المعلومات الكامله عن كليه العلوم جامعه بورسعيد (علوم بورسعيد)

بِسْــــــــــــــــمِ اﷲِالرَّحْمَنِ الرَّحِيم

نقدم لكم فى فى موقع « علومنجى دوت كوم » المعلومات الكامله عن كليه العلوم جامعه بورسعيد (علوم بورسعيد) التى انشئت الجامعة بقرار رئيس الجمهورية يوم 24/2/2010 بتحويل فرع جامعة قناة السويس بمدينة بورسعيد إلى جامعة مستقلة ، كلية علوم بورسعيد فيها نظام مختلف عن باقي كليات علوم فمصر هوضح كل حاجه فى المقال دا.

نظام الدراسة

الكليه بتشتغل بنظام الساعات المعتمده .

العنوان : 

شارع 23 ديسمبر بجوار مرور بورسعيد

التليفون :

 ‏0663657602‏

المعلومات الكامله عن كليه العلوم جامعه بورسعيد (علوم بورسعيد)

فالبدايه كدا ناس بتشوف كليه علوم او انها دخلت علوم ان دا اسوء حاجه حصلتلها وانها وقعت وملحقتش كليه قمه ... طبعا دي نظره غلط خالص.

ك كليه وكماده علميه يعني كليه علوم تعتبر احسن الكليات المناهج والماده العلميه الي بتدرسها مساويه بشكل كبير للماده العلميه الي بتدرس برا مصر ودا مش مجرد كلام .. دا عن تجربه شخصيه يعني واحتكاك بناس بيدرسوا نفس مجال قسمي برا مصر .

برا مصر مكانت كليه علوم فاي حته خارج مصر غير هنا خالص هناك طالب كليه علوم ليه تقدير كبير جدا بخلاف طالب اي كليه تانيه ... طيب المشكله عندنا ف ايه ؟!

المشكله فنظره المجتمع و سوق العمل الي مش بيدي بق خريج علوم فمصر مكانته الطبيعيه ودا ليه اسباب مختلفه .. مش معنى كدا ان مفيش شغل لبتوع علوم والكلام بردو الي بيتردد دا وخلاص ومفيش اساس ليه

يبقى الخريج مش عايز يشتغل اصلا ولا عايز يشتغل مدير على طول زي معظم الخريجين عندنا في كليه

ويقولك كليه علوم ملهاش شغل والكلام دا ... لا ليها شغل والي بيتخرج من علوم وعايز يشتغل والي بيسعى بيشتغل وبيشتغل فمجاله فسيبك بردو من اي كلام هيتقال ان مفيش شغل وهتشتغل مدرس علوم والكلام الفارغ دا ... مدرس علوم دي اخر حاجه تفكر فيها مع احترامنا للمدرسين يعني.

التقديم

 لما بيفتح تسجيل الرغبات للمرحله بتاعتك بيجيلك بقه الحجات المتاحه ليك مش عارف طب بيطري فين وفين وفين وعلوم فكل المحافظات - بتسجل علوم فمحافظتك الاول الي هيا بورسعيد وبعدين اسماعليه وبعدين بقه الحجات القريبه.

بتظهر النتيجه الي هيا حاجه اسمها ورقه الترشيح ... ممكن يجيلك علوم بورسعيد تقوم تطبع ورقه الترشيح بقه وورقك الي مطلوب وبتروح الكليه تقدم " الورق هتلاقية هنا "

ممكن يجيلك علوم تانيه في اى محافظه تانيه لو مجموعك مش جايب بورسعيد بتعمل بعدها حاجه اسمها تقليل اغتراب بينقلك على بورسعيد وتعمل نفس الخطوات الي فاتت

انت دخلت بقى وقدمت خلاص :

بتشتري بلطو وادوات معمل الكيمياء وكل الحجات دي وتلبس البالطو وتاخد سيلفي بيه وتبقى مبسوط اوي وبعدين بتجيلك فاول اسبوع ورقه تسجيل المواد ... ندخل فالجد بقه؟!

