ليه بنتعب "بنميل للقئ" لما بنركب العربية؟ -علومنجى دوت كوم-

بِسْــــــــــــــــمِ اﷲِالرَّحْمَنِ الرَّحِيم

معظم الناس بتعتقد ان الإحساس السئ بالتعب فجأة وإنت جوه العربية أو الإحساس بالغثيان على تقلص في القولون وأحيانًا صداع بيجي نتيجة لرجرجة العربية لكن الحقيقة إن السبب الحقيقي في ده هو مخك .... مخى ازاى بس؟! ... اه مخك متستغربش ... المخ هو المسئول عن الشعور بالتعب عند ركوب العربية وده اللى هتعرفه لما تقرأ الموضوع ده.

توصلت مجموعة جديدة من الأبحاث إلى إن سبب الإحساس بالتعب هو المخ لأنه بيعتقد بوجود نوبة تسمُم مفاجئة وبيبدأ يواجهها ، يعنى بشكل أوضح لما بتركب العربية بيبدأ المخ يستقبل رسائل متضاربة عن البيئة المحيطة بيك في الوقت ده بالظبط زي اللي بيحصل للمخ من استقبال لرسائل مختلطة لما الجسم بيكون مسموم وطبعًا الطريقة الأسهل بالنسبة للمخ في حالات التسمُم هو إنه يدفعك للتقيؤ كوسيلة للتخلص من السم.

حالة الخلط اللي بتحصل في المخ دي بيعتقد العلماء إنها بسبب إن البشر مازالوا مش واخدين على فكرة السفر باستخدام وسائل متحركة بسرعة زي السيارات والأتوبيسات والقوارب والمخ عندهم لسه مش مُتكيف بشكل كامل مع الفكرة دي.

على الرغم من إننا ممكن نكون بنتحرك جوا العربية إلا إن حواسنا بتفضل تدي إيحاء للمخ بإن الجسم ثابت وفي الحقيقة هو فعلًا الجسم بيكون تقريبًا ثابت وخصوصًا لو إنت راكب العربية مش إنت اللي بتسوقها لكن في نفس الوقت المخ بيبقى عارف إنك بتتحرك وبسرعة مُعينة كمان وده بيحدده من خلال جهاز التوازن الموجود في الأذن الداخلية لان السائل التيهي الموجود جوا الأذن بيتحرك وده معناه إن الجسم بيتحرك مش ثابت لكن في الحقيقة إنت من الناحية الفيزيائية ثابت وعليه فالمخ بيستقبل إشارات ورسائل مختلطة ووظيفة المهاد هي تجميع المعلومات دي مع بعضها والتوصل لحقيقة اللي بيحصل فعلًا لكن غالبًا منطقة المهاد بتترجم الرسائل المختلطة دي وتوصل لاستنتاج بيقول إن الجسم دخل في حالة من التسمُم ومعاها تبدأ تحس بحالة من الغثيان والميل للقئ.

”ديان بورنيت“ أستاذ علم الأعصاب بجامعة كارديف في الممكلة المتحدة شرح الحالة بإن المخ بيتفاجئ بالمعلومات الكتير والمختلطة دي وكإجراء وقائي بيقوم بدفع الجسم لحالة من الغثيان تحسبًا ليكون اللي الجسم بيمر بيه هو حالة تسمُم وده اللي بيفسر حالتنا ومخك بيخاف عليك يا حبيبي.

المفارقة تكمن في أن هذه الحالة لا ترتبط أبدا بخلل في صحتك الجسدية أو النفسية بل هي علامة على سلامة مخك وقدرته على تقييم أوضاعك بشكل سليم.

طب إزاى تخطي حالة الإحساس بالتعب في العربية

النظر من الشباك بيساعد في الواقع على تقليل الحالة دي لأنك بتقول للمخ وقتها إنك فعلًا بتتحرك وده بيطمن المخ إن كل حاجة تمام وإنت مش مسموم ولا حاجة بينما قراءة كتاب أو النظر لوقت طويل في خريطة غالبًا بيخلي الأمور أسوء لإنه فعلًا بيقنع المخ إن الجسم ثابت ومش بيتحرك وبالتالي إنت كده فعلًا بتتسمم.

