دبلومه الكيمياء الحيويه التحليلية علوم عين شمس

بِسْــــــــــــــــمِ اﷲِالرَّحْمَنِ الرَّحِيم

يضم هذا المقال من موقع « علومنجى دوت كوم » كل ما يخص دبلومه الكيمياء الحيوي كلية العلوم جامعة عين شمس من التقديم والمصاريف والمواد والدراسة والحضور والاقسام ... الخ.

ميعاد التقديم 

التقديم بيفتح غالبا فى أخر شهر 8 (26-8) حتى أخر شهر 9 (21-9) 

كذلك بيفتح غالبا فى بداية شهر يناير (12-19 يناير)

ويمكنك التقديم خلال يوم الثلاثاء والأربعاء والخميس من كل أسبوع

الكلية تقبل الجنسين (طلبة وطالبات) .

الاوراق المطلوبه

1. عدد 2 صوره البطاقه الشخصيه (الرقم القومى) .
2. شهاده الميلاد كمبيوتر " اصل – صورة".
3. شهاده التقدير 4 سنوات (شهادة بيان الدرجات) "أصل – صورة" .
4. عدد 4 صور شخصيه .
5. شهاده التخرج "أصل وصورة".
6. شهادة البكالريوس المؤقته.
7. موافقه جهة العمل او اقرار بعدم العمل.
8. اصل شهادة تأديه الخدمه العسكريه او الاعفاء منها (صوره شهادة التجنيد).
9. عدد 2 ملف بلاستيك.
10. عدد 2 دمغه فئه 1 جنيه
11. عدد 5 دمغات مهن علميه.
12. 500 جنية مصاريف فتح ملف + التسجيل على الموقع دا والطباعه

مصاريف الدبلومة

• مصاريف الدبلومه حوالى 5000 جنية لدبلومه التحاليل الحيويه او البيولوجيا الجزيئيه 
• مصاريف التمهيدى 2500ج + كتاب عملى ب 300ج

عند الرفض لاترد مصاريف الملف واللائحه. 

الاقسام المطلوبة

• الدبلومه لطلبة كيمياء مزدوج (كيمياء حيوى, كيمياء/ميكرو , كيمياء/كيمياحيوى , كيمياء/حيوان , بيوتكنولوجى ) .
• بعض الناس بتقول غير متاحة لكيمياء اسبشيل وبعضهم بيقول متاحة.

لازم تكون درست 6 ساعات كيمياء حيوى على الاقل

 

هل الدبلومه معتمده 

أه معتمده ومعتمده يعنى معتمده من وزاره الصحه وتقدر تاخد الترخيص من غير قضيه.

التقدير المقبول 

التقدير بيبقى على حسب العدد اللى مقدم وتقديرهم لكن غالبا بيبقى من جيد.

للتواصل والأستفسار

ده رقم ا. كامل هو هيقدر يفيدك لأنه مسئول عن الدبلومة هناك برضو

دا إيميل دكتور ليلى محمد أحد الحاصلين على الدبلوم. 

نظام الدراسة

• الحضور غالبا يومين "السبت والثلاثاء" أو "الاثنين و الثلاثاء" حسب الاختيار العشوائى للاسماء.
• النظرى يوم من 8-5 مساءا 
• العملى بيبدأ من نص شهر 12 وبيبقى 4 ساعات وبيخلص على شهر 5 
• بنمتحن فى اخر شهر 5 امتحانين واحد عملى علية 50 درجه وواحد شيت وسيد بنش والعلمى كلة علية 200 درجه منها 50 درجه كوالتى كنترول واحصاء وفى 4 شيتات خلال السنه ب 40 درجه على كل جزء بنلخصه فى العملى وبيضافوا فى الاخر.

ملحوظه : طبعا يشترط حضور العلمى لان علية درجات وليك غياب من 3-4 مرات بحد اقصى ولو تخطيتهم بتمنع من دخول الامتحان. 

