كتير من الطلبة الجدد وخصوصا "المغتربين" ميعرفوش اصلا ان فى حاجه اسمها مدينة جامعية مسموح للمغتربين السكن فيها بسعر رمزى ودى بتوفرها الجامعة ليهم وليها اجراءات للتقديم ... فى هذا المقال من موقع « علومنجى دوت كوم » هعرفكم الاجراءات الخاصه بالمدينة الجامعية بجامعة دمياط .
طرق التقديم فى المدينة
- تقدم الكترونى على موقع الزهراء "نفس الموقع اللى هنستخدمة فى الشرح اللى تحت"
- تقديم ورقى وده هنشرحه هنا
جهز ورقك كامل قبل ما تيجى عشان تخلص ورق تقديم المدينة فى نفس يوم تقديم الكليه
المطلوب للتقديم
أولاً: طباعة ٣ ورقات من نظام الزهراء للمدن الجامعية
- نموذج اقرار الضامن
- نموذج الضمان الاجتماعى
- نموذج طلب الاقامة بالمدن الجامعية
ثانياً: ورقة بياناتك ودى هتستلمها من الكلية وانت بتقدم للكلية ان شاء الله
ثالثاً: عدد 8 صور شخصية للطالب مقاس 4*6
رابعاً: صورة بطاقة الرقم القومي الخاص بالطالب والأصل للاطلاع
خامساً: صوره بطاقه الوالد والوالدة وصوره بطاقه الطالب ووصل كهرباء ووصل مياه ﻻيقل مدتهم عن 3 أشهر
سادساً: نسخه من شهادة الثانويه كمان وتقدمها مع ورق المدينه.
دول هم 3 روقات بتوع موقع الزهراء
 |
| طلب اقامة في المدينة الجامعية وده متعملش فيه حاجه ولما تيجي الكلية هتملاه وشئون الطلاب هتكمله |
 |
| إقرار الضامن والمتضامن وده الضامن اللي هيضمنك يكون أي شخص قريبك أو مش قريبك ما عدا الأب والأم والشخص ده هيكتب الإقرار ويمضيه ويختمه من محل عمله |
 |
| اقرار الضمان الاجتماعي وده كل طالب هياخده ويتجه لمكتب الشئون الاجتماعية الخاص بالمدينة او المحافظه المقيم فيها وهيملاه من هناك ويختمه بختم الجمهورية |
نظام الزهراء للمدن الجامعية
كيفية الدخول على نظام الزهراء للمدن الجامعية وطباعة النماذج :
1. يتم الدخول على نظام الزهراء للمدن الجامعية من ذلك الرابط
2. ثم من القائمة الجانبية للنظام يتم اختيار ارشادات التقدم والإقرارات ثم اتباع الارشادات داخل النظام كالآتى:
يتم اختيار جامعة دمياط لعرض التعليمات الخاصة بها ثم يتم النقر على زر عرض التعليمات ومن أسفل صفحة التعليمات يتم طباعة المرفقات.
بعد ما تطبع الورق ده ... هتعمل ايه بيهم ؟؟؟!!
بالنسبة لـ
- نموذج الضمان الإجتماعي هتمليها وتعتمدها من مكتب الشئون الاجتماعية التابع لها محل إقامة الطالب.
- نموذج الضامن والمتضامن واعتمادها من الجهة التي يعمل بها الضامن ومختوم بشعار الجمهورية.
بس كده ويبقى ورقك كامل وهتجيبه وانت جاى تقدم الكليه ان شاء الله.
لو سمحت احنا قدمنا من فترة ولسه لغاية دلوقتي ما عرفناش اذا كان الطلب اتقبل ولا لأ وكل ما ندخل على الموقع نلاقي الطلب لم يرجع
ردحذفيبقى لسه انتظر ظهورها مع بداية السنه الدراسية
حذف