أزاى تفتح معمل تحاليل ببكالريوس علوم ده
موضوع مهم لكل طالب وكمان خريج يبقى عارف اجابته سواء لسه جديد (سنه اولى ) او طالب
قديم فى الكليه او متخرج منذ زمن بعيد .... والموضوع ببساطه بيناقش كل طالب باسلوب علمى وبيوضحله انه ممكن يفتح معمل تحاليل ببكالريوس علوم وكمان ازاى يقدر يجنى ثروه من وراه.
س / فى اﻷول كدا اى هيا مميزات معمل التحاليل ؟
ج / بريستيج كويس .... ابنى الدكتور راح .... ابنى الدكتور جه ، بيزنس كويس جدا والله
انت لو فاهم Marketing ( تسويق يعنى ) صح لتدخل فلوس عنب ، مجال مضمون يا عم الدكتور ! ، ربنا
يفتحها عليك ممكن تعمل سلسلة معامل .
- طبعا أنت بتدخل أى سكشن على مدار اﻻربع سنين ف
أول الترم بتلاقى الطلبه بتسأل أسئله متكرره وشائعه كدا حوالين المعمل.
طاب خد الخلاصه دى وريح نفسك :-
س / أنا لو قسم خاص مافيهوش كيمياء وعايز افتح معمل
تحاليل اعمل اى ؟؟
ج / حضرتك ﻻزم تعمل معادله اﻻول عشان تعادل بيها
الناس اللى معاها كمياء والمعادله دى أحسن مكان ممكن تاخدها فيه هيا جامعه طنطا
ومدتها سنه وسعرها من 8000 ل 10000 جنيه .
س / طيب أنا لو كميائى أصﻻ ونفسى أفتح معمل تحاليل
أعمل اى ؟؟
ج / فى الحاله دى ﻻزم تعمل دبلومه Biochemistry أو Microbiology وأفضل مكان تاخد منه الدبلومه دى هو شبين الكوم
ومدتها سنه وسعرها من 3000 ل 4000 جنيه ، وممكن تاخدها من الزقازيق واﻹسماعيليه
وسعرها حنين وفى اللذيذ .
امتى بقدم على الدبلومه دى ؟
فى شهر أغسطس
الشروط ؟
معاك البكالريوس ، مش شرط مخلص جيش ، اوراق عاديه
زى شهادة التخرج وشهادة الميﻻد والبطاقه الشخصيه ، وصور شخصيه كدا يعنى،والفلوس
طبعا
طبيعة الدبلومة ؟
ترمين وامتحانات وكتب وحضور وأعمال سنه ونجاح
وتقدير وسقوط
س / بعد ما تخلص كل دول بتعمل اى ؟؟
بتشوف محامى بيخلصلك شويه اجراءات .. بس كدا
لكن تم حاليا فتح 12 معمل بقضيه هزت الرأى العام
واصبح فتح المعامل بدون قضيه لان القضيه طالبت بفتح المعامل لكل خريجى علوم بدون
قضيه وتم الحكم بالتنفيذ...
س / طيب انا هفتح معمل ازاى وانا لسه خريج ومعيش
فلوس للمعمل ؟؟
هبسطلك الموضوع خالص
أنت ممكن تفتح معمل فى البدايه مش شرط يكون كبير
يعنى هيكون فيه:
1- جهاز كمياء .. وسعره 25000 جنيه.
2- ميكروسكوب .. وسعره 2000 جنيه.
3- حجات اخرى لزوم اللاتيكس والمانول وخلافه بـ
2000 جنيه .
قول توتال
30000 جنيه ومش شرط خااالص يكونو معاك كلهم فى اﻻول
س / طاب ال PCR اللى سعره قد يصل الى مليون جنيه لو خامه نضيفه
, وجهاز الهرمونات اللى بحاولى 60000 ج و جهاز ال CBC اللى بحاولى 80000 جنيه ؟
فيه حاجه اسمها Lab To Lab يعنى لو جتلك عينه PCR بتبعتها لمعمل موجود فيه جهاز ال PCR وبتاخد نص المبلغ يعنى لو العينه بتتعمل ب 100
جنيه المعمل بياخد 50 ج وانت 50 ج وانتم اﻻتنين كسبانين وبالنسبه لل CBC فبيتعمل مانوال (يدوى) تحت الميكروسكوب ، لغايه
العمليه ما تتظبط معاك وتفتحلك أكتر من معمل وعلى مستوى كمان.
س / طاب اتعلم تحاليل ازاى ؟؟
ابوس ايدك متخدش كورسات فى التحاليل .. اتبع اللى
هاقولك عليه
1- روح أقرب مستشفى عام واتعلم فيها سحب ، الدنيا
هناك عنب وفى خلال اسبوع هتبقى برنس سحب.
2- خلصت السحب انزل معمل بقى وشوف واحد فنى او
كميائى فى معمل واتعلم معاه الشغل و يا سلام بقى لو يكون صحبك مش هيبخل عليك بأى
حاجه.
3- أثناء وأنت فى المعمل خد معاك نوت وسجل كل
معلومه واسئل ولما تروح معاك الراجل ده Google واسئله براحتك .. شهر تركيز بالنظام ده هتبقى
كميائى معمل محترم.
تقوم تقولى
أخد كورس تحاليل .... يا راااااجل وفر فلوسك وبشطرتك وانت لسه بتدرس ممكن تدخل
شريك فى معمل
س / طاب مش عارف انزل انهى معمل تدريب ؟
حدد الاول ال area اللى حابب تتدرب فيها بعد كدا ابدأ انزل
وقولهم محتاج تدريب او ممكن تقولهم محتاج شغل على طول وهما هيدربوك .. عادى جدا لو
انت طالب ، متيأسش لو أول اتنين رفضوا أكيد الثالث هيوافق.
س / لو أنا فيزيا أو جيولوجيا وحابب أفتح المعمل ؟
ﻻزم معادله كمياء طبعا ، ودى بترجع للكليه لو
قبلتك تعمل المعادله عندها بعد كدا هتعمل الدبلومه ، لو مقبلتكش للمعادله .. خلاصص
وأحسن كليه للمعادله دى هى جامعه طنطا .
وفى النهايه
أحب انوه على نقطتين
1- مجال المعامل ممكن يبقى بيزنس محترم بس محتاج marketing صح.
2- ممكن للناس Scientific Researcher يكون مفيد جدا لو هتشتغل على Immunology او virology يعنى مش مجرد Reagents بتحطها على بعض !
هتلاقى ناس
بتحبطك من ناحية المعمل ، فكك منهم المعمل حلو وبيزنس محترم بس متعتمدش عليه لوحده
ومتخليهوش سقف طموحك
