دبلومه الكيمياء الحيوية كلية العلوم جامعة المنصوره

بِسْــــــــــــــــمِ اﷲِالرَّحْمَنِ الرَّحِيم

نقدم لكم فى موقع « علومنجى دوت كوم » كل ما يخص كل ما يخص دبلومه الكيمياء الحيوية كلية العلوم جامعة المنصوره من التقديم والمصاريف والمواد والدراسة والحضور والاقسام ... الخ. 

ميعاد التقديم

• التقديم بيفتح فى نص شهر أغسطس من كل عام
• الدبلومة بتفتح ترم تانى برضو فى أول شهر يناير
• التقديم لهذا العام 2021/2020 بدءاً من 1 سبتمبر وحتى 16 أكتوبر.

الاوراق المطلوبه

1. عدد 2 صوره البطاقه الشخصيه (الرقم القومى) .
2. شهاده الميلاد كمبيوتر " اصل – صورة".
3. شهاده التقدير 4 سنوات (شهادة بيان الدرجات) "أصل – صورة" .
4. عدد 6 صور شخصيه .
5. شهاده التخرج "أصل وصورة".
6. شهادة البكالريوس المؤقته.
7. موافقه جهة العمل او اقرار بعدم العمل.
8. اصل شهادة تأديه الخدمه العسكريه او الاعفاء منها (صوره شهادة التجنيد).
9. عدد 2 ملف بلاستيك.
10. اشتراك النقابة.

١_ايه كارنيه النقابه دى وبيطلع ف نفس اليوم !!

الاجابه لازم تشترك ف نقابتك ف اى نقابه .. والكارنيه مش هيطلع ف نفس اليوم لكن هيعطوك وصل الدفع وده اللى هتقدم بيه بدل الكارنيه.

٢_ايه ملف التقديم ده !!

ده انت وانت بتقدم ف الكليه هتدفع ٢٥٠ج هناك وهياخد منك الورق ويحطه هو ف الملف.

٣_ايه موافقه جهه العمل دى!!

ده للناس ال بتشتغل حكومى لكن يا عم فكك دا هرى ملوش لزمه متخدش حاجه حتى لو انت بتشتغل حكومى.

٤_ايه التقديم الالكترونى ده .. وممكن هو يعملهولى ف الكليه !!

التقديم ده انت بتقدم بياناتك ع شبكه للجامعات المصريه وده عشان يضمنو انك متسجلش ف جامعه تانيه ولازم وعباره عن انك بتملى بياناتك الاساسيه واسم الدبلومه ولازم تطبعها وتقدمها مع الورق.

٥_شهاده درجات الاربع سنين !!

دى بيان الدرجات ياجماعه بتطلعوه مع الشهاده.

هام! انت بتطلع الشهاده طلع نسختين عشان اقدم بواحده ف النقابه و واحده ف الدبلومه 

نظام التقديم لهذا العام 2021/2020:

الموقع الالكترونى للتسجيل (موقع بن الهيثم):

رابط الموقع

طريقة التسجيل:

الخطوات

فيديو تعريفى عن الدفع الالكترونى لطلاب الدراسات العليا جامعة المنصورة:

رابط الفيديو

تكملة طريقة التسجيل

خطوات التقديم 2021/2020

خطوات التقديم 2021/2020

المستندات المطلوبة قديما:

طريقة الأشتراك فى النقابة:

الشهادات الل هتحتاجها عشان تطلع ورق الدبلومة والتمهيدي *طبعا بعد ما تاخد وصل من النقابة انك عملت كارنيه لأنه بيتقدم فى الورق*

الشهادات الل هتحتاجها عشان كارنيه النقابة ، و ده من مكتب الخريجين الل عند مدرجات 4,5

مصاريف الدبلومة

المصاريف لعام 2021/2020 هى 5219.25 جنية + 250 ملف تقديم .

للعلم! المصاريف كانت سنة 2020/2019 بـ 3216 وكانت فى 2017/2018 بـ 3160 جنية ، وكان خريج كيمياء حيوى مبيدفعش غيرهم انما خريج اى قسم غير القسم ده بيدفع ٧٠٠ج كمان ، والمصاريف بتدفعوا بعد ما إسمك ينزل فى كشف المقبولين مفيش حاجه اسمها اقساط والليله دى اول مابينزل اسمك انك اتقبلت تانى يوم تدفع الفلوس.

المصاريف الدراسية

الاقسام المطلوبة

- الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/نبات , كيمياء/حيوان , كيمياء/حشرات) ، وبتقبل لكيمياء اسبشيل.
- فى بعض الاقسام زى كيمياء / فيزياء وكيمياء / جيولوجيا ممكن يتقبل بس هياخد مواد زياده عن مواد الدبلومه.

