الموضوع ده بيقدملك كل المعلومات اللى بتخص بونات التغذية
ودي بتعتبر خدمة بتقدمها الكلية كدعم للطلاب المغتربين (يعني
الطلبة اللي مش من طنطا واللي مش مسجلين في مدن جامعية) و
بيتم صرفها من مطعم الجامعة بجوار كلية صيدلة من يوم السبت لحد الأربعاء .
بعض الناس هتتكلم وتقول
طب ما انا ممكن اكل فى اى مطعم عادى ولا بونات ولا كلام فاضى ... كده احب اقولك انك كده خسرت
كتيير لان الوجبه دى بتسعيره المطاعم الخارجيه تتكلف ما بين 30 الى 35 جنيه يعنى
انت اكييد كسبان .
طب محتويات الوجبة دى
ايه :
(أرز أو مكرونة - لحمة أو
ربع فرخة أو كفته -سلطة - خضار مطبوخ - مخلل - فاكهة - عصير ).
طب ازاى اقدر اشترى
(أقطع) البونات دى :
البونات متوفرة في رعاية
الشباب فى الدور الارضى (بجوار الاتحاد او شئون الطلبه) و بيتم صرفها يومي الاتنين
والثلاثاء من الساعة 9 صباحا وحتى الساعة 1 ظهرا ، وتكلفة البون 4 جنيه فقط.
جرب الأكل هناك وقولنا
رأيك فى صفحتنا على الفيس بوك "علومنجى دوت كوم"
