المعلومات الكامله عن كليه العلوم جامعه بنى سويف

بِسْــــــــــــــــمِ اﷲِالرَّحْمَنِ الرَّحِيم

تأسست كلية العلوم بني سويف سنة 1984 وكانت تتبع جامعة القاهرة كفرع لها ببني سويف حتى استقلت سنة 2005 وتشتمل على اربعة مدرجات كبيرة (سعة 500 طالب) و7 قاعات تدريسية 20 معمل طلابي موزع علي الاقسام العلمية المختلفة وقاعة للسيمنار ومبني اداري و اخر للمخازن ومبني الفيزياء و معمل مركزي ونظام التدريس فى الكليه نظام ساعات معتمدة. 

الأوراق المطلوبة للتقديم

الأوراق المطلوبة للتقديم موجودة في الصورة + ان كل طالب هيسلم CD عليه كل الأوراق المطلوبة مسحوبة اسكانر

1. أصل شهادة الثانوية العامة
2. أصل شهاده الميلاد
3. أصل بطاقة الترشيح
4. عدد 8 صوره فوتوغرافية
5. استمارة الكشف الطبي
6. استماره 2 جند و 6 جند للذكور
7. إيصال سداد المصروفات (١٠٥٠ جنيها )
8. اسطوانه مرفق عليها جميع الاوراق السابقة مسحوبة اسكانر
9. للنسخ الالكترونيه للمطبوعات يرجي التواصل مع الاستاذ / وائل احمد فتحي المعيد بقسم النبات بالدور الثالث بكلية العلوم
10. يتم تسليم الاوراق المطلوبه + ايصال سداد قيمة المظروف +ايصال سداد قيمة الكتب الدراسيه ل الاستاذه / فتحية احمد حسن الموظف المختص بادارة شئون التعليم والطلاب بالدور الاول بكلية العلوم عرض أقل

ميعاد التقديم

غالبا بيكون من منتصف شهر 9 حتى آخر شهر 10 من كل عام

تفاصيل التقديم لعام 2021-2022

طلابنا الجدد الاعزاء♥️🎉 هنبدأ تقديم الاوراق والكشف الطبي  باذن الله يوم الاحد القادم الموافق ٢٦/٩/٢٠٢١ 💪❤️ 

البوست دا هيكون خاص بأوراق التقديم وهينزل بوست تاني وهسيب اللينك في الكومنتات الخاص بالتقديم للكشف الطبي.

التقديم هيكون في مقر الكلية في صلاح سالم👌

الأوراق المطلوبة وهى:- 

بطاقة الترشيح النهائية.

1. أصل شهادة الميلاد الكمبيوتر بها الرقم الثلاثي وصورتها ودي هتجيبوها من مركز المعلومات او السجل المدني.
2. عدد 8 صور شخصية 4*6 مع كتابة الاسم على كل الصور والرقم القومى خلف كل صوره.
3. صورة البطاقة الشخصية للطالب .
4. صورة البطاقة الشخصية لولي الأمر.
5. .-نموذج 2 جند للطلاب الذكور فقط.
6. نموذج ٦ او ٧ جند للطلاب الذكور .
7. هتيجبوها من مركز التجنيد الموجود في الشرق .. لو ملاقيتوش نموذج ٦ جند هتشتروا ٧ جند . 
8. استمارة الكشف الطبي 
9. وصل اصل من دفع المصاريف اللي تكلفتها في حدود ٦٠٠ جنيه للترم الاول ..

هتروحوا اي مكان فيه مكنة فوري وتقوله عايز ادفع المصاريف وبتدفعوا بالرقم القومي ، ومتنسوش تصوروا الوصل صورة .

وفي الاخر هتجيبوا اسطوانة فاضية من اي مكتبة وتصوروا كل الحاجات صور باي تطبيق اسكانر وترفعوهم على الاسطوانة وحاولوا تعملوها في البيت عندكم بدل ما هتدفعوا فلوس وحد يستغلكم في مبلغ كبير وكده ..

او على الاقل هاتوا الاسطوانة فاضية واحنا هنساعدكم في كده في ايام التقديمات 💪❤️

هتستلموا ورق من الكلية باذن الله هتملوه ف اعملوا حسابكم في قلم😂❤️

مصروفات الكلية

حوالى 1100 جنية لعام 2022/2021 .

