قانون المستشفيات الجامعيه الجديد "العلميين خارج القانون" -علومنجى دوت كوم-

بِسْــــــــــــــــمِ اﷲِالرَّحْمَنِ الرَّحِيم

اى حد سمع عن قانون المستشفيات الجامعيه حابب يعرف هو اية القانون دة وفايدتة ايه ودة من اسمة كده يخصنا احنا في اية ... اولا يا برنس يؤسفنى اقولك اننا "العلميين" خارج القانون بعد ما كنا بالفعل هنبقى فية والسبب اية؟؟ هتعرفة تحت.

اولا قانون المستشفيات الجامعيه بيخص العلميين فى اية:
ده القانون اللى بينظم العمل فى المستشفيات الجامعية ... واهم مادة فية هى المادة 15 ودى اللى بتتكلم عن الترقيات والتعيينات واللى بتسمح بتولي العلميين الطبيين للمناصب القيادية الخاصة بادارة المعامل في مستشفيات وزارة الصحة وكذلك رفع مرتبات العلميين ومساواتهم بأقرانهم من الأطباء والصيادله ونص المادة دى بعد تعديلها والموافقة علية فى شهر مارس 2018 كالتالى:

يقتصر التعيين فى وظائف استشارى واستشارى مساعد وزميل على الأطباء والصيادلة وأخصائى العلاج الطبيعى وأخصائى التمريض من الحاصلين على رجة الدكتوراه أو ما يعادلها قانونا فى تخصص من التخصصات النادرة أو الدقيقة يؤهل لشغل الوظيفة، ويصدر بتحديد هذه التخصصات قرار من المجلس الأعلى للجامعات بناء على اقتراح المجلس الأعلى للمستفيات الجامعية، ويكون التعيين فى الوظائف المنصوص عليها فى الفقرة السابقة بناء على حالة الضرورة التى يقدرها مجلس إدارة المستشفيات الجامعيات وبموجب إعلان عن الحاجة لشغلها ووفقا للشروط والقواعد والإجراءات المعمول بها لشغل وظائف أعضاء هيئة التدريس.

ثانيا الموضوع بدأ كالتالى:
اولا قبل شهر مارس 2018 : تم مناقشة القانون فى البرلمان بناء على اقتراح وزير التعليم العالي الدكتور خالد عبدالغفار وتم الموافقة علية من قبل جمال شيحة رئيس لجنة التعليم العالي بمجلس النواب وبعض أعضاء اللجنة حيث وافقوا على تعديلات القانون برقم 115 لسنة 2018 الخاصة بالمستشفيات الجامعية استبعدت العلميين من بعض حقوقهم في الترقيات الوظيفية.

ثانيا فى شهر ابريل 2018 : تقدمت نقابة العلميين بمقترح لتعديل القانون "او زى ما بيسمية البعض استدراك للقانون لاضافة العلميين فى المادة 15 "

ودة المقترح اللى كان متقدم فى شهر 4

 

 

ثالثا فى شهر يوليو 2018 : حدث صراع داخلى فى نقابة العلميين نتيجة انتخابات الشعب وما الى ذلك ادى الى عدم الاهتمام بالقانون اللى اتناقش واتوافق علية من شهر 3 وكذلك بالمقترح اللى هم مقدمينة.

رابعا فى شهر اغسطس 2018 : يفاجئ جموع العلميين بصدور القانون ولم يحدث استدراك للعلميين فية. 

خامسا اية اللى المفروض يحصل : معرفش صراحتا بس يقال "ركز على يقال دى" ان قالت ماجدة نصر عضو لجنة التعليم والبحث العلمي بمجلس النواب الاتى

<<أنه عقب إقرار القانون بهذه الصورة، تلقت لجنة التعليم بمجلس النواب العديد من الشكاوى من قبل العلميين، وبناء عليه ستعمل لجنة التعليم بدورها خلال دور الانعقاد المُقبل على طرح ومناقشة القانون من جديد وتوضيح من قبل الحكومة ممثلة في وزارة التعليم العالي، لسبب استبعاد العلميين من صورة القانون الجديدة، ومن ثم إمكانية حدوث تعديل من جديد للقانون.>>

فى الاخر حابب اوضح ان القانون دة مش بيهمنا كطلبة قوى لان علشان توصل للشروط اللى فية لازم تبقى استشارى ودى ربنا يدينا ويديك طول العمر بتيجى بعد ما تتخصص فى مجال معين بحوالى من 10 الى 15 سنة يعنى على سن 40 كده فبيكون اللى فاضل مش قد اللى راح ... لكن فى الاول والاخر هرجع اقول دة حقنا احنا مش اقل من الناس التانية اللى موجودة فى القانون وبس كدة دة كان رأيى.