دبلومه الكيمياء الحيويه كلية العلوم جامعة الاسكندرية

بِسْــــــــــــــــمِ اﷲِالرَّحْمَنِ الرَّحِيم

نقدم لكم هذا المقال من موقع « علومنجى دوت كوم »والذى يضم كل ما يخص دبلومه الكيمياء الحيويه بكلية العلوم جامعة الاسكندرية ، ويحتوى المقال على  الاوراق المطلوبه والمصاريف الاداريه والمقررات الدراسيه.

ميعاد التقديم

التقديم فى نص شهر 7 حتى نص شهر 8 (أو فى نص شهر 8 حتى نصف شهر 9) 

وهما بيعلقوا ورقة علي باب (مكتب الدراسات العليا ف محرم بك) 

الدبلومه بتفتح ترم تانى لقسم كيمياء حيوى فقط يعنى ممكن يقدموا فى الترم التانى

للعلم! وانت بتقدم ملفك هتدفع ٣٠٠ جنية كأنك سحب ملف وكدا.   

الاوراق المطلوبه

1. صوره البطاقه الشخصيه
2. شهاده الميلاد اصل كمبيوتر
3. اصل شهاده التقدير 4 سنوات
4. 4 صور شخصيه
5. اصل الشهاده المؤقته للبكالريوس
6. اصل شهادة تأديه الخدمه العسكريه او الاعفاء منها
7. موافقه جهة العمل او اقرار بعدم العمل. 

مصاريف الدبلومة

1. مصاريف التقديم: 300 جنية بتندفع وانت بتقدم ملفك.
2. مصاريف الدبلومة: اول ترم 3532 جنية – تانى ترم 1052 جنية – لو فى ترم ثالث "تكميلى" هيبقى 1532 جنية + مصاريف الكتب

للعلم يقال ان الترم التكميلى زاد بقى بـ 1950 جنية ، ومصاريف الدبلومة بتندفع بعد القبول فى الدبلومه ، وللعلم مصاريف الدبلومة فى 2017 كانت 4600 جنية. 

دبلومه الكيمياء الحيويه التحليله علوم الاسكندرية

المواصلات

أوصل ازاى للكلية لو انا من طنطا , المحلة , البحيرة , القاهرة ... الخ. 

انا غالبا بفضل اروح بالقطر عشان انزل محطة مصر ودى اخر محطة فى اسكندرية وامشى خطوتين واكون فى الكلية لان الدراسة فى كلية علوم اللى فى محرم بك بس ده طبعا على حسب المواعيد او ممكن اركب عربية فبنزل فى موقف محرم بك وبنركب مشروع لحد محطة مصر وبنزل عند باب المحطة وبمشى للكلية .

الاقسام المطلوبة

• بتاخد اقسام معينه مش كل الاقسام.
• الدبلومه لطلبة كيمياء حيوى فرعى بتبقى لمده سنه
• الدبلومه لطلبة اى قسم تانى من أقسام الكيمياء المزدوج مثل (كيمياء/ميكرو , كيمياء/نبات , كيمياء/حيوان , كيمياء/حشرات ...) سنه ونص علشان ليهم ترم تكميلى فى الاول .
• يقال انها متاحه لقسم كيمياء اسبشيل "منفرد" بس هتبقى سنه ونصف ، وبعض الناس بتقول انها مش متاحة ليهم.

للعلم! ولو مقبلتش بيعرضوا عليك سنه تكميلي قبل الدبلومة في قسم البايو. 

هل الدبلومه معتمده

معتمده ومعتمده يعنى معتمده من وزاره الصحه وتقدر تاخد الترخيص من غير قضيه.

الدبلومات المعتمدة فى الكيمياء الحيوى والميكروبيولوجى

التقدير المقبول

تقدير بيبقى على حسب العدد اللى مقدم وتقديرهم لكن غالبا بيبقى من جيد.

نظام الدراسة

الدراسه يقال انها صعبه وده لان دكاترتها صعبين شويه.

• الترم الاول (الترم التكميلى) عباره عن 4 مواد
• الترم الثانى 5 مواد
• الترم الثالث 3 مواد

بحيث يبقوا كل ترم أما 8 ساعات أو 12 ساعه معتمده (ومجموعهم 36 ساعة) .

مواد الترم الاول فى الدبلومة (الترم التانى لو اخدت التكميلى):

• طرق التحاليل2
• المسح البيوكيمايئى والملاحظة
• الخلل الوظيفى فى الغدد الصماء
• طرق التحاليل المعملية
• وبنختار مادة من 3 مواد هم (دم ومناعة او تحليل اغذية او مقدمة فى الميكوبيولوجى).

الحضور

• الحضور يومين فى الاسبوع "يوم نظرى ويوم عملى" 
• لازم حضور لان الغياب هناك مهم جدا جدا وبيفرق فى تحصيل الدرجات 
• كمان انت لو غبت اكتر من 3 محاضرات لدكتور واحد بتتحرم من دخول الامتحان.

رقم مكتب الدراسات العليا

03/3922918 

ممكن حضرتك تتصل بيهم من الساعه ١٠ص الى الساعه ٢م عدا يوم الجمعة والسبت. 

للعلم! منعا للخبطة دبلومة التحليلية تبع دبلومات الكيمياء لكن دبلومة التحاليل دي تبع قسم كيمياء حيوي وهي 36 ساعة و ليها تقدير معين وهى دى اللى احنا بنتكلم عنها ، وممنوع حد يسجل دبلومتين ف نفس الوقت.. 

ملحوظه: لو حد سجل دبلومة معينة و حب ياخد دبلومة تانية بعدها ملهوش انه ياخد الدبلومة التانية من علوم اسكندرية و حيضطر ياخدها من بره اسكندرية .

الفرق بين المعادلة والترم التكميلى

الترم التكميلي غير المعادله والترم التكميلي لكل الاقسام ماعدا قسم الكمياء الحيوى ودى موجودة في علوم اسكندريه بس اما المعادله فهى للاقسام الخاصه بس زى ميكرو سبشيل وحيوان سبيشيل ونبات سبيشيل عشان يبقوا كميائيين ويصبحوا قسم مزدوج كمياء/ميكرو أو كمياء/حيوان أو كمياء/نبات.

اللايحة الخاصة بالدراسات العليا

رابط اللائحة