• الامتحان النظرى فى شهر 8 بتاخد مجموعة مواد تخلصها الترم الاول ومجموعه مواد تخلصها الترم الثانى
• نظام الامتحان بيبقى 3 مواد او 4 مواد فى يوم واحد تحت مسمى رقمى وبيبقى الامتحان 3 ساعات.
• أولا فى جزء عملى وجزء نظرى ... النظرى بيبتدى على شهر 11 وهو يوم واحد فى الاسبوع "غالبا بيكون السبت من 8-5 مساءا" 
• المنهج بيتقسم لترمين لكن الامتحان بيبقى اخر السنه غالبا فى شهر 8 . 

الامتحان النظرى بيكون
Nucleic acid , protein , immune , micro , hormone , cancer , body fluid , instrument , cancer , enzymatic  

نظام الحضور

لازم حضور والدكاتره صعبين شويه لكن هتستفاد كتير 

وبعض الطلبة بتقول ان الحضور للسكاشن بس هو اللى المهم وعليه غياب انما النظري مش مشكله والسكشن بيبقي يوم في الاسبوع وبيختلف من سنة للتانيه .. وغالبا الحضور يومين. 

رأى دكتور محمد قابيل (أخد الدبلومة من عين شمس): 

انا عملتها من سنتين .. هتتعلمي كويس جدا .. بس فيها شغل وحضور .. يعني انا اخدت عشرين سكشن بيتهيالي .. كل سكشنين كويز بدرجات كتير .. العملي مهم فوق الوصف والنظري كذلك .. مذاكره اصعب من الكليه شويه بس هتعدي .. لو بتاعت حضور وبتهتمي وبتذاكري هتعدي لو ف مخك انك واخداها بعدم اهتمام اوي بلاش منها احسن.

نظام الدراسة 

اولا فى جزء عملى وجزء نظرى 

الجزء النظرى بيبتدى الاول على شهر 11 هو يوم واحد بس فى الاسبوع غالبا بيكون يوم سبت المحاضرات بتبقى من 9 الى 5 .

المنهج بيتقسم لترمين: 

بس بنمتحن فى الاخر كله مع بعض على شهر 8 .

الترم الاول

Lipid Instrumental Protein Enzyme Nucleic acid Quality control and statics ودي بنمتحنها فى شهر 2 وبتضاف تبع درجات العملى .

الترم التانى

Micro Hormones Immunology Carbohydrates Body fluid ودي مواد الترم التانى بيبدا على اول شهر 3 وبيخلص على 6 .

العملى 

بيبدا من نص شهر 12 بيبقى يوم اثنين او تلات حسب الاختيار العشوائى للاسماء بييقى 4 ساعات كل اسبوع وبيخلص على 5 وبنمتحن فى اخر شهر خمسة امتحانين امتحان عملى وعليه 50 درجة وامتحان شيت وسيد بنش 20 - 20 ، المهم ان العملى كله عليه 200 درجة منهم 50 درجة كوالتى كنترول واحصاء كما ذكرت سابقا وفى 4 شيتات خلال السنة بنمتحنهم مهمين ب40 درجة على كل جزء بنخلصه فى العملى وبيضافوا فى الاخر الامتحان النظرى بيكون فى شهر 8 Carbohydrates ، protein ، lipid nuclic acid مع بعض وال hormone micro w immun مع بعض وbody fluid w instrument w enzymatic 

طبعا يشترط حضور العملى لانه عليه درجات وليك احقيه غياب 3 مرات فقط أو 4 تخطيت 4 بتتمنع من دخول الامتحان.