- بتقبل طب وصيدلة.
- مش بتقبلش زراعة ولا بيطرى.

الدبلومات المتاحة لعام 2021/2020

الماجستير التاح لعام 2021/2020

هل الدبلومه معتمده

معتمده ومعتمده يعنى معتمده من وزاره الصحه وتقدر تاخد الترخيص من غير قضيه.

الدبلومات المعتمدة فى الكيمياء الحيوى والميكروبيولوجى

الدبلومات المعتمدة هي :- كيمياء حيوية من كليات العلوم ( شبين الكوم، القاهرة، الاسكندرية، عين شمس، دمياط، كفر الشيخ ، الاسماعيلية، الزقازيق، بني سويف، الفيوم، المنيا ، طنطا، المنصورة الازهر ،بورسعيد، كلية الدراسات العليا ببني سويف) ، بيطري المنصورة، بيطري بنها "مشتهر"، بيطري السادات.

التقدير المقبول

تقدير بيبقى على حسب العدد اللى مقدم وتقديرهم لكن غالبا بيبقى من جيد.

نظام الدراسة

• من جهة الشرح طلبة بتقول انها كويسه (لان الدكاتره بتشرح كويس جدا بعكس بعض الجامعات التانيه اللى مش بيهتموا بالشرح علشان محدش بيحضر) ... وطلبة بتقول انها صعبه (المواد كبيره وورق بالهبل ولازم حضور واللى بيشيل الماده ب 500 جنيه ويعتبر مفيهاش عملى وملهاش علاقه بالتحاليل خالص يعنى كأسم فقط) ... وطلبة بيقولوا حسب (لو كنت قسم بيو "وخصوصا المنصوره" يبقى سهله لكن لو اي قسم تانى هتبقى صعبه).
• 12 ماده على ترمين ولو مش قسم كيمياء هتاخد 3 مواد كمان.
• بيقال انها صعبه لكن فى رأى بعض الطلبه اللى اخدوها بيقولوا " ان زيها زى اى جامعه تانيه واللى بيشيل هو اللى دخل ومحلش حاجه فى الورقه لكن اللى ذاكر وحل اكيد نجح وممكن تكون الصعوبه من وجهة نظر بعض الناس بسبب الحضور اللى بيشددوا عليه الدكاتره"

للعلم! حسب كلام بعض الطلبه من قسم ميكرو خاص اللى اخدوها الكلية ادتهم 3 مواد زياده "ب 700ج" .

المواد الدراسية

ترم اول

بالنسبه لخريج ك حيوى ٦مواد
(احصاء ..بيتكنولوجى .. تغذيه..دم ..ك تحليليه..)(cancer biological +nutrition Biostatic + biotechnology + analytical biochemistry + Biological fluid )
اى قسم تانى 

بياخد ماده منرالز water &minerals metabolism زياده يبقى ٧ مواد

ترم تانى

خريج ك حيوى ٦ مواد

(كلينكال_سموم_هرمونات_بيوانفورماتك_فود_انزيمات) (Food ، Clinical chemistry ، Toxicology، Hormones ، Bioinformatic ، Enzymes)
اى قسم تانى 

بياخد مادتين زياده نيوكلك اسد و بروتينات
(protein &minerals metabolis + nucleic acid).

العملى 

بيكون ترم اول ٣ مواد لكن بيتاخدوا ف سكشنين والتانى مادتين ولكن بيتاخدوا ف سكشن واحد. 

ملحوظة: بنقول تكميلى ليه وليه بتوع حيوى مبياخدهمش !! ... عشان بتوع حيوى خدوهم ايام الكليه انما احنا لاء وبناخدهم عشان مينفعش لينا الدبلومه من غيرهم.

 

طيب نظام السكاشن:

بيبقى كل الايام وبيبتدى من ٨السكشن ٣ ساعات .. وع حسب ترتيب اسمك الابجدى بيتحط ف مجموعه وانت وحظك بقى

طيب انا الميعاد مش مناسبنى ...ينفع اغيره !!

اه طبعا لكن بالتبديل يعنى لازم تجيب واحد من السكشن ال انت عايز تحول منه يجى مكانك وانت تروح مكانه وطبعا بتعملو طلب لرئيس القسم وبيتوافق عليه فورا

طيب ممكن محضرش!!

طبعا عادى جدااا ال ٢٠درجه عملى بيتقسمو كالاتى ١٢درجه امتحان عملى (شغلك ونتايجكك ف الامتحان )+٢درجات شيت (نظرى العملى وبيبقى مع الامتحان )+٢ حضور +٢ كتاب +٢التزام وبلطو وغيره

طيب نظام بقى العملى سهل ولا صعب !!

