دبلومه الكيمياء الحيويه كلية علوم جامعة بنها

بِسْــــــــــــــــمِ اﷲِالرَّحْمَنِ الرَّحِيم

هنتكلم فى هذا المقال من موقع « علومنجى دوت كوم »  عن كل ما يخص دبلومه الكيمياء الحيويه كلية علوم جامعة بنها من حيث الاوراق المطلوبه وميعاد التقديم والمصاريف  والمقررات الدراسيه، المقال يتم تجديده باستمرار.

“ياجماعة أنا بطلب من اللي هيقرأ الموضوع وعارف الحاجات دي يحاول يكتب أي نصيحه للطلبة الجدد ولو فى اضافات يكتبها وبالنسبة للطلبة الجدد أسأل وإحنا نجاوب وأنا لقيت إن الموضوع ده مفكك ف كل منتدي أسئلة وإجابات عابرة فقلت ليه محاولش اوضح الدنيا هتمشي إزاي نتيجة أسئله لخريجون فى المجال ده منذ زمن طويل وياريت باقى الدبلومات حد يحاول يعملها ويبعتها لينا على الفيس بوك اوحنا هنزلها على الموقع”

ميعاد التقديم

1. التقديم بيفتح فى نصف شهر 8 حتى نصف شهر 9.
2. الدبلومة اول سنة تنزل كانت 2018 ، ولذلك جارى أضافة المزيد من التفاصيل
3. سحب الملف بـ 100 جنية
4. السنه دى فى ٣٠٠ جنيه بيدفعو دورة تدريبيه PCR وبيتدفعوا بعد القبول

موقع التقديم

الاوراق المطلوبه

1. عدد 2 صوره البطاقه الشخصيه (الرقم القومى) .
2. شهاده الميلاد كمبيوتر " اصل – صورة".
3. شهاده التقدير 4 سنوات (شهادة بيان الدرجات) "أصل – صورة" .
4. عدد 6 صور شخصيه .
5. شهاده التخرج "أصل وصورة".
6. شهادة البكالريوس المؤقته.
7. موافقه جهة العمل او اقرار بعدم العمل.
8. اصل شهادة تأديه الخدمه العسكريه او الاعفاء منها (صوره شهادة التجنيد).
9. عدد 2 ملف بلاستيك.
10. دمغات
11. يتم سحب مظروف بمبلغ 100جنية من مكتب الدراسات العليا وهذا المبلغ غير قابل للاسترداد وتقدم الطلبات بصفة شخصية.

مصاريف الدبلومة

• المصاريف فى 2021 بـ 6282 جنية وتفاصيلها فى الصورة بالاسفل وكانت فى 2020 بـ 6150 جنية (4400 ترم أول لحد قبل الامتحان بشهر منهم 750 جنية عند التسجيل وبعد القبول ، و 1650 ترم تانى) وكانت فى 2019 بـ 4250 جنية .
• + 100 ملف وتسجيل الكترونى 
• + حوالى 1200 كتب للترمين وورق وغيره .

المصاريف لعام 2021-2022

للعلم دبلومة الكيمياء الحيوى كانت بـ 2900 جنية فى 2018 وكانت 2280 جنية فى 2017 ودبلومة الميكروبيولوجى كانت 2500 جنية فى 2017.

الاقسام المطلوبة

• الدبلومه لطلبة كلية العلوم قسم كيمياء مزدوج (كيمياء/كيمياءحيوى, كيمياء/ميكرو , كيمياء/نبات , كيمياء/حيوان) او الكيمياء المنفرد زى كيمياءحيوى , كيمياء منفرد , كيمياء تطبيقية , بيوتكنولوجى 
• قسم كيمياء/فيزياء وقسم كيمياء/جيولوجيا مش مقبول نقلا عن دكتور وجدي.

للعلم! عام 2020/2019 قبلت اقسام من علوم اسبشيل زى ميكروبيولوجى منفرد بشرط حصولهم على دبلومة ميكروبيولوجى أولا ، وبرضو يقال انها قبلت علوم ثروة سمكية اللى اخدوا اكتر من 6 ساعات كيمياء حيوى ، قبل عام 2021/2020 كان ممكن تقبل بتوع زراعه قسم كيمياء حيويه او تكنولوجيا حيويه فقط وبتقدير جيد جدا وامتياز فقط لكن تبعا للمذكور بالقرار الحالى فى عام 2021/2020 م غالبا مش هتقبل غير خريجى كليات العلوم .

قرار سنة 2022/2021:

اعلان كلية العلوم جامعة بنها لعام 2021-2022

اعلان كلية العلوم جامعة بنها لعام 2021-2022

اعلان كلية العلوم جامعة بنها لعام 2021-2022

اعلان كلية العلوم جامعة بنها لعام 2021-2022

اعلان كلية العلوم جامعة بنها لعام 2021-2022

اعلان كلية العلوم جامعة بنها لعام 2021-2022

رأى بعض الطلبة:

البوست دا ف تفاصيل لتقديم دبلومه الكيمياء الحيوية وحتى الامتحان م حد اخد الدبلومه م كليه علوم بنها...

