوم الزقازيق من حيث ميعاد التقديم والاوراق المطلوبه ومصاريف الدبلومة وبتاخد من تقدير أية والاقسام المقبولة ونظام الدراسة ... الخ .

ميعاد التقديم

التقديم غالبا بيكون من أول شهر 8 حتى أخر شهر 8 من كل عام.

حاليا فى 2021/2020 التقديم التقديم من 1 اغسطس لغاية 30 سبتمبر.

2021/2020 التقديم التقديم من 1 اغسطس لغاية 30 سبتمبر

الاوراق المطلوبه

1- صوره البطاقه الشخصيه

2- شهاده الميلاد اصل كمبيوتر

3- اصل شهاده التقدير 4 سنوات

4- اصل الشهاده المؤقته للبكالريوس

5- 6 صور شخصيه "6x4"

6- اصل شهادة تأديه الخدمه العسكريه او الاعفاء منها

7- موافقه جهة العمل او اقرار بعدم العمل.

8- دوسية بلاستيك

9- دمغات "عدد 2 دامغة ب 70 قرش على نموزج رقم 1 الخاص بالدبلومة" (بتجيبوا الدمغات من من مبني الاداره فيه داده فوق عند البوفيه بتشتريها منها وبتلزقهالكوا فى اماكنها. فى الورق)

للعلم! هتجيب فلاشة معاك بتسحب المظروف على فلاشة ورسوم المظروف 50 جنية (وموظف الدراسات العليا هينسخ الملف من جهاز الكمبيوتر عنده للفلاشة) ، وبيكون فى مقابلة شخصية ملهاش لازمة "معموله علشان يلموا فلوس" .

 

مصاريف الدبلومة

• الدبلومة المزدوجة كيمياء الحيوية وميكروبيوولوجيا التطبيقى بـ 7000 + سحب ملف 500 جنية + دمغات + مصاريف الكتب.
• مصاريف التهميدي: 2050 جنيه
• مصاريف دبلومة كيمياء حيوى فقط  أو دبلومة كيمياء الطب الشرعى أو دبلومة ميكروبيولوجى فقط  بـ 7000 جنية (كانت بـ 1500 جنية فى 2017) + سحب ملف 500 جنية + دمغات + مصاريف الكتب. .
• مصاريف باقى الدبلومات 7000جنية + المظروف 50 جنية.

الدبلومة المزدوجة كيمياء الحيوية وميكروبيوولوجيا التطبيقى غالية لانها دبلومة مزدوجه + بيقولوا عشان الاعتماد والجوده ، تدفع على مرتين 3500 ترم اول، 3500 ترم ثان.

 

مصاريف 2021-2022

 

التقدير المقبول

حسب الاعداد اللى مقدمة بس غالبا هتاخد زى كيمياء حيوى يعنى من جيد ومبياخدوش عدد كبير فى دبلومة كيمياءحيوى "بس ممكن فى دبلومة الكيمياء الحيوى والميكروبيولوجى الوضع يختلف من حيث العدد".

الاقسام المقبولة

بتقبل معظم الأقسام سواء اقسام مزدوجة زى 

• كيمياء/كيمياءحيوى 
• كيمياء/نبات 
• كيمياء/حيوان 
• كيمياء/ميكروبيولوجى 

او منفردة زى 

• كيمياءحيوى 
• نبات
• ميكروبيولوجى 
• بيوتكنولوجى
• كيمياء خاص
• حيوان

أوالطب البيطرى او الصيدلة.

المفروض انهم قايلين انهم هبيقبلوا كلية الزراعة (شعبة ميكروبيولوجى او كيمياءحيوى) لكن يقال انهم كل سنة بيقولوا كده فى دبلومة الكيمياء الحيوى فقط ومش بيقبلوا زراعه (للعلم السنه اللى فاتت 2018/2019 أخدوا ناس من زراعة فى الدبلومة المزدوجة).

