تعرف ان ممكن تبقي مهندس من أى قسم بيولوجى فى كلية العلوم ، بتحب الكمبيوتر طب تعرف بقا ان ممكن تستخدم الكمبيوتر ده فى المجالات الطبية سمعت عن الدبلومة اللى فى حاسبات ومعلومات بتقبل طلبه من كلية العلوم بيولوجى فى كليه حاسبات ومعلومات ! ... كل المعلومات عن دبلومة جديدة أسمها دبلومة المعلوماتية الحيوية "bioinformatics" اللى تعتبر دبلومتين فى واحدة لمدة عامين هتلاقيها معانا فى الموضوع دا.
دبلومة المعلوماتية الحيوية الأساسيةBasic Bioinformatics Diploma ودبلومة المعلوماتية الحيوية المتقدمة Advanced Bioinformatics Diploma (شرط اجتياز دبلومة المعلوماتية الحيوية الأساسية).
يعنى اية معلوماتية حيوية Bioinformatics
*Bioinformatics = life science + computer science *
يعنى ده مجال بيدمج بين علوم البايولوجى وعلم الكمبيوتر
الدبلومة بتهتم باستخدام البرامج الاحصائية فى تفسير المشاكل والعمليات الحيوية ودا يعتبر مجال جديد وممتاز ويفسر كثير من النتايج العلمية عن طريق البرامج ، وبتتميز بتأهيل الدارسين بها إلي القيد فى الماجستير بكلية الحاسبات والمعلومات - جامعة عين شمس، وشغل وظائف متميزة في الهيئات والشركات، وتأسيس شركات صغيرة لإنتاج برمجيات ووضع حلول لميكنة المؤسسات المختلفة لغير المتخصصين، وسد إحتياجات الأعمال التخصصية المرتبطة بمجال التخصص وتقديم الإستشارات للهيئات والشركات، إتمام البحوث المختلفة المرتبطة بمجالات التخصص.
ميعاد التقديم
فى شهر 8 من كل عام
الأوراق المطلوبة
يتم التوجه إلى قسم نظم المعلومات بكلية الحاسبات والمعلومات بالحرم الرئيسي بالجامعة لتقديم (شهادة ميلاد – صورة رقم قومى- شهادة التخرج) و ذلك من التاسعة صباحا وحتى الواحدة ظهراً طوال أيام الأسبوع عدا الجمعة و السبت .
مستقبل التخصص دا فى مصر
نيجي للسؤال المهم هشتغل اى منه ؟ ومستقبله فى مصر عامل اى؟
مش هنكدب عليك ونقولك ان الدنيا زبادى فى الخلاط وهتاخد الدبلومة تلاقى شغل مستنيك ك Bioinformatician وكلام ده لا انت هتبقى زى مهندس برمجيات فى المجال الطبى
1- الاماكن اللى ممكن تشتغل فيه فى مصر اماكن زى مستشفى 57357 و جامعة النيل و مدينة زويل ومراكز البحوث و مستشفى مجدى يعقوب واى مستشفى كبيرة فيها bioinformatics unit انت تقدر تشتغل فيها وبمرتبات مجزيه "بس مش زى برا مصر" .
2- فى شركات الأدوية بس مش اى شركات أدوية عشان مش بنشتغل فى الأدوية زى الكيميائى أو الصيدلى لا احنا بنعمل حاجة اسمها drug design بنستخدم فيها الكمبيوتر والبرمجة بردو احنا الـ بنعمل الـ model الـ هيسهل حاجات حاجات كتير لشغل الباحث و ده موضوع طويل مش وقته دلوقتى .
مدة الدبلومة
سنة ونص (3 فصول "خريف ، ربيع ، صيف") ... بعدد 21 ساعة معتمدة.
محتوى الدبلومة
حوالى 12 كورس دراسى
شروط الالتحاق بالدبلومة
- تكون كلية حاسبات او علوم او صيدلة او طب او معهد عالى حاسبات.
- لازم تاخد شهادة فى اللغة الانجليزية من جامعة عين شمس بدرجة لا تقل عن 400 درجة أو حصولك على الـ«IELTS» من المركز الثقافي البريطاني أو أي شهادة مُعتمدة في اللُغة الإنجليزية.
ولمزيد من المعلومات عن شروط التسجيل و مواعيد التسجيل ونظام الدراسة:
يرجى زيارة الموقع الإلكترونى.
أو الاتصال على تليفون: 0226855585 وطلب امتداد 280.
فيديو شرح لمجال المعلوماتية الحيوية
الفرق بين Bioinformatics و Biotechnology و Medical informatics
أية الفرق بين مجال المعلوماتية الحيوية Bioinformatics ومجال التكنولوجيا الحيويه Biotechnology ومجال المعلوماتية الطبية Medical informatics ؟
الفرق باختصار هيا نوع الداتا اللى داخله لكل منهم
- يعنى Medical informatics خاصة بcases لمرض الانسان يعنى يهمه صحة الانسان يعنى بيتعامل مع داتا تخص المريض و العلاج بتاعه و كدا
- لكن bioinformatics بيهتم بالداتا الحيوية DNA او RNA او بروتين و كدا و بتعمل تطبيقات تساعد المجال الطبى بردو و الزراعى و الصناعى و البيئى بردو
و حاجات تانية كتير بس ده الفرق البسيط ال انت تفهمه دلوقتى.
- أما مجال التكنولوجيا الحيويه Biotechnology هو مجال تطبيقي بالأساس يرتكز على علم الأحياء بغرض إستخدام النظام الحيوي في إنتاج مُنتج أو إستحداث خدمة تُفيد الإنسان وحاولو تبحثو عنه اكتر لانه مش مجالنا ولكن الفرق الواضح هو computer science ... يعنى Bioinformatics المعلوماتيه الحيويه بيدرس فى كليه حاسبات وله علاقه بالبرمجه وعلم الكمبيوتر والمعلوماتية طبعا اساسه اما مجال التكنولوجيا الحيويه Biotechnology ده بيدرس فى كليه العلوم وملوش علاقة بالبرمجة.
للعلم| القسم اللى الدبلومة تبعه ده بمصروفات خاصه:
يعنى مثلا فى 2018 جامعه عين شمس كان القسم بحوالى 30 الف فى السنه
القاهره حاجه فى رينج 30 الف بردو
المنوفيه 10 الاف
المنصوره 15 الف تقريبا (medical)
اسيوط و المنيا و كفر الشيخ 13 الف
و بنها حوالى 16 الف ( medical)
و بنى سويف 18 (medical)
حلوان 25 (medical)
أعرف أكتر عن الدبلومة
سعرها كام
ردحذف