الاستماع للموسيقى ممكن يكون مُفيد في الحالة دي ونصيحة لحضرتك من الأشخاص اللي عادة بيصابوا بالإحساس ده فالأفضل إنك تاكل وجبة عالية البروتين "إديها فول" بشرط تكون خفيفة قبل السفر لأن ده هيساهم في تهدئة المعدة.

إنك تكون السواق ده كمان هيساعدك في تخطي الإحساس لأن المخ في الحلة دي عنده أدلة كتير على إنك بتتحرك ، كفايه حركة عينيك مع الطريق عشان تثبت تحركك ، وكمان إنت المُتحكم في الحركة وبتقوم بحركات السواقة وبالتالي بالنسبة لجسمك إنت أكيد مش مسموم.

_اجلس في جزء أكثر استقرارًا من السيارة فالمقعد الخلفي بشكل عام أكثر اهتزازًا من الأمامي لذلك قد يكون من الأفضل أن تجلس بجانب السائق في المقعد الأمامي.
_أمل رأسك إلى وسادة أو مسند للرأس لتبقها ثابتة قدر الإمكان.
_لا تقرأ عند مغادرة الطريق السريع أو أثناء تنقلك عبر طرقٍ متعرجة يعد استشعار جسمك للحركات المادية أقوى بكثير عند مرور السيارة بمنعطف ما سيجعلك أكثر عرضة للغثيان.
افتح النافذة سيساعد الهواء النقي الذي يهب بوجهك وأنت تقرأ في الحد من الغثيان، ويمنعك من الشعور بالحر. بالإضافة إلى أنه سينعشك وينشطك.
فتح النافذة بالكامل قد يجعل الصفحات تنقلب أسرع من اللازم، ولكن فتحها قليلًا حتمًا سيساعد ولو قليلًا. 
إغلاق عينيك وأخذ قيلولة قصيرة.
تناول وجبات خفيفة قبل وأثناء السفر رغم أن تناول الوجبات الخفيفة الغنية والسريعة أثناء القراءة أمر ممتع إلا أن إتخام نفسك بالأكل يمكن أن يجعلك أكثر عرضة للغثيان والقيء لذا تجنب الأطعمة التالية:
_الأطعمة المليئة بالدهن والزيوت.
_الطعام الحار.
_الكحول.
 
استخدم العلاجات والأدوية المنزلية : - جرب شرب الزنجبيل لم يكتشف الباحثون بعد السر وراء فعالية مشروب الزنجبيل مع الغثيان ولكن قد يكون ذلك بسبب ما يحتويه من زيوت وأحماض الفينول وقد استُخدم الزنجبيل لعدة قرون لتهدئة المعدة ومكافحة الغثيان،رغم أن فعاليته لم تُثبت علميًا أيضًا لكن تحققى مع طبيبك قبل استخدامه -حال كنتِ أنثى- إذا كنتِ حاملًا أو ترضعين أو في حال تناول أدوية أخرى قد تتداخل مع تناوله.
 -حاول تناول إحدى مضادات الهيستامين التي لا تحتاج إلى روشتة طبية. 

المُحير بالنسبة للعلماء حاليًا هو ليه مش كل البشر بيعانوا من الشعور ده وهل يا ترى تفسير ده هو مجرد ”قرعة التطور“ اللي ممكن تصيب مع حد وتخيب مع حد؟

في دراسة اتعملت في 2013 وتوصلت لنتيجة مُعنية وهي إن الأشخاص المياليين طبيعيًا للحركة أو اللي مابيعرفوش يقعدوا ثابتين أكتر عُرضة للإصابة بدوار البحر وده معناه إن الفكرة مش في الحركة نفسها قد ما هي الفكرة في إنك تمر بحركة مختلفة عن طبيعة جسمك في الحركة بشكل عام.