رأى دكتور أمانى عبد السلام:

الحضور يومين في الاسبوع يوم شرح نظري ونظري العملي ويوم لشغل العملي
واهم حاجه الحضور يوم العملي
والدراسه سنه كامله مش ترم وترم
بتاخدي حوالي ١١ ماده الدراسه بتبدا ف نوفمبر وبتمتحني ف اخر اغسطس والتقديم بيفتح ف اغسطس المصاريف علي ايامي كانت ٢٧٠٠ عملتها السنه اللي فاتت وهتلاقيها ذات شويا وبتشتري كتاب واحد للعملي ب ٤٠٠ اكيد سعره زاد بردو والدكاتره بيديكم الداتا الا لو دكتور رخم مارضاش وتحاولوا تكتبوا وراه والامتحانات هتمتحني السنه كلها في ٣ ايام كل يوم ٣ او ٤ مواد في ورقه اجابه واحده في ٣ ساعات ومافيش mcq كل المواد مقالي
وفي دكتورين من ضمن ال staff بتاع الدكاتره هيكرهوكم في حياتكم اما الباقي كويسين وعين شمس مافيهاش لعب وهزار لازم مزاكره لان هتاخدي كميات كبيره وناس كتير بتشيل عشان ما بتديهاش اهتمام ف المذاكره فلو عايزه كليه سهله بلاش عين شمس وعشان نظام الامتحانات غبي كمان
المذاكره لازم من اول السنه وهتاخدي فتره حلوه قبل الفاينال حوالي شهر وزياده تجمعي اللي ذاكرتيه وما تركنيش حاجه مش فاهماها عشان ما تلطميش لان الشهر مش كتير
والعملي بيبقيو٢٠٠ درجه منهم ٥٠ درجه علي مادتين و ٦٠ درجه شيتات كل اربع او خمس سكاشن عملي يعني حوالي ٣ شيتات الشيت ب ٢٠ درجه و باقي الدرجات علي spots وشغل العملي وشغل العملي هايف هتطبق خطوات في ورقه يمكن ال spots اصعب شويا لان بيجيب نقطتين صعبين فيها والspots تقريبا ٢٠ درجه
ولازم تشتروا الكتاب طبعا بتاع العملي
الماتريال اللي بندرسها جميله جدا وانا كنت داخله لا افقه شيئ عن التحاليل خرجت بمستوي معرفي كويس جدا جدا لشغل المعامل لاننا بنشتغل بادينا كمان ومعظم التجارب بيجيلنا kits وبنشتغل بادينا مانيوال وطبعا لازم تعلم نفسك وماتعتمدش علي الدكاتره وبس فاليوتيوب والانترنت كنت دايما بذاكر من عليهم
وزي ما في دكاتره ممتااازه دارسه بره واللي راح امريكا واللي كان ف اليابان وقمه الاحترام والذوق والعلم الراقي
ففي داكاتره ماعرفش ازاي بيدرسوا للدبلومه ولا اتعينوا علي اي اساس وخساره يدرسوا وهما اتنين او ٣ بالكتير اما الباقي كويسين
وللي مايعرفش انا جايبه جيد جدا يعني الموضوع مش مستحيل بس مرهق
ونسب النجاح اقل بكتير من نسب السقوط يعني ماحدش يستهون
وطبعا الكليه ما بتقبلش اي حد لازم دارس اقل حاجه ٨ ساعات بيو وماعرفش النظام زي ماهو ولا غيروه فبتعملوا ورقه تقديرات الاربع سنين اللي تثبت انكم درستوا المواد دي فبيبقي الفرصة لقسم الكمياء والكيميا الحيوي والحيوي الخاص اكتر من غيرهم.
انا كنت بحب اعمل لنفسي ورق علي ال word واذاكر منه بطريقتي وتنظيمي عملت ١٠ مواد من ضمن ال ١١ وحطتهم علي اكاونت ال slideshare بتاعي عشان تحملهم اعمل اكاونت عليه او اربطه بالlinkedin بتاعك وهيتحمل عادي

https://www.slideshare.net/mobile/SciAmany 

شهادة الدبلومة

• بالنسبه للتقديم علي الشهاده بتاعه الدبلومه التقديم ب150ج 
• وبنحتاج صور شخصيه 
• والاستلام بعد حوالي 3 أيام.

بعض فايلات المقررات

كربوهيدرات 1
كربوهيدرات 2
الليبدات - الليبدات2