عندك نظام اسمه نظام الساعات المعتمده دا حاجه كبيره كدا " شرحها هنا " المهم يعني ان مفيش حاجه اسمها لو شلت 3 مواد تعيد السنه لا انت لو شلت المواد كلها هتعدي لسنه تانيه بس المواد هتفضل معاك لازم تاخدها - بس لو فضلت تشيل كله كدا لمده 4 ترمات بتتفصل من الكليه ومفيش كليه هتقبلك الا بعد سنه

مواد سنه اولى

ببساطه يعني وبالعربي:

1- مقدمه فعلم الحاسب (شويه حجات عن الكمبيوتر وبرمجه كدا )

2- حيوان ( حاجه زي الاحياء يعني ومن اتقل المواد فسنه اولى )

3- نبات ( احياء بردو بس سهله )

4- انجليزي

5- كيميا عضويه

6- كيميا غير عضويه و تحليله

7- كيما فزيائيه

8- كهربيه ومغناطيسيه ( فزيا زي الكهربيه كدا الي كانت فثانوي - من اصعب مواد سنه اولى )

9- حراره وخواص ( فزيا بردو )

10- احصا

11- جبر

12 - تفاضل وتكامل

13 - تاريخ علوم (الماده الوحيده الي محسوبه فالمجموع وبالعربي )

14 - جوده ( مش فالمجموع وبالعربي )

15 - حقوق انسان ( بالعربي ومش فالمجموع نفس المعنى 3:)

16 - جيولوجيا (ماده تقيله بس دكتورها عسل)

-- المواد كلها بالانجلش طبعا والمجموع من 100 ودرجه النجاح 60

امتحان الفينل لوحده ب 60 درجه و ال 40 متقسمين بقى على فينل العملي والميد تيرم والكلام دا

بتاخد في ماده كل اسبوع محاضره و سكشن المحاضره من ساعه ل ساعتين كدا الدكتور بيعد يشرح عادي فمدرج والسكشن ساعتين بتاخده فالمعمل بق لو كيمياء بتمسك بقى انابيب وتحط مواد بقه وتلوع وتفرقع والكلام دا

بعد ما تخلص سنه اولى بقه تدخل القسم ودي الحاجه المختلفه عن باقي الكليات فمصر ان بتبقى داخل اصلا عارف قسمك انما عندنا لا انت بتدخل القسم طبقا لتقديرك ودرجاتك فسنه اولى

الاقسام 

عندنا 11 قسم فى الكلية

1 - علوم بحار 

( هتتخرج منه تشتغل سمكه - بتاخد فيه فزيا , جيولوجيا , كيميا , ديناميكا , بيولوجي , ايكولوجي , تقريبا بتاخد كل انواع العلوم فيه لكن كيفيه ارتباطها بالبيئه البحريه بقه وبتخرج تشتغل اما في مجال القسم ك مارين سينتيست فاي معهد علوم بحار فمصر او فمركز ابحاث استزراع سمكي او دايفر او فالتحاليل او فالكيميا او فالبترول او تشتغل فهيئه المينا او فمعالجه الميه وشركات تنقيه مياه الشرب و غيره بقه في مجالات كتير )

2 - كيمياء حيوي 

( اعلى قسم فالكليه هتلاقي كل الي دخله بنات - بيشتغلو فالتحاليل بردو وفمصانع و وبياخدو كيميا وبيولوجي دي اهم حاجتين يعني او اغلب موادهم كدا )

3 - كيمياء صناعي 

( هتلاقي داخله ولاد كتير والباقي بنات عشان بيشتغلو فمصانع والبنات مش اخدا ع المرمطه فالمصانع وكدا - بيشتغلو كيميائين فالمصانع بياخدو 7 الاف جنيه ولعا بس مبيشتغلوش فالتحاليل )

4 - جيولوجيا 

( اغلبه بيكون ولاد لان شغل بترول بقه وطوب وزلط ومناجم وكدا كل مواده جيولوجيا وصخور ومعادن وشويه كيميا وفزيا كدا مرتبطه بمجالهم و بيشتغلوا فشركات البترول بالوسطه مبيشتغلوش فالتحاليل )

5 - قسم بيوتكنولوجي 

( قسم حيوان بيشتغلوا فالتحاليل دي اهم حاجه واي حاجه بقه ليها علاقه بالتخصص بتاعهم اي حاجه فيها تكنولوجيا حيويه يعني في اماكن كتير ومصانع ومستشفيات وغيره )