آخر ما وصلنا بشأن الدبلومة هذا العام 2021-2022 فإن دبلومة الكيمياء الحيوية بتقبل الزراعة ( بيوتكنولوجي / كيمياء حيوي / ميكروبيولوجي / وراثة / صناعات غذائية / البان / انتاج حيواني / انتاج داجني / انتاج اسماك / شعبه عامه ) ، ودبلومة المزدوجة بتقبل الزراعة ( بيوتكنولوجي / كيمياء حيوي / ميكروبيولوجي )

نظام الدراسة

• بالنسبة لدبلومة الكيمياء الحيوية والميكروبيوولوجيا التطبيقى (دى دبلومة مزدوجة) الحضور يومين محاضرات ويوم سكاشن (تلت ايام ورا بعض).
• بالنسبة لدبلومة الكيمياء الحيوية الدراسة بتكون يومين فى الاسبوع والحضور مش مهم.

اذا اختار الطالب دبلومة غير تخصصه فى الاندر، سيتم اضافة مواد تكميلية مع مواد الدبلومة ولا يحتسب تقدير للمواد التكميلية

المقررات الدراسية لدبلومة الكيمياء الحيوية والميكروبيوولوجيا التطبيقى : 

مواد الترم الاول 

1. الكيمياء الحيوية التشخيصيه 
2. كيمياء السوائل البيولوجية 
3. بكتريا طبية + فطريات طبية 
4. فيروسات طبية + طفيليات طبية 
5. علم السموم والمبيدات

مواد الترم التانى

1. التحاليل الدقيقة 
2. الوظايف الحيوية 
3. امراض الايض + هرمونات 
4. ميكروبيولوجيا اغذية 
5. هندسة وراثيه + مناعة جزيئيه

أعتماد الدبلومة

هل دبلومة الكيمياء الحيوية والميكروبيوولوجيا التطبيقى معتمدة :

• اولا فايدة الاعتماد من وزارة الصحه انك مش بتحتاج ترفع قضية
• ثانيا سنة 2019 كانت اول سنة للدبلومة يعنى لسة طبعا مخدتش الاعتماد لازم تودى محتوى موادها للوزارة علشان تعتمدها.

اول تراخيص على الإطلاق للدبلومه الجديده دبلومه الكيمياء الحيوية والميكروبيولوجي من علوم الزقازيق

اول تراخيص على الإطلاق للدبلومه الجديده دبلومه الكيمياء الحيوية والميكروبيولوجي من علوم الزقازيق

ترخيص بسجل الكيميائيين لدكتورة. أسماء عبدالحليم عاشور دبلومه الكيمياء الحيوية والميكروبيولوجي من علوم الزقازيق

ترخيص بسجل الميكروبيولوجيين لدكتورة. أسماء عبدالحليم عاشور دبلومه الكيمياء الحيوية والميكروبيولوجي من علوم الزقازيق

طب هرخص تبع انهى سجل لو اعتمدت "سجل الكيمياءالحيوى ولة سجل الميكروبيولوجى": 

حسب هى هتعتمد تبع انهى سجل غالبا في السجل اللي فيه المواد اكتر"ومن الواضح من خلال المواد هيكون سجل الكيمياء" ... لكن عموما بيها هتقدر تتسجل بالقضيه في السجلين "بمعنى هتتسجل في سجل عادي والتاني بقضية" وتبقى كدة 2 فى واحد

طب لو لم تعتمد برضو هتتسجل فى السجلين بقضيتين زيها زى دبلومة التحاليل البيولوجية في طنطا " اللى تم تعديل اسمها الى دبلومة التحاليل المعملية البيولوجية" في مجال الكيمياء الحيوية والميكروبيولوجي والطفيليات والمناعه وفيه ناس رفعت بيها قضتيين واتقيدوا في سجل الكيمياءالحيوى وسجل الميكروبيولوجى.

   

 

للأستفسار

التواصل ماسنجر  

رقم التليفون:

 0552303252

تواصلوا مع د.نورهان سعيد (أحد الحاصلين على الدبلوم السنه اللى فاتت)

رابط التواصل