ازاي تلم المنهج في 12 خطوة "صدقنى الـ 12 جمله دول هيفرقوا معاك" -علومنجى دوت كوم-

بِسْــــــــــــــــمِ اﷲِالرَّحْمَنِ الرَّحِيم

بدون ما اطول عليكوا دول شويه نصائح قدمهم احد اصدقائى الى طالب لسه جديد "فى سنه اولى" وانا لقيت ان الكلام ده على الرغم من انه 12 سطر فقط الى انهم بيلموا كل الموضوع ... أقرأ واستفيد وشير وفيد الغير.

1- لازم تقتنع ان ما ينفعش تكون ما فتحتش المنهج ابدا قبل كدا وعاوز تلمه كله ليالي الامتحان خليك واقعي .. الكيف ولا الكم ؟! تقرا كله وتنساه ولا تقرا اجزاء وتفتكرها
2- ما تفتحش الفيسبوك
3 لو فتحت الفيس ما تفتحش جروب الدفعة انتا مش ناقص جرعة احباط
4- لازم تفهم 3 ادمغة .. دماغ الدكتور ودماغ المادة ودماغ الامتحان:
دماغ الدكتور : ايه اللي كان مركز عليه في المحاضرات , ايه اللي بيحبه او محضر فيه ماجيستير
دماغ المادة : أكيد في اجزاء عليها درجات اكتر .. حاول تدخل بتلتين الدرجات ع الاقل
دماغ الامتحان : مهم تبقى فاهم كل جزء بييجي عليه الامتحان ازاي , هتفرق قوي في طريقة مذاكرتك للجزء نفسه
يعني ال American بيبق محتاج تركيز عالي على الامثلة او الخصائص كلها يعني حفظ اكتر
.. Short notes محتاج تبقى فاهم حتى لو هتعبر باسلوبك وكدا
5- ما تفتحش الفيسبوك تاني
6- عارف صاحبك اللي بييجي يقولك على معلومة قبل الامتحان وانتا بتنفضله ؟ اهي المعلومة دي غالبا بتيجي 
نصيحة ما تطنوش
7- غالبا الاجزاء اللي بتبيعها .. بييجي منها ف الامتحان , اوعى تفقد ثقتك في نفسك منتا الاجزاء اللي ذاكرتها جه منها برده , الا بقى لو انتا حظك جمييل قوي
8- في مواد مش هتعرف تحفظها الا بالاسئلة والحل .. معلش تعالى ع نفسك ومش لازم تفهم قبل ما تحل 
9- لو معاك فلوس والعياذ بالله خد كورس مراجعة عند واحد خبير بالمادة ودكتورها .. ولو مش معاك اتصاحب على حد معاه وبيحضر ويديك الزتونة .. ما تنساش تدعيله هه !
10- اوعى تعمل كراش على دحيحة الدفعة , مش هتتطلع بفايدة ابدا دنتا هتحبط .. دا غير انه حرام بقى وكدا .. والعكس صحيح
11- مافيش قانون ف الكون اسمه اليوم اللي امتحن فيه ما ينفعش اذاكر فيه .. افتكر ليلة الامتحان وانتا بتتمنى نص يوم كمان .. منتا اللي ضيعته يا كبير ؟!
12- لازم تقسم المحاضرات اللي هتتذاكر على عدد الايام مع وضع الاعتبار انك تحط نص يوم فاضي يبقى طوارئ .. لأنك ولا مرة ف حياتك التزمت بالجدول .. 
تقدرتقوللي انتا فاتح الفيس بوك ليه دلوقتي؟!

اعمل شير لصاحبك اللي بتحبه .. وادخل ذاااااااااااااااااااااااااكر