6 - قسم ميكروبيولوجي 

( قسم الامتيازات - جمعو كل الداكتره الطيبين فالقسم دا القسم دا اسمه قسم نبات بردو كل دراسته بيولوجي وبوتني وشويه كيميا وبيشتغلوا فالتحاليل وفمصانع الاغذيه وشركات تنقيه الميه ومعالجه مياه الصرف وغيره )

7 - قسم فيزياء 

( قسم العباقره كل مواده فيزياء بقى وفيزياء الكم وحجات كدا بيتخرجو منه بيشتغلوا فمراكز ابحاث وحجات تانيه ممكن اخصائين اشاعه وكدا بس مفيش تحاليل )

8 - قسم رياضه بحته 

( كل مواده رياضه وكدا مفيش تحاليل وغالبا هتطلع مدرس)

9 - قسم احصاء 

( مواده رياضه احصاء مفيش تحاليل وغالبا هتطلع مدرس)

10 - قسم رصد بيئي 

( من الاقسام السهله البسيطه فالكليه والي بيتخرج بيشتغلو مراقبين امان فالمصانع وغيره مفيش تحاليل بردو )

11 - قسم رياضه وحاسب 

( هتسطب ويندوز من الاقسام الكويسه فالكليه وبتدرس رياضه وبرمجه وبتبقى مبرمج زيك زي بتاع هندسه أو حاسبات ومعلومات ولازم شويه كورسات عشان تظبط نفسك تشتغل مكانهم واحسن وطبعا مفيش تحاليل )

12- قسم الحوسبة والمعلوماتية الحيوية

يعتبر قسم بينى بين علوم الحاسب والعلوم البيولوجية

بتدخل القسم عن طريق تقديرك فسنه اولى القسام بتكون مترتبه من الاعلى للاقل وتشوف بقى انت عايز تدخل ايه وتكتبه زي رغبات كدا وكل واحد يدخل الي هوا عايزه لو تقديره مناسب.

الاول ع القسم بيتعين معيد دا غلبا يعني ممكن سنه ميعينوش حد ممكن سنه يعينوا اتنين انت ونصيبك بقى.

علوم بورسعيد مفيش فرق بين علمي علوم وعلمي رياضه يعني طالب علمي علوم من حقه يدخل أقسام رياضه والعكس صحيح ود بسبب إن المستوى الأول بيكون عام والتخصص بيكون من المستوى التاني فيكون الطالب درس كل المواد وقدر إنه يختار القسم اللي هو بيحبها واللي هو شايف إنه هيقدر يمشي فيها.

بم ان الكليه بتعمل بنظام الساعات المعتمده أذا يتم تعريف الكورسات و المواد الدراسية التى تدرس بالكلية الى عدد ساعات معينة ، بمعنى أن كل مادة تكافئ عدد ساعات معينة ، فعلى سبيل المثال كورس "مملكه نباتيه" يكافئ ساعتين , و كورس "كهربيه ومغناطيسيه" يكافئ 3 ساعات.

و يسمح للطالب بأختيار الكورسات التى يدرسها خلال كل ترم و لكن بحد أدنى 15 ساعة و حد اقصى 25 ساعة بمعنى ألا يقل مجموع الساعات التى اختار الطالب المواد التى تكافئها عن 15 ساعة و الا تزيد عن 25 ساعة فى الترم الواحد. مثال لذلك اذا اختار الطالب كورس (1) = 2 ساعة ، وكورس (2) = 3 ساعات ، و كورس(3) = 4 ساعات ، يجمع ما اختاره الطالب و يجب ألا يقل المجموع عن 15 و ألا يزيد عن 25 ساعة.

بالطبع ليس للطالب الحرية المطلقة فمثلا لا يجوز ان يختار الطالب كورس "اناتومي" ، وهو لم يدرس مملكه حيونيه ، و هذا منطقى .