***التقديم بدأ من 1/8 : 1/9 والتقديم بيكون إلكتروني وورقي... الإلكتروني  م اي مكتبه بجوار الكليه وليكن مكتبة المهندس برسوم تقريباً 25 جنيه... ويتم طباعة التقديم وبيظهر كود خاص بيك... تروح لأي سنترال ويتم تحصيل المبلغ المطلوب ف حدود 150 او أقل... وبعد كدا تاخد الوصل وتصوره وتدخل الكليه وتقدم ورقي ف نفس اليوم عادي بس الإلكتروني رقم 1 وبالنسبه للأوراق المطلوبه هتكون ف آخر البوست 👇👇👇👇  وبيتم التقديم...

*** بالنسبه للدبلومه بتكون ف حدود 6550 إجمالي... 

وبعد كدا ننتظر نتيجة القبول... بعد فرز الأقسام المقدمه...

بعد القبول بيكون ف دوره تدريبيه لمدة يومين او ثلاثة أيام لازم حضورها ف أي أسبوع م الترم الأول وبكدا يكون تم اجتيازها....

*** بالنسبه لجدول الدراسه بيتم نزول الجدول ويمكن تعديله مع الدكاتره ويكون يومين ف الأسبوع كحد أدنى..

***بالنسبه للمواد الدراسيه ٥ مواد لكل ترم منهم ماده اختياري والباقي إجباري.. وكل ماده لها عدد ساعات معينه...

مثلا ف مواد ساعه او ساعتين أو ثلاث ساعات... والمقصود بساعه واحده اي ال بيدرسها دكتور واحد فقط... وماده ساعتين اي بيدرسها 2 دكاتره وهكذا....

وبالنسبه للشرح الدكاتره كلهم بيدخلوا م اول الترم حتى انتهاء الكورس الخاص بيه يعني لو ماده فيها ثلاث دكاتره كلهم بيشرحوا ف وقت واحد وهكذا....

*** بالنسبه للحضور؛ مش شرط اوي الحضور ولكن مهم لبعض الدكاتره زي مثلا في 2 دكاتره لازم حضور لهم ع الاقل مرتين أو ثلاثة.. لإن بياخدوا الغياب... فالموضوع سهل إلى حد ما....

*** بالنسبه للامتحانات؛؛

1- ف دكاتره بتعمل بنك اسئله بنفسها...

2- ف دكاتره بتقسم الدفعه لجروبات وكل جروب يعمل اسئله ع فصل معين وف الآخر بيتم تجميع الاسئله وبيجي منه ف الامتحان....

3- ف دكاتره امتحانهم بيكون م ال اتشرح ف المحاضرات مثل د / على وهو الوحيد ال بيدخل المحاضرات يكتب وامتحانه بيجي م الشرح دا بس بيكون محتاج فهم جدا...

4- ف دكاتره ف آخر الترم بيحددوا أجزاء معينه...

5- ف بيجيب م اول الكتاب لآخره زي د / محمد صلاح

بس مع الاحترام والتقدير والمعامله الكويسه بيكون امتحانه سهل جداً أن شاء الله...

قرار سنة 2021/2020:

قرار سنة 2021/2020

قرار سنة 2021/2020

قرار سنة 2021/2020

قرار سنة 2021/2020

هل الدبلومه معتمده

تم أعتمادها يوم 1-10-2019 

معتمده (معتمده يعنى معتمده من وزاره الصحه وتقدر تاخد الترخيص من غير قضيه).

الدبلومات المعتمدة فى الكيمياء الحيوى والميكروبيولوجى

دبلومه الكيمياء الحيويه كلية علوم جامعة بنها

التقدير المقبول

تقدير بيبقى على حسب العدد اللى مقدم وتقديرهم لكن غالبا بيبقى من جيد 

للتواصل والأستفسار

مدام زينب شئون علوم بنها ممكن تسالوها 01090811703 

أ/أحمد شئون علوم بنها 01145992958

نظام الدراسة

• الحضور عليه درجات وخاصه فى الميدترم والعملى ، والدكاترة هناك كويسين بس متشددين شوية وهم بس يومين والدراسه والمواد كويسين وفيها افاده ... وفى ناس بتقول مش شرط تحضر.
• مفيش سكاشن ... العملى اسبوع ورا بعضه وخلاص.
• بعض الطلبة بتعترض من انه لا يوجد مدرجات قبل ٢ الظهر ، لان دى بتكون مواعيد جداول اساتذة تانية وبيخرجهم من المدرجات.
• الترم الاول 4 مواد اجبارى ومادة اختيارى ، الترم التانى 4 مواد اجبارى و2 اختيارى .

المقررات الدراسية

المقررات الدراسية لدبلومه الكيمياء الحيويه كلية علوم جامعة بنها