ال بتيجى اولا تجربه واحده ف الخمس مواد عملى اه والله تجربه واحده ..فلو هى مستحيله فانت هتحفظها زى اسمك لكن مش هتحتاج ده ... ده بيبقى راسملك انبوبه ع السبوره وفيها مواد معينه وسيادتك هتحضر تركيزات مختلفه وتقيسها وترسم كيرف عشان تطلع التركيز المجهول لو جبنا عيل ف ابتدائى هيعملها والله.

درجه المواد ١٠٠

المواد اللى ملهاش عملى امتحانها النظرى ٧٠+١٠شفوى +١٠ميد + ١٠ده شيت بيبقى الدكاتره منزلينه مع الكتاب بتحله من الكتاب وتسلمه (ف دكاتره مبتنزلش شيتات ولكن يتطلب منك ريبورت تعمله وتسلمهولها .. يعنى ال١٠ درجاات دول ف جيبك وانت مطمن ع الاخر )
المواد العملى امتحانها النظرى من ٦٠ + ٢٠عملى (ال انا ضامن ان شاء الله ١٤ منه لو حتى محضرتش) +١٠ميد +١٠شفوى
الشفوى بامانه ٩٠% من الدكاتره يعطى ٨من ١٠حتى لو مجوبتش والباقى بيعطى ٦ لو مجوبتش خلى بالك بقول لو مجوبتش خالص.

نيجى ع نظام الامتحان النظرى

معظم الامتحانات بتبقى اختيارى .. هى ماده ف الترم الاول فقط بتيجى اكتب واكمل ومادتين الترم التانى
اما ياقى المواد ...بيبقى٨٠% منها اختيارى وال ٢٠% متنوع بس غالبا بيبقو اكتب

نظام الحضور

• لازم حضور وسكاشن .
• الحضور غالبا كالتالى : بينزلوا الجدول 4 أيام وانتوا بتضبطوا على 3 ايام مثلا.

للأستفسار والتواصل

اللى عندة استفسار ممكن يسأل دكتور محمود الدسوقى (الشهير بالدحيح - أحد الناس اللى أخدوا الدبلومة - اللى بينزلكوا ورق شرح لمواد الدبلومة)  والواتس بتاعه ٠١٠٦٥٦٥٨٨١٧  .

البريد الإلكتروني لأعضاء هيئة التدريس بالدبلومات

Chemistry Diploma

Zoology Diploma

Physics Diploma

Botany Diploma

دبلومات الدراسات العليا التى تمنحها كلية العلوم جامعة المنصورة

التخصصات	القسم العلمى
ميكانيكا الفضاء 1-Space Mechanics	الرياضيات
الفيزياء العامة  1-General Physics	الفيزيــاء
فيزياء الأشعة 2- Radiation Physics
فيزياء المواد 3- Material Physics
فيزياء الطاقة العالية 4- High Energy Physics
علم القياس "المترولوجيا" 5- Measurement Science (Metrology)
القياسات الضوئية و اللونية 6-Optical Measurements and Color
الاستكشاف المعدنى ورواسب الخامات 1. Mineral Exploration and Ore Deposits	الجيولوجيا
جيولوجيا البيئة والزمن الرابع 2. Environmental and Quaternary Geology
جيولوجيا البترول والمياه 3. Petroleum Geology and Hydrogeology
الجيوفيزياء التطبيقية 4. Applied Geophysics
الكيمياء الشرعية التطبيقية 1- Applied Forensic Chemistry	الكيمياء
الصناعات الكيميائية 2. Chemical Industries
صناعة البوليمرات و البتروكيماويات 3. Polymers and Petrochemicals Industry
الكيمياء الحيوية 4. Biochemistry
الميكروبيولوجيا التطبيقية 1. Applied Microbiology	النبـــات
البيئة النباتية التطبيقية 2. Applied Plant Ecology
زراعة الأنسجة النباتية وتربية النبات 3. Tissue Culturing and Plant Breeding
تكنولوجيا إستصلاح وإستزراع الأراضي الصحراوية    4. Technology of Desert Lands Reclamation and Cultivation
التلوث البيئي والأمان الحيوي 5. Environmental Pollution and Biosafety
حشرات إقتصادية و طبية 1. Economical & Medical Entomology	علم الحيوان
التحاليل المعملية البيولوجية 2.Biological Laboratory Analyses
اللافقاريات والطفيليات 3. Invertebrates & Parasitology