هنبدأ موضوعنا بسؤال وهو إزاي اجيب فكرة "مشروع بحث علمي" او فكره "ماجستير" أو فكره " مشروع تجارى" .... الخ؟ لو سألت نفسك السؤال ده يبقى مبروك .... انت فعلا على اول الطريق ..... اول خطوة فعلية علشان تجيب فكرة كويسة انك تسال .. و طول ما انت بتسال يبقى انت ماشي على الطريق الصحيح .
انت بتسال ... يبقى بتدور على اجابة .. و دة اللي انت هتعملة في بحثك
ابدا الاول بانك تسال عن كل حاجة حولك (( البيت , المدرسة , السوق , الشارع , الزبالة , المزارع , الاصحاب ,.......)) .. و في دفتر ملاحظاتك اكتب افكارك علشان الافكار دية هي اللي هتجيبلك فكرة كويسة
الاسئلة دية هتقودك الى افكار لا نهاية لها و اماكن كتير ...
طب اروح فين علشان اجيب افكار جديدة ؟
طبعا مش هينزل عليك الوحي و انت قاعد في
البيت مستني الفكرة , ولا الانترنت بضغطة زر هيجيبلك فكرة , ... زي ما
قولنا علشان اجيب فكرة لازم اسال , و علشان اسال لازم اعرف , و علشان اعرف
لازم اروح اماكن كتير ادور فيها و من امثلة الاماكن دية :
- مكتبة المدرسة
- المكتبة العامة ( على الاقل روح المكتبة و اقرا في اسماء الكتب و تصفحها )
- المجلات العلمية المختلفة
- البرامج الوثائقية و العلمية
- المواقع و المنتديات العلمية
- الجروبات العلمية على الفيس بوك
- اللقاءات مع المتخصصين و الخبراء في المجالات المختلفة
- شوف الناس الفنيين بيشتغلو ازاي .(( لما تجيبو حد في البيت يصلح التلاجة الزق لية و اسالة كتير ..... الخ ))
- حاول تعرف الحاجات بتشتغل ازاي (مضرب البيض , المكوة , التلفزيون ,...)
- فكر في الحاجات اللي درستها النهاردة في المدرسة و علاقتها بالحياة الواقعية
- فكر في المشاكل اللي انت عايش فيها في مجتمعك
- ممكن يكون خدمة او منتج موجود فعلا ... لكن ازاي اخلي ذوي الاحتياجات الخاصة يستخدموها بسهولة
- ازاي اعمل تعديل على حاجة معينة بحيث اني استخدمها في بيئة او مكان مختلف (( الصحرا مثلا او تحت الماء او ......))
- هل في تعديل ممكن اضيفة على حاجة يزود من الوقت او السرعهة او الكفائة للمنتج
- قارن بين حاجتين او حاول توجد علاقة بين حاجتين
- تخيل , احلم (( بس ما تشحطحش قوي ))
- لو عندكو قهوة قريبة من البيت اسمها قهوة العباقرة .. روح اقعد عليها يمكن تجيب حاجة :)
- ما تقعدش تقول ان الافكار بتيجي بالصدفة ... زي حكاية نيوتن و التفاحة ...... لكن الافكار بتيجي لاصحاب العقول المستعدة للتفكير
بعد ما تكتشف في نفسك شوية اهتمامات و
هوايات اقعد مع نفسك كدة و حدد اية مهاراتك , اهتماماتك , هواياتك ,
المجتمع حولك محتاج اية ... و حاول انك تلاقي النقاط المشتركة بين الحاجات
دية كلها
و الشكل التالي هيساعدك بسهولة انك تجيب شوية افكار كويسة
في الشكل دة بتحدد
اية اهتماماتك : اية الحاجات اللي او ما
تسمع حد بيتكلم فيها عينك بتلمع و و تدخل في الحوار و تتكلم فيها .. و بتحب تقرا
فيها .
اية هواياتك : اية هية الحاجات اللي انت
محترف فيها و بتقدر تعملها بكفاءة و احسن من أي حد
اية حاجة المجتمع : حولك .. الناس محتاجة
اية .. اية مشاكلها .. أي الحاجات اللي
نفسها حد يعملها ليها .
اية المحفزات : اية هية الحاجات اللي
بتشجعك و ممكن تساعدك على الاستمرار .
وبكده عيش حياتك مع الافكار