و معنى ذلك ان لكل مادة متطلبات تسجيل و متطلبات التسجيل هى الكورسات التى يجب أن تدرس قبل تسجيل كورس ما. حيث يكتب أمام كل كورس فى خانة متطلبات التسجيل (فى دليل الطالب) الكورسات التى يجب ان يدرسها الطالب قبل دراسة ذلك الكورس فى صورة اكواد، فلكل كورس رقم كودى، فمثلا، كورس "كيمياء عضويه" Ch142 و "الكيمياء الغيرعضويه والتحليليه" رقم كودى Ch121، فاذا كان هناك كورس ما له متطلبات تسجيل "كيمياء عضويه"، يكتب أمام ذلك الكورس فى خانة متطلبات التسجيل(فى دليل الطالب) كود Ch121.

يوجد لكل مجموعة من الطلبة مشرف اكاديمى مسئول عنهم و عن تسجيلهم للمواد و المشرف الأكاديمى هو عضو هئية تدريس بالكلية يقوم بتسجيل اختيار الطلبة للكورسات فى بداية كل ترم.

يتم الأعلان بقوائم تعلق غالبا بجوار شئون الطلبة فى تلك القوائم مكتوب أسم مشرف اكاديمى فى اعلاها، و تحته أسماء الطلبة الذى يقوم سيادته بالاشراف عليهم، و بعد أن يعرف كل طالب أسم المشرف الأكاديمى الذى يتبعه، عليه أن يتوجه اليه فى مقر مكتبه ليقوم بتسجيل المواد لديه 

الدراسه في المستوي الاول

دول بقي كلهم ياسيدي المواد الاجباري: 

بص يا سيدي بندرس حيوان ونبات وفيزياء بفروعها (حرارة_خواص مادة _مغناطيسية) وكيمياء بفروعها ( عضوية غبرعضوية فيزيائية) لغة (انجليزي) و رياضة (جبر وتفاضل)

نيجي بقي للمواد الاختياري: 

مواد مؤهلة لاقسام معينة في الكلية ( احصاء ، جيولوجيا ، تاريخ علوم)

أقسام الكليه

أقسام الكليه فهما 10 أقسام + قسم رياضه لسه مفتوح جديد

1. الكيمياء الصناعيه و التطبيقيه

ويدرس فيها المواد الصناعيه مباشره وبعض المؤثرات والعلاقات فى الصناعه ومن هنا تجد ان الكيمياء هى من اهم متطلبات سوق العمل لانها تدخل كل المجالات لذلك قامت الكثير من كليات العلوم بوضع التخصص المذدوج مع اى فرع اخر يعنى التخصص ومعاه الكمياء

2. الكيمياء الحيوية

وتدرس فيها جميع التفاعلات الخاصه بالكائن الحى وخصوصا جسم الانسان وهو من اقوى الفروع فى الكمياء وتفتح مجالات عمل للمتخصصين فيها مثل التحاليل والادويه والكمياء الطبيه

ومفهوم الكيمياء الحيويه يخرج منه الكثير من التخصصات الحديثه الجديده اللى كانت غير معروفه فى السابق مثل تخصص البيوتكنولوجى (التكنولوجيا الحيويه ) وهو التخصص المختص

بدراسه الكمياء الحيويه فى التطوير والتكنولجيا مثل تطبيقات DNA وتخصص الكمياء الاكلينيكه ( السريريه ) وهو علم الكمياء المسئول عن تشخيص الامراض وظائف الجسم المختلفه من كلى وكبد وقلب ودهون ومعادن وبذلك اصبح المفتاح او الحل السحرى لمن لم يستطيع ان يلتحق بكليات الطب البشرى ان يلتحق بكليه العلوم ويقوم بدراسه تخصصات التحاليل الطبيه عن طريق دبلومات وماجستير ( دراسات عليا )ويصبح اخصائى تحاليل طبيه

3. البيوتكنولوجى

تدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وعلم دم وأجنه وغيرهم ويختص ايضا بامراض الدم للتحاليل وغيره طبعا قسم ابحاث ومواد بحثيه

4. الميكروبيولوجي

ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا بدراسه الفيروسات وده مهم جدا زى الكمياء الحيوى ويختص بدراسه الكائنات الدقيقه

وطبعا لاننسى ان كل من هذه التخصصات مذوج مع الكمياء حتى يسهل وجود فرصه عمل

5. الفيزياء التطبيقيه

قسم خاص بالتجارب والقوانين والعلاقات الرياضيه والدوائر الكهربائيه

6. الرياضيات وعلوم الإحصاء

طبعا هو واضح من إسمه إنه بيختص بدراسة الإحصاء والتمثيل البياني واعتقد إنه بيكون مطلوب في أي شركه أو مؤسسه حكوميه أو حتى خاصه