مصاريف الكلية والاوراق المطلوبة

تنسيق الكلية

فى عام 2022/2021

علمى علوم

334.0

علمى رياضة

275.0

فى عام 2021/2020

علمى علوم

391.5

علمى رياضة

317.5

فى عام 2020/2019

علمى علوم

393.0

علمى رياضة

352.5

فى عام 2019/2018

علمى علوم

386

علمى رياضة

349

فى عام 2018/2017

علمى علوم

380.0

علمى رياضة

 325.0

لتنسيق باقى السنوات الماضية

رابط التنسيق

أقسام الكلية

1. كيمياء / كيمياء حيوي
2. كيمياء / حيوان
3. كيمياء / نبات
4. كيمياء خاص
5. كيمياء/فيزياء 
6. جيولوجيا خاص
7. جيولوجيا/كيمياء
8. فيزياء خاص 
9. رياضة خاص 
10. فيزياء/رياضة 
11. علوم حاسب

تنوية: نظام التشعيب والتخصص لدخول هذة الأقسام مختلف عن معظم كليات العلوم التى تطبق نظام الساعات المعتمدة ، حيث ان هذة الاقسام تعمل تبعا للنظام القديم بينما شعبة ميكروبيولوجى كيمياء حيوى (برنامج خاص بمصروفات) يعمل بنظام الساعات المعتمدة..

برنامج الميكروبيولوجى/كيمياء حيوى 

هو برنامج خاص بمصروفات

حيث أصدر المجلس الاعلي للجامعات قرار ببدء الدراسة بالبرنامج العام الماضي بقرار وزاري رقم 4904 بتاريخ 29/10/2019 ليكون بذلك الثاني على مستوى الجامعات المصرية و الاول على مستوى جامعات الصعيد

يقبل طلاب الثانوية العامة علمي علوم او علمى رياضيات

يتم التخصص فى هذا القسم من سنة أولى

يخضع نظام الدراسة لنظام الساعات المعتمدة حيث يشترط لنيل درجة البكالوريوس أن يجتاز الطالب  136 ساعة معتمدة لمدة لا تقل عن ثلاث سنوات ونصف. 

تفاصيل التقديم:

اولا :يتم قبول الطلاب الذين رشحو للالتحاق بكلية العلوم جامعة بني سويف وايضا الطلاب الذين تم ترشيحهم داخل نفس قطاع كليات العلوم على مستوى الجامعات المصرية ( علمي علوم - علمي رياضه )

ثانيا: تسجيل الطالب الالكترونيا على الموقع الرسمي وطباعه الطلب.

رابط الطلب

ثالثا: يقوم الطالب بسحب مظروف التقديم و الذي يبلغ قيمته 300ج تدفع من خلال نظام فوري. وهننزلكم فيديو ازاي 

رابعا: الاوراق المطلوبة نزلت على البيدج قبل كده روح بص عليها

خامسا: للنسخ الالكترونيه للمطبوعات يرجي التواصل مع الاستاذ / وائل احمد فتحي المعيد بقسم النبات بالدور  الثالث بكلية العلوم

يتم تسليم الاوراق المطلوبه + ايصال سداد قيمة المظروف +ايصال سداد قيمة الكتب الدراسيه ل الاستاذه / فتحية احمد حسن الموظف المختص بادارة شئون التعليم والطلاب بالدور الاول بكلية العلوم

ازاي تدفعوا فلوس المظروف للتقديم للقسم الخاص

رابط الشرح

برنامج الميكروبيولوجي و الكيمياء الحيوية الدفعة الثالثة للعام الجامعي 2021/2022

♦️وكـمـان بجانب المحاضرات النظرية و السكاشن العمليه بالكليه يوجد تدريبات ميدانية بالمصانع الغذائية بشرق النيل بمحافظة بني سويف مـع نخبه من اسـاتـذة الجامعه

♦️هـتـدرس فـيـة 136 ساعة معتمدة مقسمة على 8 فصول دراسية اي اربع سنوات دراسة 

🔶 علوم الميكروبيولوجي 42 ساعه 

🔶علوم الكيمياء الحيوية 42 ساعة

🔶علوم أساسية 36 ساعة

🔶علوم الحاسب 8 ساعات 

🔶 علوم إنسانية 8 ساعات

مصاريف البرنامج 

450 ج للساعة المعتمدة اي 15300ج للسنة الدراسية مقسمة على قسطين 

برنامج الميكروبيولوجى/كيمياء حيوى الفرقة الأولى ترم أول

برنامج الميكروبيولوجى/كيمياء حيوى الفرقة الأولى ترم ثانى

كلية العلوم بنى سويف بكالوريوس مزدوج الميكروبيولوجى  الكيمياء الحيوية

التشعيب والتخصص النهائي 

التشعيب الأساسى بيكون فى سنة أولى

عندنا 4 شعب في سنة اولي

1. شعبة بيولوجى كيمياء
2. شعبة كيمياء فيزياء
3. شعبة جيولوجيا كيمياء.
4. شعبة رياضه فيزياء

علمى علوم 

يقدر يتخصص فى اول 3 شعب: 

1. شعبة بيولوجى كيمياء
2. شعبة كيمياء فيزياء
3. شعبة جيولوجيا كيمياء

ترتيبهم حسب المجموع اعلاهم بيولوجي كيمياء واقلهم جيولوجيا كيمياء .