7. تكنولوجيا المعلومات وعلوم الحاسب

وهوقسم مهم جدا ومطلوب في سوق العمل تقريبا جميع الشركات بتستخدم الكمبيوتر (يعنى فى فرصة كبيرة لخريجى القسم للعمل فيها) حتى شركات البترول بتاخد منها ممكن الواحد يشتغل فى السكرتارية لاى مكتب من مكاتب التوظيف محاماة مثلا وغيرة سنترالات المدارس"مدرس كمبيوتراو رياضة " وحاجات تانى كتير باختصار اى مكان بيستخدم الكمبيوتر يقدر يشتغل فية خريجى القسم

8. إدارة البيئه والرصد البيئي

ده قسم بيدرس اي حاجة ليها علاقة بالبيئة وعلوم الارض وزي الفلك وعلوم الفضاء

9. جيولوجيا البترول والغاز الطبيعي

هو قسم يختص بدراسه سطح الارض والتنقيب عن الغاز البترولي والمياه

10. علوم البحار

ده طبعا يختص بكل ما هو في البحار والمحيطات والأنهار من ثروه سمكيه وغيرها

11. رياضة

القسم ده لسه مفتوح من سنة 2016 

12. الحوسبة والمعلوماتية الحيوية

القسم لسة مفتوح 2021/2020 ومتاح لطلبة علمى علوم وعلمى رياضة

رأى احد طلبة علوم بورسعيد

1- نظام التشعيب بيساوي طالب علمي علوم الي جايب 95 او 95 % بطالب علمي رياضه الي جايب 75% " ومحول تقليل اغتراب عشان محدش يقولي لا 85%" ( بغض النظر عن نقطه ان المجموع دا فرياضه يساوي دا فعلوم عشان الاخوه بتوع علمي رياضه الي بيتقمصوا ) ... اغلب جامعات مصر المحترمه التشعيب فيها لكل تخصص شعب معينه تدخلها مينفعش من رياضه تدخل كيميا حيوي ولا من علوم تدخل رياضه وحاسب .

2- لما بيبقي معروف انت هتتشعب ف ايه وانت داخل فاغلب الجامعات المحترمه بردو بتدرس مواد التخصص .. متبقاش انت علمي رياضه ويديك نبات وحيوان وجيولوجيا ودرسات بيئيه ولا انت علمي علوم ويديك جبر وتفاضل واحصاء .. والمطلوب انك تعديهم بتقديرات عشان تتشعب, لو معديتهمش ليلتك سوده هيشيلوك ويخلوك فسنه اولى لحد ما تتجوز وتخلف وولادك يبقو معاك فسنه اولى بردو .

3- المفروض انت داخل كليه على لايحه .. اللايحه دي لا تمس الا بتخرجك لو اتغيرت تتغير على الدفعات الي بعدك انما انت اللايحه الي داخل عليها هتفضل عليها لحد ما تتخرج !!!!!! .. ودا طبعا الي مش موجود عندنا .

• - مهما شلت مواد هتعدي سنه تانيه وتاخد المواد الي شايلها معاك
• - لا محدش هيشعب الا أما يعدي 21 ساعه معتمده
• - لا الناس تتشعب من 14 ساعه عشان شالوا كتير
• - طب الناس جابو ال 14 ساعه لا متشعبهمش خليهم لما يجيبو ال 21
• - طب الناس جابو ال 21 لا خليكوا الترم دا انتوا مراقبين ولا اقولك نشعبكوا بقرار مجلس كليه .

4- مفيش اقسام مزدوجه زي باقي الجامعات .

5- اقسام كتير اساسيه مش موجوده اصلا زي باقي الجامعات بردو.

6- مدرجات الكليه والمعامل قليله بالنسبه لعدد الطلبه وكمان معاك طلبه تربيه.

7- أفضل ما فى الكليه دي ان فيها قسم علوم بحار.

الموقع الالكترونى للكليه

رابط الموقع

رابط الموقع