نتيجة تشعيب طلاب علمي علوم للدفعة الجديدة 2021

علمى رياضه 

شعبة واحد فقط وهى شعبة رياضه فيزياء 

للعلم! بيكون مسموح منعا لطلبه رياضه أعلى 20  طالب على حسب مجموع الثانوية العامة بالدخول إلى شعبة كيمياء فيزياء وأعلى 15 بعد ال20 دول فى المجموع بيبقى مسموح ليهم يدخلوا شعبة جيولوجيا كيمياء .

البرامج المنفردة او الاسبشيل (الاقسام المنفردة - التخصصات المنفردة)

رابط التفاصيل

البرامج المزدوجة (الاقسام المزدوجة - التخصصات المزدوجة)

رابط التفاصيل

التخصص النهائي بيكون من سنة تانية

(شعبة بيولوجي كيمياء ) فيه 3 اقسام :

1. كيمياء / كيمياء حيوي (ده شروطه جيد جدا ترم اول)
2. كيمياء / حيوان (شروطه النجاح في مادة الحيوان أو جيد جدا ترم تاني في مادة الكيمياء وبأقصي حد 50 طالب)
3. كيمياء / نبات (شروطه النجاح في مادة النبات أو جيد جدا ترم تاني في مادة الكيمياء وبأقصي حد 50 طالب)

( شعبة كيمياء فيزياء ) بينقسم لقمسين :

1. كيمياء خاص (ده نفس شروط كيمياء/كيمياء حيوي) 
2. كيمياء/فيزياء 

( شعبة كيمياء جيولوجيا ) بينقسم لقمسين :

1. جيولوجيا خاص (شروطه انك تكون جايب جيد جدا جيولوجيا ترم اول وترم تاني ).
2. جيولوجيا/كيمياء

( شعبة رياضه فيزياء ) بينقسم إلى: 

1. فيزياء خاص 
2. رياضة خاص 
3. فيزياء/رياضة 
4. علوم حاسب

تجربة طالب

الكلية عندنا متقسمة زي ما كنتوا متقسمين كده علمي علوم وعلمي رياضة هي برضو كده في اقسام متاحة لاقسام علمي علوم واقسام متاحة لأقسام علمي رياضه وفي قسم خاص بمصاريف بيقبل طلاب علمي علوم و طلاب علمي رياضة 👏

تعالو نتكلم عن اقسام علمي علوم الأول سريعا كده حسب ترتيب الدرجات من الأعلى الى الاقل : 

١-  قسم كيمياء وكيمياء حيوي 

٢- قسم حيوان : 

والقسم دا  متقسم الى كيمياء حيوان او كيمياء حشرات   ..

حسب الاختيار 

٣- قسم نبات : 

والقسم دا متقسم الى كيمياء ميكروبيولوجي او كيمياء نبات او ميكرو بيولوجي نبات 

٤- قسم كيمياء منفرد 

٥-قسم كيمياء و فيزياء 

٦- قسم جيولوجيا كيمياء 

٧- قسم جيولوجيا منفرد 

ندخل بقا ع اقسام علمي رياضة اللي هينوروا والله

١- قسم علوم الحاسب 

ودا طبعا للناس اللي فاتتها حاسبات ومعلومات احنا جيبنالكم حاسبات لحد عندكم بس هتدرسوا برمجة بس لا هتاخدوا شوية رياضة وشوية كيمياء كده

٢- قسم فيزياء منفرد 

٣-قسم رياضة و فيزياء

٤- قسم رياضيات منفرد

٥-قسم احصاء منفرد 

توزع مباني الكلية

(1) مبني الاساسي للكلية وهو اربع ادوار ويشمل اقسام الكلية والادارة العليا و المعامل
(2) مبني الاداري (1) ويشمل مخازن الكلية
(3) مبني اداري (2) ويشمل بعض الادارات و المعمل المركزي
(4) مبني اداري (3) ويشمل باقي الادارات مع معمل ICDL
(5) مبني وحدة النانو تكنولوجي
(6) مبني قسم الفيزياء

الموقع الالكترونى للكليه

رابط الموقع